夫婦情感 今日: 1 | 主題: 42796

積分: 14373

62^#

發表於 19-4-30 10:50 |只看該作者

sharonsuet 發表於 19-4-30 10:17
4皮幾都可以去租地方住，不過兩老寧願一齊，因為唔想個工人湊小朋友。暫時無磨擦，不過將來住屋問題係的確 ...

點解要一齊住咪就係你地無能力搬出去住

一家4口起碼都租13000盤企企理理，咁已經佔左人工一大部分，仲未計其他，你話你可以揾到8500既租盤，咁其實你都心知你地最多可以afford到幾多錢，即係你地開支都係岩岩好，所以你老公咪痴奶奶住，咁樣好難明？

私人傳訊

油麥麥

禁止訪問

積分: 28314

63^#

發表於 19-4-30 10:54 |只看該作者

提示: 作者被禁止或刪除內容自動屏蔽

私人傳訊

積分: 736

64^#

發表於 19-4-30 11:04 |只看該作者

其實無論間屋第時係點，我都無辦法決定，我亦無資格，所以我留俾老公自己面對啦。不過而家暫時無問題，所以先想睇下有無媽媽都係咁樣唔上唔落姐。我係在職媽媽，都有能力同老公出去租，但有得慳，有多個錢儲，奶奶又唔介意，可能亦因爲我地又唔係搵好多，奶奶都唔想睇到我地好辛苦，家中又有房，所以先叫我地一齊住。我其實開頭係好想搬出去，2人世界自己決定幾時洗衫幾時食飯。所以我之前都係有申請公屋既，個陣都未諗生多個。

私人傳訊

積分: 736

65^#

發表於 19-4-30 11:05 |只看該作者

至於住屋問題都搞唔掂，其實係好多人都遇到既係香港地，我只係好彩d，有上一代的體諒同照顧，間屋係點我無想太遠。呢到留言的媽媽們唔知生左第2胎未同想唔想生，但我而家係黎問你地點樣決定生唔生第2胎，考量左d咩。

私人傳訊

積分: 736

66^#

發表於 19-4-30 11:06 |只看該作者

Pink_girl 發表於 19-4-30 10:50
點解要一齊住咪就係你地無能力搬出去住
一家4口起碼都租13000盤企企理理，咁已經佔左人工一大部 ...

所以我有mention過如果唔係同住，我真係唔敢諗第2胎。

私人傳訊

積分: 736

67^#

發表於 19-4-30 11:08 |只看該作者

油麥麥發表於 19-4-30 10:49
其實佢都好恐怖，講到自己出錢請工人俾99，其實工人主力係湊佢個女，兜咗個圈去扭曲咗
...

本帖最後由 sharonsuet 於 19-4-30 11:08 編輯

工人做屋企幫奶奶手做家務，無湊個囡，奶奶湊多，佢就係唔中意俾工人湊，自己先係一家人，工人做番廚房野就ok。奶奶都生左6個，自己湊小朋友都很有經驗了。

私人傳訊

積分: 736

68^#

發表於 19-4-30 11:15 |只看該作者

o_____o 發表於 19-4-30 10:34
如果一向咁聽老公話就不要諗生第二胎住，可能你老公想儲多個錢第二時搬出去，又或者你老公唔搬走就係想霸 ...

都岩！都係時候要離開comfort zone，住耐左真係成日自己隱形左d開支。咁我就可以放棄生第2胎，因為真係好窮。

私人傳訊

KoneyB

積分: 12812

69^#

發表於 19-4-30 11:40 |只看該作者

sharonsuet 發表於 19-4-30 11:05
至於住屋問題都搞唔掂，其實係好多人都遇到既係香港地，我只係好彩d，有上一代的體諒同照顧，間屋係點我無 ...

白啲咁講仲係寄人籬下應該先處理好自己可以獨立左先唔知你老公係咪都係咁諗
要明白香港地 44k養一個細路只係啱啱好兩個就會辛苦第時開學就算讀學券都要洗錢興趣班呢課外活動呢有時總會有啲小病痛小朋友睇醫生都貴啲
你住屋嘅狀況冇人知道係唔係永遠有能力梗係留返筆錢有咩事自己可以搬呢個係好切身係一定要諗嘅問題

至於你話生第二胎嘅考量我覺得係香港第一個條件一定係經濟不如睇吓跳槽會唔會搵多啲鬆動啲就有選擇
第二個條件就係居住環境小朋友大得好快要有足夠嘅活動空間仲有好有好多玩具啦書簿啦收納都要有空間
之後就睇身體狀況要調理好身體先準備第二胎

私人傳訊

mingmama

積分: 11324

70^#

發表於 19-4-30 11:44 |只看該作者

sharonsuet 發表於 19-4-30 11:05
至於住屋問題都搞唔掂，其實係好多人都遇到既係香港地，我只係好彩d，有上一代的體諒同照顧，間屋係點我無 ...

