其他親子社群 今日: 0 | 主題: 1218

穜穜一歲網頁-->李的Baby兩歲網頁-李家Baby~

積分: 3489

761^#

發表於 06-6-29 00:57 |只看該作者

Re: 78年"馬"會~~歡迎1978的媽媽(爸爸)! ^v^

我尋日終於順利咁帶左穜穜~去海洋公園玩喇!

我地都玩得好開心呀!天氣都算唔錯架喇!朝早起身果時見到出面落大雨,出門口時又1號風球,真係幾擔心架!好在'有驚無險',全日'海洋公園'區內都冇落雨,好多時仲有舊大烏雲幫手遮住個太陽添!

如果係今日去就慘喇!我地一定變'落湯雞'o者! 遲D再俾相大家睇 & 分享下我地既經歷喇!

不過天氣都幾熱!我地三人都成日流汗,不停咁飲水,果度又要$14以上一支水喎!

真係幾貴,唔買又唔得喎!

好在我地都'偷偷地'帶左2支水,一包BB果汁入去咋!可以慳番少少

遲D再俾相大家睇 & 分享下我地既經歷喇!

angel1106~

多謝你的祝福!

今次唔得閒一齊玩唔緊要喇!希望下次我地有機會帶埋小朋友一齊出去玩喇!

私人傳訊

AKW

積分: 498

762^#

發表於 06-6-29 07:45 |只看該作者

Re: 78年"馬"會~~歡迎1978的媽媽(爸爸)! ^v^

gillianchan,

你份工好好呀! 可以同時返工兼揍女

我相信公公婆婆都好開心每日可以見到穜穜! 你媽咪重會幫你煲粥仔同煮飯, 真係好好呀

我諗穜穜每日都好開心, 有咁多錫佢嘅人陪佢玩! 係呀, 呢邊唔興請工人或陪月. 好彩我媽咪過咗黎幫我手一個月. 不過阿joe喺佢黎咗11日之後先出世, 所以佢陪唔到我到阿joe滿月就要返hk. 我係全職媽咪, 得我自己揍阿joe, 一開始完全無晒自己時間, 依家慢慢習慣d, 好似多番少少私人時間. 不過有時又覺得屋企好多嘢要做, 唔夠時間陪佢玩. 真係唔知點分配d時間好

我阿joe好naughty架, 如果佢未食夠我攞開支奶嘅話, 佢會喊到拆天, 等我比番支奶佢至收聲. 有時佢明明已經飲咗3-4oz都唔比我掃一掃 (佢依家要飲5-6oz). 所以佢間唔中一口氣飲晒6oz就會嘔番d出黎, 好難攪

我係喺呢邊讀書o個時識我老公嘅, 佢係美國人. 我得一個表姐住美國, 都要揸成2個鐘頭車至到佢屋企. 我諗我無你咁'黐外家', 我未結婚前都會自己或同朋友周圍去旅行, 唔係好黐家

你同你老公結咗婚幾耐呀?

好呀, 我返hk一定會話你知

等緊睇你哋去海洋公園d相

私人傳訊

gillianchan

穜穜一歲網頁-->李的Baby兩歲網頁-李家Baby~

積分: 3489

763^#

發表於 06-7-4 00:19 |只看該作者

Re: 78年"馬"會~~歡迎1978的媽媽(爸爸)! ^v^

新資料:(填寫資料的例子)
會員帳號名稱 , 自己出生日期(月/日) --- BB出生日期(年/月/日) 中/英文名仔/囡 (如有多過一個小朋友,請開新一行填寫) 居住地區

新表~~~~~(請各位copy此表,再填上新資料,thanks!)

1. gillianchan (6/27) --- 穜穜(05/3/19) 囡囡 ...將軍澳
2. AKW (4/17) --- Joe (06/4/11) 囝囝 ... 美國
3. angel1106(11/15) Angel(04/11/6) 囡囡...元朗

----------------------------------------------
以下資料係來自~~78媽咪集中營~請進

SzeTse ------------------ 10-02-1978
Ivy--yeungyeung -------- 05-09-1978
swingBB mami ---------- 13-07-1978
yamichung -------------- 10-10-1978
chingko ----------------- 02-11-1978
my1215sui -------------- 15-12-1978
judy_chu ---------------- 22-4-1978
gillianchan --------------- 27-6-1978
angel1106---------------15-11-1978
-----------------------------------------------

AKW~

我份工OK喇!不過要同時返工兼揍女,都幾辛苦架!好在有'婆婆'幫手咋!

