吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› 陸劇：穿越火線

影視娛樂今日: 0|主題: 16084

收藏本版

發帖

返回列表

跳至頁

樓主: rose-mag

陸劇：穿越火線 [複製鏈接]

1 2 345

rose-mag

王國長老

積分: 174135

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

61^#

發表於 20-9-2 02:18 |只看該作者

snoopy 發表於 20-9-1 08:02
我見你介紹得好好睇開咗嚟睇，而家睇到27集好緊張，大尉好衰呀！咁對肖楓
...

越到後面越驚，後面結局都有少少預知到，壞人唔會有好報，但就有D唏噓，明明肖楓同許蔚之前咁好朋友，人變起上嚟真係好得人驚。

花旗太太生活在花旗國，留意時差，你問我未必即時答到。

私人傳訊

snoopy

子爵府

積分: 11738

62^#

發表於 20-9-3 01:09 |只看該作者

rose-mag 發表於 20-9-2 02:18
越到後面越驚，後面結局都有少少預知到，壞人唔會有好報，但就有D唏噓，明明肖楓同許蔚之前咁好朋友，人變 ...

其實由大尉出術，撞死小南就知佢心術不正！
睇到31集，肖楓醒返！好緊張吖

私人傳訊

rose-mag

王國長老

積分: 174135

63^#

發表於 20-9-3 05:44 |只看該作者

snoopy 發表於 20-9-2 09:09
其實由大尉出術，撞死小南就知佢心術不正！
睇到31集，肖楓醒返！好緊張吖
...

其實由大尉出術，撞死小南就知佢心術不正！＞＞＞無錯，見到佢個人被勝利沖昏頭腦，佢撞到小南小北後因為要去比賽而不顧而去，最後小南失救而死。對於人命咁冷漠，呢個人利慾薰心，其實佢出賣/害肖楓係遲早嘅事，尤其是佢都鍾意安藍，而安藍同佢嘅興趣非常相近，如果冇肖楓，大蔚真係有機會；但問題係如果冇肖楓，安藍根本唔會加入1coin，安藍完全係因為肖楓而走入電競世界，加上肖楓最初咁樣死咗，就算過咗11年，安藍都唔可以再接受另一個人，更何況係大蔚喺當初肖楓出事佢在場，根本難辭其咎。

睇吓1coin其他成員咁憎佢，尤其是麒麟，就可以想像其實大蔚喺隊友眼中係一個咩人，大家都睇到佢喺件事上面最唔傷心，佢想取代肖楓成為隊長，但冇人賣佢賬。之後佢成立引力，唔係令引力成長，係每次買新成員，用拉攏手段去達成自己目的，呢樣同肖楓最大分別，即使係猴子喺隊中最弱，肖楓冇嫌棄佢，當麒麟劈炮走人，佢只係不斷諗方法轉戰術，1coin之所以賺，唔單單因為佢地戰鬥力強，最關鍵係戰術運用，最後一戰蠃得險，但亦係佢有膽色。

花旗太太生活在花旗國，留意時差，你問我未必即時答到。

私人傳訊

snoopy

子爵府

積分: 11738

64^#

發表於 20-9-4 00:30 |只看該作者

rose-mag 發表於 20-9-3 05:44
其實由大尉出術，撞死小南就知佢心術不正！＞＞＞無錯，見到佢個人被勝利沖昏頭腦，佢撞到小南小北後因為 ...

終於睇完！最尾2集好緊張！只係覺得寫大尉就咁撞車死略為簡單左！

呢套劇開播時個個贊鹿晗做得好！第一集開場佢個做型我真係唔認得、確實放低曬偶像包袱、著對人字拖、個把咁嘅頭髮

私人傳訊

rose-mag

王國長老

積分: 174135

65^#

發表於 20-9-4 01:11 |只看該作者

snoopy 發表於 20-9-3 08:30
終於睇完！最尾2集好緊張！只係覺得寫大尉就咁撞車死略為簡單左！

呢套劇開播時個個贊鹿晗 ...

