回覆 wa614 的帖子
我都唔知點先知落左既bb有冇跟住個媽媽，但我身邊有d朋友就會有咁既情況：
我有一個中學同學，我同佢到而家都好friend架，十幾年前喇，佢身體好差，咁佢就以為間屋可能風水唔好，就找到一個好老好老既亞婆去佢屋企睇下，聽聞呢個亞婆好勁，但果時佢都成七十幾歲喇，當時我都在場，個亞婆上到佢屋企，坐係梳化到同我個朋友講野，問下佢覺得有乜唔妥之類，係佢地傾計期間，亞婆就成日用隻手撥開d野咁，撥左幾次之後，亞婆就問我朋友之前有冇唔要過bb，我朋友答有呀，亞婆話係咪唔止一個，因為佢而家見到都有四個小朋友係到，我朋友話有呀有唔要咁多呀，細個貪玩攪出事唯有咁做了，亞婆話佢地好淒涼，爛身爛細，頭先我上來坐低，佢地知我見到佢地，所以成日哄埋來嗲我，亞婆話要送佢地上天，跟住就攪左一輪野，特別講明，亞婆冇講過佢要收幾多錢，佢剩係要我個朋友封番封利是比佢，同埋比我，因為我果時大緊肚（我個女），幾多錢就隨心得了，我個朋友果時都唔係好環境，好似都係封左一、二百元咁上下。
所以我估唔要既bb係會跟住媽媽，會令佢運氣健康都唔好，坊間有d地方話會幫嬰靈安位咁，但好似話好多都係呃人呃錢，你有冇拜神架？我又聽過人講有d經文係幫到果d bb，詳細既我都要去問下人先知呀！
[img align=left]http://img.mms.sohu.com/mms/1420/81/14881/p1.gif[/img]
發表於 
好恐怖
返回列表
