轉貼
買門千期唔好去上海街, 弼街口果間板門線(16/10/07)
佢地d 服務差到爆. 落單之前, service 好到爆, 落左訂, 之後有野問, 打電話去問, d 態度差到爆
話說我個幾月前間屋裝修, 要換門, 格左幾間價, 覺得lee間野平小小, 於是就搵左佢地, 點知, 計左出黎, 個價都唔平, 4道門 (2房,1廚, 1廁), 加一道大門, 要成8000幾蚊. 心諗, 算la, 間間都係咁架喇, d 價錢你估佢唔到, 佢話幾多就係幾多.
落左單後幾日, 突然打電話黎, 話我要個款做唔到我要ge尺寸, 要我去簡過, 仲要即日簡, 如果唔係就一定會遲交貨咁話, 果日係星期2, 咁我話, 我放工過黎得唔得, 佢就話, 我地收6點, 要我6點前到, 局住我要請半日假, 落去攪果小小野.
跟住, 我順便去買埋大門鎖la, 因為佢地話佢地安裝, 收300蚊, 我個裝修師傅都話平, 點知, 買左個門鎖, 拎到去佢地間鋪, 激氣野又黎la, 個老闆娘把口, 臭到冇人有. 佢話, 亞X生, 嘩, 你買個咁貴ge門鎖呀, 真係估你唔到wor, 買度大門都係2000幾蚊, 買個門鎖又係2000幾, 又話, lee d 門鎖好難裝, 我心諗, 妳都係想加錢je, 要加幾多, 咪講lor, 洗唔洗講咁多野........ 結果加左我200蚊, 即係500裝門鎖
好了, 過左2個星期, 到差唔多交貨la, 打電話去問, 次次都話轉頭覆, 轉個頭就冇左影, 要鬧先到覆到d 實在ge 答案, 真係勞氣到爆. 好.... 好戲在後頭, 交貨時, 唔見左我個大門鎖, 打電話去間野度問, 收晒工, 我心諗, 都唔知係咪特登玩我, 因為之後攪到吵吵鬧鬧. 到第2日, 攪左一大輪, 先至話, oh sorry 呀, 原來個門鎖係鋪頭, 運輸收貨時唔記得拎, 叫我得閑去拎返, 我心諗, 冇野呀, 係你地ge問題, 竟然叫個客自己去拎返, 唉........於是我又鬧, 鬧左一輪, 先肯搵人送返黎................
我真係估唔到, 買度門, 原來都咁複雜.
lee篇係我第一篇關於今次裝修ge痛苦經驗ge文章, 仲有一間廚櫃公司, 仲衰, 真係衰到........... 我唔識形容
不過, 由於廚櫃工程仲未完成, 所以我唔post 佢地d 野住, 費事比佢地睇到, 將我d 野做得仲衰d.
等佢做好晒所有野, 我再寫晒lee間野d 衰野比大家知道, 又係一間千期唔好幫襯ge鋪頭.
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
