自由報料

收藏本版
發帖
返回列表
跳至頁

首頁
3940414243...71

尾頁
   146
rab


大宅

積分: 1388


801#
發表於 08-1-22 17:47 |只看該作者
轉貼

馬鞍山海港海鮮酒家(經理服務態度---勁差)(11/12/07)

今早去跟家人去馬鞍山3期海王飲茶,飲完後本來想定明天食晚飯.之後問服務員有冇1500蚊全包宴,服務員再問那個經理(如冇記錯叫然哥),開始是我媽問,他態度十分"串"對我媽說咩全包宴幾時冇呀full曬啦冇呀冇呀問公關啦!!!!! 我睇到這樣, 我即時問佢你咩xx態度,他即時沒聲不理我,之後那公關小姐過來我問佢才知道他是經理,我說他是經理咁態度都得.真係氣死...有冇人試過這種事件可以點做
打擊黑店click
            
私人傳訊

rab


大宅

積分: 1388


802#
發表於 08-1-22 17:47 |只看該作者
轉貼

有間婚紗店千奇唔好幫襯(7/12/07)

千奇唔好幫襯A & P Wedding .早前我個friend結婚,佢行過呢間店,有個sales推銷佢,話點底點好,於是就落左訂 。點知就出事,到結婚那天,有個攝影師遲到 ,影得又唔專業,成個新仔…態度又唔好,我仲要提佢,教佢先識做咁…跟住最慘係到中途話部機無電,整到要用部cheap cheap 相機影. 而且影出來我效果又麻麻…氣得佢老婆係咁鬧我個friend. 收工前仲問我個friend取500元茶錢…氣死個friend想殺人 .事後,我個friend打電話比佢地,鬧個sales....個sales話最多下次佢再結婚會打個八折比佢 ....有病架!!!之後,我有friend想結婚,我會叫佢地找信譽好的,不要貪平貪方便.人生大事要小心d好!
打擊黑店click
            
私人傳訊

rab


大宅

積分: 1388


803#
發表於 08-1-22 17:53 |只看該作者
轉貼

旺角女人街魚心日本料理　一級騙局　九流食物(14/12/07)

前言：
首先,佢一D都唔平,以我所食o既o野要我俾每人$60,我認為係極貴.
其次,「食夠$50可以用$15食半磅三文魚」預o左佢係啅頭
問題係佢特價o野食唔計數,於是小弟呢一晚發現原來食夠「佢所算數o既$50」係好X困難o既一回事

內容：
食o左6樣o野
1) 鯨龍魚壽司-我從來未食過呢樣o野,亦未聽過,所以唔敢大插
但係又有筋又無味,我覺得唔好食囉
2) 海膽壽司-聞一聞,腥臭無比,仲放幾片青瓜響上面以為可以藉以掩人耳目,你真係當我kai ga咩,我專登分開佢食等佢trap我唔到
well,D紫菜幾脆囉!
3) 8吋海鰻壽司-見佢有海鰻專登揀佢唔揀鰻魚,黎到又係掛羊頭賣狗肉,梅到唔駛用牙,毫無海鰻應有o既彈性,根本就算唔上係海鰻
我食豆豉鯪魚好過食佢,係豆豉鯪魚壽司呀！！！
4) 8吋吞拿魚壽司-其實都係膽博膽諗住試下,於是碟o野一黎到我就已經知自己膠o左,o個個艷麗o既粉紅,根本就係純種一氧化碳灌出黎o既,無味就算仲要腥o既
5) 8吋鱆紅壽司-能夠將一片鱆紅片到咁薄,我的確十分欣賞師傅o既刀功,如果用黎打邊爐真係一流,不過都係唔得,塊o野暗淡無光
又帶血管又帶筋,放到入口佢成為我人生中食過最臭o既鱆紅
6) 帶子壽司-一句到尾,我去飲茶食帶子腸粉o個粒帶子都大過佢同好食過佢
7) 最後無食到o既o個半磅三文魚刺身
叫o左佢埋單時亦有計我數,但係佢根本就無黎過,不過好彩佢無黎
因為經過以上6樣o野o既蹂躪我經已唔想再俾機會佢

總結：
咁食係一D都唔飽,但係問題係我真係唔想再做白老鼠,於是我拿拿聲埋單走o左去食細蓉,我唔明白點解佢可以咁叻,佢可以令佢所有o既食物唔係腥就係臭o既,係連D飯都落醋落都好似放到「叔」o左o既咁,D份量又少收得平大哂呀？
再者以佢o既水準佢係一D都唔平呀！！！
簡直就不知所謂,俾D咁o既垃圾人食,而最離譜o既係竟然仲有咁多人響openrice度話「幾好」、「ok」、「新鮮」、「超值」……！？
真係唔好玩啦!
我鄭重地話俾大家知千祈唔好去呀！！！
打擊黑店click
            
私人傳訊

rab


大宅

積分: 1388


804#
發表於 08-1-22 17:54 |只看該作者
轉貼

千両 (絕對唔值得去的日本迴轉壽司店)(18/12/07)

死因：
(1) 後生的香港師傅極度自負，以為自己後生做倒師傅就唔聽阿頭講野，仲要幾個後生師傅係度細聲講大聲笑，絕對有違日本人認真既精神
(2) 我五幾半去到，全場只有三枱客，佢竟然都可以漏單，漏單都唔緊要，我再同佢講想追番，但食完11碟野都未黎，所以迫住要取消
(3) 取消order果陣個員工既態度真係極度麻麻，勁漏單一句唔好意思都無
(4) 即叫即做既壽司，第一兩舊大細不一得誇張，第二個軍艦真係勁細舊
(5) 食之前我都知佢同元氣有關，但真係唔洗cheap到用番元氣既鰻魚醬掛? 你收哩個價錢，唔該俾d應有既服務啦
(6) 終於講到味道了，收$40一碟，味道口感新鮮度都係勁普通，我絕對唔介意你收得貴，但真係唔值囉
結論：唔好去呀!

