夫婦情感 今日: 1 | 主題: 42794

積分: 51912

61^#

發表於 08-12-11 10:04 |只看該作者

原文章由 wmpl 於 08-12-11 06:23 發表

原來你哋之間有個一段咁唔開心嘅事嘅,,咁唔怪之得你心裡對佢有怨憤,,正常女人都會嬲死佢,,你都算好叻,,俾着其他女人就可能會承受唔到,,不過其實我同我隻佬都發生過好多不能磨滅嘅事,,有啲仲比你哋嗰次件事更嚴重,, ...

查實我又唔係諗得咁負既...even我話想離婚,我都睇得好淡,始終自己呢刻真係無愛情呢樣野,亦唔在意,有好多時自己諗都覺得查實我適合自己一個人生活多於有一個家庭,依家有咗個仔,當然想同個仔一齊生活囉,始終個仔大過天嘛!有時都幾可笑架!想當年我無意話想要個仔(我未婚有咗架),但我老公就堅持話要,想用個仔黎留我,怕我會走咗去唔要佢,呢樣係佢婚後自己講番俾我知,呢樣佢有道歉,因為佢見我湊仔湊到日日喊又好辛苦,查實呢樣野我都有D怪佢,講真,生唔生細路同我要唔要佢根本兩回事黎囉,呢個年代竟然仲有人用呢招老土野黎留人,又唔諗生個仔出黎唔等同養竉物,我又會怪佢唔成熟...依家變咗我真係一心一意在意個仔,佢又在意(當年佢係話個仔只係排第二位,擺我响第一位),因為我唔係放佢响第一位,而係個仔...我諗正正因為依家既生活唔係佢所想既,所以咪成日癲囉.不過,未結婚前佢已經對住朋友都係咁,難怪D朋友咁驚得罪佢.

無錯係,我係好覺我老公係一個唔長大既細蚊仔黎,下下淨係諗自己,唔諗下人地,有時我都會直接話佢好自私,淨係鍚自己,始終佢份人永遠都係,你太順佢意,佢就大安旨意咩都唔做番D野對番你好,因為覺得我呢個老婆唔會走吖嘛...到我好似呢次咁發番佢老脾,佢咪點都痴實我,講到好好聽話如果呢次去唔成台灣(因為等我哥FIRM),嗰幾日都照放假,話一家三口周圍去行下囉...

但平時,差D連結緍周年嗰D日子佢都唔願放假咁滯(最後尾都放),同埋以前結婚頭嗰幾年都係佢自己一早PLAN定點慶祝同去邊度玩,依家,呢幾年結婚周年,佢都無計劃,好似等我諗咁,我諗唔到,佢真係夠膽死當自己放假休息咁,瞓到晏晝三四點至起身,接仔放學番屋企煮飯跟住又訓覺,根本無慶祝過,只不過佢有陪我既只有係同我一齊去接仔放學而已.初初佢咁樣我真係好嬲佢,但之後我都本PEA,由得佢囉!佢唔緊做乜我要緊?所以呢幾年我都唔出聲由佢,瞓咪訓到咁晏囉,佢問我去邊,我話咁晏無地方可以去,等湊仔放學囉!呢兩年佢至驚!但都只係早番少少起身,同我去食甜品食日本料理而已.但我已唔在着意佢有無心同我慶祝.

仲有好多我會覺得佢只會諗自己既事....查實我對佢既不滿都係小小事小小事堆下堆下變成咁大件事...再加上依家佢同我諗既野真係好唔同,我頂唔順佢嗰D爛佬表現,佢又唔聽我嗰套,好覺得大家唔再同CHANNEL,一個FM一個AM...好似呢幾日咁,我嗰座同單位幾層樓都出現滲水,好正常管理處會逐層同一邊單位入屋檢查睇下係邊個漏水咁啦...咁好正常人地都會同我地講番,如果係我地呢個單位漏水引致樓下幾個單位滲水要維修,D維修費用要我地全數支付,呢D係必然既事,點知我同老公講番,我老公係咁講埋D無賴野,又話人地傻架!又話就算呢D係規矩,佢話D錢响佢銀包佢,佢唔支付唔負責任,人地唔通走黎搶呀!我聽到好火囉!咁既人都有仲要呢個係我老公!

