本帖最後由 moonlight9198 於 11-7-14 19:49 編輯
我講一件事比大家知 :
差不多成 10年前架喇,
我識得有一個亞太, 住同村既,
間中都會傾下計, 而家少見左喇,
佢同佢老公好恩愛既, 幾十年婚姻,
佢老公係做地盤工既, 走時好似50歲度,
係一個好注重工業安全既人架既,
咁有次佢老公開工, 唔知點解,
果日冇用安全帶,
就咁就跌左落黎, 走左喇,
佢老公走左之後, 乜野說話都冇留低,
個亞太又成日喊同唔開心, 男家D人見到佢咁,
就話同佢去問米, 點解佢老公今次會咁唔小心,
會唔會有人害佢咁啦,
咁佢地去到元朗一個問米婆度,
咁就請佢老公上黎喇,
個亞太話, 好肯定上黎果個係佢老公,
點解, 因為上黎果個講左一D,
得佢同佢老公知道既野,
連D仔女都唔知既,
咁佢地問佢點解今次會咁唔小心,
係咪有人害佢啦,
佢老公話 : 冇人害人架,
原來佢前世係上天既仙 (學) 黎既,.
(唔識打果個字 ), 鳥類一種,
佢係夠期番上天架喇,
叫佢老婆唔好再成日喊喇,
叫佢多D去睇電影,
佢老婆係好鐘意睇電影架,
佢仲同個老婆講,
佢而家間中會去釣魚,
因佢老公生前好鐘意去釣魚架,
咁佢老婆聽完佢老公D說話之後,
諗通左好多喇, 冇咁唔開心喇.
佢地有仔有女, 所以個老婆都唔會冇人理佢既,
我而家間中都會見到個亞太, 但已好少傾計喇.
一切有為法 如夢幻泡影 如露亦如電 應作如是觀
欲知前世因 今生受的是 欲知來世果 今生作的是
大千世界 無罣無礙 自去自來 自由自在 要生便生 莫找替代
發表於 
...................好
,
節日 JEI,
我最鍾意聽/睇故仔!!
返回列表