因為佢而家唔止識行識走,仲開始爬'梳化'喇!尋晚佢第一次爬到上去,仲企起身跳舞,我見到想走過去抱佢落黎都太遲喇!佢已經跌左落地,喊得好大聲,真係嚇死我呀! :cry: 好在我一抱起佢,佢就收聲咋!

請問你係順產定開刀架?美國興邊樣生BB方法呢?政府既協助夠唔夠呢? 好彩你生BB時媽咪都有過去幫手,可惜阿joe~未滿月佢就要返hk.咁果時你都幾慘喎!生完BB頭2個月最累最不知所措,全日大部份時間得你一個人照顧BB,真係幾辛苦喎!好在我果時係'外家'住左成3個月呀!仲有客房,可以俾我同老公一齊去住添!

嗯!做全職媽咪都唔易架!尤其得自己一個人揍BB,又要做家務,真係會無晒私人時間,不過尼幾多月,BB仲會成日訓教,你仲可以乘機休息下,遲D佢識行識走,四圍搞野,你仲辛苦呀!所以要好好珍惜!把握機會喇!

阿joe都唔係naughty呀!我囡囡都係咁架!如果唔想佢飲奶住(例如:要先換片) 一定唔可以俾佢見到支奶,唔係佢就會大叫/喊,直至有得飲,佢至肯收聲.好在佢由細到而家都好少嘔奶,唔算太難搞 :

有時佢明明已經飲咗3-4oz都唔比我掃一掃 (佢依家要飲5-6oz). 所以佢間唔中一口氣飲晒6oz就會嘔番d出黎, 好難攪

哦!原來你喺美國讀書時識老公嘅,咁你家人初時會唔會有D抗拒呀?始終佢都係'外國人'嘛! 或者你係外國讀書又會同朋友周圍去旅行比較獨立喇!無咁'黐外家',咁都好呀!可以早D習慣嘛!

我同老公結咗婚就黎5年喇!(01年10月),咁你地呢?

好呀!遲D你返hk,我地一定搞活動歡迎你

OK!等我過2日放D海洋公園相上網再通知你喇!

私人傳訊

積分: 7006

764^#

發表於 06-7-7 23:01 |只看該作者

Re: 78年"馬"會~~歡迎1978的媽媽(爸爸)! ^v^

Hi Hi, 我係新任既78年媽咪, 囡囡就黎5個月啦!

新資料:(填寫資料的例子)
會員帳號名稱 , 自己出生日期(月/日) --- BB出生日期(年/月/日) 中/英文名仔/囡 (如有多過一個小朋友,請開新一行填寫) 居住地區

新表~~~~~(請各位copy此表,再填上新資料,thanks!)

1. gillianchan (6/27) --- 穜穜(05/3/19) 囡囡 ...將軍澳
2. AKW (4/17) --- Joe (06/4/11) 囝囝 ... 美國
3. angel1106(11/15) Angel(04/11/6) 囡囡...元朗
4. allyyy (11/8) --- 嵐嵐 (12/2/06) 囡囡 ... 大埔

私人傳訊

AKW

積分: 498

765^#

發表於 06-7-8 02:18 |只看該作者

Re: 78年"馬"會~~歡迎1978的媽媽(爸爸)! ^v^

gillianchan,

穜穜開始爬梳化, 好危險呀

好彩無事, 咁你要睇實佢至得啦! 佢喺梳化度跳舞咁cute?? 我都想睇吓

我諗佢呢個age一定好好精力同非常好奇, 真係咩都會試!

我係順產嘅 (美國呢度唔同hk, 我無得"簡", 除非係特殊情況, 否則一般孕婦都要先試自己生, 最後無辦法至開刀). 我足足痛咗(肚+背) 成26個鐘至比我入院 :-( (呢度醫院規定未開到4度唔比入院)

實在太痛, 所以打無痛針. 但係因為開得好慢, 藥力退咗, 又痛過

結果攪咗13個至生咗阿大肥joe出黎 (佢出世時有8.9lbs). 真係好難忘! 好彩有老公同阿媽陪住我.