之前佢講佢點耍佢D下屬,我已經好火,我真係鬧佢!我話,人地黎做,你請佢已經唔係第一日知個下屬係自閉症又傻傻地架啦,當初都係你地貪人地肯少少人工但又好肯做好勤力做野至會請個男仔做野,依家人地只係嫌加人工少啫,仲要唔係個男仔開口講,個男仔只係收完糧單坐埋一面唔開心樣,咁就走黎耍人,講埋D涼薄說話仲話佢加咗人地幾百蚊人工應該要同佢(我老公)講多謝添!加咁多人工俾佢(個男仔)!佢咁玩人地都唔出聲啦,跟住佢走黎偷睇人地部手機display,個男仔响個手機畫面度打咗句好鼓勵自己既勵志說話,我老公就捉住佢呢樣野黎笑,笑人地低能白痴弱智...我真係好火囉!講真人地咁樣有個心去做好D工作,係好事,再者人地手機打乜又關你乜事呀!!!最火就係佢好唔識諗,自己個仔都係自閉有問題架!個仔咪又係成日响學校俾同學捉住黎耍又笑佢係傻仔!你笑人地咁開心,你仔俾人笑你又話人咁衰又咁火起,大佬呀...唔該積番D陰德啦!

唔知我講到呢樹,大家感唔感受到我點解咁覺得應該要同呢條友離婚....大家諗野唔同,我又接受唔到佢既脾氣,接受唔到佢咁自私,亦接受唔到佢咁無腦走去同佢班同事癲埋一份走黎大蝦細耍D下屬同埋咁樣諗野...總之我對佢,真係好多負囉...正嗰D都係我夾硬俾.

同埋叫佢煮飯都係等佢知道個家佢都要有個責任,以前佢真係唔俾家用架!初初二千蚊家用,跟住越減越少,後黎仲夠膽死同我講,話一個仙家用都俾唔到我,咁嗰時我無番工,係咪要我乞食先?之後我咪番工賺錢養自己同個仔囉!結果個仔就係响我番工嗰段日子D問題惡化落去,搞到我今年抑鬱...依家我又夾硬辭工湊仔,我依家無咁笨,企硬要佢點窮都要俾三千五蚊家用我,有幾次佢又想減,我話唔得,唔可以做壞規矩囉!否則又會好似以前咁,你減到最後又係同我講連一蚊家用都俾唔到我囉!始終我依家都知佢供樓只係二千大蚊,都係有次我問佢至講,佢加咗幾次人工又係唔同我講,搞到我以為佢好窮,呢D咪又係佢自私囉!連養家既責任都唔想負,呢個男人仲有鬼用咩!所以幾歹都要佢做番D野,提醒番佢呢個係個家,唔係十年前佢自己獨居於此,供樓自己一個人住,依家嗰個單位多咗一個老婆同一個仔响度囉.所以佢咁樣,我更加覺得佢根本唔適合有家庭,佢都唔想負呢個責任.

咁旅行嗰PART我斷佢都唔會發癲既,就算真係發,呢次都係我老豆同我哥同我地一齊去啫!大家咁熟,唔會尷尬既~

私人傳訊

Japenese

男爵府

積分: 6946

62^#

發表於 08-12-11 12:50 |只看該作者

一家唔知一家事

bk幾好吖，有位比你呻吓~~~

都冇咩好講lor...總知做人父母ge，就要保護仔女，盡量比個好ge成長環境佢(唔係講$$$)，呢樣係最重要~~~

私人傳訊

積分: 51912

63^#

發表於 08-12-11 16:00 |只看該作者

原文章由 Japenese 於 08-12-11 12:50 發表
一家唔知一家事

bk幾好吖，有位比你呻吓~~~

都冇咩好講lor...總知做人父母ge，就要保護仔女，盡量比個好ge成長環境佢(唔係講$$$)，呢樣係最重要~~~ ...

嗰時細個唔明,成日都响心裡面怪父母唔理我同大佬感受,成日响屋企嘈,跟手我媽仲走埋離婚添...依家自己都好明原來真係身不由己架!留响度困獸鬥又唔離開,嗰下的確好惡頂!果時我媽唔要我老豆都係皆因我老豆成日發埋D怪脾氣...我媽至頂佢唔順...下次我隻佬又黎癲,我真係要認真問下我隻佬係咪真係要好似我老豆咁,唔識死以為老婆點激都唔敢走(因為有對仔女),係要到個老婆真係走到唔番轉頭,佢至黎後悔!

