＋

自由報料

收藏本版
發帖
返回列表
跳至頁

首頁
3738394041...71

尾頁
   146
rab


大宅

積分: 1388


761#
發表於 07-12-19 13:11 |只看該作者
轉貼

銅鑼灣清亭越南餐廳老闆娘太態差到不能形容(18/10/07)

話說17/10/2007起身諗住去吃由細到大幫襯開個間越南餐廳,兩兄弟又再一齊開鋪了,搬左新鋪第3次上去,上度去叫左個豬排撈檬,佢就黎左豬肉撈檬,同個火記講,佢話我地無豬排撈檬,只有香矛豬排撈檬,根本同一樣野,我次次都咁叫點會錯!之後火記走左去,另一個火記講又話出左單無得換,我話我係客人無得換,唔係嘛!跟住我見到女既老闆我就話不如你問下老闆娘有無得玩啦!火記就去問,我遠遠聽到老闆娘話"咁咪叫佢試下囉"之後等左成2分鐘,無人理我,見到老闆娘望個黎,我就問咁依家換唔換呀,佢竟然話"唔換"!(真係火都黎)之後我話唔換咁我咪唔食囉!2分鐘後,老闆娘叫個火記同將我枱面所有既野收起曬,跟住同我講"咁你起身走"之後我話你地咁既服務態度一定等無生意,老闆娘就講"好恨做你37蚊生意呀"我叫個餐37蚊,凍飲加2蚊,加一都唔至37啦!你話咁樣既餐廳點去呀,燕萍個老細一定比佢拖衰!以為自己生意好唔休做!我係消費者,我比錢吃野係享受,宜家仲要受氣!清亭老闆娘既衰野仲有好多,有一次中午,有一個媽媽等位,老闆娘問人地幾多位,到齊未,個個媽咪話3個到齊了,原來有一個係BB車,老闆娘竟然太態差到同個火記講,佢話咁樣係3位喎, 收起一個位啦!之後仲要一直怒脾人地一家3口,幾無品!好似BB唔係人咁!
打擊黑店click
            
私人傳訊

rab


大宅

積分: 1388


762#
發表於 07-12-19 13:13 |只看該作者
轉貼

朗晴坊[避風塘辣蟹](朗豪坊隔離) (18/10/07)

前 幾 晚,,去 左 呢 間 " 西 餐 廳 "食 飯
話 說 我 地 3 個 人 去 食 ,,好 多 人
等 位 等 左 成 粒 中,,我 地 見 咁 多 人 排 隊
以 為 實 係 好 好 食 啦! 點知,
我 地 叫 左 佢 地 好 馳 名 ga 避 風 塘 炒 蟹,,酥 炸 珍 珠 蠔 ,,豉 汁 炒 蜆 ,,(之 後 變 埋 蟶 子),,
櫻 花 虾 咸 魚 炒 飯 ,, 3 串 燒 牛 柳,,,,仲 有 咸 檸 七,,
先 講 炒 蟹 ,,唔 好 意 思 ,, 我 真 係 睇 唔 到 隻 蟹 係 邊
成 碟 野 都 係 炒 " 算 " 黎 咁 滯 , , 食 蟹 要 好 似 尋 寶 咁 x 樣
我 明 明 叫 左 中 辣 , , 佢 比 左 小 辣 , , 你 地 知 唔 知 , , 呢 隻 臭 蟹 竟 然 要 $ 2 8 8
酥 炸 珍 珠 蠔 , , 真 係 好 珍 珠 , , 珍 珠 到 食 落 去 係 粉 黎 ga
大 佬 , , 炸 珍 珠 未 就 有 你 份 , , 最 好 笑 , , 我 個 f d 食 到 有 一 隻 係 冇 蠔 ga
燒 牛 柳 , , 雖 然 d 牛 肉 唔 錯 , , 好 多 汁 , , 但 係 咸 到 仆 街,,
櫻 花 虾 咸 魚 炒 飯 , , 櫻 花 虾 係 咩 @ @ ? 其 實 係 虾 乾,,
呢 碟 野 , , d 咸 魚 大 大 粒 , , 咸 到 你 唔 信 ,,
好 似 係 5 0 幾 蚊 , , 同 你 係 茶 餐 廳 食 到 g a 差 唔 多 , , 可 能 茶 餐 廳 仲 好 食 d tim
豉 汁 炒 蜆 , , ( 之 後 變 埋 蟶 子 ) , , 呢 個 係 我 全 晚 覺 得 唯 一 o k g a 菜
但 係 都 好 普 通,,
服 務 方 面,,
如 果 5 分 滿 分 , 我 會 比 - 5 分
1, 差 唔 多 有 位 g a 時 候 , , 我 去 左 7 仔 買 煙
我 2 個 朋 友 落 左 去 先
返 到 去 , , 個 知 客 話 比 我 聽 佢 地 係 c 枱
叫 我 落 去 就 有 同 事 幫 我 帶 位 , , 我 都 聽 到 佢 有 嗌 咪 , ,話 我 落 去 搵 人
落 到 去 , , d 撚 樣 望 都 唔 撚 望 我 , , 我 知 h i 你 c 枱 係 邊 咩
結 果 自 己 搵,,
2, 落 單 又 落 錯 2 次
我 地 叫 炒 蜆 變 左 炒 蟶 子
炒 蟹 中 辣 又 變 小 辣
埋 單 5 0 0 幾 蚊 ,,
真 係 西 到 爆 , , 比 返 錢 我 都 唔 會 去 !
打擊黑店click
            
