國家地區媽媽會 今日: 0 | 主題: 20265

積分: 174294

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

822^#

發表於 23-3-18 00:34 |只看該作者

ivyscyip 發表於 23-3-16 21:38
我唔係呀⋯⋯現在開始要煩阿女報大學了⋯⋯諗起就頭痛

我都差不多，大仔出年畢業，今年尾明年初要報，佢都未知自己想點，只係話最有興趣係化學，生物都鍾意，數學次之，其實物理佢唔錯，但話再讀會好難，所以未必想報物理。以佢情況，我地可能會俾佢上社區大學，讀住GE科目先，俾多少少時間佢。再一年就要煩個女，佢仲唔掂，只知道自己唔鍾意科學，對數學有好濃興趣，非常喜歡Arts同跳舞，但唔想將興趣轉化為職業，有親戚提議佢讀經濟或財務，最近學校有個investment club，佢同個仔都加入，成日返嚟問有關投資嘅嘢。

花旗太太生活在花旗國，留意時差，你問我未必即時答到。

私人傳訊回覆引用

積分: 174294

823^#

發表於 23-7-11 08:15 |只看該作者

不經不覺仔女放暑假已經一個月有多，細女返緊internship，係一個由市政府主辦嘅工作室，其實俾學生學下職場嘅嘢，同時有錢賺，會有project要交，有presentation要做，女話有D人連上zoom都唔開鏡頭，有task要做又唔參與，我話現實工作中都有咁嘅人，做好自己個份就係啦。大仔就今日去上intern orientation，係真正一份工作，喺療養院做aide，佢話有興趣做同醫療有關工作，雖然遠咗少少，不過佢鍾意就得。

上個月我老公中COVID，我同仔女無事，唔夠半個月到我同仔女中，我最嚴重，初初發燒加肌肉痛喉嚨痛，足足兩個星期又咳又頭痛，完全冇精神/精力做嘢（remote），到今日都係仲有咳同喉嚨痕，不過已經好得8899。

花旗太太生活在花旗國，留意時差，你問我未必即時答到。

私人傳訊回覆引用

ivyscyip

積分: 19181

好媽媽勳章

824^#

發表於 23-7-14 06:30 |只看該作者

rose-mag 發表於 23-7-11 08:15
不經不覺仔女放暑假已經一個月有多，細女返緊internship，係一個由市政府主辦嘅工作室，其實俾學生學下職場 ...

我哋仲有一個月就放完暑假。阿女超忙，上咗兩科summer school，宜家去咗第二度4個星期的summer program. 阿仔兩星期後就要開始band，日日出去暴曬。佢今個暑假係老豆公司intern，又做咗30+ hours義工，仲上埋drivers Ed.

我哋下星期會去SF一星期，c6會跑全馬，我會去跑半馬，希望天氣唔好熱啦！

私人傳訊回覆引用

積分: 174294

825^#

發表於 23-7-14 07:11 |只看該作者

ivyscyip 發表於 23-7-13 14:30
我哋仲有一個月就放完暑假。阿女超忙，上咗兩科summer school，宜家去咗第二度4個星期的summer program. ...

我以前讀書時都鍾意跑步，年年學校都有比賽，後來大咗發現左腳有問題，而家行耐D都唔得，有時上完跳舞堂返屋企，腳會痛兩三日，不竟年紀大咗。下星期六日應該唔會太熱，出太陽就點都會晒，不過沿碼頭跑應該都有風。

你跑1st 定 2nd Marathon？

花旗太太生活在花旗國，留意時差，你問我未必即時答到。

私人傳訊回覆引用

ivyscyip

積分: 19181

好媽媽勳章

826^#

發表於 23-7-14 07:19 |只看該作者

rose-mag 發表於 23-7-14 07:11
我以前讀書時都鍾意跑步，年年學校都有比賽，後來大咗發現左腳有問題，而家行耐D都唔得，有時上完跳舞堂返 ...

我跑city half，golden gate bridge 太斜了！

私人傳訊回覆引用

積分: 174294

827^#

發表於 23-7-14 07:30 |只看該作者

本帖最後由 rose-mag 於 23-7-13 15:31 編輯

ivyscyip 發表於 23-7-13 15:19
我跑city half，golden gate bridge 太斜了！

唔只斜，仲好早，6點幾就開跑，雖然而家我都五六點就醒，但咁早去跑，魂都未歸位。下星期六日我同個女都要去練舞，因為再下一個星期有表演，練習場地好近DT，到時要早D出門口。

花旗太太生活在花旗國，留意時差，你問我未必即時答到。

私人傳訊回覆引用

ivyscyip

積分: 19181

好媽媽勳章

828^#

發表於 23-7-14 08:10 |只看該作者

rose-mag 發表於 23-7-14 07:30
唔只斜，仲好早，6點幾就開跑，雖然而家我都五六點就醒，但咁早去跑，魂都未歸位。下星期六日我同個女都要 ...