私人傳訊

wmpl

積分: 3000

64^#

發表於 08-12-11 22:09 |只看該作者

原文章由 ~仔仔媽咪~ 於 08-12-11 10:04 發表
查實我又唔係諗得咁負既...even我話想離婚,我都睇得好淡,始終自己呢刻真係無愛情呢樣野,亦唔在意,有好多時自己諗都覺得查實我適合自己一個人生活多於有一個家庭,依家有咗個仔,當然想同個仔一齊生活囉,始終 ...

唔知你有冇留意,,其實我都冇咩同你提過你想離婚嘅事,,亦都冇贊唔贊成,,只係因為今日唔知聽曰事,,當然亦都唔希望會成事實,,不過既然你而家決定唔走,,都一定有你嘅理由,,我只係想你留喺度嘅時日過得比較好,,做唔成夫妻都唔駛做仇人,,一對男女能夠共處一屋相處得到,,都唔代表咁就可以共偕連理,,白頭到老!!

傷痕已經造成,,底線已經不能再低,,消失咗嘅感覺係唔會返回,,將來大家都有所領悟繼而真正檢討自己再改變對事情的看法和做法,,到時有冇可能再重新開始過又係另一回事,,做人又不能太幻想將來而罔顧目前,,總之,,直到現在,,你都好清楚再同哩個人一齊係唔可以再有咩期望,,但人心肉造,,為咗兒子,,為咗頭家,,又咁多年嘅感情,,仲依然每日都相對,,心裡面仲有啲希冀都唔係問題,,幾時先完全放得又唔係諗就會解決到嘅問題,,所有事都係見步行步!!

你老公啲咁嘅性格嘅人,,其實我都見唔少,,講到尾都係自私,,同自己兒女爭寵爭到如此地步嘅男女我都見識過,,都覺得佢哋好麻煩,,不過有部份係因為童年經歷問題,,有部份就係因為本性太自我,,原因都幾多!!

不過而家都唔係考究問題出處同解決辦法嘅時候,,係因為你個心大累,,要為自己好好充電及休息才是,,做人嘅嘢好現實,,要體諒包容別人,,自己都要有足夠嘅正面能量先得,,當負面能量太多無法釋放,,心裡面就再無空間容納別人,,腦內的思想亦不會找到出路,,哩個唔係理智上想唔想包容別人嘅問題,,係情緒及心理上有冇咁嘅能力嘅問題,,所以預祝你台灣之旅能夠成行,,玩得開心,,好好散心!!

私人傳訊

superbaby101306

積分: 3923

65^#

發表於 08-12-11 22:35 |只看該作者

其實佢差又差唔晒，佢都會氹返你，佢係脾氣差ｄ同無耐性．．．

私人傳訊

積分: 51912

66^#

發表於 08-12-11 22:46 |只看該作者

原文章由 wmpl 於 08-12-11 22:09 發表

唔知你有冇留意,,其實我都冇咩同你提過你想離婚嘅事,,亦都冇贊唔贊成,,只係因為今日唔知聽曰事,,當然亦都唔希望會成事實,,不過既然你而家決定唔走,,都一定有你嘅理由,,我只係想你留喺度嘅時日過得比較好,,做唔成夫 ...

其實我真係無乜野架!我係勞氣啫~~~但又未致於唔開心囉~~~可能我又長氣慣,又咁啱講番以前D事,俾人感覺我好似睇得好大件事同好DOWN咁,實情呢D真係一早影响唔到我既心情,你見我呢個星期日日都响BK其他地方吹水嘻嘻哈哈就知啦...只係如果你同我講我同我老公之間感情,我又真係好坦白講無乜囉...呢D我又睇得好淡既,如果我係好重個感情同埋同佢既關係之類,我可能會DOWN會好在意,但依家我唔係囉!基本上係好似你番工公司有個同事成日响你隔離久唔久發癲黎煩到你野到你,你都會煩到火啦!就係嗰隻心情同態度.只會係覺得呢條友麻鬼煩煩住哂,但又日日對住,嗰下真係好想打爆佢個頭唔想佢走黎煩住你阻住你番工做正經野架!我係呢隻感覺,而唔係真係咁大件事.