打擊黑店click
            
私人傳訊

rab


大宅

積分: 1388


805#
發表於 08-1-22 17:55 |只看該作者
轉貼

又一裝修黑店 - 屯門栢林(12/07)

本人在這裡分享一次痛苦的經歷。事原在八月頭經朋友介紹下找了一間位於屯門的裝修公司叫”栢林”做全屋装修，包括換屋木地板、水喉、电和櫃等等。費用是30萬。由於這間公司價錢中等，所以就找了它們在八月底開工。結果換來一肚氣，問題如下：
(1)原本講明裝修期是45天。最後經過多次吹速下，直到12月21號才可收樓。足足遲了2個多月才交樓。
(2)木地板 – 在報價單寫明用紫檀木，最後用了一只不知明的木地板。而經本人拿了一片木到灣仔地板公司問過，才得知這批木地板是叫雜檀木，意思是用一些顏色不好的檀木生產而成，所以在木顏色上有很大的分別，有深也有淺，非常難看，而且師父的手工也不見好，板與板之間有隙縫。
(3)电源 – 本人一早講明厨房會按裝电焗爐和微波爐。最後師父也忘記預留一個大的电源給焗爐。由於本人一早已買了一部Philips的20A电源焗爐。最後本人要加多2,500元去換一部貴的而又細的电源15A Philips焗爐。問題不是這樣就得到解决。由於一般家用的电器是用13A，而我的焗爐是用15A，所以每次開用焗爐的時候，不能同一時間開一些大用量的电器，例如微波爐。否則會跳制。
(4)油柒 - 在報價單也寫明全屋產底油ICI油 (包油防潮油,批盪和3層ICI油)，而所有的門油手素柒。最後本人發現在睡房近窗台的一幅細牆沒有批盪，用油直接油上去就算。由於本人每天都致电栢林追收樓，所以它們就草草交貨，因為本人發覺所有的門和牆身油後都着見底色。
(5)木櫃 – 厨房所有櫃收边後也很利 (由於厨櫃用防火板)。但它們應該有機器可以打磨好一些利边的。
(6)廁所 - 本人也一早講明廁所會安放一部洗衣機，而尺寸也一早告知它們是16”闊。到最後它們做了放洗衣機的空間是16”闊，一些隙縫也沒有。那怎可以放下洗衣機呢？所以到現在本人也找不到一部15”闊的洗衣機安放下去。
(7)大門銷 – 當工程完成前，本人買了一把大門銷給它們安裝。開頭話我買錯銷，但最後又話師父很辛苦和用了很長時間才安好把銷。最後比我發現安裝得很鬆，最大問題是把銷的手柄頂住個鐵閘銷，關不到木門。到最後要本人再買多一把新銷和換了一只新的木門。
到最後本人也致电多次”栢林”去解決手尾。但它們採取愛理不理的態度。所以大家以後找裝修公司一定要寫好所有細節如賠償問題、保用和用料。還有一定要小心找装修公司，比較多幾間。不要心急。因很多時是未開工前就點都得，做完就全部都唔得。
打擊黑店click
            
私人傳訊

rab


大宅

積分: 1388


806#
發表於 08-1-22 17:56 |只看該作者
轉貼

唔好幫襯莊士頓道果間百事吉餅店(21/12/07)

我今日下午去買餅食,俾錢前,收銀機附近有個女仔正在入面飽入袋,
5個一袋, 特價10元果 d, 排我前面果男仔俾錢時阻一阻個女仔, 佢整跌左一個飽落地,佢好快咁夾左起黎,放一個無面飽既架上面, 我就繼續俾錢...
之後就去睇下 d cookie 餅, 點知我發覺個女仔偷偷望我,我以為佢當我係小偷, 咁我咪行出店外, 見佢仲望住我, 我咪走多兩步囉!當有兩個女仔行入舖時, 我就返轉頭, 睇個女仔有無偷望...
點知我見佢張個落左地既包, 入落袋...我見到就好驚... 好快咁走..不過我返到 office, 我覺得我好蠢, 我應該入去, 揭發佢...
所以我上黎, 提大家, 唔好買佢 d 飽...或者其他野都唔好買
打擊黑店click
            
私人傳訊

rab


大宅

積分: 1388


807#
發表於 08-1-22 17:59 |只看該作者
轉貼

請各位不要再去尖沙咀一壽司!!!(22/12/07)