有冇睇到鹿晗大結局番外：CF翻滾吧人生？係一個有關肖楓同大蔚點相識嘅片段，鹿晗造型乾淨靚仔好多。

https://v.qq.com/x/cover/mzc002009a3e8xj/m0034x91p71.html

大結局果集片尾有一段獻給所有追夢人，致敬中國電競開拓者片段，都好多個中國電競界出名人物，其中只得兩個女選手。

https://v.qq.com/x/cover/mzc002009a3e8xj/e0034qt8gsr.html

花旗太太生活在花旗國，留意時差，你問我未必即時答到。

私人傳訊

snoopy

子爵府

積分: 11738

66^#

發表於 20-9-4 22:15 |只看該作者

rose-mag 發表於 20-9-4 01:11
有冇睇到鹿晗大結局番外：CF翻滾吧人生？係一個有關肖楓同大蔚點相識嘅片段，鹿晗造型乾淨靚仔好多。

多謝介紹！未睇過番外篇！我反而鈡意肖楓個做型丶白浄嘅鹿晗太油頭粉面、唔多like

近排6劇都在結尾感謝運動員，冰糖燉雪梨又係咁，睇到個人好滾動

私人傳訊

rose-mag

王國長老

積分: 174135

67^#

發表於 20-9-5 07:36 |只看該作者

snoopy 發表於 20-9-4 06:15
多謝介紹！未睇過番外篇！我反而鈡意肖楓個做型丶白浄嘅鹿晗太油頭粉面、唔多like

近排6劇都在結 ...

應該嘅，劇組都請好多有關人士做顧問，尤其是冰糖，直情有客串演出同幫手訓練演員，穿越都有電競業內人士幫手，當然咁樣係非常有心，亦值得鼓勵。

花旗太太生活在花旗國，留意時差，你問我未必即時答到。

私人傳訊

sheenaho

男爵府

積分: 7965

68^#

發表於 20-9-6 11:59 |只看該作者

剛睇完. 好正. 估唔到係HK年青導演拍. 節奏明快, 劇情前後呼應, 舖排合理.

劇中好多打機情節, 拍得緊張刺激, 亦拍出原來打機係需要團隊合作, 仲要用腦.

令人對"打機"呢樣嘢有新認識. 我自己唔打機, 但睇完後都想試下玩.

最喜歡的, 是"正能量"的輸送. 整套劇係關於"堅持" 和"解決問題向前看" . 歌詞第一句"黑夜賜與我做夢的權利", 都係將原本負面的"黑夜"變成正面來睇. 雖然我仔冇睇呢套劇,但我有同佢分享人在逆境或覺得無作為時應如何向前看.

我住種花家

私人傳訊

rose-mag

王國長老

積分: 174135

69^#

發表於 20-9-6 12:29 |只看該作者

sheenaho 發表於 20-9-5 19:59
剛睇完. 好正. 估唔到係HK年青導演拍. 節奏明快, 劇情前後呼應, 舖排合理.

劇中好多打機情節, 拍得緊張刺 ...

我都覺得穿越火線好睇在夠正面，即使最初1coin因為大蔚使詐勝出，肖楓如果唔係睇番片段都冇人會發覺，但原則問題，就算蠃都唔光彩，勝利就冇意義，就算可能會就此玩完，肖楓依然選擇向電競局自首，呢個係好好俾年青人借鏡。

就算最後肖楓被大蔚害到失去10年時間，佢都唔係想要佢條命（相反，大蔚原本係想要佢條命），佢果句先做人後做事，放之其他地方一樣係正確道理。佢10年後冇怨天尤人，只係需要時間適應，接受時間一去不返，見到其他成員有好日子，佢好安慰，肖楓呢種唔過份悲情，又唔份卑微嘅態度，令人更對佢覺得不值。

肖楓最後果段演講比路小北出賽宜言更好更有意思，的確不服輸至係青春嘅本錢。

我有打機架，但唔係打穿越火線或呢種鎗戰遊戲，以前跟細佬玩過龍穴迷宮果D，好刺激，但心血少D都死，同埋如果要對打真係好講戰略同默契，見我細佬打好緊張。

花旗太太生活在花旗國，留意時差，你問我未必即時答到。

私人傳訊

sheenaho

男爵府

積分: 7965

70^#

發表於 20-9-6 14:41 |只看該作者

rose-mag 發表於 20-9-6 12:29
我都覺得穿越火線好睇在夠正面，即使最初1coin因為大蔚使詐勝出，肖楓如果唔係睇番片段都冇人會發覺，但原 ...

"唔過份悲情，又唔過份卑微"

"不服輸至係青春嘅本錢"

講得啱, 好鍾意呢D態度.

睇完你地寫GE評論, 都想試睇下"冰糖燉雪梨" . 不過又有D怕太愛情劇feel.

我住種花家

私人傳訊

123happyhappy

別墅

積分: 868

71^#

發表於 20-9-11 23:39 |只看該作者

呢套真係非常有驚喜，不過頭幾集需要畀啲耐性睇(emoji)，之後就越來越好睇！鹿晗之前接嘅戲，真係消磨咗太多好感，估唔到今次進步咁大，個人認為鹿晗今次仲好戲過童星出身嘅吳磊，好開心！愛返你啦

私人傳訊

rose-mag

王國長老

積分: 174135

72^#

發表於 20-9-12 07:39 |只看該作者

123happyhappy 發表於 20-9-11 07:39
呢套真係非常有驚喜，不過頭幾集需要畀啲耐性睇(emoji)，之後就越來越好睇！鹿晗之前接嘅戲，真係消磨咗太 ...