私人傳訊

rab


大宅

積分: 1388


763#
發表於 07-12-19 13:15 |只看該作者
轉貼

各位小心!!!~~屯門新星海鮮酒家(20/10/07)

請大家不要上當!!!
本人今日(十月二十日) 到屯門新星海鮮酒家飲早茶, 起初落單亦如常, 但當加單的時候, 等了半個幾鐘, 中途亦問左幾個waiters, 都話黎緊, 結果等了再等, 只好埋單同埋cancel加單, 那位經理'余國文'即時唔知攪咩唔第一時間去counter埋單, 結果埋單要正價, 本人即時理論, 他語帶恐嚇, '唔理~總之宜家係要正價啦!!!' 話我過左十一點埋單, 問題唔係錢, 係waiters咁話等一陣?緊黎, 同埋我十一點埋單, 你拖咁耐唔去counter埋單, 咁仲唔係屈錢!? 仲大聲夾惡話 '唔理~總之宜家係要正價啦!!!'~ 經理
可以用咁態度同語氣咩!? 同老屈有何分別!?
唔通飲茶落單, 你無黎野食黎, 我埋單要雙計!?
呢間野屈錢~各位唔好上當!
打擊黑店click
            
私人傳訊

rab


大宅

積分: 1388


764#
發表於 07-12-19 13:17 |只看該作者
轉貼

中環x芳園(20/10/07)

之前睇d網友介紹話x芳園新個間比較好食
所以今日特登由屯門黎中環一試
其實最主要都係睇左阿so所以想黎
總共叫左 : 咖央多士 , 雞扒撈丁 , 創意奶茶冰冰 , 咸檸七
咖央多士 : 唔熱 有少少放涼左0既感覺 , 味道同一般茶餐廳冇乜分別 , 嫌佢甜左d
雞扒撈丁 : 雞扒一般貨仔 , d薑蓉唔係好夾d麵 , 勝在麵身唔係痴埋一舊舊 , 但真係麻麻
創意奶茶冰冰 : 成杯奶茶得一粒冰係用奶茶做 , 同阿so個節目完全唔同 , 係茶味比較香而已
咸檸七 : 一般柑桔加七喜 , 味道不錯
食完以上個d唔信邪 冇理由冇一樣野係真係味道唔錯嫁 ( 自問垃圾口 但真係唔覺有咩特別 )
於是再相信網友0既推介 - xx辣味豬扒包
xx辣味豬扒包 : size細過樓下d腸仔包 , 包脆但不熱 , 整體黎講真係凱c度買個豬扒包都好食過佢
埋單總共 : hkd $ 74
開頭以為阿so好得....點知一試....
節目內阿so舉哂姆指
我就.....
雖然上節目就一定整得比我地街客食0既好味
但街客食0既味道就真係.....好一般