尖沙咀: 一壽司
簡直差到爆...
冇諗過0係尖沙咀區會有D咁0既SERVICE..
服務態度 : 好唔掂 !!!
發生0係:尋晚 20/12/2007 星期四 晚上約10點
尋晚我同朋友SHOPPING完, 之後打算食日本菜 !
經過亞士厘道,見到0里間咪入0左去..
入到去叫0左十幾碟壽司..當D壽司上枱, 我地就開始食...
一食落口第一啖就有"宿"味...咁我就叫0左個女侍應問問..
唔問由至可...一問把幾火!!!!
我:「 小姐, D壽司好似有D"宿宿"地..」
女侍應就攞起碟壽司聞0左一聞..之後話..
女侍應不耐煩0既回應 :「D壽司係咁GA啵 ,壽司0既飯係用壽司醋整GA啵,一般0既壽司都係咁整GA WOR!!」
我心諗...我又唔係未食過壽司...洗唔洗講到我同我朋友好似未食過壽司咁!!!
我回應:「我冇可能連"宿"同酸都分唔開呀嘛!!!」
女侍應:「如果真係要0既,咁我咪搵呀師父睇下囉!!!」
之後師父同個女侍應講係冇事0既,係正常0既, 係D醋味0黎0既!!!
佢地句說話簡直係挑戰食客0既味蕾!!!當我地係白痴 .."宿"同酸都分唔開!!
之後個女侍應冇禮貌咁走開...當冇回事..
咁我同朋無耐咁食0左D魚生..唔食D飯..
跟住另外單丁上0既壽司D飯係冇事,所以食埋D飯,
除0左之前0個幾碟0個 D!!
而家D咁0既服務態度...真係好差....好唔開心
尋日係我第一次去一壽司,亦都係最後一次去..
旅遊點..有D咁樣0既SERVICE,令人失望!!!!
點解可以咁GA!!!!
............................................................
壽司新鮮度: 差 (可能太夜去..冇偈)
評分: 劣
五粒星評分: 一粒半
打擊黑店click
            
私人傳訊

rab


大宅

積分: 1388


808#
發表於 08-1-22 18:03 |只看該作者
轉貼

維苑餐廳葵芳店(23/12/07)

本人今天下午大約2:00去到(維苑餐廳葵方店),點了鐵板西冷牛扒餐,等了一小時這麽久才到,心想多顧客無所為,點知個鐵板
西冷牛扒餐到了,塊鐵板本人可以用手去觸撫, 之後叫侍應生來投訴,點知個侍應生話鐵板熱, 真的很好笑,全港只有(維苑餐廳葵方店)先可以吃到暖板西冷牛扒,仲有佢個(白湯)真係飲到我想嘔
總結:侍應生,服務差,食物質素極
打擊黑店click
            
私人傳訊

rab


大宅

積分: 1388


809#
發表於 08-1-22 18:06 |只看該作者
轉貼

抱不平(24/12/07)

本人係一間髮廊的長期顧客，發現有一件非常令人髮指的事發生在這髮廊內，幫的理髮的髮型師有一天邊跟我理髮邊跟我閒談，忽然聽到一聲隆然巨響，我們馬上朝聲音的方向看去，發現原來是這間髮廊的老闆（１號）正在發脾氣，
「他經常是這樣的嗎？」我問我的髮型師。
在旁有一位客人馬上搭訕說：「對呀！他經常是這樣子無緣故地發脾氣！」
接著髮型師說：「唉！你們知不知道我在這裡工作壓力很大，是精神上的壓力吧！他（老闆）心情不好的時候時常拿伙記出氣，動不動就粗口滿天飛，又說你們在我這裡打工是這樣子的了，不喜歡的可以馬上唔做，更說有沒有你們也可以，你們全部都係嗅４，客少的師傅仔又看不起，客多的他又眼紅，更出言單單打打，又喜歡監視和干涉叩別的師傅的工作情況，有很多以前在這裡工作的師傅也是在這個情況之下比佢逼走，又喜歡在背後說人長短（包括所有客人，連自己的朋友和ｐａｒｔｎｅｒ都不放過）說話極之難聽和刻薄，這情況愈來愈利害。」
這個所謂老闆根本就是垃圾，不知所謂，男人這樣小器，麻煩，根本盲　是他阻住地球轉，應該馬上消失或者一死以謝天下。
髮型師又說：「他還喜歡攪針對，務求把對方逼入窮巷。」
簡直是人渣，我聽番覺得這個老闆絕對是不知所謂，所以特登打出黎，為所以受害者抱不平。
現公開髮廊地址令大家有所警惕：
將軍澳厚德村，明遠中學斜對面，德志樓對面，溫拿髮廊，主角是１號（所謂老闆），請各方好友如見１號馬上迴避。這個生人勿近的１號師傅（老闆）。
打擊黑店click
            
私人傳訊

rab


大宅

積分: 1388


810#
發表於 08-1-22 18:08 |只看該作者
轉貼

唔好去西田間燒烤屋(25/12/07)

收錢個姐姐帶膠手套收錢懶乾正，
不過收完錢又去摸人地d野食，
跟手拎d野食去燒，
整到d野食污周晒，
叫佢換，佢就話燒左ge野食唔換得，
識收錢，但服務態度差差差！
衛生九流不如！
打擊黑店click
            
私人傳訊

rab


大宅

積分: 1388


811#
發表於 08-1-22 18:09 |只看該作者
轉貼

旺角[海天酒家]今天很過份(25/12/07)

24號晚,我有3個朋友9:45pm上去食先.到10:40pm我和另兩個朋友再上去,上到去先知比平時貴D.只可以選任食.我都覺得無所謂,但竟然到11點幾至半的時侯,D職員話無哂嘢食,只攞一碟烏冬麵,其他乜都無,我見他們也有和其他客人都咁講咁做,我覺得他們很離譜,又無同我哋講iast order,一黎就話無哂嘢食,但又有時他們同D客講揾到一碟菜,咁即係點啫?連D職員態度又唔好,仲要串我,仲收多咗我一位人頭!當然要佢減返啦!
連我係一個女仔都食唔飽,要返到屋企食杯麵！我一定唔會再上去食嘢! 當時仲有好多其他客也有嘈!希望他們也發佈出去
打擊黑店click
            
私人傳訊

rab


大宅

積分: 1388


812#
發表於 08-1-22 18:10 |只看該作者
轉貼

新彊回族薄餅店(27/12/07)