你係順產定開刀? 有無好似我痛咁耐呀? 你屋企人好好呀

照顧你同bb, 重有你老公成3個月咁多! 你媽咪一定整好多補品你食! 有人幫手真係好好呀! 我就要一腳踢, 不過我老公都算幾幫得手嘅.

我屋企人都好開通, 都無反對我同外國人一齊. 我諗佢哋都無我乎, 大家相距咁遠.

我哋04年3月時喺沙灘結婚, 我爸媽, 大哥大嫂都有過黎. 你哋結咗5年喇, 好耐呀! 有無諗住再生多一個bb?

多謝你先, 到時阿joe就可以同穜穜玩喇!

私人傳訊

AKW

積分: 498

766^#

發表於 06-7-8 02:35 |只看該作者

Re: 78年"馬"會~~歡迎1978的媽媽(爸爸)! ^v^

allyyy,

你好

我都係新任媽咪, 我囝囝先就黎3個月咋! 多多指教!

係呢, 你多數同你囡囡玩d咩嘢呀?

私人傳訊

積分: 7006

767^#

發表於 06-7-8 09:34 |只看該作者

Re: 78年"馬"會~~歡迎1978的媽媽(爸爸)! ^v^

AKW,
我生囡囡時都痛左好耐呀, 因為BB過左預產期1個星期, 所以係催生的: 我由下午1點半入產房催生, 到第二朝9點半先因為子宮最後都開唔到10度而要開刀生, 係產房都經歷左成20個鐘先入手術室呀! 不過好奇怪, 陣痛時我完全唔覺得痛喎, 尤其初初開左幾度果陣, 真係一D痛都冇, 反而係個姑娘叫我唔好忍痛, 主動俾笑氣我聞, 係之後開到5、6度時先開始覺得好辛苦好辛苦咋。妳好叻呀, 8磅9都可以自己生, 我個BB都係8磅4咋!

亞Joe咁叻叻飲5、6安奶拿? 我個囡嵐嵐宜家都係食4、5安咋, 可能亞Joe重過嵐嵐添呀!

宜家嵐嵐最鍾意玩食mum mum, 我地用碗同筷子扮俾佢食野佢就kaka笑架啦!

私人傳訊

積分: 1361

768^#

發表於 06-7-8 22:21 |只看該作者

Re: 78年"馬"會~~歡迎1978的媽媽(爸爸)! ^v^

Hello all~
我都係78年既媽咪~ 囝囝就黎3個月喇~
AKW~
我囝囝細你bb 6日咋~

私人傳訊

積分: 1361

769^#

發表於 06-7-8 22:27 |只看該作者

Re: 78年"馬"會~~歡迎1978的媽媽(爸爸)! ^v^

allyyy~
你好勁呀~ 陣痛時完全唔覺得痛~
我因為穿左水, 所以要催生, 落左藥無幾耐就已經覺得好痛, 痛左6個鐘頭先開左4度, 聞笑氣&打止痛針都無用, 後來仲用埋無痛分娩, 不過都開唔到10度... 最後開刀生....

你bb8磅4, 咁咪好好湊囉~ 我Nathan出世7磅咋~ 不過好彩呢幾個月都重得幾好~

私人傳訊

積分: 7006

770^#

發表於 06-7-9 14:09 |只看該作者

Re: 78年"馬"會~~歡迎1978的媽媽(爸爸)! ^v^

Hi gelgelk,

我都嘗試過聞笑氣(因為姑娘好心驚我死忍痛), 但cup住個口+鼻, 用盡力聞都聞唔到喎, 嘻嘻, 好彩我唔覺得痛咋, 但姑娘話我係痛到傻左喎!

咁啱我地都係開唔到10度而要開刀喎, 不過我嵐嵐唔好彩, 因為我在產房時發燒, 攪到佢出世時都有d燒, 要住兒科, 重要拮住支大針幾日呀陰功!