可以講你好好彩遇到一個好奶奶～但做人唔可以唔想遠啲～尤其有小朋友的家庭～小朋友一直長大～好多變數發生～太短視只會害了大家～相對而言你先生就識得諗好多了

私人傳訊

piggip77

積分: 12789

71^#

發表於 19-4-30 12:06 |只看該作者

係東涌$8500租一定唔大... 我見到6-700呎起碼個萬....交完租加姐姐, 仲有2萬幾... 其實都ok..
政府學校, 冇學費, 買書, 少少費用, 但要勁慳, 同無多餘$$比小朋友學野.

私人傳訊

積分: 736

72^#

發表於 19-4-30 12:14 |只看該作者

piggip77 發表於 19-4-30 12:06
係東涌$8500租一定唔大... 我見到6-700呎起碼個萬....交完租加姐姐, 仲有2萬幾... 其實都ok..
政府學校, ...

係呀！出去租實唔洗諗第2胎

私人傳訊

港式奶茶

積分: 13131

開心吸收勳章

73^#

發表於 19-4-30 12:46 |只看該作者

錢又唔多，又唔係自己地方，淨係呢兩點俾著我連一個都唔敢生，連老爺第日死咗可以free個head count出嚟你都講得出，恐怖

私人傳訊

Pink_girl

積分: 14373

74^#

發表於 19-4-30 13:22 |只看該作者

sharonsuet 發表於 19-4-30 11:05
至於住屋問題都搞唔掂，其實係好多人都遇到既係香港地，我只係好彩d，有上一代的體諒同照顧，間屋係點我無 ...

點樣決定生唔生第二胎，一定係經濟能力（包括住屋在內），搞唔掂基本上唔洗諗，但唔係淨係考慮現時經濟能力，養小朋友係一世，要諗長遠。將來自己有無能力買樓，租樓？既然間屋唔係你，要揾定一個屬於自己的家都好正常。

其次係二個小朋友有無人湊，可以揾四大長老，可以請工人，搞得掂都係無問題。

都有人得老公揾錢萬幾二萬都養到一家4口，但佢地呢d只可以叫生存而不是生活，係咪同老公可以為左小朋友犧牲生活質素，你要同你老公傾下啦

私人傳訊

KILW

積分: 11740

75^#

發表於 19-4-30 13:40 |只看該作者

既然現實住屋經濟要考慮，老公又唔同意生，咪比個長少少嘅時間自己plan下，又睇下個女大少少會唔會多野想學，你計下條數，之後先再傾生唔生第二胎嘅問題。樓主33歲啫，仲有時間。

私人傳訊

積分: 736

76^#

發表於 19-4-30 13:41 |只看該作者

Pink_girl 發表於 19-4-30 13:22
點樣決定生唔生第二胎，一定係經濟能力（包括住屋在內），搞唔掂基本上唔洗諗，但唔係淨係考慮現時經濟能 ...

都係既，所以之前係有係奶奶樓下圍村租個單位，但俾奶奶知道咁貴租之後就叫我一齊住，於是房租用左黎請工人同俾家用了。之後住耐左，我真係無再諗第時住邊，太依賴奶奶了。自從我個名都被安排係單位户籍入面，我就以為可以等阿囡大d先再諗搬出去。

私人傳訊

Anbelle

大宅

積分: 2405

77^#

發表於 19-4-30 16:59 |只看該作者

我同老公月入多過八萬，但老實講扣埋儲首期同保險、日常支出等都只係剛剛好，所以我地連小朋友都未考慮咁快生，我覺得你地生一個小朋友已經好勇，呢個收入我一定唔生二胎

私人傳訊

EudyptulaMinor

男爵府

積分: 9263

78^#

發表於 19-4-30 17:28 |只看該作者

純粹分享我的經歷：
我有兩個小朋友，女3y4m，仔1y，我33y
當初生左個女都唔諗住再生
又係唔想生多個分薄左資源
（老公認為係咁，我都認同）
我同老公都有兄弟姐妹（關係好close）
見個女同堂/表妹都玩得好開心
返到屋企自己玩時好似有d寂寞
我地都諗佢會唔會想有人陪佢玩
佢當時得歲半
佢出街唔會同其他小朋友玩
只會同堂表妹玩
又考慮我地百年歸老
阿女就得返自己一個（萬一嫁唔出）
於是就決定不如生多個
反正經濟條件許可
只係每樣野都慳d囉
說時遲那時快
決定生多個之後好快又有左
宜家細仔都一歲啦
兩個小朋友相親相愛
我地都好慶幸當時決定生多個

私人傳訊

積分: 736

79^#

發表於 19-4-30 17:42 |只看該作者

EudyptulaMinor 發表於 19-4-30 17:28
純粹分享我的經歷：
我有兩個小朋友，女3y4m，仔1y，我33y
當初生左個女都唔諗住再生

所謂經濟條件係呢到變左業權，因為住屋問題，大家都會諗到第時如果無屋住點算，因為間屋唔係我自己名，令我一時間好似連第1個都唔應該生咁。不過，我覺得而家自己應該放低下第2胎先，再沉澱下，反正而家老公都覺得未係時候，雖然而家個囡2歲，再諗下一胎係時候，不過係呢個話題之前，我反而想拎番起自己生育之前的生涯規劃出黎又再度下。人生每個階段追求既野都唔一樣，我自己有幾幸運我好清楚，不過也不可能心存僥倖去決定下一胎，係咪？

私人傳訊

lingfu