我同女朋友有日去到果度見幾有趣,
就坐低叫左個咖哩牛肉飯($30),咖哩雞肉薄餅($30)同凍奶茶($5) 點知食食下見到D咖哩汁入面有隻小強
咪拎盒飯過去比個店員囉 佢竟然就咁畢開隻野就比番我食
到最後比錢果陣都仲係收足我行我$65 連小小既補償都冇
攪到我地兩個有成幾個禮拜唔敢食咖哩,所以想向度同大家講聲,想試下小強咖哩既不防去試下啦!
Ali Baba Kashmir Curry House
九龍旺角廣華街1號仁安大廈地下XX號X
打擊黑店click
            
私人傳訊

rab


大宅

積分: 1388


813#
發表於 08-1-22 18:11 |只看該作者
轉貼

大角嘴港灣果間Sim X Salon超唔得(29/12/07)

服務又差千萬唔好試,上次幫我剪果條友好似叫"阿幫-Bon",我真係覺得條友好似唔識剪頭髮gum...........
希望唔好再有人受害la.................
打擊黑店click
            
私人傳訊

rab


大宅

積分: 1388


814#
發表於 08-1-29 12:08 |只看該作者
轉貼

美居X樂 (九龍牛頭角道X號得寶花園地下DX號鋪)(12/07)

本人於二零零七年十一月十日和十二月三日訂以下傢俬:
1.衣櫃, 54” x 75”油壓床和24”妝連地台-發票:U82643
2.實木餐杉連椅 - 發票: U82643
3.54” x 27” x 36” x 20”白色曲尺書-發票:U 82711
在二零零七年十二月二十五日送貨師傅並要求收尾數才裝配。在裝配時侯，驚覺白色曲尺書有崩花，鎖位 “披口”，油漆顏色不一，。
最嚴重的是衣櫃,油壓床和妝連地台只用木紋膠紙當禮物把木器包著，但表面“披口” “漲起” “花痕”，陰角位置谷起，鏡邊位置 “狗牙”。
安裝過程由一個木工負責，他多次拖拉組件，並括花已完成白色地台瓦。
本人已立刻向該木工報告，他只草草在書補油後並匆匆離去，並說將會有其他人跟進。
由十二月二十五日起至二十九日，我每天也致電要求有人上門執漏。他們籍口無油無人無時間，直至三十日才承諾一月一日有人上門執漏。但該名師傳只輕輕磨滑和上油，並沒有補灰，所以表面仍不平。衣櫃,油壓床和妝連地台也只用WD40擦乾淨花痕和用黑油點“披口”位置。我當然唔收貨，並向該師傅投訴，但它只說其他師傳可能執到但我就唔得。
我對此店鋪完全失望，現在只想其他人對此店加以警惕。
打擊黑店click
            
私人傳訊

rab


大宅

積分: 1388


815#
發表於 08-1-29 12:11 |只看該作者
轉貼

長沙灣1010salon 駁髮+電髮騙案(12/07)

在2007年12月27日, 我係yahoo拍賣網, 睇到駁髮廣告, 於是我就簡左一間 SALON去駁髮. 呢間SALON 位於 長沙灣地鐵站A2出口 美居中心地舖 名為: 1010 Hair Salon 電話係 605x064x4幫我駁髮係叫 ( E 花 ).
當日, 我下午兩點半去到佢間舖, 話想駁髮電髮, ( E 花 )就即幫我駁髮, 但, 佢比我感覺, 佢好投其做, 仲一路駁就一路話其他行家駁髮吾得, 駁得吾好......駁左無幾耐, 佢就講電髮價錢, 佢同我講, 100蚊電髮就無甘"襟", 200蚊o個個就"襟"喇, 同埋無甘傷頭髮, 而我自覺係貪靚o既人, 當然係想電個最靚, 又吾傷頭髮o既髮型喇....於是就簡左個200蚊電髮.....佢幫我駁完髮之後就開始幫我電髮, 但係我見佢幫我駁左好少駁髮, 而我亦有提問是否足夠駁髮, 佢就話d頭髮電起左就會鬆起, 感覺就好多架喇....甘佢係專業人士, 我當然會信佢.....等左半個鐘, 電完頭髮喇, 佢就只係幫我輕輕沖一沖水, 之後就 law 風筒吹半乾和吹散我d頭髮, 比人感覺好似好多頭髮甘, 不過我就覺我d頭髮傷左好多, 因為係(E花)話電呢隻吾傷頭髮MA....佢可能見我個樣吾係好滿意喇.....之後佢就叫我得閒黎焗下油就無事架喇.....到我臨走時, 佢問我想吾想要保養, 佢話要保養o既話, 加多50蚊就有半年保養, 甘我見d頭髮電得甘差, 都想有保養, 於是都比多50蚊作保養費, 甘o個日就用左280蚊駁髮, 200蚊電髮, 50蚊保養, 總數消費530蚊...
兩日之後, 即係29號, 我自己洗頭, 洗完之後, 成把頭髮吾曲又吾直, 只係覺得真頭髮就又旱又乾, 駁o既頭髮又少又薄又吾曲又吾直, 我見甘o既情況, 當然打電話比( E 花 )喇, 甘佢就同我講可以幫我補電, 仲約我2008年1月1日下午兩點半去佢舖, 甘當時我仲提醒佢, 1月1日係紅假, 仲問佢會吾會放假, 佢就話吾會, 仲話當日4點都有人黎駁髮, 甘我就話好, 就1月1日下午兩點半黎喇~~~
2008年1月1日下午1點45分我己去到, 我見佢仲未開舖, 就打電話比佢, 佢電話係通架, 但佢無聽, 嚮左無幾耐, 就飛去 637X 443Xo既留言信箱, 我隔幾分鐘就打電話比佢, 不過佢都係吾聽, 我等到2點45分, 佢仲係未返黎開舖, 開始覺得吾妥, 就繼續打電話比佢, 都係飛去637X 443Xo既留言信箱, 甘我都係留言信箱留左我電話, 我仲即時send sms 去 605x064x , 通知佢我已經係佢舖頭門口等佢....我一直等到3點, 我再打電話比佢, 佢已經熄左電話, 直飛去 637X 443Xo既留言信箱,我亦都有再留電話比佢, 之後我都好無奈走左....返到家, 我即時上yahoo 拍賣網, 係( E 花 )個拍賣廣告send左個問題比佢, 問佢點解吾開舖, 又問佢點解吾聽我電話.....期間, 我都有不停打電話比佢, 不過佢都係吾聽我電話....到左第二日, 佢都係無覆我電話, 當然都無覆我email喇....
2008年1月3日晚上大約7時, 我用133無來電顯示功能打電話比( E 花 ), 佢終於聽電話喇...我就即問佢點解約左我, 但又失約呢...佢諗左一陣, 佢即刻話我記錯, 話吾係約左1月1日, 係約左星期一....我好記得上次同佢聯絡, 我仲問佢1月1日係紅假wo, ( E 花 )仲話無問題, 可以黎....佢仲好意思講大話約左我星期一, 佢真係好假囉...之後我仲話send左sms比佢, 佢解釋 605x064x打爆o西, 飛去另一張咭, 所以吾知我send sms比佢 ; 我再同佢講我係637X 443Xo既留言信箱留左電話比佢, 佢又話無check 留言信箱 ; 我又再同佢講, 我係yahoo留左問題比佢, 佢又話無去睇有無人發問題, 佢一定講大話, 我check過佢, 佢可以覆1月1日後o既問題, 但又點會睇吾到我1月1日o既問題呀??? 佢真係好大話囉....之後我話佢點做生意, 佢就發惡甘講 : "你而家想點呀???" 我就同佢講 : "你甘做你吾覺有問題咩?!?!?! 你都要比個答案人架...." 之後( E 花 )更無禮貌, 更惡地講 :" 甘你而家想點呀...你得閒咪黎再補電囉...我而家有話吾比你補電咩....." 我聽到佢甘有恐嚇o既語氣, 我唯有講吾需要佢再補電就即收線....
講真...我真係吾敢再比佢電囉...佢d所謂電髮, 哈...我領教過囉...真係要敬禮同( E 花 )姐講 : "我多謝你, 吾該o西你囉...."
我真係吾甘心比佢攪到我d頭髮甘o既樣....我都吾想佢再甘呃人做生意....更加吾想有人o西錢比佢攪殘自己d頭髮, 我希望可以寫個blog出黎...會有人留意到, 吾好再比呢間黑店呃人做生意~~~~
打擊黑店click
            