大家真係做唔成夫妻,我都無所謂,唔會當咗佢係仇人,我都成日同我隻佬講囉!佢如果出面有女朋友唔該早D通知聲,我會即刻執包袱走,大家再見亦是朋友~!基本上依家我當佢只係朋友,只係大家一齊住,我又唔鐘意自己好似住咗青山咁,久唔久室驚無神有個癲佬响樹發癲,搞到我覺得煩之嘛~~~尤其真係影响到個仔,唔嬲就有假~~~我最主要嬲佢响個仔面前咁發癲掟野同爆粗之嘛~講真佢發癲唔搞到個仔既,我都無咁嬲...最好唔好煩到我,唔煩到我佢自己一個癲,我係無所謂既~

所以佢跟埋去旅行都無所謂,佢唔發作咪一齊黎囉,只係如果佢再發癲既話,我真係唔會同佢再客氣.依家我唔走唔係唔捨得佢定點,而係我覺得我呢刻要全力教仔養大個仔,無謂再分支節黎要自己去煩去額外做多樣功夫啫,講真我要離婚,唔係淨係簽張紙就搞掂嘛...仲要錢又要咩分居一年兩年至可以正式離到婚,又要安排我仔轉校(外家响港島,我依家住九龍嘛),跟手又要安排五隻貓點至可以响外家繼續養(我老豆唔鐘意貓),依家黎緊呢十年八年係我仔既非常時期,我唔可以俾其他野影响到我仔同埋用咗我同個仔D時間囉!所以我就算我佬唔癲,我之前都同自己講,呢十年八年係FOR個仔既,唔係驚佢無咗個爸爸,而係唔想佢浪費咗自己時間,等個仔八年後十八歲或者到廿歲可以叫做唔駛我理,我到時就會離婚.始終我都嚮往一個人生活,頂多都係有個仔陪下我咁啫...老伴真係唔覺有咁既需要...真係架!我真係有咁既感覺架~~~

私人傳訊

積分: 51912

67^#

發表於 08-12-11 22:50 |只看該作者

原文章由 superbaby101306 於 08-12-11 22:35 發表
其實佢差又差唔晒，佢都會氹返你，佢係脾氣差ｄ同無耐性．．．

都係既,,,依家我繼續同佢生活,都係用呢個理由黎同自己講咋~~~至少我惡死話佢時,佢都唔敢駁咀鬧番我轉頭既(除咗佢發癲既時候會回咀外)...

查實我係搵咗好多理由同係咁搵佢D優點黎等我可以欣賞下佢,始終大家日日都見又一齊住,如果我下下淨諗佢衰嗰PART,我實嬲到佢爆都似~咁自己都會唔開心嘛~係咪~

咁我地有時對朋友對屋企人都係咁既方法黎平衡番自己心態架啦~否則人人都有缺點,一有缺點就要嬲好耐,自己又影响心情,又好難識朋友囉.所以我依家幾時都只當我隻佬係我朋友黎,只係一齊住咁解.

[ 本文章最後由 ~仔仔媽咪~ 於 08-12-11 22:52 編輯 ]

私人傳訊

wmpl

積分: 3000

68^#

發表於 08-12-11 23:41 |只看該作者

原文章由 ~仔仔媽咪~ 於 08-12-11 22:46 發表

其實我真係無乜野架!我係勞氣啫~~~但又未致於唔開心囉~~~可能我又長氣慣,又咁啱講番以前D事,俾人感覺我好似睇得好大件事同好DOWN咁,實情呢D真係一早影响唔到我既心情,你見我呢個星期日日都响BK其他地方吹水嘻嘻哈 ...

哈哈,,我諗我哋就嚟會被封為BK長氣袋,,個個一見我個登入名到就閃人,,

我信你冇乜嘢,,唏,,咁講返啲以前嘅事,,就梗係要以當時嘅心情講返先至傳神家嘛,,唔係人哋點明啫??!!

母親真係偉大,,為咗囝囝仲要忍咁多年,,我都係唔多適合結婚嘅人,,好怕綁手綁腳,,因為我係一個須要大量私人時間同空間嘅人,,都試過俾我家姐話怕我咁嘅性格,,會好似某啲人咁獨身終老,,唔知係咪因為父母婚姻唔好嘅影響??不過最大責任都親生骨肉,,但係生仔都仲係會怕埋怨佢朿縳我,,咁樣會覺得自己好衰格,,又對個小朋友好唔公平,,不過又有時又有啲想要小朋友,,唔通真係到咗一個年紀就真係自然就會諗哩樣嘢??我仲好後生咋噃!!呵呵!!