早冇問題，因為c6都係咁早。我驚我俾掃上車咋⋯⋯

私人傳訊回覆引用

積分: 174294

829^#

發表於 23-9-3 14:05 |只看該作者

話咁快仔女已經開咗學半個月，同一時間我亦轉咗工，告別做咗十幾年嘅公司，而家新工baby step適應中，同事同工作都OK，唔同行業，唔同工種，係另一種體驗。

花旗太太生活在花旗國，留意時差，你問我未必即時答到。

私人傳訊回覆引用

積分: 174294

830^#

發表於 23-9-30 13:06 |只看該作者

回覆樓主:

今晚趕起抹茶芋頭紫薯千層酥，聽日可以送俾同學同老師，祝各位火星JM中秋節快樂，健康幸福！
attach0/tmp/phpX9l5MU

點評

ckh689

發表於 23-10-2 18:47

花旗太太生活在花旗國，留意時差，你問我未必即時答到。

私人傳訊回覆引用

Ronabo

男爵府

積分: 5500

831^#

發表於 23-10-3 13:35 |只看該作者

rose-mag 發表於 23-9-30 13:06
今晚趕起抹茶芋頭紫薯千層酥，聽日可以送俾同學同老師，祝各位火星JM中秋節快樂，健康幸福！

...

整得好靚啊(emoji)(emoji)(emoji)(emoji)

私人傳訊回覆引用

積分: 174294

832^#

發表於 23-11-20 14:45 |只看該作者

唔覺唔覺又到感恩節，今年有兩日假放，放埋Black Friday，整完感恩節大餐可以休息番一日，過埋周末至返工。今年仔女問可唔可以唔食火雞，我問咁食咩？佢地話食雞啦，火雞都唔好食，仲好，唔駛煩，又慳時間，暫時只係決定到整雞槌／翼／脾，薯蓉、蕃薯、炒雜菜，唔太想食咁多肉，睇下會唔會焗baby ribs，蘋果批應該都會整，我又想整焗酥皮啤梨，不過家人唔太好啤梨，女就想整apple roses，佢貪個樣靚。。。

花旗太太生活在花旗國，留意時差，你問我未必即時答到。

私人傳訊回覆引用

RafaelW_FB

男爵府

積分: 6824

833^#

發表於 24-4-17 07:54 |只看該作者

各位兄弟姐妹，呢排有乜搞作啊？ :donutbingo:

私人傳訊回覆引用

積分: 17522

好媽媽勳章

834^#

發表於 24-10-30 22:18 |只看該作者

rose-mag 發表於 23-7-11 08:15
不經不覺仔女放暑假已經一個月有多，細女返緊internship，係一個由市政府主辦嘅工作室，其實俾學生學下職場 ...

請問high school 學生暑假的活動
如何報名和安排？
我新到美國的，仔現在grads 12
女是grade 9

私人傳訊回覆引用

積分: 174294

835^#

發表於 24-10-30 23:32 |只看該作者

olimo 發表於 24-10-30 22:18
請問high school 學生暑假的活動
如何報名和安排？
我新到美國的，仔現在grads 12

你住邊度呀？我住呢個city有政府sponsor嘅高中生暑期工，pay minimum hourly rate, 學嘢居多，一般係非牟利機構或政府部門嘅program, 有去法院學司法機制，有去夏令營做team lead, 按年級仲有分兩個programs，一個俾9-11年級，另一個12年級到25歲(大學生), 你可以查下有冇市政府資助嘅暑期工；不過我兩個仔女參加過都唔太鍾意，因為太多學生只為賺錢，完全冇用心上訓練堂同做tasks, 而呢d tasks九成都係group work, 變成只係一小部份學生做嘢。

我仔上年經學校輔導員揾到間療養院做helper, 今年兩兄妹又揾到市動物園嘅工，暑假後留低做part time

你叫仔女問吓學校嘅輔導員有冇暑期工資料，坊間應該有唔少機構或公司需要暑期工或internship, 我地學區每年都提供暑期工資料，有公營同私人機構。

你睇下校區或政府網站有冇資料。

花旗太太生活在花旗國，留意時差，你問我未必即時答到。

私人傳訊回覆引用

積分: 17522

好媽媽勳章

836^#

發表於 24-11-2 11:51 |只看該作者

rose-mag 發表於 24-10-30 23:32
你住邊度呀？我住呢個city有政府sponsor嘅高中生暑期工，pay minimum hourly rate, 學嘢居多，一般係非牟 ...

