吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 國家地區媽媽會› 火星JM來為自己正面打打氣

國家地區媽媽會今日: 0|主題: 20265

收藏本版

回覆發帖

返回列表

跳至頁

樓主: rose-mag

38 394041 42...43

積分: 174294

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

781^#

發表於 22-6-3 13:46 |只看該作者

ivyscyip 發表於 22-6-2 19:05
其實CC啲class容易過學校啲AP class。讀Physics要數好。我女應該讀engineering / computer science，阿仔 ...

CC辛苦在多數係晚課或周六日，不過有D較細學校冇咁多課可以修，於是好多學生會去讀，我地學校D學生就係因為想多D選擇同埋可以修其他科，學校規定唔可以一年修多過3個AP，同埋AP只有11同12年級可以修。

我仔數學好好，今年讀geo最初話難，之後OK，佢個數學老師同時又係教我女，我女同老師講哥哥話geo好難，老師話冇理由架，你哥哥攞A喎。我仔問老師如果 AP Cal同AP Stat只能二揀一點揀好，老師話如果想向數學方面發展或想行STEM的話，Cal係首選，實用就AP Stat。我仔鍾意chem多過physics，不過佢話physics再上就唔容易，等出年讀到再考慮。

我女就唔駛諗，佢唔係理科人，以前勁憎數學，但佢有鬥心，只要決定做就會做好，當佢發現數學冇佢所想咁難後，佢好俾心機讀，上堂又好留心，仲叫D同學唔好上堂傾計嘈住佢聽書，所以數學老師好鍾意佢。佢都係最近問我，有咩職業同錢有關，佢話鍾意錢，我話做會計啦，只要數學去到一定程度，加埋頭腦清醒，邏輯性高，唔怕搵唔到嘢做，如果讀到CPA就更吃香。

花旗太太生活在花旗國，留意時差，你問我未必即時答到。

私人傳訊回覆引用

ivyscyip

伯爵府

積分: 19181

好媽媽勳章

782^#

發表於 22-6-4 01:35 |只看該作者

rose-mag 發表於 22-6-3 13:46
CC辛苦在多數係晚課或周六日，不過有D較細學校冇咁多課可以修，於是好多學生會去讀，我地學校D學生就係因 ...

我哋呢度係為咗個class rank 同GPA狂take AP，所以大家都好鬼忙。

Precal有一半都係Geometry ，另一半係algebra，打好個底升上去會輕鬆啲。

私人傳訊回覆引用

rose-mag

王國長老

積分: 174294

783^#

發表於 22-6-4 03:44 |只看該作者

ivyscyip 發表於 22-6-3 09:35
我哋呢度係為咗個class rank 同GPA狂take AP，所以大家都好鬼忙。

Precal有一半都係Geometry ，另一半係a ...

我地學校話唔想學生為咗攞AP而攞，如果攞唔到A反而對佢地分數有影響，而且學校唔想學生只會攞分數而讀書，想佢地真正去享受學習，咁當然有自己出去修學科嘅，各有原因，學校都有立場，我知道自己兩個仔女唔係果種可以逼，又或者谷下會努力果種，佢地係自己覺得要努力就努力，覺得想學就會自己學，係要時不時睇下個ParentVue，時時問下佢地，睇下有冇漏嘢，通常都有，唉～唔係我想relaxed，係有時想唔relaxed都唔得。

花旗太太生活在花旗國，留意時差，你問我未必即時答到。

私人傳訊回覆引用

ivyscyip

伯爵府

積分: 19181

好媽媽勳章

784^#

發表於 22-6-4 05:49 |只看該作者

rose-mag 發表於 22-6-4 03:44
我地學校話唔想學生為咗攞AP而攞，如果攞唔到A反而對佢地分數有影響，而且學校唔想學生只會攞分數而讀書， ...

我哋個gpa係以分嚟計，99同100分都有分別，AP可以加10分，所以大家都好注重分數的。

我女上年科world history，3月老師走咗嚟咗新老師。咁文科呢啲嘢，每個老師想要嘅嘢又唔同，搞到個project低分咗，有呢個新老師嗰啲全部欲哭無淚⋯⋯唉⋯⋯有人個英文老師5月初走，搞到最後個major grade係另一老師改，又係未摸到老師要求，成績即直線下降。

我哋今年有不少老師年中走，老師人工又低，又吃力不討好，好多人轉行⋯⋯

私人傳訊回覆引用

rose-mag

王國長老

積分: 174294

785^#

發表於 22-6-4 06:37 |只看該作者

ivyscyip 發表於 22-6-3 13:49
我哋個gpa係以分嚟計，99同100分都有分別，AP可以加10分，所以大家都好注重分數的。

我女上年科world his ...