打擊黑店click
            
私人傳訊

rab


大宅

積分: 1388


765#
發表於 07-12-19 13:19 |只看該作者
轉貼

不滿屯門小欖燒烤樂園!!!!一肚氣(21/10/07)

近來天氣咁好,最好就去BBQ
去開又好味果間劉星花園早一日訂位但都FULL哂
(應該係想控制人流 保證食物質數)
無得揀底下一班朋友唯有退而求其次
去唔好食但搭車位置方便既呢一間 ''小欖燒烤樂園 ''
果度係前所未有咁多人,我唸應該有2千人
尋晚8:30PM去到响門口已經問定有無位先,佢話有我地先肯入去
每位$78 另加開爐費 (我預計唔止係有位坐,應該包括埋係有野食啦!)開完爐.........食物質數已預左無要求.......
點知仲可以係無野食揀,只得..牛朳...雞亦...腸仔...魚旦...燒賣...金沙骨...煙肉...(非常不滿)
最基本既 豬朳...粟米...豆卜...魚塊...菜...蕃薯...小紅腸...尤魚...樣樣都無,其實唔夠食物唔應該再放客入去啦!
無良食店 食品質數已經唔顧及 重要連數量都有問題
以後都唔會再去了!!!
打擊黑店click
            
私人傳訊

rab


大宅

積分: 1388


766#
發表於 07-12-24 17:48 |只看該作者
轉貼

旺中黑店(221/10/07)

今日行花園街見到件外套59蚊幾中2,咁我冇買到,之後去左旺中,又比我見到果年外套,咁我見個衫架個 label若隱若現寫住59.9,又好似"meet"走左少少個價錢咁,咁我以為果個價錢係我就冇再問佢幾錢,點知到收$果陣我比張100蚊佢,佢就話"收你100蚊"..咁我就o係度等找$,點知佢唔找,我就問"件衫唔係59.9咩?"
佢就話"100蚊"....
我就講"個 label寫住59.9 ge?"
佢:"我地全間鋪都冇標價錢嫁wor,,,果張唔係黎嫁"
咁我話唔要,叫佢退番$,佢又話唔得,已經入左機!
又叫我地唔滿意,可以去消委會告佢!
雖然我都有d大意冇問多次個價,自己都有d錯,但佢都擺明呃人姐,唔通我比500蚊,就話件衫係500蚊牙!
大家記住旺中2樓S68號鋪...近電梯口唔好去
佢o係旺中仲有分店,1樓FK8A, F119, F69B, FK5
果2條友都電左負離子!!.\/.
打擊黑店click
            
私人傳訊

rab


大宅

積分: 1388


767#
發表於 07-12-24 17:49 |只看該作者
轉貼

極失望的酒店自助餐 (23/10/07)

君悅酒店
17號晚去左..
有凍蝦..蟹..螺..蜆 ...
但竟然冇生蠔..
螺多沙..
熱食普通冇特色選擇少...(係個花膠湯好D)
甜品直頭..唉!!
又有條樓梯...
收$425+10%..
個人認為隔離會景仲好過佢..
打擊黑店click
            
私人傳訊

rab


大宅

積分: 1388


768#
發表於 07-12-24 17:50 |只看該作者
轉貼

鴻星海鮮酒家超小型大閘蟹(23/10/07)

