我真心覺得你阿媽好慘, 佢大半世人為左你努力左半生,
而家開始老啦(我估你阿媽4~50歲人啦) 想要慢慢退下來時,
先發現個女被人呃左! (係, 在代入佢架想法中, 佢絕對認為你比人呃)
比我有咁架女, 我真係唔會出席佢結婚, 明知佢地無錢擺酒仲要死充?
而且你個男友同你一齊已經成2年, 點解你阿媽都唔信佢?
好明顯啦! 你男友唔識做lor!
佢之所以可以識到你, 同你一齊, 都係因為你阿媽生左你, 無放棄你!
你男友錫你對你好, 阿媽當然開心,
但係, 點解你男友唔連你阿媽都尊重埋 or 錫埋?
有時唔係錢唔錢架問題, 而家係你阿媽認為你男友根本唔識去照顧你!
因為呢2年時間話比你阿媽知, 你男友佢唔識大體, 唔夠成熟, 性格太過自我!
你要知道, 男友家下生性左返工努力工, ok, 為左個b咋, 為左你咩?
係為左你, 一早係識你個2年就已經識得去努力啦! 仲等到而家?
你亦都要知道, 你家下有左人地個b, 對於婆家黎講, 係食硬你!
加上你太細個, 以後真係睇佢地臉色做人啦!
因為你短期內都搵唔到好工, 你學歷唔夠, 工時長錢少架, 不如返家湊仔仲好!
咁你以後花架所有錢都會由你男友比, 佢地兩老又失業...嘿嘿嘿
之不過, 我絕對支持你嫁比佢! why?
因為佢肯負責任, 你地2個都仲細, 仲有機會改變, 所以唔需要怕而家要捱~
首先, 幫你解決婆定要擺酒架問題~
好簡單, 你自己list個日常生活開支比出黎 (計埋bb出世後開支)
你自己1個月用幾多, 為左咩而用, 你知, 你男友個部份就叫佢自己寫埋出黎~
之後bb個度, 之前都有jm講左~ 我都有d參考比你~
一星期大概可以飲一罐奶粉, 1號around$300~350, 2號around$250~300
每大1個no.就少50蚊左右, 1,2,3號係咩奶粉, 你知我就唔再寫
尿片, 頭3個月, 用nb至1碼(around1.5至2蚊/片)一日用12~15片,
之後一日用7~10片, 用s至m碼就(around１．７至２．５/片） ｌ碼同ｘｌ就（ａｒｏｕｎｄ２至３．５/片）
一般每個月開支係1500~2000左右, (仲要計用濕紙巾/凡宜林個d消耗品)
如果bb有濕疹...嘿...就2~3個月要睇一次醫生, 額外開支成千蚊 (因為要買cream/醫生錢等等)
另外準備bb的一次性開支, 大概1~2萬
bb床 - 1000左右
床圍/被 - 5~600左右
床肉 - 5~600左右
bb車 - 1300+
bb衣服 - 30+ 一套 (起碼5件)
bb手套 - 10+ 一對 (起少5對)
bbsocks - 10+ 一對 (最少5對)
口水肩 - 10+ 一條 (最少10條)
細紗巾 - 20~30 一條 (最少10條)
大紗巾 - 60~100 一條 (最少3條)
奶瓶 - 幾十至幾百 一樽 (起碼 細oz 2個/ 大oz 2個)
包衣 - 100+ 一條 (最少1件)
最基本係以上, 應該仲有遺留...
記唔哂, 我都係生左之後買D買D咁~ 加上我車,床&衫都係人地送, 都用左成萬蚊同我個仔置裝~
ANYWAY, 只要你自己開條數出黎, 你有幾多錢, 男友有幾多錢,
擺酒需要幾多錢, 日常生活要幾多錢, 生BB要用幾多錢, 然後話比你未來99知,
"我都好想擺酒, 正正式式開開心心咁出嫁, 唔想有遺憾, 唔想比人有話: 結婚連酒都擺唔起,
之不過, 我更加唔想比人話我係一個貪錢要臉架新抱, 因為我唔忍心增加老公架負擔,
我知佢好錫我, 而且你地都好錫我, 所以又唔想要你地出錢, 因為我地一定"還唔到錢"(一定要大聲D講)
加上我而家又大肚, 搞擺酒都好費神, 不如同人講, 為左安胎, 而家唔擺住啦!
將來我同老公儲到錢, 先補擺啦~"
一來, 講明無能為力, 二來, 要擺請佢地出錢, 講明無得還, 三來, 你要以佢地個角度出發
咁就唔會傷和氣, 當年我就係用呢招令我99個邊同意唔擺酒 XD
但係, 註冊個日, 記得要著令令同埋要影相, 然後2家人去食返餐, 2~3圍就好, 人唔需要多, 但都最親~
然後,就點去哄返你阿媽, 我個方法就好簡單, 好直接
一個字 --> 喊!
同佢喊住講出你而家個感受, 講出如果佢都唔支持你,
就無人會支持你, 叫佢唔好放棄你~ 同埋多謝佢咁多年都無放棄過你,
佢錫你, 自然會心軟, 你千其唔好同佢反抗話你男友好錫你, 已經改變緊等等...
佢罵你男友, 你就轉話題, OR同意佢就OK, 時間可以証明一切...
不過佢唔會聽得入耳架~ 另外, 你都要教育下你男友,
既然佢有心想改變你媽媽個想法, 去証明自己, 咁請佢做出黎~
一個為人丈夫, 為人女婿應該點, 叫佢自己上網睇多D參考~
最簡單, 就係叫佢想像一下, 阿B係女, 佢想像一下養左佢幾十年~
自己唔飽都要搵野食比個月食, 自己衫都有洞都要買新衫比個女著時~
佢而家要嫁人啦! 你點先會放心將佢交比另一個人?
我唔知你家境點, 至少我知道你未來外家的家境未去到末路
佢地仲有5架車可以賣, 唔知係咩車, 但有呢個資產, 唔需要同佢地擔心
佢地咁大個人, 好應該有打算, 佢地都為人父母架,
如果咁都無打算, 咁無辦法, 唔到你去擔心咁多~
而且佢地都有成5架車, 我就唔知佢地唔識得為自己PLAN~
28歲,父母失業,
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
諗下自己條路要點行！
公援,教育先係問題,家庭經濟唔好, 心情會好咩?心情唔好點會有耐性? 冇耐性的人根本教唔到小朋友向好的。 係咪?
返回列表