私人傳訊

rab


大宅

積分: 1388


816#
發表於 08-1-29 12:12 |只看該作者
轉載 2007
1.可怕經歷，請大家小心選擇後才報名
2.威X斯婦產科姑娘勁差!!!!
3.香港仔中心琴行(黑店)
4.上星期遇到騙徒
5.屯門醫院最近又醫死人!
6.我e幾日好嬲呀!!!九X勁吾掂
7.恆X勁賤
8.強烈投訴"保X醫療有限公司"
9.呢間麵面店好過份,好dirty!d麵包跌過照賣!你地小心D!
10.鯉魚門廣場2樓間<超藝xx裝修xx....>
11.果個郭xx醫生，冇醫德﹗﹗﹗
12.廚櫃黑店-旺角區
13.麵包店賣發(毛)麵包,小心!!!!!!
14.激死人ar!!咪鬼買火炭華X士多d野,呃人gar間野!!!
15.唔好幫襯屯門新墟街市呢檔買雞蛋
16.我要唱衰永X旅遊!!!!!
17.激死我, 大家千祈唔好買呢隻Mousse!!!
18.請幫忙,勿光顧灣仔太源街衰人攤檔
19.中環間x樂園
20.好氣憤又心痛--法X醫院這樣對待想哺乳的媽咪
21.在興隆中心shopping的元朗朋友, 一定要小心這間黑店
22.妖!!國美電器既售後服務真係差!!!
23.大家用smartone 要小心!!!!!!!
24.葵涌廣場三樓黑店！！ 店名︰（ X意興隆）
25.投訴 : 溜冰班安排失當家長激氣 (文理今日見報)
26.騙人的 "眼鏡直銷工場"
27.騙人的 "眼鏡直銷工場 Optical Town" (中文版)
28.天x泳會--經營手法有問題,請勿中計!!
29.天x泳會..服務態度勁差
30.荃灣傢俬舖黑店
31.不知所謂(軒琴居)~~
32.新元朗中心景X皇宮海鮮酒家...不知所謂
33.荃灣廣場-青胡椒
34.葵涌商場"五十嵐"侍應陳x霞不知所謂
35.MegaBox 發記甜品，幫襯一次都嫌多！
36.大家用smartone 要小心!!!!!
37.後不要再信有線, 我被他們騙了﹗
38.想投訴急証室既醫生可以點做??
39.電視電訊推銷不擇手段
40.比小朋友自己去廁所d媽咪要小心呀!
41.觀塘裙民中心明x酒家
42.好激氣呀! 俾one2free 呃左續約呀!
43.小心的士 JT 4951
44.沒有經驗的陪月員
45.HKBD 騙局
46.屯門無良的士司機~~
47.今日在香港置業不快經驗
48.Shelly De Mozz 芭蕾舞學院
49.大家千萬不要幫襯"mother care" !!!
50.千萬不要跟Sun X去旅行
51.荃灣南豐中心"樂途旅行社"-極差的旅行社
52.在香港仔買冷氣機要小心
53.追討天x泳會行動