前晚同回港渡假的親戚一行8人去太古坊鴻星海鮮酒家吃晚飯, 以為鴻星有D名氣, 食物一定有保證啦, 點知, 一肚氣! 因為8人中得幾個食蟹, 所以無叫套餐, 只系散叫三隻, 散叫價錢(大)大閘蟹一隻連加一接近110蚊, 上檯, 全部人嚇左一跳, 隻野都唔知有無3至4兩重, 個蟹鉗超細, 細個手指甲, 無錯, 真系細過手指甲, 根本唔需要拆來吃, 因為難以想像裡面會有肉! 將蟹身開邊, 無肉, 極少膏! 真系十幾個失望加百幾個憤怒, 真系從未食過甘細隻 [大閘蟹], 不單止細, 無肉無膏, 真系食多多都唔怕膽固醇會高, 個收費就同食物完全不成比例, 真系平一半都嫌貴! 最衰我地無問清楚有幾重, 又無要求睇辦先落單, 變成唯有啞忍! 成晚仲有好多不滿意地方, 叫碟柚皮蒸排骨, 連加一近100蚊, 得幾片半CM厚柚皮墊底, 再數一數排骨, 暈啦, 朝早飲茶去任何一間酒樓, 叫兩籠排骨, 都一定唔會少得過呢一碟貴價貨, 我地8個人, 竟然一人分唔到一舊排骨, 鴻星食水實在太深啦, 真系穩笨都暈, 其次, 服務甚差, 人手唔夠, 無人跟檯, 無人換骨碟, 無人收食完用完的餐具, 要自己四處穩地方擺, 經常要追, 白飯要追, 酒要追, 洗手熱檸檬茶又要追, 仲系追幾次先到! 叫20年陳年花雕酒, 熱飲, 送到來系冷冰冰的, 個女部長仲狡辯話系暖的, 暖佢條命, 根本就無熱過, 呢D服務真系唔要得, 後來退返廚房加熱, 出來先似樣少少, 壺嘴有煙出! 仲有, 叫左龍等兩食, 真系等呀等, 等到頸都長都未到, 其他野接近食完, 追女部長啦, 原來系無落單, 問你死未!!! 事後同朋友講起, 上年超細蟹大閘蟹事件已經發生過在佢身上, 原來鴻星超細大閘蟹唔系一時失手, 而系存心賣細蟹, 穩客老襯!
剛剛在網上搜尋, 鴻星網頁話每隻江蘇大閘蟹系98加10%, 蟹有5兩重........... 好穩笨呀!!!!!
打擊黑店click
            
私人傳訊

rab


大宅

積分: 1388


769#
發表於 07-12-24 17:52 |只看該作者
轉貼

有d咁的waiter, 真係會影響間餐廳!!!(25/10/07)

我上個星期同屋企人去APM內的禾花亭食LUNCH, 我一向都幾歡喜佢的食物............本來歡天喜地去,日仲要唔駛等位tim(可能因為是重陽節正日, 所以冇咩人)
因外面一個waiter都冇, 咁我就直接行入去, 有個部長見到我問都唔問有幾位, 黑口黑面咁叫我係門口等, 佢的反應好似我來叫你請我食飯咁....但另外一個waitress馬上說, 馬上清潔好, 就可以安排我入坐 (咁先係人講的說話ma)
我被安排坐bar台,坐低後,我問個應該係部長的人要 張挑選食物的order紙,
部長答我:張係外賣的
我話:我好似一向來的時候, 都見到放係我的面上, 同埋我每一次都係在張紙到 tick, 然後比你d侍應ga bor!!
部長:唔係,我哋一向都冇,你唔信我去攞張比你睇
我話:冇唔緊要啦!
佢一直都係完全冇笑容的......就算我哋步入間餐廳開始,佢都係好串,之後我哋落order,又係個部長,我老公問我奶奶食唔食三色三文魚子, 我奶奶話好咸唔食, 個部長好串咁話: 好咸,冇可能ga wor,只會係鮮甜, 我奶奶話:上一次食,真係好咸.
佢就話: 有可能係咸, 我都冇聴過人話呢種咸,我諗你可能攪錯
我馬上話:咁咸就唔好叫啦!
大佬,關你x事咩,每個人的口味都唔同,個客覺得咸又唔係同你投訴, 只不過話唔食叫你種之ma; 咩都係人攪錯,佢就無錯,真係奇怪
呢個部長真係好有問題,佢完全好似比人的感覺,根本唔歡迎你哋來咁,一直都冇笑容不單止,仲好串.....佢完全唔記得我哋係客人,唔係來乞食!!!
本來呢間餐廳真係幾好,一直都唔發覺有個咁的所謂部長存在,我覺得呢間餐廳簡直比呢個人影衰聲譽!!真可惜!!!!
個部長係男人來,個名係T字頭.....
打擊黑店click
            