我地都好多老師走，不過好彩地唔係學期中，我剛剛知道我仔個特教老師會搬，於是下年就見佢唔到，又要換人跟，我仔上高中第一年正正係online learning，當時個特教老師仲話如果佢唔退休就會跟我仔到佢畢業，點知今個學年佢退休，於是由頂替佢個新老師跟，點知一年後又要換人，好彩校長同幾個副校長都好好，做咗好多年，又對特殊教育好熟。

雖然係分ABCDF，我地都計分，89.6就B，90.1就A，有時好人嘅老師會直接俾學生跳一個grade，GPA都係分數，我女今年4.0，佢話好開心，我叫佢努力保持一直4.0，佢話好難架喎，遇著個挑剔嘅就冇架啦。我仔女有個教college and career嘅，出晒名超級惡頂，功課多又要求多多，佢最後兩星期都要學生做個group project加presentation，人家個個準備Finals，偏偏呢個功課可以令學生跌一級成績，有學生真係放棄，我女話佢有同學係唔理會成績，真係拎住個D同F都話 I don't care～

花旗太太生活在花旗國，留意時差，你問我未必即時答到。

私人傳訊回覆引用

ivyscyip

伯爵府

積分: 19181

好媽媽勳章

786^#

發表於 22-6-4 06:40 |只看該作者

rose-mag 發表於 22-6-4 06:37
我地都好多老師走，不過好彩地唔係學期中，我剛剛知道我仔個特教老師會搬，於是下年就見佢唔到，又要換人 ...

我哋gpa係用分計，所以就算我女全A，佢都唔satisfied，因為有一科low A，佢好驚佢個class rank 會跌⋯⋯

私人傳訊回覆引用

ckh689

大宅

積分: 2515

787^#

發表於 22-6-5 20:57 |只看該作者

本帖最後由 ckh689 於 22-6-6 20:01 編輯

rose-mag 發表於 22-6-3 13:46
佢都係最近問我，有咩職業同錢有關，佢話鍾意錢，我話做會計啦...

可以考慮埋讀 Finance or Business。

私人傳訊回覆引用

rose-mag

王國長老

積分: 174294

788^#

發表於 22-6-16 02:33 |只看該作者

ckh689 發表於 22-6-5 04:57
可以考慮埋讀 Finance or Business。

我有同個女提過可以考慮Finance、Econ、Business，佢其實未係好肯定自己想做咩，我話再慢慢睇慢慢諗下，我自己以前喺香港都係傻更更入大學，入到去先知自己讀果科唔係我想咁樣，不過都有興趣，到最後一年先決定要做邊個部門嘅工（我果行有分三個部門，三個唔同方向同做嘢方式），因為有關果個部門嘅課係到最後一年至讀到，越讀越有興趣，越覺得啱我。

花旗太太生活在花旗國，留意時差，你問我未必即時答到。

私人傳訊回覆引用

ckh689

大宅

積分: 2515

789^#

發表於 22-6-17 08:08 |只看該作者

回覆 rose-mag 的帖子

其實讀Finance / Business 想做揾錢嘅職業，尤其是入大行並唔容易，好視乎讀邊間大學，不過仲有時間慢慢準備，最緊要你個女鍾意。

私人傳訊回覆引用

rose-mag

王國長老

積分: 174294

790^#

發表於 22-6-29 14:24 |只看該作者

本帖最後由 rose-mag 於 22-6-28 22:27 編輯

ckh689 發表於 22-6-16 16:08
回覆 rose-mag 的帖子

其實讀Finance / Business 想做揾錢嘅職業，尤其是入大行並唔容易，好視乎讀邊間大 ...