[ 本文章最後由 rab 於 08-1-29 12:14 編輯 ]
打擊黑店click
            
私人傳訊

rab


大宅

積分: 1388


817#
發表於 08-1-29 12:16 |只看該作者
54.小心旺中1/F買衫的手段
55.貨不對辦之生日會(一肚氣)
56.小白屋, 小心!
57.YMxA暑期班陷阱!小心!*~*
58.正一黑店....元朗雅x建材
59.小海豚沒牌教練在泳池冒充他人教練牌被拒入場
60.心心蒸餾水不知所謂,千其唔好幫襯
61.唔好幫襯九龍城匯寶家居設計
62.請大家一定要小心Hair Code Salon!
63.去尖東海旁千祈唔好幫街邊買呢支野
64.黑店....元朗雅x建材
65.何必要受氣看上環劉逢吉中醫呀!
66.去荃灣小肥羊食到一肚火
67.我比now tv 呃咗！
68.被Kinder Koala騙了!!
69.屈錢偷野"福音搬運公司"
70.尿片推廣=騙局?
71.必x站$899-$6888plan...假ga
72.我比美容院的醫生搵笨
73.我比藍田果間儷x美容中心呃$
74.無良的士司機, 車牌"KW6361"
75.被星X旅遊欺騙，浪費金錢及假期，真的無公義？
76.My BabyFace --- 離晒大譜
77.不要幫襯小西灣富怡樓下的不誠實店舖 “鴻記潮洲美食”
78.未買NDS既媽咪, 千祈唔好去旺角好景商場度買呀
79.唔好去長沙灣青山道嘅(愛x)寵物店幫襯呀!
80.呻一呻(Kowloon City-清(珍)回教餐館)
81. 必x站
82.沙田新城市廣場 - 博多拉麵
83.險些上當記(X蕙)
84.各位元朗剪頭髮姊妹小心,有色狼
85.有冇人係Dx 美容院受過氣
86.大圍美林街市「尊貴的」豆腐檔
87.荃灣霸王山莊唔比揹住bb入去食野
88.天水圍媽咪要小心,錫安教經常出沒向小朋友招手!
89.旺角花園廣場扒王之王..千祈唔好去
90.大力泳會教練咁樣對待三歲既小朋友
91.極差的Employment Agent-千悅僱傭中心
92.小心在銅鑼灣賣閃髮夾的婆婆
93.我發誓,以後都唔幫襯石籬商場二樓晒相黑店
94.吾好幫襯銅鑼灣恩平道條斜路間補鞋檔
95.致Megabox的一封投訴信!!
96.訂Label sxxp織嘜一肚氣
97.小心騙人的媽媽(小敏婷)
98.頌安金紫荊酒樓........服務很差
99.想買MPF, 千祈咪搵滙豐
100.不可信的印野公司 - bbmemxxy (x是代號)
101.九龍城永X大閘蟹
102.小心的士司機"KZ9376"
103.元朗大坑渠B仔涼粉
104.想美甲及學整甲千萬不要去....
105.在瑪麗生產的不快經歷
106.拆解「 聾啞人士」騙局!!...
107.態度惡劣的「海濱公園餐廳」職員
108.無良中醫羊胎素變類固醇
109.屋企有老人家的媽媽要小心呀(尤其葵青區)
110.零售業的敗類
打擊黑店click
            
私人傳訊

rab


大宅

積分: 1388


818#
發表於 08-1-29 12:17 |只看該作者
111.X泰旅社－聖誕報團分秒海鮮價
112.我買咗樂聲牌煤氣爐,想投訴
113. "危險"小心迪欣湖個草地
114.旺角果間音樂農X..我以後一定唔會再幫襯
115.買鱷魚肉小心！
116.去北角‘金濠’吃火鍋小心上當！
117. 極差極不老實的店
118.好嬲, 大家千其唔好幫襯和記寬頻, 厄錢!
119.好激氣, 唔好去實X買野
120.千萬別光顧荃灣鱟地坊一街八號舖!
121.美容院騙案
122.唔好去呢間野(第x牛扒)
123.經永east book長隆酒店,激到一肚氣
124.新x貨不對版
125.無良地產 + 無良業主
126.黑店~金都租姊妹裙
127.公廁裡的烘乾機不要用
128.去屯門市廣場帝廷酒家要小心被誤導
129.小心大埔寶湖道寵物店放惡犬咬人
130.創輝的員工服務差左,激氣~
131.全港最無禮貌食市
132.無線又係度昆人裝收費電視
133.一齊杯葛"粗口商場"!!!
134.屯門卓爾居麗都總廚d野呃人架
135.配眼鏡配出一肚氣
136.全港最黑人憎食店2007-2008年
137.請各位不要再去尖沙咀一壽司!
138.東涌...所謂的 outlet
139.不吐不快 之 扒王之王
140.柴灣 '中X藥房'拒換奶粉,一肚氣 !!
141.我比人呃左呀!
142.尖東-源記茶餐廳係黑店爛仔店大家咪幫襯
143.屯門「膳魔師」既 promoter 服務好差！
144.小蜜蜂糖果店~呃錢架
145.千祈唔好買ACL DVD 錄影機
146.好鬼嬲，炒鬼左個陪月，特此與大家分享!
147.各位小心呢個"媒"..
148.鴨記小販做媒騙街坊
打擊黑店click
            
私人傳訊

rab


大宅

積分: 1388


819#
發表於 08-1-29 12:19 |只看該作者
轉貼

手 機 黨 扮 遊 客 呃 妹(31/12/07)