私人傳訊

rab


大宅

積分: 1388


770#
發表於 07-12-24 17:54 |只看該作者
轉貼

大埔超級城(好x麵x膳)勁惡劣 (28/10/07)

大埔(好麵膳)
今日,我同我男朋友係大埔行街,行到累累地,經過呢間"好麵膳"就諗住入去食d野同抖下,我地叫左2個下午茶,仲想叫d小食,見到佢地有燒味咪諗住是但叫d叉燒黎食下,之後我地就問個waitress,佢就話最少(36),咁我就問有冇少d嫁.
佢就黑口黑面咁話冇,係咁口up up咁走左去同個(男)老闆講,果時我已經覺得,冇咪冇lo,洗咩咁既服務態度 =.=,點知........個(男)老闆仲過份,佢一路走過黎我地張桌,一路大大聲咁話:叫佢地去第2度食啦,洗咩同佢地講咁多廢話!!
估唔到今時今日都有咁既服務態度,話哂我地都係幫襯佢,比錢佢賺呀!
我聽到之後已經唔係好想食佢地d野,我成個餐都冇咩點食過,我男朋友見到咁樣,咪出聲話,我地問下姐,你唔洗咁大大聲話我地講咩廢話呀,之後個(男)老闆就即刻發火,內容大約如下:想點呀?!係呀,我係咁講呀,我成間鋪係度,搵人打我呀,攪我間鋪呀,之後就拎個電話出黎,拍低我地個樣(P.S:我男朋友從來無講過果D黑社會說話,例如:咩搵人打佢果D,係佢自己咁講,講真呀,其實我覺得佢係度恐嚇緊我地!)
之後我就話"唔比人講野嫁?!"佢就係咁鬧我,鬧鬧下,佢見有人客係度睇咩事,佢就一路大大聲話"咩咩雞咩咩雞"咁走左出門口!
(佢講咩咩雞咩咩雞呢D咁侮辱既說話,我真係覺得好難受,點解我想食個TEA休息下姐,要咁樣比人侮辱)
打擊黑店click
            
私人傳訊

rab


大宅

積分: 1388


771#
發表於 07-12-24 17:55 |只看該作者
轉貼

大圍"椰林閣"簡直不知所謂!!!!!! (28/10/07)

我第一次去食飯係食到咁嬲!!!!岩岩係大圍既 "椰林閣"食完飯!!!
入去餐廳, 無人企門口招呼, 侍應各有各傾計!!!連個經理都係咁!!
好多檯客係咁舉手都無人理, 直到有人大叫寫野, D人先懶懶閒咁過來!!
我同我男朋友就足足坐左十分鐘先有人拎個菜單過來!!
點完菜, 叫埋餐飲, 上左餐飲先, 杯凍咖啡係甜到飲唔到, 成杯都係糖水, 杯凍檸茶係淡到得檸檬味!!
個白湯, 根本係瘦肉湯, 多瘦肉到你唔信, 仲咸到得人驚!!!
個餐包仲硬過石頭!!主菜上檯, 好似垃圾咁樣!!!
我叫左個 "日式雞扒配軟殼蟹" D軟殼蟹一食落口, D油係必出來!!個雞扒就乾曾曾!!D配菜好似豬屑咁!!
而我男朋友就叫左個 "龍脷柳配大蝦" 隻蝦好燶, 塊龍脷柳一反轉都係燶哂!!!
仲有未講!!D菜上哂個時, 佢地仲未比餐具我地, 之後我地問佢拎, 個侍應就話得, 之後係"掉"上檯比我地!!(係"掉", 仲衰過茶餐廳)
中途已經見好多客人話D菜未來, 個經理態度仲極惡劣同佢地講話: "知喇, 你叫左好多次, 等下啦" 咁就行左去!!
個幾檯其他人已經停哂手, 有D人D菜就仲未上!!!
最搞笑, 我諗住D野唔好食, 都坐一陣先走啦, D人見我地停左手喇, 竟然走過來話 "埋單" 之後我同男朋友都係呆左主住佢, 我地係仲未叫埋單, 好似趕客咁, 我地後面個張檯, 佢都係咁樣叫埋單,
D人就話, 杯野都仲未飲哂埋咩單, 之後個侍應就話, 都要埋左先!!!
2個人食左127蚊...完全唔知食過咩!!我一蚊貼士都無比, 表示我既不滿!!!!
打擊黑店click
            
私人傳訊

rab


大宅

積分: 1388


772#
發表於 07-12-24 17:57 |只看該作者
轉貼

元朗美都茶餐廳好難食ar 千萬不要去(28/10/07)

係何明記同富都中間的美都 超難食 伙記落錯單
我叫駝鳥扒配薯菜 佢比左牛扒+飯我
算了我好餓 照食 點知 d飯生ga 係米黎ga 件扒咬吾開 電劈都吾開,我叫佢老闆黎同佢講 點知佢叫我下次未食過就同佢講佢會換比我 ...未食先同佢講?
佢話食過少少吾換得........下次講? 無下次ar ~
但佢又識照收我錢 早知係咁比多几蚊去何明記好過 唉~
打擊黑店click
            
私人傳訊

rab


大宅

積分: 1388


773#
發表於 07-12-24 17:58 |只看該作者
轉貼

金鐘個間叫"yun mei"日本菜 - 服務太差(28/10/07)

自助餐連加埋一要差不$300左右, 但服務態度超級唔惦.好似當你唔存在,由其係個果女經理.
事實上食物都唔值呢個價錢,但係好在紅,白酒,啤酒及汽水任飲.
好其怪,我個朋友想叫一杯冰水,但係個女經理話冇,果度只有pierre飲(要比錢個種).有冇攬錯!?!
打擊黑店click
            
私人傳訊

rab


大宅

積分: 1388


774#
發表於 07-12-24 17:59 |只看該作者
轉貼

地產黑店(29/10/07)

有個朋友, 最近因經一間不老實的地產, 買了一間漏水樓, 買後才知下層單位已因該單位漏水一年多時間, 而前業主一直沒有處理, 另樓下業憤怒不已, 亦束手無策, 於是原來已於大半年前已四出政府各部門及資詢法律界人士, 準備控告樓上業主. 現在我朋友已被食環處發出了告票. 要上庭答辨. 真無奈!!!
真為他憤怒不已. 該地主產之所在地是位於筲箕灣街市附近的一間很小的"福X地產".
真不要得, 朋友以為現今有地產經紀的考牌制度, 有了牌照號碼的, 便不用怕. 誰不知, 真的倒楣, 該地產所用的臨時買賣合約, 竟連最基本的合約號碼都沒有. 合約上并無代理簽署位置, 只蓋上公司印, 經紀沒簽好名, 該女地產經紀竟說此是沒有問題!
總的而言, 買樓本是一件開心的事, 請須找相熟的地產商!!
打擊黑店click
            
私人傳訊

rab


大宅

積分: 1388


775#
發表於 07-12-24 18:01 |只看該作者
轉貼

難食的早餐 (30/10/07)