都唔只要睇入邊間大學，有時唔係果個階層就唔係，融入唔易，我會由得仔女自己決定，搵到足夠錢支持自己生活，我唔望佢地大富大貴，或者做到行業好高層，最緊要開心健康，見到有同事做到top producers搵好多錢，但健康一大堆問題，有一個四十幾心臟病發入院，另一個因為壓力大，食得多，作息時間又顛倒，肥到比初初入公司時吹漲咗一個碼。

一個月未夠，我女數學班已經有3個確症通告，不過應該唔係有緊密接觸，我女話喺學校唔除口罩，咁樣已經好好多。呢幾日佢好愁，話唔識計sine cosine，條formula搞唔掂，問哥哥，哥哥居然話老師上年冇教到

，問同學，同學條formula application有問題，但又計到答案出嚟，我女愁咗幾日，最後唯有我出馬，老實講我已經放低本數學書，真係要睇番至記得，最後得出結論係我女唔識用部計數機，部機有個特別嘅制係for minus，佢就咁按個減號以為係，於是 cos -1 (-0.3379)按完出現syntax error，其實只要用個特定minus嘅制就會出番個答案。老公搵到個youtube video解釋得好清楚，個youtuber應該係老師嚟，每個步驟解釋，只有三角型三條邊長度時，點解要搵個最大嘅角度先等等，清楚過khan academy添。

我女話佢用咗5個鐘翻來覆去，原來只係因為唔識用部計數機，激死咗。我話：你應該好proud至係，你有懷疑同學個算式，個方向完全正確，同學用個錯嘅算式去計，個答案好似正常，其實都係錯。

花旗太太生活在花旗國，留意時差，你問我未必即時答到。

私人傳訊回覆引用

ckh689

大宅

積分: 2515

791^#

發表於 22-7-16 16:03 |只看該作者

本帖最後由 ckh689 於 22-7-16 16:15 編輯

rose-mag 發表於 22-6-29 14:24
都唔只要睇入邊間大學，有時唔係果個階層就唔係，融入唔易，我會由得仔女自己決定，搵到足夠錢支持自己生 ...

其實部計數機好緊要，以前响香港讀書，個個都用Casio，嚟到美國阿女讀中學時，專登買返部Casio俾佢用，但後來先知呢邊啲學生個個都用Texas Instruments，啲按鍵完全唔同，老師上堂都只會用TI示範，於是問佢要唔要買返部TI俾佢，佢竟然話唔使，因為佢覺得TI好蠢，明明Casio一個掣可以搞掂嘅數，TI要㩒來㩒去，好容易出錯，唯一困難係佢要自己去學識點樣用部Casio機，老師唔會教。

私人傳訊回覆引用

rose-mag

王國長老

積分: 174294

792^#

發表於 22-7-16 22:19 |只看該作者

ckh689 發表於 22-7-16 16:03
其實部計數機好緊要，以前响香港讀書，個個都用Casio，嚟到美國阿女讀中學時，專登買返部Casio俾佢用，但 ...

我地就係買咗部TI, 偏偏老師果部唔係，所以搞咗好耐，我叫個女睇計算機說明書先揾到究竟邊度有問題。剛剛尋日最後一日上堂，老師原本話唔會round up分數，最後都有，我女原本87.9分，大考90.0, 老師最後俾咗個A俾佢，佢開心到笑不攏嘴，我帶佢同哥哥去食佢地鍾意嘅韓國餐。

下星期我女話去圖書館做義工，我仔原本做緊一份intern, 剛開始做兩份，有人工又有嘢學，而家每日好開心咁返工，會做到開學前果個星期，佢自己仲開始讀下年d數學同化學，我仔今個暑假好充實，佢叫妹妹下年都去做intern

花旗太太生活在花旗國，留意時差，你問我未必即時答到。

私人傳訊回覆引用

天天天藍

男爵府

積分: 8744

793^#

發表於 22-7-18 07:16 |只看該作者

本帖最後由天天天藍於 22-7-18 09:14 編輯

.

私人傳訊回覆引用

眼訓

子爵府

積分: 14621

環保接龍勳章大廚勳章

794^#

發表於 22-7-28 11:18 |只看該作者

坐月 = Chinese confinement

以為會好好笑，其實好溫馨嘅一條片。

你今日backup左未？

私人傳訊回覆引用

rose-mag

王國長老

積分: 174294

795^#

發表於 22-9-2 06:11 |只看該作者

眼訓發表於 22-7-27 19:18
坐月 = Chinese confinement
以為會好好笑，其實好溫馨嘅一條片。

講起坐月，咁啱有個朋友鬧離婚，佢個老婆話朋友媽媽喺佢坐月時唔幫佢補身，唔整補品俾佢食，搞到佢身體而家好差。。。我同朋友好細個就識得，我媽識得佢媽媽，個新抱坐月時，朋友媽媽問我媽點整薑醋，要整咩補品，咁我媽教佢點整，後來我媽話，個新抱嫌棄朋友媽媽整嘅嘢，話佢係北方人，唔食廣東薑醋，雞酒又話唔好食，呢樣唔食，果樣又唔食，咁朋友媽媽唯有叫個新抱講想食咩，佢去學整，最後好似個新抱都冇講想食咩。朋友而家同我講，佢老婆怪佢唔肯俾一個月3000蚊去訂月子遠，怪朋友孤寒。。。