私人傳訊

積分: 51912

69^#

發表於 08-12-12 00:03 |只看該作者

原文章由 wmpl 於 08-12-11 23:41 發表

哈哈,,我諗我哋就嚟會被封為BK長氣袋,,個個一見我個登入名到就閃人,, 我信你冇乜嘢,,唏,,咁講返啲以前嘅事,,就梗係要以當時嘅心情講返先至傳神家嘛,,唔係人哋點明啫??!!

母親真係偉大,,為咗囝囝 ...

都唔算係忍既....我隻佬無事無幹無癲,我都無乜野既...都仲有同佢傾兩句既~只係當你有個細路响身,仲要有咁多問題既,自自然然都梗係唔想俾其他無謂野影响到個仔同自己啦...講真一個人既童年真係好重要,好影响佢地日後成年後係點既樣嘛!

講真係對於離婚呢樣野都睇得好淡,嗰時我係介意我媽就咁走咗去,但同時個心又有少少認同佢地離婚,因為佢地未離婚前已經日日嘈,仲要影响埋我地,嗰時我老豆同我媽真係幾乎日日掟野嘈交架!我媽走佬前年幾兩年,我媽幾乎係唔响香港,好擺到明係避我老豆又想自己安靜下!一年裡面我媽去幾次印尼探我婆,一去至少四個月至番,番黎hk無耐又飛番去印尼幾個月,最後連我老豆都頂唔順同我媽吵一鑊金既,嗰下我媽至話要離婚,我老豆嗰時仲懶係型咁話好架!以為我媽唔會捨得丟得對仔女,點知我媽真係一個人即刻執野走,無再番黎,我老豆嗰期一路係咁等我媽自己冷番屋企求佢,點知我媽分居後兩年就同我依家個後父起埋一齊,跟住我老豆咪接受唔到俾老婆飛既事實囉!結果d脾氣往往發响我同大佬身上.

依家自己又結咗婚又係遇到同我媽相同既問題...所以仲更加明啦!

mouth:

我地不嬲都長氣袋開架啦~~唔怕啦~~~有我陪你~~

[ 本文章最後由 ~仔仔媽咪~ 於 08-12-12 00:04 編輯 ]

私人傳訊

wmpl

積分: 3000

70^#

發表於 08-12-12 21:23 |只看該作者

原文章由 ~仔仔媽咪~ 於 08-12-12 00:03 發表
都唔算係忍既....我隻佬無事無幹無癲,我都無乜野既...都仲有同佢傾兩句既~只係當你有個細路响身,仲要有咁多問題既,自自然然都梗係唔想俾其他無謂野影响到個仔同自己啦...講真一個人既童年真係好重要,好影响佢地日 ...

細個嗰陣,,餐餐食飯都要快,,因為我阿爸一飲多兩杯,,就實會發炮鬧人,,仲要句句粗口,,啲字眼都好難頂嗰隻,,留喺張食飯枱度耐啲都會遭央,,雖然佢係好錫我,,唔會點話我,,可以講話係有啲縱容潻,,不過我都好討厭佢咁樣,,咁首當其衝嘅就梗係我阿媽啦,,而家想起,,都明白佢點解成日都想離家出走嘅,,不過就點都唔認同囉,,冇錯,,如果大家都唔冷靜,,暫時離開一下現場係好啲,,但係我阿媽嗰隻,,我都唔識點形容,,只係俾我感覺佢係想試吓離開,,等我阿爸緊佢多啲,,咁就唔會捨得再鬧,,但係每次佢離開再回來之後嘅結果,,都只係俾我感覺到,,阿爸係會就吓佢,,唔會鬧佢一段時間嘅,,但係個心又會多一樣嘢不滿,,過咗一段時間,,咪再爆得更大鑊囉!!大家依然都係死性不改,,都冇人會真心反省過錯,,唉!!

而家人大咗,,經歷多咗,,都唔能夠接受阿媽或自己咁樣,,兩句唔啱,,三句就話走,,再唔係陏啲就講離婚,,因為我仲好記得,,當時仲係小朋友嘅我,,聽到父母講哩啲說話嘅心情,,個心真係會好驚會成真,,日日都生活於惶恐之中,,步步為營,,深怕自己又唔知做錯啲咩,,令阿媽睇唔順眼又借啲意揾我嚟打嚟鬧,,打我鬧我都唔緊要,,但最怕嘅就係我阿爸又唔鍾意佢咁樣對我,,又會話我阿媽,,咁佢哋就又嘈交,,到後來,,因為我成日都見到阿媽愁眉苦面咁嘅樣,,雖然佢唔錫我,,但始終小朋友都係母親重要啲嘅,,都會心痛,,就覺得唔好煩,,直情叫我阿媽同爸爸離婚,,話我會揾嘢做養佢,,但係嗰時,,我只係得八/九歳大,,都唔知憑乜又唔知點解會咁樣講嘢??所以,,我都有啲明白你個仔嘅心情!!

私人傳訊

積分: 51912

71^#

發表於 08-12-12 21:47 |只看該作者

原文章由 wmpl 於 08-12-12 21:23 發表

細個嗰陣,,餐餐食飯都要快,,因為我阿爸一飲多兩杯,,就實會發炮鬧人,,仲要句句粗口,,啲字眼都好難頂嗰隻,,留喺張食飯枱度耐啲都會遭央,,雖然佢係好錫我,,唔會點話我,,可以講話係有啲縱容潻,,不過我都好討厭佢咁樣,, ...

你既童年都同我有D似...我媽嗰時又係發哂D脾氣响我身上架(佢好鍚我哥,唔會發我哥脾氣囉),我老豆嗰時又係好鍚我,鍚到直頭係縱我,咪成日話我媽虐待我囉...咁確實我媽有幾次真係失控到搵個燙斗燙我D手指囉,雖則個燙斗掹咗電制又無咁熱,但我好記得嗰時我係唔知痛定嚇到暈咗,到我醒番已經係夜晚,我老豆陪住我,我就望到房門外我媽唔出聲企响樹喊...到我媽真係唔要我老豆時,我老豆至黎發脾氣响我同大佬身上,,,嗰時我媽咁對我,我都好似你咁好渴望得到媽咪愛鍚,最愛係媽咪架...你媽咪都還好啦,至少無好似我媽咁,真係玩離家出走幾次又連續分幾次去外地唔响HK,每次至少唔响HK四個月...所以確實我都唔太鐘意自己個童年架.所以呢刻我更加唔想我仔又係無咗個童年囉!我都係本住個心,由細到大我都同自己講,到我做人亞媽時一定做得好過我父母百倍,至少我唔會因為同老公嘈交而打仔,至少我唔會因為打輸麻雀而打仔(所以我堅持唔學打牌,真係好憎人打牌,我父母試過各自晚晚打牌,我同大佬可以一星期七日都唔見父母,我媽淨係俾錢我大佬落街買野食俾我,我大佬嗰時都好憎我父母咁)...至少我會正面清楚去教好個仔,而唔係反面教材甚至唔理自己個仔.

私人傳訊

wmpl

積分: 3000

72^#

發表於 08-12-12 23:35 |只看該作者

原文章由 ~仔仔媽咪~ 於 08-12-12 21:47 發表
你既童年都同我有D似...我媽嗰時又係發哂D脾氣响我身上架(佢好鍚我哥,唔會發我哥脾氣囉),我老豆嗰時又係好鍚我,鍚到直頭係縱我,咪成日話我媽虐待我囉...咁確實我媽有幾次真係失控到搵個燙斗燙我D手指囉,雖則個燙斗 ...

我阿爸縱我係出晒名,我阿爸輩份又高,,所以冇人敢話我,,不過雖然話冇人敢話我,,但係好多人都會暗啞底攞我嚟出氣囉,,包括我阿媽,我阿媽雖然話唔似得你阿媽咁,,會攞熨斗嚟"辣"我,,不過失驚無神就會打我一鑊金,,之前係毫無警報,,有時係佢自己嗰日心情唔好,,有時係佢同阿爸嘈完,,有時係輸麻雀,,不過最無厘頭係我阿妹做錯事或做唔到啲咩,,都一定係我嘅錯囉!!

好記得有一次佢喺屋企打麻雀,,我就同佢雀友個仔喺房度玩,,一直都冇事發生,,跟住佢突然間開房走入嚟乜嘢都唔講,,拎住支雞毛掃就係咁狂打,,由頭到尾都冇一句說話,,打完就閂返房門出去繼續打麻雀,,佢雀友個仔企喺側跟就嚇到成個呆晒,,只係問咗我一句""你冇事吖嘛,,你媽咪點解會打你嘅??"",,我都唔識答唔想答,,只係覺得好瘀好冇面,,佢就走返出房,,直到而家都唔知發生咩事,,不過我從來唔會同阿爸投訴阿媽點對我,,就算佢問我都唔會講,,只係我阿爸好清楚我阿媽嘅為人,,有時啲嘢係我細妹講俾佢知嘅!!

我阿媽一年總會有幾次離家出走,,有時係佢一個人,,有時會帶埋所有仔女,,有時就只係得其中幾個,,都係東住住西住住,,再唔係就租酒店房住,,又唔覺得佢真係想走,,只係等我阿爸嚟氹佢返佢,,就更覺佢無謂到極點,,我父母家人嘅事太多,,牽連太多人,,我諗講廿版都講唔晒,,總之,,喺佢哋身上,,我只係意識到,,父母幾咁愛錫自己兒女都好,,如果日日都只係見到佢哋爭吵不休,,根本完全唔會開心,,因為生活同個心一啲都唔安樂,,又點會有真正嘅快樂??!!所以我好細個時,,就已經覺得離婚與否,,都不是問題本身,,執着才是最大的問題!!

私人傳訊

積分: 51912

73^#

發表於 08-12-13 02:07 |只看該作者

原文章由 wmpl 於 08-12-12 23:35 發表

我阿爸縱我係出晒名,我阿爸輩份又高,,所以冇人敢話我,,不過雖然話冇人敢話我,,但係好多人都會暗啞底攞我嚟出氣囉,,包括我阿媽,我阿媽雖然話唔似得你阿媽咁,,會攞熨斗嚟"辣"我,,不過失驚無神就會打我一鑊金,,之前係 ...

所以都話,大人點唔啱都好,都唔好搞到班細路囉!可惜我屋企隻佬完全無呢個意識去保護番囝囝既心靈,講真,我仔都好驚我唔開心架...都唔知係咪因為佢自閉問題既人係咁諗野,明明好擺明係爸爸捽慶亞媽架啦!唔關亞仔事,但我仔就好自然咩都攬哂上身咁,好似再上次咁,我真係火起到落咗屋企附近行,當我番到屋企樓下,遇到我隻佬拖住個仔落樓尋妻時,我仔直頭谷眼淚,好想拖我手,但又好猶豫,個樣好似平時佢激嬲我嗰陣,佢想我原諒睬番佢咁...真係...查實隻佬發脾氣唔影响到個仔,我已經好多謝佢!

私人傳訊

carmen911

子爵府

積分: 14967

74^#

發表於 08-12-14 18:59 |只看該作者

我老公有時都有被害妄想症,
同佢講多兩句又話人鬧佢,
又話人唔聽佢講。
我有時都無佢咁好氣,
由得佢鬧。
不過見到你地c6咁，
原來一山還有一山高。
大家努力啦~

私人傳訊

積分: 51912

75^#

發表於 08-12-14 22:17 |只看該作者

原文章由 carmen911 於 08-12-14 18:59 發表
我老公有時都有被害妄想症,
同佢講多兩句又話人鬧佢,
又話人唔聽佢講。
我有時都無佢咁好氣,
由得佢鬧。
不過見到你地c6咁，
原來一山還有一山高。
大家努力啦~ ...

我隻佬咪又係咁!郁少少就話我唔愛佢/對佢唔好...邊有男人好似女人咁架..仲煩過女人...

今日佢又黎癲喇!好心佢啦!知自己唔夠瞓實癲就避啦!又由得自己發脾氣鬧個仔又鬧我又屈埋個仔!原本我係約咗佢今日去黃埔吉之島度買番D冬天衫俾亞仔(我仔今年高咗同肥咗好多,上年堆衫無件着到),咁好啦,好好地咪等埋佢番到屋企一齊去囉!點知一番到黎就發癲,個仔响佢砌模型間房度玩LEGO,佢又嫌個仔玩到一枱都係LEGO又係咁鬧,嗰D聲氣基本上同爆粗無分別,咁我都忍啦,個仔又忍佢又係咁執番好個架步俾佢,佢走黎砌模型!跟住個仔執完玩具出番廳,佢又黎癲!又標出房問個仔拎走咗佢個煙灰缸响邊,個仔好FIRM咁答佢話:"我無拎到呀!"(我仔好怕煙味,有時佢係會拎開佢擺埋一邊,但佢有拎一定會記得同認囉!實會主動搵番俾佢老豆)...跟住我隻佬又癲,好火咁係咁兇個仔死都話係個仔拎同整唔見既,叫個仔搵番出黎,咁個仔都係話佢無拎過嘛,點知擺邊啫!跟住我咪入房問佢咩事囉!佢又黎發哂癲咁喝我又發哂晦氣咁話個仔拎走咗個煙灰缸又整唔見呀咁...我咪火囉!我即刻噴佢,個仔無錯係成日會拎開個煙灰缸,但今次個仔咁肯定答你咁多次話佢無掂過無拎走過,你做咩唔信個仔先?...個仔十次都有九次拎,但都有一次會唔係囉!唔俾係D貓跳上張枱度撥咗落地架!

跟住佢又黑面唔出聲,無耐佢真係响枱底度搵番囉!原本都以為佢唔會再屈個仔,點知又再屈,捉個仔入房係咁話一定係個仔响枱度玩LEGO又搖張枱搞到個煙灰缸落咗落地都唔知....响呢度,大家覺唔覺好唔合邏輯吖!佢親眼目睹個煙灰缸點跌架咩?咁清楚,連個仔搖張枱都知,仲要咁勁知道係個枱搖緊嗰個時候個煙灰缸自己跌落地???唔係自己親眼目睹唔好咁FIRM囉!我都費時鬧佢,個仔又是硬食呢個咁既老豆一野脾氣...

之後我索性同佢講,我同個仔自己去黃埔吉之島買衫,叫佢唔好跟我地去,叫佢留响屋企訓覺啦!條茂利又係死跟,又話係專登早D番到屋企同埋我地一齊出街玩,我即刻同佢講:"唔駛喇,費時去到你又勞氣啦!"跟住佢無聲出,跟住佢又黎當無事發生扮傻咁同我講佢今朝去教結他前食過D咩早餐(係咪好廢話吖...無野搵野黎講),跟住我都無理佢,佢就好無癮行開,之後我都拉埋個仔出門口去撘車,唔鬼理佢!

頭先佢都好型架!又係訓醒覺打黎問我食唔食晚飯,我同個仔一早食咗M記,我咪話個仔同我啱啱至食咗野依家好飽唔食,我叫佢食自己啦.

真係唔咁對付佢真係對唔住自己.好火~~~~!!!

私人傳訊

newcook

積分: 51578

2025勳章蛇年勳章 2024年龍年勳章 2023年兔年勳章牛年勳章好媽媽勳章醒目開學勳章畀面勳章

76^#

發表於 08-12-15 12:28 |只看該作者

原文章由 ~仔仔媽咪~ 於 08-12-14 22:17 發表

我隻佬咪又係咁!郁少少就話我唔愛佢/對佢唔好...邊有男人好似女人咁架..仲煩過女人...

今日佢又黎癲喇!好心佢啦!知自己唔夠瞓實癲就避啦!又由得自己發脾氣鬧個仔又鬧我又屈埋個仔!原本我係約咗佢今日去黃埔吉之島 ...

你老公都好無理取鬧喎, 你仔仔好陰功~

私人傳訊

rainbow.KC

積分: 4005

好媽媽勳章畀面勳章

77^#

發表於 08-12-15 12:51 |只看該作者

雖然"寧教人打仔,莫教人分人妻"但係你老公呢件野(sorry,粗俗左d)真係好唔得law~

距離佢上一次發癲唔係格左好耐~
可況佢咁樣都幾影響你仔仔啦~
(個人意見,不喜勿罵)

要別人愛你只有一個祕訣,就是做一個值得愛的人。

私人傳訊

綠精靈

民房

積分: 89

78^#

發表於 08-12-15 13:33 |只看該作者

不如同佢傾清楚點解會咁，唔好嚇親小朋友嘛！

私人傳訊

積分: 51912

79^#

發表於 08-12-15 22:49 |只看該作者

原文章由 newcook 於 08-12-15 12:28 發表

你老公都好無理取鬧喎, 你仔仔好陰功~

以前耐唔耐先一次,但呢幾年真係變本加厲囉!無計架,依家我又唔走得,況且個仔查實個性格都好似佢老豆,呢樣咪當反面教材咁教個仔囉!

私人傳訊