衣 光 鮮 講 普 通 話 　 兩 月 作 案 11 宗
沉 寂 一 時 的 手 機 騙 案 近 月 死 灰 復 燃 。 一 班 相 信 來 自 內 地 的 蠱 惑 男 女 騙 徒 打 正 旗 號 扮 遊 客 ， 在 港 島 鬧 市 穿 梭 ， 專 向 純 品 「 學 生 妹 」 及 青 年 埋 手 ， 聲 稱 自 己 的 手 機 無 電 ， 在 街 頭 截 停 受 害 人 借 手 機 致 電 同 黨 ， 又 指 稱 要 與 友 人 會 合 ， 為 保 持 聯 絡 要 求 受 害 人 借 出 手 機 ， 承 諾 稍 後 歸 還 但 去 如 黃 鶴 ， 當 中 最 年 輕 受 害 人 僅 13 歲 。
警 方 近 兩 月 已 接 獲 11 宗 同 類 案 件 ， 損 失 手 機 及 現 金 共 值 逾 30,000 元 ， 並 相 信 有 受 害 人 沒 有 報 案 ， 懷 疑 騙 徒 是 同 一 集 團 ， 呼 籲 青 年 人 勿 輕 信 陌 生 人 ， 遇 有 遊 客 作 同 類 要 求 ， 不 妨 提 議 ： 「 不 如 你 畀 個 電 話 號 碼 等 我 幫 你 打 啦 」 ， 令 對 方 知 難 而 退 。
「 手 機 黨 」 騙 徒 在 04 年 一 度 猖 獗 ， 其 後 在 警 方 大 力 宣 傳 下 已 有 回 落 趨 勢 ， 但 近 兩 月 騙 徒 又 捲 土 重 來 ， 有 別 過 去 以 假 手 機 換 真 手 機 、 或 以 美 少 女 騙 青 年 學 生 的 手 法 。 港 島 總 區 防 止 罪 案 辦 公 室 主 任 蔣 瑞 菁 受 訪 時 表 示 ， 今 次 負 責 「 出 面 」 的 騙 徒 為 兩 名 25 及 40 歲 左 右 的 女 性 ， 不 露 面 只 「 出 聲 」 的 同 黨 則 有 男 有 女 ： 「 佢 全 部 講 普 通 話 ， 話 自 己 係 台 灣 或 者 新 加 坡 遊 客 ， 而 且 得 好 光 鮮 ， 減 低 受 害 人 戒 心 。 」
騙 徒 還 專 揀 「 學 生 妹 」 埋 手 ， 受 害 人 大 部 份 是 年 僅 13 至 18 歲 的 女 學 生 ： 「 騙 徒 睇 準 學 生 妹 容 易 信 人 、 純 品 又 富 同 情 心 」 ， 原 本 11 月 份 僅 得 兩 宗 騙 手 機 案 ， 但 本 月 截 至 19 號 已 接 獲 9 宗 ， 平 均 兩 日 一 宗 ， 其 中 在 19 號 一 日 內 更 先 後 發 生 三 宗 ， 有 兩 男 一 女 被 騙 。
蔣 瑞 菁 表 示 ， 兩 名 女 騙 徒 在 中 環 地 鐵 站 、 柴 灣 、 筲 箕 灣 、 太 古 城 、 北 角 、 銅 鑼 灣 、 金 鐘 等 人 流 多 地 區 活 躍 ， 向 受 害 人 訛 稱 有 急 事 ， 自 己 的 手 機 無 電 要 向 她 們 借 手 機 ， 「 跟 住 話 要 同 電 話 內 朋 友 去 第 二 度 會 合 ， 叫 受 害 人 借 個 手 機 畀 佢 ， 方 便 佢 一 路 同 朋 友 聯 絡 。 」 其 中 一 宗 案 的 受 害 人 年 僅 13 歲 ， 在 柴 灣 怡 泰 街 遇 上 兩 名 女 騙 徒 ， 蔣 瑞 菁 說 ： 「 佢 （ 女 騙 徒 ） 話 去 杏 花 搵 朋 友 ， 叫 個 妹 妹 附 近 商 場 等 佢 返 ， 結 果 冇 影 ！ 」
另 一 名 24 歲 任 職 髮 型 師 的 青 年 則 在 太 古 坊 遇 上 騙 徒 ， 除 損 失 手 機 外 ， 還 慘 被 騙 去 千 多 元 現 金 。 「 女 騙 徒 同 黨 同 時 致 電 受 害 人 ， 聲 稱 存 錢 到 『 朋 友 』 戶 口 ， 但 未 能 即 刻 過 數 ， 要 求 受 害 人 先 借 千 多 元 畀 位 朋 友 ， 結 果 受 害 青 年 手 機 同 錢 都 冇 埋 ， 雙 重 損 失 ！ 」
防 騙 小 錦 囊 ：
＊ 遇 上 陌 生 人 在 街 頭 借 手 機 ， 勿 輕 信 別 人 ， 必 要 時 對 方 說 出 電 話 號 碼 代 為 致 電
＊ 一 旦 涉 及 金 錢 ， 勿 輕 易 付 款 ， 應 與 家 人 商 量
＊ 可 借 一 元 讓 對 方 到 公 眾 電 話 亭 打 電 話
＊ 向 街 上 公 職 人 員 求 助 ， 如 食 環 署 人 員 、 交 通 督 導 員 等 穿 制 服 人 員 ， 令 騙 徒 有 所 顧 忌
＊ 遇 有 懷 疑 ， 直 接 向 警 方 求 助
近 日 有 女 騙 徒 利 用 「 學 生 妹 」 的 同 情 心 ， 乘 機 騙 去 她 們 的 手 機 。 犯 罪 學 家 指 女 騙 徒 揀 少 女 下 手 ， 是 要 減 低 她 們 的 防 備 心 ， 而 學 生 妹 亦 因 年 紀 小 不 懂 處 理 世 情 、 防 騙 意 識 偏 低 ， 成 為 騙 徒 目 標 ； 他 建 議 少 女 遇 上 有 關 要 求 ， 應 向 公 職 人 員 求 助 ， 令 心 存 僥 倖 的 騙 徒 知 難 而 退 。
犯 罪 學 家 黎 定 基 指 出 ， 女 騙 徒 呃 學 生 妹 是 「 女 對 女 戒 心 低 」 ， 女 學 生 年 紀 小 ， 不 懂 處 理 社 會 越 來 越 複 雜 的 人 情 世 故 ， 因 此 被 騙 意 識 不 高 ： 「 佢 覺 得 有 借 有 還 ， 當 面 借 電 話 好 閒 。 」 豈 料 騙 徒 見 獲 得 受 害 人 信 任 ， 便 會 得 寸 進 尺 ， 要 求 借 走 ， 入 世 未 深 的 少 女 不 虞 有 詐 ， 便 墮 進 騙 局 。
黎 又 指 出 ， 受 害 人 認 為 這 些 非 暴 力 的 案 件 ， 由 於 無 涉 及 受 傷 ， 很 多 時 被 騙 後 無 報 案 ， 騙 徒 把 握 這 種 心 態 ， 覺 得 容 易 下 手 ， 因 此 助 長 了 此 類 案 件 的 發 生 。 黎 直 斥 這 種 利 用 年 輕 人 富 同 情 心 的 行 騙 手 法 極 差 ， 他 忠 告 青 年 學 生 遇 到 同 類 情 況 時 不 要 借 出 手 機 ， 必 要 時 可 找 公 職 人 員 協 助 ， 如 穿 制 服 的 食 環 署 人 員 、 交 通 督 導 員 等 有 執 法 權 的 人 士 ， 甚 至 求 助 警 察 藉 以 阻 嚇 騙 徒 ： 「 最 好 借 一 蚊 畀 佢 去 電 話 亭 打 電 話 ， 又 可 幫 到 佢 ， 又 唔 使 俾 人 呃 ！ 」
打擊黑店click
            