咁你要睇埋在劫難逃啦，鹿晗演反派，12集，好快煲完。

鹿晗可能係樣嘅關係，之前搵佢嘅都係賣樣，但劇本麻麻，其實佢都好努力，但好似上海堡壘咁，票房差都唔係因為鹿晗一個人，根本劇本就唔掂，成套電影咁多演員，要揹就一齊揹，點解只將個鑊甩俾鹿晗？好唔公平。公道講句，鹿晗唔係演戲出身，佢之前係EXO韓團成員，如果佢唱歌跳舞唔好就話啫，話佢演技唔得，會唔會苛刻咗呢，都要俾機會佢進步嘛。我唔係鹿晗粉絲，唔多鍾意唇紅齒白嘅奶油小男生，但如果又靚仔，演出又有heart的話，另計。睇埋幕後花絮，穿越火線班演員都好努力，鹿晗多戲份，成日拍到半夜三更，第二日又一早開拍，睇得出放咗好多心機落去。

吳磊個角色反而有D太老練，但佢個樣又細，有少少覺得好似好作狀咁，不過小北有比一般同齡成熟嘅心態可以理解，其實吳磊好多場都演得好好，佢都落咗好多工夫，最初坐輪椅、復健，慢慢到揸拐杖、康復，係做得好真，只係1coin成班麻甩仔太有喜感，後而continue比了下去，我想話King都好型仔。

花旗太太生活在花旗國，留意時差，你問我未必即時答到。

私人傳訊

JoanC

珍珠宮

積分: 49848

73^#

發表於 20-9-15 10:33 |只看該作者

rose-mag 發表於 20-8-18 22:08
要賺奶粉錢嘛，冇咩好資源邊有能力揀劇本，我覺得佢結婚後眼光幾唔掂，我唔多like佢老婆，懶係公主咁。
...

我都唔鍾意佢老婆，不過揀劇眼光應該唔關老婆事嘅，我反而覺得袁弘係離開咗唐人之後，揀親都係爛劇。本來都幾 like 佢，唉……但啲劇吸引力咁低，真係睇唔落去。

私人傳訊

rose-mag

王國長老

積分: 174135

74^#

發表於 20-9-15 10:45 |只看該作者

JoanC 發表於 20-9-14 18:33
我都唔鍾意佢老婆，不過揀劇眼光應該唔關老婆事嘅，我反而覺得袁弘係離開咗唐人之後，揀親都係爛劇。本來 ...

都唔係，最初袁弘仲有巾幗大將軍、少年神探狄仁傑、平凡的世界，角色唔錯，後驗華胥引、解憂公主、秀麗江山之長歌行都仲OK，天盛長歌唔掂（係劇唔掂，角色完全冇發揮），刺又麻麻，生活像陽光一樣燦爛真係爛！等播嘅玲瓏，袁弘已經要做趙今麥個老豆，以佢而家嘅樣同身形好難會紅。

花旗太太生活在花旗國，留意時差，你問我未必即時答到。

私人傳訊

JoanC

珍珠宮

積分: 49848

75^#

發表於 20-9-15 10:51 |只看該作者

rose-mag 發表於 20-9-12 07:39
咁你要睇埋在劫難逃啦，鹿晗演反派，12集，好快煲完。

鹿晗可能係樣嘅關係，之前搵佢嘅都係賣樣，但劇本 ...

睇完穿越火線，真係好正，都有興趣開在劫難逃。

堡壘就算啦，根本邊個演員做都死，太爛。

私人傳訊

rose-mag

王國長老

積分: 174135

76^#

發表於 20-9-15 11:49 |只看該作者

JoanC 發表於 20-9-14 18:51
睇完穿越火線，真係好正，都有興趣開在劫難逃。

堡壘就算啦，根本邊個演員做都死，太爛。

上海堡壘根本就係套戲爛，主題思想、題材、故事情節、配音聲畫不對位、雷人台詞等等，之後有微博用戶公開指其原創視頻作品被《上海堡壘》未經授權盜用進行宣傳。片方稱「由於工作疏忽」，未經授權使用了他人的作品，已經聯繫原作者道歉，並主動賠償，導演滕華濤又稱自己用錯鹿晗做主演，根本就係想將套失敗嘅片借明星包裝去賺錢，但觀眾唔係白痴唔賣賬，於是就甩鍋演員，仲要賴晒落鹿晗身上，唔公道囉，舒淇冇份演？仲有高以翔？一個演員令到片唔收得？真神奇，應該話鹿晗、舒淇同高以翔唔好彩，一套根本係爛嘅片又點可以靠幾個演員翻身成為好片！

花旗太太生活在花旗國，留意時差，你問我未必即時答到。

私人傳訊

JoanC