興趣嗜好 今日: 6|主題: 124295

有50g，我無數過，但都有幾十粒。

你要勤力d同佢梳毛，咁對於佢嘔毛情況可以大大改善。

我諗你貓貓受軟唔受硬，其實我極少罵我貓貓，我同佢講野好細聲，多鼓勵，多讚賞。如果我大聲鬧佢，佢會好驚and發嬲架！不如你試下，多d錫下佢，多d同佢身體接觸，多d tum下佢。

貓同狗性格唔同，貓比較小器，好叻發嬲，我貓唔聽話，都只會叫佢唔好做Yik貓貓，要做乖貓，唔好唔聽話，之後細細力打佢頭仔一下，就罵完架啦！有時我老公會罵耐d，我都叫佢唔好鬧，不過好明顯貓貓錫我多d，無咁錫我老公。

狗比較忠心，會主動tum主人。

我隻貓仲係bb果時，好似食左丸仔咁，跑唔停架，過左7-8個月就停落黎啦！無左發癲係咁跑！

其實你貓貓有d野算乖架啦！你試下買d玩具或者多d同佢玩棒棒，比多d時間佢，佢應該會開心d。

我以前隻大貓都成日出手打我，傷害我架，佢3歲我先受養佢，佢以前的主人唔錫佢，對佢好差，只當佢係生產媽媽，隻貓好惡，我起初養，d人教我要惡，等佢知道我係主人，有時比佢抓傷都好嬲，會細細力打佢，罵佢，好激氣呀！後來我發覺唔得架，佢只會越來越惡，越來越反抗。後來我開始對佢溫柔d，多d同佢R痕，比d好野佢食，同佢玩下，佢先開始無再無端端打我。但用左成半年時間先有d改善。

貓貓換毛期，之前兩個月，我一日要同貓貓梳2-3次毛，都同樣搞到一屋毛。如果唔梳佢食落肚就會嘔。所以要勤力d同佢梳下，如果佢enjoy你梳毛，咁又可以當親密時間。等佢知道你錫佢！

貓好鬼衰架，cool cat，佢又要你陪佢，比時間佢，到佢唔喜歡，又唔想你搞佢。你試下得閒同佢R下痕，買d波仔，車仔，老鼠仔，棒棒比佢放下電，等佢無咁多精力，或者會好d。

希望你貓貓會越來越乖，你地可以enjoy同佢一起生活，仔仔不再受傷。

希望你貓貓感受到主人的愛，同樣以愛回報。希望你仔仔可以與貓貓成為好朋友。咁你仔仔同老公就唔使受罪啦！

記住如果佢又唔聽話，唔好咁燥，慢慢教，比佢知錯好啦！貓仔好似人仔咁，越打越硬頸，加上貓貓得果10磅8磅，同初生bb差唔多size，邊受得體罰。

其實平時唔使點梳毛，但換毛期就真係要梳密d啦！

你貓貓好好啦！我貓貓除左冬天，平時唔比抱，如果同佢梳毛and沖涼，比佢罵鬼死我，仲會咬我添，不過出口咬我，實會被打鼻仔一下。

見到你地關系有改善，又唔再咁痛苦對住隻貓，真係為你感恩，貓貓原來養的目的，是想帶歡樂比你們一家，我祝願你們一家和平相處，並且越來越開心，貓貓越來越好玩。你唔再聽到仔仔為貓貓而大哭，而聽到笑聲。

我記得以前有個義工同我講過，佢緊急收養一隻貓貓返黎，因為主人話貓貓隨處便便 and VV，一家人都好討厭佢，後來義工去到佢屋企，感覺到問題所在。

原來男主人非常唔鍾意隻貓，只錫另一隻貓，隻被收養的貓又瘦又弱，名種貓但好醜樣。因為貓貓在家被另一貓蝦佢，主人又唔喜歡佢，佢處於壓力，所以食唔好，並且好驚就週圍便便，但一去到義工屋企，一次都未試過唔識去沙盤。後來又開胃，換左毛，貓貓靚曬。

唔知你貓貓會唔會都覺得你錫仔仔，所以才鬧佢，但佢的表現係發惡，反抗，而唔係好似果隻貓咁樣，變得軟弱恐懼。

得閒開個post，同大家貓奴分享下養貓的情況，會開心好多。

我以前隻大貓都超惡，但好搞笑，去到獸醫果度就乖到不得了，我成日同獸醫講，我隻貓打我，佢地唔信我架。

真希望不久將來，多d聽到你貓貓開心的故事。你隻貓咁鬼聰明，一定學野學得好快。好快明白你們的心意！以愛回報你。