係呀, 8.4磅真係幾好湊, 嵐嵐一出世條頸和腳仔就已經有力架啦... 個兒科姑娘都唔知佢係啱啱出世, 見我著住病人衫黎探bb, 仲問我點解我"咁耐"都未出院

Nathan出世有7磅都幾好呀, 我未生時都希望bb係咁上下重, 諗住唔使生得咁辛苦吖嘛, 陀又唔使陀得咁辛苦喎...不過最緊要係bb健健康康, 齊齊整整, 我生之前成日都好担心個bb有d咩唔正常架, 到佢出世先鬆一口氣咋!

係呢, 妳係咪全職mami黎? 定係仲放緊產假呀? Nathan介左夜奶未呀?

私人傳訊

積分: 1361

771^#

發表於 06-7-10 12:35 |只看該作者

Re: 78年"馬"會~~歡迎1978的媽媽(爸爸)! ^v^

allyyy~
嵐嵐要拮住支大針幾日

你一定好心痛喇... :-(
Nathan 出世果陣有d黃, 要照一日燈, 雖然我睇唔到佢照燈o既樣, 但我都覺得佢好慘... 如果俾我見到, 我一定喊到收唔到聲呀... :-(

我暫時都係全職媽咪, 不過依家開始搵工喇... 返工後一定會好掛住bb喇... :-(
Nathan仲未介夜奶呀... 佢個鬧鐘肚好準時4個鐘就會叫醒佢, 我俾個安撫奶咀佢就最多瞓多個零鐘, 佢就一定要食奶架喇... 都唔知點幫佢介好... 有時聽到佢個肚仔"咕嚕咕嚕"叫, 又唔忍心唔俾佢食...

係呢, 你點幫嵐嵐介夜奶架?

私人傳訊

積分: 7006

772^#

發表於 06-7-10 22:55 |只看該作者

Re: 78年"馬"會~~歡迎1978的媽媽(爸爸)! ^v^

嵐嵐滿月就介左夜奶啦(好彩

)
初時(頭幾日)當佢半夜醒時咪俾d水佢飲, 又將每日最後果餐奶較到好夜先食, 如11, 12點咁, 過左幾晚佢就唔洗食夜奶或飲水la! 不過佢到半夜都會醒, 要起身暗佢訓返先得, 再過多一個月到, 佢就一覺訓到天光了(5, 6點)
我都唔知咁做係咪啱嫁, 不過用係我個囡身上就work law!

Nathan越大, 表情動靜越多越可愛果陣, 妳仲唔捨得返工添呀! 係呢, 妳宜家搵工, 怕唔怕d顧主因為妳有個bb而唔請妳呀? 我都想轉工呀, 因為我現在呢份工要返大陸呀!!!

私人傳訊

AKW

積分: 498

773^#

發表於 06-7-11 05:53 |只看該作者

Re: 78年"馬"會~~歡迎1978的媽媽(爸爸)! ^v^

allyyy,

你好叻呀, 陣痛完全唔痛!! 我覺得陣痛重痛過真係push個bb出黎嘅時候好多. 我個bb都係過咗預產期6日至生架. 由於我個子宮開得好慢, 所以都有用摧生藥, 但都攪成39鐘至生到. 你個囡囡都好勁, 成8.4lbs

嵐嵐依家有幾重呀? 佢有無成日玩反身? 佢開始食solid food 未呀? 佢好得意呀, 鍾意玩食mum mum, 可能第時會鍾意玩"煮飯仔"

私人傳訊

AKW

積分: 498

774^#

發表於 06-7-11 06:34 |只看該作者

Re: 78年"馬"會~~歡迎1978的媽媽(爸爸)! ^v^

gelgelk,

你好

你都係4月媽咪呀, 真係啱喇!! 你囝囝重要係同我同一日生日, 好有緣呀!!

Nathan仲未介夜奶呀? 佢每餐食幾多安呀? 一日食幾多餐呢? 我阿joe兩個月大時都係由夜晚12左右食最後一餐, 4-5點要再食一次, 之後變5-6點. 後來我睇一本書教用"cluster feeding", 即係夜晚個幾餐餵密少少, 定佢食飽d瞓好d. 依家阿joe可以瞓到9-10點度至再食. 不過佢有時6-7點都會醒吓, 比個奶咀佢, 佢又瞓番. 我諗nathan都會好快介到架喇! 加油呀!

私人傳訊

積分: 1361

775^#

發表於 06-7-11 12:06 |只看該作者

Re: 78年"馬"會~~歡迎1978的媽媽(爸爸)! ^v^

allyyy, AKW~

Nathan最後果餐奶已經係12點, 1點先食架喇... 但係無論佢幾點食都好, 4個鐘頭後一定會醒... :tongue: 嵐嵐好叻喎, 一個月就介到夜奶, Joe都好犀利呀, 可以瞓到第二朝9, 10點先再食~ 真係羨慕你地呀~ 等我都試o下夜晚餵密d &半夜俾水佢飲先… 希望佢快d介到啦…. 唉, 就快3個月大喇…

我都怕有d顧主會介意架, 不過佢要咁都無辦法, 依家我主要搵政府工先, 我之前o係政府做過, 希望有d優勢, 同埋政府話自己係平等機會顧主嘛~

係呀, 一定會好掛住bb, 不過無辦法, 依家仲等緊中六合彩, 最好搵到份放工可以即刻"碌"返屋企o既工

(發夢中)

AKW, 我一定會記得你生日喇~

私人傳訊

gillianchan

穜穜一歲網頁-->李的Baby兩歲網頁-李家Baby~

積分: 3489

776^#

發表於 06-7-14 23:38 |只看該作者

Re: 78年"馬"會~~歡迎1978的媽媽(爸爸)! ^v^

gelgelk~

HI!你仔仔好可愛哦!咁快識望鏡頭

你襯佢而家仲咁'乖'就要好好享受下喇!多D上黎傾計,遲D有排你受哦!想做下自己野都唔得呀!

嘩!你仲慘喎!又要經歷咁耐陣痛,最後都係要開刀,我同你既情況都有D似,不過好過你,因為我好快'搞掂',囡囡仲有8.5磅添!好似人地'滿月'BB咁

(詳細請看以下我給AKW~ 的留言 THANKS!)

唉!我同你一樣,等緊中六合彩呀!咁我地要輪流買喎!我中完都你中

咁就大家都唔駛做喇!

allyyy~

HI!歡迎你呀!有時間多D入黎傾計喎!

o依!你囡囡叫'嵐嵐'呀!好好聽呀!本來我都想幫囡囡改尼個字,叫'穎嵐',不過老公唔多鐘意,話好似男仔名喎!

所以最後改左叫'卓穜'(音'彤') 特別D,又似女仔名喎! 咁你囡囡個名另一個係乜野字呀? (唔駛打姓氏)

你囡囡而家5個月大,一定好可愛o者!可以任你'舞',又唔識曳曳,你要好好珍惜尼段日子呀!因為再過多幾個月,你想同佢一齊坐定定食餐飯都幾難喇!

我同囡囡就調轉喇!我日日俾佢玩,佢又坐唔定,走來走去爬黎爬去,我追佢都追到氣咳呀!因為怕佢走/爬高會跌倒受傷,但係我又唔想太保護佢,想俾佢自己行下,嘗試下各樣野,唯有跟住佢後面睇住佢玩,希望佢唔小心跌親,我都扶得切佢

嘩!你都好慘喎!又要經歷陣痛,又要開刀,我同你既情況都有D似,不過好過你少少,因為好快'搞掂',我囡囡仲重你囡囡少少添!

詳細請看以下我給AKW~ 的留言 THANKS!

我同你一樣,生BB時都有D發燒,攪到囡囡出世第二朝都發燒,要住兒科觀察,住左一日'暖箱',連拮七日支日!我見到成日都忍唔住喊! :cry: 好在佢出院之後都算OK,而且同嵐嵐~一樣滿月已經戒左'半夜奶'啦!11-12點可以訓到5-6點

AKW~

係呀!雖然穜穜~而家成日做D'搞笑'野,跳舞,走來走去,'EE呀呀'咁唱歌,飛吻...有機會叫佢表現你睇

不過佢都好曳架!精力充沛,好奇心非常重,咩都想搞想試!危險佢又唔知喎!真係要睇到佢實至得架!