灣仔，新軒尼斯茶餐廳
一個最普通既早餐，煎雙蛋(太陽蛋)，火腿通粉!
蛋黃係一d溫度都無，好明顯猛火煎熟蛋白質就算!
通粉係硬身既! 根本無熟透!!!! .只係一早煮到佢發大變左色似個樣，到上檯時再煮幾秒番熱加個湯低上檯!
好彩個湯低ok，我只好用方包送湯，食包d啦..!
作為一間茶餐廳連個通粉都搞到.......
失敗!!!!!!!!!
(唔記得講個火腿，切到碎屍咁! 好hea咁界幾刀，扮切左條形，你幾時見個火腿條係梯形，重要半吋闊!! )
打擊黑店click
            
私人傳訊

小白兔


大宅

積分: 3212


776#
發表於 07-12-31 01:50 |只看該作者

深水埗元州街傢具黑店-1

本人於07年12月1日到深水埗元州街36及42號地下之<祥發傢私裝飾公司>訂造傢具,並已付出訂金$1000.單據上已列明會於12月4日下午5時上門度呎.惟該店的店員盧小姐常推說度呎師傅放假,沒時間等等理由,將度呎時間延誤了足足十天之久.到度呎當天,約好了師傅6pm在我家等候,對方卻於6pm才致電來問我家應坐什麼交通公具.結果他當然是遲大到! 雖是如此,但當時我對他們也沒點埋怨.並決定造一張曲尺形的組合床.盧小姐承諾會於2-3星期造好.
直到12月27日中午,盧致電來說床已造妥,問12月28日2pm可否收貨,我說遲10分鐘回覆她,她卻說不行,要馬上回答,因為大陸工場方面要運貨來港,如果我ok的話,她便安排我的床放在首個送貨地點, 我見她如此著急,便答應了可以收貨.
怎料到晚上7時左右,她又再致電來, 說大陸方面遺漏了我的床沒運上貨車,要晚上才可送來.那一刻我發火了!!!我已事事遷就她,到頭來卻是一次又一次的令人失望,到最後她安排了29日中午12時正送貨來我家,結果當天也是遲大到12:50pm才來到.
這樣也算了,最大問題就是貨不對辦!!我選了銀色光面的床身,結果來了灰色啞面的.明明已有師傅上門度呎,但床安裝好後,卻不能完全拍入牆,因為窗邊有少許窗台位,床邊的板造大了,所以放不入.安裝師傅見拍不到入去,便強行將床推入,結果我的窗台現在崩了一角.師傅在安裝時,又鑽裂了其中一塊床板.更大問題是,我訂床時說明下層的雙人床要高身櫃桶床的,結果卻只造了14吋的櫃桶,內籠只得11吋,根本不夠我用.
在電話內跟盧理論,我要求退貨,她說可以便宜點價錢賣給我,但這張”新床”7瘡8孔我又豈能接受?!她將電話交給度呎師傅,他竟說我小事化大,鑽裂床板很小問題,又罵我”打橫來講”. 交涉了良久,對方才肯將床取走.最後我和老公到該店跟他們理論.
私人傳訊

小白兔


大宅

積分: 3212


777#
發表於 07-12-31 01:53 |只看該作者

深水埗元州街傢具黑店-2

盧拿出造床的呎吋圖給我們看,說紙上已寫明雙人床的櫃桶是14吋.我還記得當日我已跟她說過要高身的櫃桶,因為相信她的緣故,就任由她寫呎吋,其實我根本不知道14吋有幾多,而且她畫出來的那個櫃是較闊身的,所以我也沒有為意.我們在店內吵了一會,就有位陳先生(老闆)走了出來,說要幫我們解決問題,他說會補救好出錯的所有地方,包括櫃桶,鑽裂了的床板,及造突了的位置.唯獨不肯將顏色修改,要我們一人讓一步,說其實只是有少許色差,問題不大.真是離譜!!我又不是色盲!根本就不是少許色差!!


之後盧又說了一句: “早知道是這樣麻煩,當初就不接這張訂單…..”簡直就是豈有此理!!付訂金時她就什麼都說得得得,什麼包你滿意,到收錢後,老要我們遷就他們度呎的時間,12月1日付按金,卻到12月十多號才度呎.


