kapopooh 寫道:
呢排覺得軒軒大個咗好多,我同佢講我要做野叫佢自己同公仔玩.佢又ok喎,好似今日咁,我話要煲湯,叫佢自己玩住先,佢真係自己玩,全完無入黎搞我.平時就算開barney比佢都要入黎搞吓我.一係就4圍搞.
最搞笑係佢而家開始指揮我.同佢玩,佢要教我點玩,如果玩得好又話會請我食棉花糖.又讚我good boy學晒華e果度d野,有時又要我叫佢軒軒老師.總之唔同咗la.有時聽佢同爸爸傾電話先覺得佢大個仔,叫爸爸渣車小心d,唔好開咁快.但又要爸爸快d返黎同佢玩玩具.
suzanneC 寫道:
呢幾日先得閒上黎8，話說samantha入院果陣，有個細路成日搶人野，自己既玩具固然唔會借俾人玩，醫院既玩具都要霸住，見人地玩乜都要第一時間搶，好啦，你唔同小朋友分享係你既事，samantha自己帶左d玩具，咁我叫佢玩自己既玩具。但係個細路竟然又想搶，最初我都有叫samantha借俾佢玩，但佢竟然借左就當係自己既唔肯還！
後來佢又話想借玩具，我專登叫佢自己問samantha，因為我知道samantha一定會話唔借，個細路係咁話想要，我心諗你想要大哂呀，其他小朋友夠想玩la。講多幾講唔借，個細路竟然想自己係我個櫃度拎，因為佢父母在場，我唔好意思話佢，以為佢父母會管，點知佢爸爸竟然講：你小心d呀，顧住倒瀉水！
我心諗有冇搞錯，你個仔走黎摷我個櫃都可以唔理，我真係想兜巴打個細路。果對父母斯斯文文，應該係有知識既人，但係唔教仔，只會累死個細路，搞到佢人見人憎。事實上，成間病房既細路都唔中意同佢玩，希望果對父母見到個仔咁唔受歡迎，會反省下教仔方法。
kapopooh 寫道:
ricky : 好感動呀,所有小朋友既感情真係黎得好真,好可愛.
catrickymok 寫道:
~~~謎題~~~~
felice 尼兩個月, 主動咁講野, 於事都講多左好多好多野, 咁當然, 表達能力都係好有限有限...
尼兩個星期, 試過幾次, 無情情話"打媽媽", 係無情情架喎, 我無鬧佢無盛, 無情情話"打媽媽"仲舉埋一隻手擺埋個post起世講"打媽媽, 打媽媽...."
咁我初以為我聽錯(因好多時都真係唔知佢講乜), 無啦啦我又無做過乜, 做咩話打我...唔理佢, 佢咪一直起世講, 仲真係輕輕手半打半摸咁打落黎(睇我反應)...試過兩次我話嬲佢打我, 唔啋佢(我又真係介意佢打我)..佢又喊餐死, 好可憐咁走埋黎又攬又鍚...
咁近尼兩次, 我專登留意佢無啦啦做乜q 話"打媽媽"...向屋企, 我同佢玩緊積木,爸爸去開奶(佢之前話要99想訓), 支奶開左好耐( 佢覺得 ), 又係不滿又話"打媽媽";另一次仲好笑, 出街食野, 埋單埋左好耐, 佢不耐煩趕住去冒險樂園又唔走得, 咁又話"打媽媽"( 痴孖根關我叉事??!!)...原來有不滿就"打媽媽", 咁我試下問佢係咪嬲?嬲乜野?bb係咪嬲? 咁啦...佢又真係講 "bb嬲!"...總之我真係唔知佢做乜春, 我估佢係有不滿, 唔識表達, 於事話"打媽媽"引我注意( or發洩我唔太肯定 )...
各位高人...你地點睇呢?
發表於 
返回列表