我係開刀架!因為我係公立醫院生,本來都冇得自己揀架!但係我係'特殊情況',因為我遲左預產期9日喇!入院做左2日催生,BB都唔肯出黎,只覺得有輕微的陣痛,又冇'見紅',又冇'穿水',仲一度都冇開過

(女醫生仲搞笑到話要用手幫我'開'

) 之後照超聲波,顯示BB可能過十磅,所以立即開刀,雖然半身麻醉,見住醫生開刀拎BB出黎好得人驚,藥力過左個肚又真係好痛,不過比起你痛左26個鐘先入院,之後再要痛多13個鐘先生到阿joe,我已經比你輕鬆好多喇!

後來囡囡磅重,原來得8.5lbs咋!其實唔開刀我都可能生得到,不過唔知要過多幾多日,痛多幾耐lu,而家錯有錯著,都幾好丫,而且囡囡趕得切做'雙魚座'BB女,都幾好呀!同我尼個'巨蟹媽媽'夾D丫嘛!

我幾驚佢係'白羊囡囡'呀!聽講好難教架!

你話:好彩有老公同阿媽陪住你. ---佢地係幾時陪你呀? 入產房時?(本來我老公都上左堂,可以入去陪我生BB架!不過我暫時改左開刀,所以佢唔可以留低陪我) :-(

係呀!我屋企人好好架!生BB前後,佢地都好照顧我同老公,當然仲有bb喇!佢地真係好錫個孫女架!有時搞到我都呷醋

本來我都冇諗住住成3個月咁耐架!不過有地方,而且佢地又唔想我咁辛苦喎!所以咪拖下拖下住左咁耐囉!我果時都冇特別'補'喎!只係食下'薑醋蛋'因為怕肥嘛!

你屋企人都幾好呀!好開通,只要你鐘意就得,都無反對你同外國人結婚.我家人就唔得喇!因為我地一家都唔識英文,實溝通唔到

原來你地兩年前係沙灘結婚咁浪漫呀!一定好難忘好sweet o者!

好呀!等你同阿joe返黎呀!

私人傳訊

積分: 1361

777^#

發表於 06-7-15 13:12 |只看該作者

Re: 78年"馬"會~~歡迎1978的媽媽(爸爸)! ^v^

gillianchan

你好呀~~
乜白羊bb好難教架? 我bb係白羊座架...

私人傳訊

AKW

積分: 498

778^#

發表於 06-7-20 05:55 |只看該作者

Re: 78年"馬"會~~歡迎1978的媽媽(爸爸)! ^v^

gillianchan,

穜穜咁好奇, 學嘢一定好快喇!

咩都比佢自己試吓好重要, 你最多跟住佢尾, 睇緊d, 唔好比佢受傷.

你一定陀得穜穜好好, 所以佢唔想出黎! 佢係女仔有成8.5lbs好大隻架喇

佢依家有幾高幾重呀? 食得多唔多嘢呢? 你陀囡囡時重咗幾多磅呀? 減番晒未呀? 我陀阿joe時重咗成40lbs, 到依家都重有成10幾磅到可以回復舊時咁...

次次見到個肚腩都好唔開心 :-( :-(

我生個間醫院可以比老公同一個親友陪產, 所以我老公同阿媽由我入院一路陪我陪到我出院呀! 間產房好大, 有電視, dvd+cd機, 雪櫃, 洗手間, 仲有張單人梳化牀同幾張椅, 好似酒店咁. 我自己整咗cd帶去聽, 幫助減壓. 個陪產男護士(好老好有經驗)仲'攪'暗d燈, 好relaxing. 生完其實可以留番係同一間房, 不過有個護士比間有兩張牀嘅房我哋, 仲好! 所以我老公同阿媽輪住一人陪我同阿joe過一晚夜. 呢度好主張bb生完出黎之後就一路同媽咪一齊.

雙魚囡囡好呀, 同你夾呀! 第時應該會好溫柔

其實白羊同巨蟹都可以夾嘅, 我係白羊, 而我其中一個最好嘅朋友都係巨蟹座 (佢大你一日咋!). 我唔驚我囝囝係白羊, 因為我同我老公都係呀!

私人傳訊

AKW

積分: 498

779^#

發表於 06-7-20 06:15 |只看該作者

Re: 78年"馬"會~~歡迎1978的媽媽(爸爸)! ^v^

gelgelk,

nathan夜晚有無瞓得耐d呀?

私人傳訊