事實上我知朋友搵錢唔多，每個月自己都好慳住駛，我都借過錢俾佢應急，朋友婚後，我唔敢點聯絡呢個朋友，佢老婆太恐怖，婚宴上為好小嘅事大聲鬧自己爸爸，好多人睇到，後來仲屈一個同朋友以前好好感情嘅女性朋友係小三，其實果個女仔我都識，人家真係同我朋友好，根本未輪到佢老婆，個女仔識朋友早過佢老婆十年有多。

聽朋友講，佢老婆係獨生女，中國一孩政策下嘅極品，一向性格都係野蠻，但呢兩年疫情下，日日困喺屋企，聽埋晒D咩KOL咩podcast，學人reset recharge reform revive... 呢個已經係我身邊朋友第四個例子，對對夫婦最後都係分開。

花旗太太生活在花旗國，留意時差，你問我未必即時答到。

私人傳訊回覆引用

rose-mag

王國長老

積分: 174294

796^#

發表於 22-9-18 01:02 |只看該作者

我下個星期又開始半WFH模式，本來今年初開始已經係兩日返工三日WFH到後來三日返工兩日WFH，而家公司搬（係原址最少廿幾三十年），點知新地方未搞掂，部份人要去一個臨時office，係同其他人share果種，要等到新permanent office裝修好都要到下年年中。因為係臨時，用wifi加remote access，同WFH冇分別，於是有同事同老細爭取到呢段時間可以暫時WFH，直至搬入新permanent office，不過我都會時不時返下去，始終人係要有social interaction，可以同同事傾吓計，出去食下晏都係好事，我有同事講因為佢住得遠，好唔想去呢個臨時辦公室，但佢又好想可以見下人，希望佢老細可以批佢去另一個離屋企較近嘅office返工，不過人地果度唔係我地部門，未必有位。

花旗太太生活在花旗國，留意時差，你問我未必即時答到。

私人傳訊回覆引用

rose-mag

王國長老

積分: 174294

797^#

發表於 22-10-7 05:41 |只看該作者

香港而家0+3，有冇JM準備返一轉香港？我老公聽到新聞，即刻叫我book機票，但我唔得閒，有個同事放產假，我同另外兩個同事要頂晒佢D嘢，而且近年尾，個個都要放假，冇最少兩個星期我都費事搞，來回唔見兩日時間，返到去又有好多嘢要搞，得三幾日的話真係嘥錢嘥時間。

咁啱收到CX電郵，話機票最低價六百幾，去望下啦，再入去網站搵下機位，冇錯，真係六百幾起，但係未加燃油附加費，仲要只係得一兩日幾班幾個位，最後出年二月的話，燃油附加費三百幾四，加埋稅等等，最少都要一千五百幾美金。有朋友買咗今年11月尾去香港12月頭返美國嘅機票，要一千二百幾。

花旗太太生活在花旗國，留意時差，你問我未必即時答到。

私人傳訊回覆引用

kkyyn

子爵府

積分: 13701

798^#

發表於 22-10-7 21:52 |只看該作者

我會等到0+0先

私人傳訊回覆引用

rose-mag

王國長老

積分: 174294

799^#

發表於 22-10-9 00:12 |只看該作者

kkyyn 發表於 22-10-7 05:52
我會等到0+0先

應該都好快會0+0，而家反而想等下先，我呢度由CX每日兩班直航變成一星期得幾班，仲要唔一定直航，直航已經十幾個鐘，如果仲要轉機，前後又少咗一兩日，原本星航都有每日直航，而家全部要轉機，JAL、ANA都係要轉機。。。原本900蚊唔到機票，再加燃油附加費同稅，要差不多1400。。。我都係等吓先，雖然真係有D文件要處理，順便探下幾年未見過嘅細佬妹同侄女姨甥仔，機票加酒店加駛費。。。而家經濟變差，駛錢都係要諗過度過。

花旗太太生活在花旗國，留意時差，你問我未必即時答到。

私人傳訊回覆引用