謝謝你呀
好，我叫仔女去約counsellor 問吓如何報名
我在Pennsylvania 的一個小鎮
來了三個月
你住哪裡啊

私人傳訊回覆引用

積分: 174294

837^#

發表於 24-11-2 12:37 |只看該作者

olimo 發表於 24-11-1 19:51
謝謝你呀
好，我叫仔女去約counsellor 問吓如何報名
我在Pennsylvania 的一個小鎮

聽聞Pennsylvania屋價比全國平均價低，係咪真架？三個月都仲新，慢慢適應。

我住北加州灣區三藩市，樣樣都貴，生活指數越來越高，不過就好方便，市內唔揸車都好OK，我一向搭巴士返工放工。係呢幾年治安差咗，遊民又多，好多店舖執笠，Downtown同金融區比以前靜咗好多，以前我返金融區，朝早六點七點已經有唔少路人，有Starbucks係早上5點開門，COVID後一段時間仲係大部份人WFH，到慢慢有人返工，再到而家多數hybrid，餐館咖啡店少咗好多生意。我舊年轉工冇再返金融區，今日中午有事出去經過果頭，好多for sale, lease嘅牌，都幾唏噓，唔知要幾時經濟至可以好番D。

忽然醒記我女早年未夠年齡做工，佢暑假去圖書館做義工，打發時間之餘又學下嘢，佢係幫手run暑期讀書計劃，雖然冇錢賺，但佢話幾開心，又識到其他同齡唔同學校嘅學生。

其實去到高中已經好難有暑期班或夏令營，反而高中生會去夏令營做helper 或者leader，呢度有政府公園及康樂署嘅夏令營，都係請高中生大學生做helpers（有人工架），有D教會都有夏令營，都會有高中生大學生做幫手，你可以睇下仔女想唔想試下做。

花旗太太生活在花旗國，留意時差，你問我未必即時答到。

私人傳訊回覆引用

積分: 17522

好媽媽勳章

838^#

發表於 24-11-6 22:39 |只看該作者

本帖最後由 olimo 於 24-11-6 22:40 編輯

rose-mag 發表於 24-11-2 12:37
聽聞Pennsylvania屋價比全國平均價低，係咪真架？三個月都仲新，慢慢適應。

我住北加州灣區三 ...

你好叻呀，我其實都想搵嘢做
怕冇人請，因為我啲聆聽唔係好好
想做義工，慢慢適應下社會

我兒子在香港考了DSE ，佢喺香港中學校內成績麻麻哋，反而DSE考得幾好，可惜美國唔係好承認DSE，報名表上面都冇位置放DSE成績單

來這裏讀Grade12，剛剛考了S A T
近來報緊大學，都唔係咁有信心報得到

佢話喺香港可以讀到大學,唔使讀associate
所以嚟到呢度唔係好想讀college
如果佢讀college，我仲慳返好多錢
睇吓到時點啦，如果大學唔收都要讀college 㗎

呢間中學好好，我個仔返咗兩個月學
學校排咗佢入honour roll, 讀多兩科
說係Special Graduation program

私人傳訊回覆引用

積分: 174294

839^#

發表於 24-11-8 13:57 |只看該作者

olimo 發表於 24-11-6 06:39
你好叻呀，我其實都想搵嘢做
怕冇人請，因為我啲聆聽唔係好好
想做義工，慢慢適應下社會

我邊度叻，都係打份普通工，喺呢度唔係咩專業人士，本來以為做咗咁多年好難轉工，一來年紀大咗，二來自己都驚離開舒適圈，但好多嘢整定，新工人工同福利好過舊果份，我俾唔到理由自己留低，離開後半年，我原本個位嘅同事九成被layoff，留得低嘅一人做五個人嘅嘢，遣散費係以年資每年計兩個星期，廿年都係四十個星期，我有同事已經63歲，原本想做到退休，而家唔上唔落，直接退休又擔心唔夠錢，去搵工又未必有人請。我而家份工都算穩定，做咗一年多，最近要暫時頂埋一個請病假同事嘅工作，忙到我甩晒轆，仲要臨時學做不同嘅嘢，原本頂三個星期變成五個星期，跟住發現同事做錯好多嘢，我變相補鑊，仲要越來越多大鑊。。。不過有危就有機，兩個上司好滿意我肯學肯做，又發現其實可以用簡單嘅方法做到同事成日話好難好煩嘅嘢，雖然唔會有人工加，但個appraisal應該會唔錯嘅。

我女都係12年級，而家都寫緊assignments報學校，佢好獨立，我只係間唔中問下進度，而家大學學費好貴，就算本州州立大學學費加宿費都要每州四萬幾五萬，我有兩個仔女，一年加起嚟都最少十萬，想提早退休都唔得。

其實讀書又好，工作又好，除咗賺錢之外，我好需要能夠享受嘅過程，成世人流流長，如果讀一門自己唔鍾意嘅科目，做一份自己唔鍾意做嘅工，我會好辛苦，而生活已經係苦多於樂，好慶幸我由讀書到工作都好享受好開心。

花旗太太生活在花旗國，留意時差，你問我未必即時答到。

私人傳訊回覆引用