私人傳訊

rab


大宅

積分: 1388


820#
發表於 08-1-29 12:20 |只看該作者
轉貼

健 身 中 心 向 少 年 促 銷　 家 長 受 滋 擾(31/12/07)

香 港 人 越 來 越 注 重 健 康 和 儀 容 ， 喜 歡 到 健 身 中 心 做 運 動 ， 或 者 參 加 瘦 身 公 司 的 減 肥 纖 體 療 程 ， 往 美 容 院 護 膚 去 斑 等 也 越 來 越 普 遍 ， 惟 市 面 店 舖 質 素 良 莠 不 齊 ， 不 時 惹 來 消 費 者 不 滿 。 《 蘋 果 》 接 獲 涉 及 健 身 、 瘦 身 及 美 容 的 投 訴 不 斷 上 升 ， 由 去 年 的 159 宗 增 至 今 年 的 214 宗 。
接 受 療 程 鼻 生 疹
與 健 身 中 心 和 瘦 身 公 司 有 關 的 投 訴 多 涉 及 推 銷 手 法 ， 早 前 便 有 家 長 投 訴 California Fitness 健 身 中 心 職 員 游 說 其 未 滿 18 歲 兒 子 入 會 ， 可 是 她 仍 未 簽 署 協 議 書 同 意 ， 該 中 心 已 向 她 發 出 律 師 信 催 收 費 用 ， 令 她 無 端 受 滋 擾 。 另 有 讀 者 不 滿 瘦 身 公 司 必 瘦 站 在 廣 告 中 利 用 紅 歌 星 推 銷 ， 聲 言 14 天 包 減 6 至 10 磅 及 12 至 20 吋 ， 費 用 只 需 688 元 ， 職 員 更 承 諾 「 包 減 到 」 ， 可 是 她 付 款 並 試 做 療 程 後 ， 職 員 竟 稱 此 療 程 不 足 以 令 她 達 至 成 效 ， 游 說 她 參 加 一 個 須 費 萬 多 元 的 纖 體 療 程 ， 令 她 對 該 店 的 營 商 手 法 大 感 質 疑 。
有 多 名 女 子 向 本 報 投 訴 ， 她 們 分 別 到 美 容 院 進 行 護 膚 或 去 斑 等 療 程 後 ， 皮 膚 不 但 沒 有 改 善 ， 更 帶 來 反 效 果 。 如 有 人 到 美 容 中 心 接 受 彩 光 祛 斑 療 程 後 ， 竟 被 弄 傷 皮 膚 ， 留 下 礙 眼 黑 烘 ； 也 有 女 子 接 受 聲 稱 是 「 零 疤 痕 」 的 微 針 療 法 ， 美 容 院 職 員 以 滿 佈 微 針 的 針 轆 刺 激 皮 膚 表 層 導 入 精 華 素 ， 最 後 鼻 上 竟 出 現 痕 及 長 滿 疹 ； 又 有 人 進 行 彩 光 美 容 ， 於 首 次 接 受 服 務 後 ， 額 頭 出 現 大 量 「 粒 粒 」 及 過 敏 紅 腫 。 市 民 如 欲 接 受 這 類 療 程 ， 宜 選 擇 有 信 譽 商 號 。
打擊黑店click
            
私人傳訊


首頁
3940414243...71

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy