2019-05-02
Day 3的時候，愛群回覆說有一粒8B的受精卵。本著很開心既情況。
Day 5，話仲有一粒未見受精，會繼續觀察。但因為我唔太明佢講咩，所以我今日再Email問清楚。問完有點灰！

如下：
1) 請問一下，Day 5 8B那一顆的情況是怎樣？是可以送PGS了嗎？
8B未逹到PGS等級,上一封信有告知會再觀察，明天回報您。

2) 另一顆桑葚期有成長出來嗎？
還沒,所以才會回覆實驗室將繼續觀察及培養。

3) 如果我這個月經期來，開針用藥的話，這一批卵也是要做PGS嗎？可以幫我問問翁醫生嗎？謝謝！
建議還是要做PGS，因為植入通過PGS的胚胎，可以降低因胚胎不正常造成的流產。

4) 還有，我左小腹到今天為止，有時候還會有一點點抽著抽著的感覺，正常嗎？
這是正常的哦！有時會有一些不舒服到下次月經來才會改善。

而家我考慮緊以下問題：
1) 今個Cycle開唔開針用藥好？（我係希望有兩粒過到PGS先植入的）定係養好少少個卵下個Cycle先開針用藥？
2) 我公司會逼我走，好大機會做埋呢個月，如果呢個Cycle開針用藥，我去照超聲波拎假會方便啲。如果下個Cycle我唔知搵到工未，到時可能會麻煩啲。
3) 其實我知唔做嘢會好啲，但咁睇法我都唔知要幾多個Cycle抽卵先過到PGS，用晒啲錢老公就會叫我放棄。所以如果唔做嘢，財政壓力會大啲。

私人傳訊

yhyeung

大宅

積分: 4819

76^#

發表於 19-5-2 17:27

SWML 發表於 19-5-2 17:10
2019-05-02
Day 3的時候，愛群回覆說有一粒8B的受精卵。本著很開心既情況。
Day 5，話仲有一粒未見受精，會 ...

hihi, 你下cycle 開針的話，和上次有隔一cycle 嗎？我試過連續兩cycle 開針結果係胚胎生長緩慢，那三顆day 3 胚胎有等於無。
感覺上，慳了超聲波錢，但如果休息不夠胚胎唔靚，係浪費了抽卵錢，條數更大
你環境是否許可休息一陣再搵工呢？我而家後悔兩年前辭工無馬上進行ivf, 番新工花了我很多適應的時間，到我ready 做ivf 時，身體情況已變得唔好，ivf 結果也不好。

我覺得你現在不是太適合兼顧上班。如果卵泡少，代表你卵巢已經衰退，如果情況許可，我覺得你休息全心去做較好。錢，無咗可再搵，生B, 是一世的親人。

8B 係唔差不過day 5 要變囊胚先有xxx 的grade, 所以愛群未覆到你

私人傳訊

SWML

大宅

積分: 3484

77^#

發表於 19-5-2 17:32

回覆 yhyeung 的帖子

啱先愛群姑娘打咗過黎。佢同我講，話8B個粒無再繼續生長。聽到之後成個心跌到落谷底。唯一既希望都無，好灰。係公司忍住喊，唔知而家可以點做好

私人傳訊

SWML

大宅

積分: 3484

78^#

發表於 19-5-2 17:34

回覆 yhyeung 的帖子

原本翁醫師叫我五月Cycle開針用藥，同上個Cycle無隔，即係連住兩個Cycle開針用藥。翁醫生覺得無問題，但因為之前抽卵我唔知可以食COQ10、DHEA可以幫卵，所以我都係抽前十日先食。自己諗係咪六月Cycle先開針會好啲？

私人傳訊

yhyeung

大宅

積分: 4819

79^#

發表於 19-5-2 17:44

SWML 發表於 19-5-2 17:32
回覆 yhyeung 的帖子

啱先愛群姑娘打咗過黎。佢同我講，話8B個粒無再繼續生長。聽到之後成個心跌到落谷底 ...

好明白你難過的心情，我試過抽卵全軍覆沒。係要錢同再抽，但BB 係寶貴的，暫時唔好諗錢住！

你36, amh 0.6, 可能醫師見amh 低，覺得快d 抽較好。我40, 你35, 卵子一定好過我。

其實supplement 有無效好難講，我自己覺得休息運動比較有用。如果amh 0.6 仲應否食supplement 3 個月

反而休息一個cycle, 可以諗諗。我上次連續抽卵點解會出現問題，係我第二cycle 時，day 2 有兩個大卵泡，都唔知是否真係卵泡，呢樣嘢搞到翁醫師叫我唔好開針住，怕比大卵泡吸收晒，淨係叫我食排卵藥，叫我day 6 再照，再照時，已經變番正常，但我遲了開針，之後卵泡一直發育得比較慢。所以我唔知連續抽是否易出狀況

私人傳訊

SWML