說到最後,陳雖然肯幫我修改好當中的3個問題,但卻一直游說我接受這個暗沉的啞灰色,我叫他就算不幫我改色,也最少幫我噴1層力架,他都不肯, 而且還說改是沒問題,但要加錢!!還要加錢??!!真是有無搞錯呀??!!已浪費我很多時間,他們自己錯漏百出還說要加錢??!!簡直是黑店!!!!!


由於單據上列明訂金概不退還,我相信就算叫他們退款他們也不肯,所以最後只好離開.
買張床都要這麼勞氣.為何還要付出那$1000貼錢買難受?!


另外,床送來時並無半點油漆味,並且全床都封塵,我懷疑那張根本不是新床.


奉勸各位不要到此黑店,這張床的價錢雖平($4000), 但卻浪費了我不少時間,而且現時在新居只能瞓榻榻米,又要另覓一間傢具店造床, 要再等足足一個月才有床瞓!
不過說到最慘,就是害我死好多細胞,成世人都未試過買件嘢買到咁勞氣!!:cry:
私人傳訊

rab


大宅

積分: 1388


778#
發表於 08-1-20 02:15 |只看該作者
轉貼

投訴娜古拉, 反被恐嚇... 22/10/07

我之前在荃灣娜古拉修身美容中心買左一個修身療程, 但完成所有之後也沒有效果... 我向其投訴, 但完全未有回覆, 之後唯有去消委會... 其公司經理與我再會面, 但同我講如果我向傳媒將其公司服務不好的事公怖, 他會找"朋友"去令我學校學席被開除, 或家人會有所危險... 最後佢地提出賠償其他療程, 要我取消番之前的投訴同不可再投訴... 我拒絕... 我要求退款, 但他們堅持比左服務我, 唔會退錢, 一係接受佢地療程賠償, 一係當無事發生... 我而家都唔知點好... 好驚屋企人會有事... 投訴冇門...
打擊黑店click
            
私人傳訊

rab


大宅

積分: 1388


779#
發表於 08-1-20 02:16 |只看該作者
轉貼

ido 婚紗攝影 好差....11月個婚紗展唔好比佢騙(1/11/07)

上次個灣仔婚紗展, 個介紹人講得好好..話完全跟進過攝影程序 , 又叫我們加多個做鞋服務, 話一個月前有專人打電話提醒我地,上去他們公司量度隻腳, 只要幾個星期就可以做好隻鞋...見佢幾好人...咪join左攝影+做鞋...
結果影相前一個月, 佢無打電話提醒我地上去他們公司量度隻腳做鞋, 咪自己打電話上去booking. 上到去個sales反問我們為什麼咁遲booking..... 於是便同個sales講佢地無人打電話提醒我地.....個sales話唔會打電提醒 ,不過他們都可以夠時間做鞋..3個星期後可拿鞋..( 好串呀...個sales )
到左拿鞋果日, 我地打電話比ido...問下隻鞋有得拿未.....結果個sales話隻鞋未有....他們公司張單寫住3星期後先有....有無過份D...我張單明明寫今日取鞋....下星期便上他們公司影相...傻既都知無可能啦....唔使穿鞋影 ?
同個sales講話快d做好隻鞋, 無鞋點影....個sales話 " 這幾日要在會展婚紗展開function....連續幾日無人在公司啦....你唔到....最快星期一."
d咩服務..... 大家唔好比佢騙
打擊黑店click
            
私人傳訊

rab


大宅

積分: 1388


780#
發表於 08-1-20 02:17 |只看該作者
轉貼

有冇人係荃灣廣場五樓雅之居訂造過傢俬?(4/11/07)

我係雅之居訂左傢俬～原本應該係上星期四送黎～但佢遲遲都未送黎～到左而家都未送到～但我入伙受阻！咁我就打電話去投訴～表示會向消費者委員會投訴！而那人態度囂張～指我是消費者，採取什麼行動都是我的自由！
我認為該間店舖涉嫌欺詐，想知道有冇其他人有相似經歷
打擊黑店click
            
私人傳訊


首頁
3738394041...71

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy