＋

自由報料

收藏本版
發帖
返回列表
跳至頁

首頁
4041424344...71

尾頁
   146
rab


大宅

積分: 1388


821#
發表於 08-1-29 12:21 |只看該作者
轉貼

深水埗元州街傢具黑店(12/07)

本人於07年12月1日到深水埗元州街36及42號地下之<祥發傢私裝飾公司>訂造傢具,並已付出訂金$1000.單據上已列明會於12月4日下午5時上門度呎.惟該店的店員盧小姐常推說度呎師傅放假,沒時間等等理由,將度呎時間延誤了足足十天之久.到度呎當天,約好了師傅6pm在我家等候,對方卻於6pm才致電來問我家應坐什麼交通公具.結果他當然是遲大到! 雖是如此,但當時我對他們也沒點埋怨.並決定造一張曲尺形的組合床.盧小姐承諾會於2-3星期造好.
直到12月27日中午,盧致電來說床已造妥,問12月28日2pm可否收貨,我說遲10分鐘回覆她,她卻說不行,要馬上回答,因為大陸工場方面要運貨來港,如果我ok的話,她便安排我的床放在首個送貨地點, 我見她如此著急,便答應了可以收貨.
怎料到晚上7時左右,她又再致電來, 說大陸方面遺漏了我的床沒運上貨車,要晚上才可送來.那一刻我發火了!!!我已事事遷就她,到頭來卻是一次又一次的令人失望,到最後她安排了29日中午12時正送貨來我家,結果當天也是遲大到12:50pm才來到.
這樣也算了,最大問題就是貨不對辦!!我選了銀色光面的床身,結果來了灰色啞面的.明明已有師傅上門度呎,但床安裝好後,卻不能完全拍入牆,因為窗邊有少許窗台位,床邊的板造大了,所以放不入.安裝師傅見拍不到入去,便強行將床推入,結果我的窗台現在崩了一角.師傅在安裝時,又鑽裂了其中一塊床板.更大問題是,我訂床時說明下層的雙人床要高身櫃桶床的,結果卻只造了14吋的櫃桶,內籠只得11吋,根本不夠我用.
在電話內跟盧理論,我要求退貨,她說可以便宜點價錢賣給我,但這張”新床”7瘡8孔我又豈能接受?!她將電話交給度呎師傅,他竟說我小事化大,鑽裂床板很小問題,又罵我”打橫來講”. 交涉了良久,對方才肯將床取走.最後我和老公到該店跟他們理論.
盧拿出造床的呎吋圖給我們看,說紙上已寫明雙人床的櫃桶是14吋.我還記得當日我已跟她說過要高身的櫃桶,因為相信她的緣故,就任由她寫呎吋,其實我根本不知道14吋有幾多,而且她畫出來的那個櫃是較闊身的,所以我也沒有為意.我們在店內吵了一會,就有位陳先生(老闆)走了出來,說要幫我們解決問題,他說會補救好出錯的所有地方,包括櫃桶,鑽裂了的床板,及造突了的位置.唯獨不肯將顏色修改,要我們一人讓一步,說其實只是有少許色差,問題不大.真是離譜!!我又不是色盲!根本就不是少許色差!!
之後盧又說了一句: “早知道是這樣麻煩,當初就不接這張訂單…..”簡直就是豈有此理!!付訂金時她就什麼都說得得得,什麼包你滿意,到收錢後,老要我們遷就他們度呎的時間,12月1日付按金,卻到12月十多號才度呎.
說到最後,陳雖然肯幫我修改好當中的3個問題,但卻一直游說我接受這個暗沉的啞灰色,我叫他就算不幫我改色,也最少幫我噴1層力架,他都不肯, 而且還說改是沒問題,但要加錢!!還要加錢??!!真是有無搞錯呀??!!已浪費我很多時間,他們自己錯漏百出還說要加錢??!!簡直是黑店!!!!!
由於單據上列明訂金概不退還,我相信就算叫他們退款他們也不肯,所以最後只好離開.
買張床都要這麼勞氣.為何還要付出那$1000貼錢買難受?!
另外,床送來時並無半點油漆味,並且全床都封塵,我懷疑那張根本不是新床.
奉勸各位不要到此黑店,這張床的價錢雖平($4000), 但卻浪費了我不少時間,而且現時在新居只能瞓榻榻米,又要另覓一間傢具店造床, 要再等足足一個月才有床瞓! 不過說到最慘,就是害我死好多細胞,成世人都未試過買件嘢買到咁勞氣!!
打擊黑店click
            
私人傳訊

rab


大宅

積分: 1388


822#
發表於 08-1-29 12:34 |只看該作者
打擊黑店click
            
私人傳訊

Janny


大宅

積分: 2208


823#
發表於 08-1-29 12:34 |只看該作者
土瓜灣(欣榮)優質乾洗會

有一次, 我的貴衫洗後縮水, 佢話唔關佢事, 要追究, 就去找製衣商, 佢地都唔知, 一句就推御責任.

另一次, 同一張單, 我條半截有’摺’裙熨了三次, 投訴了三次, 熨壞了, 還說OK! 原本收$55,後來我說普通一條裙太貴了, 於是她改收$38.5(7折).
第一次, 熨全摺, 第二次左右不同大小不同摺, 第三次索性亂熨, 我叫佢找經理來, 原來經理也是無理之人.
佢d 工人係唔識字, 又唔理單上面寫的要求, 真過份! 我以後都不再幫襯這無良乾洗會!!!
私人傳訊

sinoyo


伯爵府

積分: 17645

hashtag旅遊勳章 畀面勳章 有「營」勳章 wyeth冷知識勳章 睛靈勳章 環保接龍勳章 大廚勳章 親子達人勳章 hashtag影視迷勳章


824#
發表於 08-1-29 13:29 |只看該作者
大家真係要小心啲，唔好俾人呃呀!!!

みんなで一緒に笑う
私人傳訊

Janny


大宅

積分: 2208


825#
發表於 08-1-29 13:39 |只看該作者
超黑店! 港景峰金龍船

我屋企人擺酒, 超貴, 但老人家自己選擇自己安排, 都接受啦!
由於主家席半席人吃素, 佢煲超靚的原盅原隻肘子裙翅當然打包, 半席餸菜有龍蝦, 鮑魚, 石斑打包.
還有:
原本有一個3磅蛋糕, 打開時由於waiter件褸’high’到一’pat’, 佢自己換個4磅比我地, 佢話只是做儀式, 因為太近入席時間, 不如打包, 我們也OK!
結果埋單後, waiter 話我地d 打包比客人取走了, 我們信以為真, 回家打開蛋糕發現蛋糕被掉包.
於是第二日打電話回去剷佢, 於是佢話d 打包餸菜和蛋糕是員工取走了, 他已把那個員工內部處分, 很抱歉!
請問各位, 聽後火唔火滾! 起碼唔見幾仟蚊!

d 手段很卑鄙

[ 本文章最後由 Janny 於 08-1-29 13:46 編輯 ]
私人傳訊

rab


大宅

積分: 1388


826#
發表於 08-2-26 18:39 |只看該作者
轉貼

太子巴黎咖啡----------唉!!!!!!!!(30/12/07)

太子-巴黎咖啡真係好吾掂,食物服務態度非常差,黑店一間,at least唔駛旨意我番轉頭...
有晚,我和朋友去旺角西洋菜南街附近諗住找地方食飯傾計,行到永興隆大廈附近(始創對面),見到有個男人拉客,望個牌[pairs cafe]巴黎咖啡,咪上去試,點知就此中計.....
上到去地方其實ok,適合傾計,可惜...
我叫個蜆肉意粉,我朋友叫個豬扒香腸飯,令外我們叫了兩杯特飲熱情果茶試試....
食物份量不多味道一般,杯特飲熱情果茶没有味道淡得可憐 ,其實這些我並不介意,我只是想找個坐得耐又可傾計的地方...
食食我位朋友同我説她塊豬扒不熟,切開後有血,我説"吾係掛!"
我們叫個侍應了解,點知個侍應聽後只是説:[我同個廚房説説..]我位朋友説:[我肚痛返來找你..]我開聲嘈了兩句....個侍應好似借了聾耳陳隻耳没有任何反應,一句吾好意思和對吾住都没説就行了去...
邊到有那麼差的食物和服務態度架..我吾係做呢行我都好禮貌過這位侍應..一句吾好意思和對吾住都吾識講,仲抵死到扮没事行了去..
最可惡給這件事破壞晒我們心情..
打擊黑店click
            
私人傳訊

rab


大宅

積分: 1388


827#
發表於 08-2-26 18:41 |只看該作者
轉貼

搵笨貪靚鬼 「單變雙」毋須開刀 消委會今年投訴超去年--花幾千元扮靚得個桔(4/01/08)

單眼皮型男美女，但很多單眼皮的人還是夢想擁有雙眼皮大眼睛，當美容院推銷毋須開刀、短短十多分鐘便可令眼皮「由單變雙」的方法時，還是有很多人願意一試。消委會 昨日便「踢爆」這些「搵笨」手法，指有投訴人付出數千元，最終「得個桔」。
消委會今年已收到10宗涉及雙眼皮美容的投訴，其中6宗指控無效，3宗投訴推銷手法，1宗是擔心安全，投訴數字已超去年全年。聲稱提供永久雙眼皮療程「N.S. METHOD」及「物理治療」的廣告充斥雜誌，記者昨日便到位於銅鑼灣一間提供以上服務的美容中心，扮客人查問療程。該中心標榜N.S. METHOD「15分鐘即見效，美麗動人，可照常返工」，且能解決眼皮過厚及下垂問題。女職員說︰「N.S等於毋須開刀，只需局部麻醉，縫線兩下就可以。不會痛的，我們會用儀器幫你提升眼皮，做一次就夠。」做一次就夠？她說「對呀，好似做Facial咁方便」。她又指，這個永久雙眼皮療程只需用15分鐘，何時做也可以，費用只需1500元。被問到「物理治療」是什麼時，她就說︰「外塗藥物，費用一樣是1500元，同樣做一次便可。」有醫生直言，所謂「N.S. METHOD」在醫學界聞所未聞，而即使開刀也未必能確保永久雙眼皮。可是，這些說得龍飛鳳舞的手法目前並無法例規管，因為《商品說明條例》只管「商品」，不管「服務」。消委會建議長遠須制定營商手法條例或修訂現行法例。 個案1﹕花費萬多元一肚氣
消費者A早前看到有美容機構提供N.S. METHOD雙眼皮療程的雜誌廣告，於是花了7200元參加，發現原來是「電療」，開始僅數秒，A便不斷流眼水，須即時停止。職員遂向A游說再花5000元接受「彩光分解消脂療程」，A仍感不適，再被游說加碼7800元接受另一療程，A最終付了800元訂金，不過沒有再「落搭」，之後到消委會投訴。
香港整形及整容外科醫學會榮譽秘書李天澤醫生說，不清楚「N.S. METHOD」是什麼，假設N.S.是代表Non-Stitch（不需縫線）或Non-Surgical（不需開刀），但醫學上並不存在毋須開刀便可以使單眼皮變雙眼皮。他解釋，即使動手術，眼皮隨年歲增加會變鬆弛、常用手揩擦或帶隱形眼鏡、長胖等，都可能會令眼皮再次下垂，所以沒有永久雙眼皮保證。
個案2﹕1500元塗抹藥膏2次全無效用
消費者B從雜誌看到「N.S. METHOD」的廣告，美容院職員說做3次療程便可，每次2000元，B認為做3次需時太久，職員遂介紹另一個5000元的單次療程，說效果一樣。付款後，職員指B眼皮有脂肪，需另做一個3000元去脂療程，B議價後減至1500元。職員隨後用棉花棒在B的眼簾上塗抹藥膏2次，即表示完成，並提供一些產品予B回家使用，又指若1個月後無預期效果，可再免費做1次。B發現眼皮情無改變，認為被誤導，向消委會投訴。李天澤醫生說，據醫學文獻，並無任何藥物可塗上眼皮後可減脂肪，即使有，亦不代表能變成雙眼皮，而且有關的藥物藥性可能很強，令用者被灼傷引致眼皮留疤，甚至損害眼睛。
打擊黑店click
            
私人傳訊

rab


大宅

積分: 1388


828#
發表於 08-2-26 18:42 |只看該作者
轉貼

黑店食肆　大圍 蔡林記 (近賽馬會投注部果間)(4/01/08)

今日lunch去左大圍蔡林記 [近賽馬會投注部果間〕
我朋友食食下先後發現碗野有２隻不明既昆蟲
點知個老闆娘唔肯換而且毀屍滅跡 好彩影左相
同佢地理論果時仲遭受到人身攻擊後條氣好唔順
我地呢ｄ學生手無博雞之力可以做倒ｄ咩?唯有決定以後都唔去
咁既服務態度咁既質素,再唔檢討改善下只有倒閉收場
我從來未試過係食店比人咁既對待,未見過d咁既人
簡直係無良既黑店
打擊黑店click
            
私人傳訊

rab


大宅

積分: 1388


829#
發表於 08-2-26 18:44 |只看該作者
轉貼

旺角黑店 - Pancake Colours Cafe & Bar(5/01/08)

一間劣評多過好評既餐廳 - Pancake Colours Cafe & Bar:
xxxxxxxxxxxxxxxxxxxxxxxxxxxxxxxxxxxxxxxxxxxxxx
1) 13個人要坐2張4人細枱仔 (經理話一定坐到, 無問題 )
2) 13個餐攪錯左8個 (侍應哥哥話佢無攪錯, 係我地自己講得唔清唔楚, 死都唔肯拎番走 )
3) 龍蝦臭到食唔落 (黑面姐仔話龍蝦本身係咁既味, 最後我地一隻都無食過 )
4) 未飲完野就俾人趕走 (經理話"要其他人客等你地, 你地都唔好意思啦 )
5) 叫左13個餐竟然收左15個餐錢 (原來係計埋隔離張2人枱錢, 仲要話"我地點知你地唔識既呢? 之前講清楚嘛" )
呢餐廳真係差到無論! 後尾我地仲見到兩位軍裝警察入左黎, 睇黎呢間餐廳都好快玩完
打擊黑店click
            
私人傳訊

rab


大宅

積分: 1388


830#
發表於 08-2-26 18:45 |只看該作者
轉貼

千祈唔好幫襯雅詩傢居設計公司 - 好垃圾,店員好惡好無品(6/01/08)

我焗到一肚氣!!! 呢間真係黑店~唔好幫襯!!
事源我係度買咗張櫈，點知第一次送嚟隻腳長短，個d送貨人紋哂身咁，態度非常惡劣，喂!!大佬..我係客嚟架麻，佢可以全程黑面對住你,十問九唔應，痴架~
仲'冷'聰明同鑽兩粒螺絲去頂高先裝返隻腳落去，結果塊鐵拗哂!
看到冒哂汗...呆咗! 呆望佢來來回回鑽咗3、4次，d木都比佢 鑽穿哂啦!
喂~如你係客你會唔會收先?! 所以我們唔收~ 第二日找番個間店的sale，佢好似一早知咁一路聽都無反應，我們想要display算la! 佢點都唔肯,話比個張新的我地，咁算啦!
到第二次，一睇就知又係個張爛櫈，唉~己經唔想去理論，
這次是另外兩位送貨員，見佢地又係黑口黑面，又有紋身的，
完全唔出聲，一送到嚟，佢塊布hi落我新牆度，整到黑哂.,...己經忍佢唔出聲了! 即刻叫我地簽名收貨，我地緊係check check先啦! 佢都痴~又係個隻腳離地，咁佢地又係咁鑽咗幾次都唔得，我己經串佢上次又係咁鑽都唔得啦!
佢地完全唔理繼續鑽，我地又唔收啦! 好似玩咁~好义煩呀!
總之唔幫襯呀~咁唔老實~未解決! 唔知點算好了~~~~
打擊黑店click
            
私人傳訊

rab


大宅

積分: 1388


831#
發表於 08-2-26 18:47 |只看該作者
轉貼

新世紀港鐵站間salon ide(8/01/08)

果間咁嘢,d 髮型師個個都食煙的,行到你身旁已經聞到煙味,仲要用雙手幫你cut hair,真唔掂啊,比佢整咗大半個鐘,勁難頂啊.幫我剪果個叫阿mark ,又仲埋舌環,講嘢又一嚿嚿,都唔知佢想點,一味話你d頭髮好差,要做呢樣要做果樣,半個鐘頭內講了十多次,但我己答咗佢話唔整住,但佢又不停咁講,煩到死.仲要$280剪咗個自己唔滿意的頭,之前明明講好咗點剪,出咗嚟都唔知點咁,比錢仲要受氣,而且仲要比人話髮質差,佢想賺錢啫，都唔洗不停咁講架...我個fd之前比louis 剪過都是成身煙味的.....
打擊黑店click
            
私人傳訊

rab


大宅

積分: 1388


832#
發表於 08-2-26 18:48 |只看該作者
轉貼

點解D服務態度可以咁差(8/01/08)

上個禮拜同d親戚一行9人去咗Causeway Bay珠城間鳳x酒家食飯,我地叫個8人餐,將dessert加$68轉咗焗西米布甸,埋單千幾蚊,
老實講,d嘢食都ok,but份量好少,其中有一味餸好似人地食剩攞過嚟咁,碟炒飯細碟到4個人都食得唒!都算嘞!
一間咁出名嘅酒家,d service係可以用個 '劣' 字嚟形容,
我地叫個主任埋嚟問佢個炒飯係咪8人份量,佢話係,仲話12人都係呢個份量,我地再問佢點分8碗,佢竟然答'唔駛分到8碗,你地一人食d咪得囉!'
之後個經理埋嚟仲型,佢話'係咁嘞!係你覺得唔夠啫!我覺得夠喎!
4人,8人同12人餐都係咁啦!係咪嫌少吖!?'
and then二話不說攞返碟飯入廚房,再加咗個double俾我地,
講真,我地無expect佢會加俾我地,但亦都無expect到d服務態度係咁差囉!
我地都係反映意見啫!都唔知佢個意見箱整嚟做乜?
枉佢仲有個旅發局個優字!!
打擊黑店click
            
私人傳訊

rab


大宅

積分: 1388


833#
發表於 08-3-3 16:06 |只看該作者
轉貼

修身堂減肥藥被發現含禁藥 (10/1/08)

生署呼籲市民不要服用「修身堂」一名醫生處方的減肥藥丸膠囊。該減肥藥被發現含有未註冊藥物。
該名醫生分別於油麻地一所私家診所，以及位於中環和銅鑼灣「修身堂」兩所減肥中心內的診所應診。
生署人員早前於「修身堂健康纖體服務中心」中環分店內的張英傑醫生診所中搜出大量深綠色、名為「Apisate」的藥丸膠囊。期後化驗結果顯示該減肥膠囊含氟苯丙胺。使用氟苯丙胺可引致嚴重的副作用如心瓣疾病，本港由一九九八年起已撤銷含該種成份的藥物註冊。
生署發言人表示，生署藥劑事務部進行危險藥物巡查行動時搜出上述減肥藥物。發言人呼籲曾使用此藥物的市民，無論服用了多久，都要立即停止使用，並尋求醫生意見。
他說：「特別是曾使用此藥物的市民若出現心臟功能受損的徵狀，例如呼吸急速，應儘快往見醫生。」
生署已設立熱線２１２５－１１３３，供市民查詢。市民可由明日起於星期一至五上午十時至下午六時，及星期六上午十時至下午一時致電熱線尋求協助。
發言人重申，均衡的飲食和運動是保持健美的要訣。市民如欲減肥，應先請教他們的醫生。
打擊黑店click
            
私人傳訊

rab


大宅

積分: 1388


834#
發表於 08-3-3 16:08 |只看該作者
轉貼

小心土瓜灣傢俬黑店凱聯(10/1/08)

因為結婚，故決定更換全屋傢俬，幫襯土瓜灣傢俬店凱聯，結果換來一肚氣！
罪狀一，送貨甩底：
明明約好送貨日期，請定假等佢，臨時改期，令人計劃大亂 (搞到最後註完冊都無屋住，要住外家！！依家擺哩酒，曆時兩個月，都未能有完整嘅傢俬)。
罪狀二，送貨混亂：
送貨時，衣櫃來得一部份，不能裝配。問原因，一時話因為貨倉執漏咗，（要佢即時搵人送來），卻即刻改口話PART 嘢仲响大陸，要再約時間送貨！嘩！咁都得?
罪狀三，手工差，SIZE又唔啱：
1. 書枱塊枱面玻璃太大，要回收重整，第二次送來，都係唔啱，第三次上門，唔記得帶！！！（第一次送來時，裝勘工人想‘格’硬放上去，唔單止放唔到，仲整花最近才重新油靚嘅牆，真豈有此理！）
2. 飯廳訂造了一個大櫃，不單手工差，用料單薄，還向前傾，要求重造，但被拒絕，只求其用兩粒爆炸鏍絲入牆借力，但塊背板太單薄，已經爆裂，裝咗等於無裝。
個櫃因為向前傾，不能貼牆，出現很大條隙，凱聯建議用塊木片遮醜。簡直不知所謂，更‘騎呢’嘅係帶來的木片又係唔啱SIZE，點遮醜呢？又！
仲有更離譜嘅係個大櫃有四度門，上面裝有玻璃，其中兩塊不對稱，收回重造，再送來時玻璃與另外兩塊門不對色，又要回收四塊門重新對玻璃，再一次送來，最初收回‘果’兩度門又唔對稱，又要回收重造！
罪狀四，用料差：
送來嘅部份傢俬又崩又花，用嘅木紋紙太薄，D接駁位一上鏍絲，或裝勘工人一大力小小就又裂又爛。
仲有其他甩漏，都唔想同佢計較，因為就近過農曆年（其實已橫跨2007及2008），只想盡快埋尾，唔想D傢俬天殘地缺，無面見人。
但由第一次送貨日，即十一月十四日，到第三次送貨，即一月六日，曆時差不多兩個月（每次都要三追四嗺才確實送貨日期），都未能埋尾，要求退貨，又被拒絕。
在香港，作為消費者，到底有咩嘢權益及保障？問過消委會，話可以嚐試同凱聯傾退貨，但機會不大。不排除要上COURT先可以追到退款。咁即係叫我哋算吧啦！
很無奈，正一肉隨砧板上，任人宰割。希望其他JM小心這間黑店，唔好好似我哋咁水深火熱。

[ 本文章最後由 rab 於 08-3-3 16:09 編輯 ]
打擊黑店click
            
私人傳訊

rab


大宅

積分: 1388


835#
發表於 08-3-3 16:10 |只看該作者
轉貼

無良的SALON(15/1/08)

我想投訴一間叫"ROHAIR SALON"的SALON, 這間店有4間分店, 我係在九龍鳳德道地下(鳳德公園對面/黃大仙附近)的分店整頭髮的.
本星期六我去這間店做"負離子"直髮價錢$438 , 髮型師同我講這個價錢的藥水好小小, 唔會傷頭髮(最平只需HK$238), 於是我便說OK, 做了4個半鐘(有差不多1個鐘係等的), 做完後回到家便發現一邊頭髮又曲又鬆, 一點都唔順服 (重差過未做負離子之前), 第2日去找髮型師問佢點解, 佢就話同我攪番好佢, 事先已問佢會唔會重差, 佢話唔會. 回家後頭髮乾左後, 出來的效果重差.頭髮又曲又鬆又旱 都唔知要等幾耐先可以好番.
再過左2日我再去找髮型師問佢有冇辦法補救, 佢話冇, 再做會重差幾成, 我見咁樣, 米同佢講下次我來做COLOR叫佢送番個焗油比我 (只是HK$60), 佢竟然話唔得, 老闆會鬧, 咁我同佢講係佢地做錯野, 應該要補償比我, 如果唔係我掂會有信心再去, 佢竟然同我講都冇辦法, 叫我自己唸再去唔去幫襯, 真過份
所以我想寫出來, 等其他人知道, 唔好再遇到我的慘痛.
打擊黑店click
            
私人傳訊

rab


大宅

積分: 1388


836#
發表於 08-3-3 16:12 |只看該作者
打擊黑店click
            
私人傳訊

rab


大宅

積分: 1388


837#
發表於 08-3-3 16:20 |只看該作者
轉貼

踢爆中獎騙案記者被打受傷(16/1/08)

一名婦人早前接到一間公司職員來電，進行問卷調查後指可獲贈超市及電器禮卷，遂應約前往領取，當抵達後被十多名職員以輸流轟炸逾六小時推銷旅遊會籍，事主「不敵」終以7萬多元購買會籍後懷疑受騙，其弟昨午到該公司理論時，一名報社攝影記者在場採訪時，被對方一名職員打傷，要送院治理，警方事後拘捕涉嫌傷人女子返署扣查。
採訪該宗懷疑騙案遇襲的報社攝影記者黃ｘ偉（30歲），在院接受治療後情況無礙。而涉嫌誤導消費者購買旅遊會籍的公司，位於油麻地庇利金街8號一幢商業大廈內，該公司位於高層及低層均租用一個單位，事件遭傳媒揭發後，該公司職員已即時執拾細軟，包括電腦離開。涉嫌傷人被捕的女職員曾ｘ文（45歲），她事後亦報稱受傷，同須送院治療。

消委會呼籲市民勿被中獎沖昏頭腦
消委會接獲市民投訴，指有公司以電話調查送禮作招徠，誤導消費者「先繳款、後退回」，令其損失1,200元訂金。投訴的李先生指，他抵達領獎後被游說分15年、每月供500元申請享用該些旅遊度假會籍。李初拒絕，但職員說要申請會籍才可獲禮品，又指他不符合入會資格，只是形式上申請，日後會退款。李支付訂金並簽署協議書，接到通知指申請被接納，要解約須放棄訂金。消委會呼籲市民不要被中獎的訊息沖昏頭腦。
打擊黑店click
            
私人傳訊

rab


大宅

積分: 1388


838#
發表於 08-3-3 16:21 |只看該作者
轉貼

呢間salon 係荃灣，仁濟醫院附近，是w4 salon(17/1/08)

同我弄那人從來都沒有說自己說姓名
門口寫明220元，焗油+染髮+洗剪吹
但係一進去，個師父比你擇color
但他話呢d color 上唔到色 .......隻隻都話要漂先，連深broen 都話要漂
我問他，那個color 不用漂又可能上色，他居然話淺紫色..............但我知他說大話la!!!!!!
最終我都擇左深紅色la!!!!
算la!!!呢d 都最離譜係做color 居然不用洗頭水and 護髮素洗頭，只用水沖一沖，洗完後d color 仲一達達在頭肉上ar!!!!!!
做color 時只做髮根，髮尾一d 都沒有上，e+ 2 種色......介有焗油時，只塗dd，沒有塗全頭!!!!!焗時熱死人+不斷的水都沒有人理，其他的都不要緊la!!!
p.s 同我弄時，個師父比一個昨天做完負離子的人回來話個頭變形，要回家再做過，我心知不妙，下一個不好運的人果然是我
大家千萬不要去ar!!!!!!
打擊黑店click
            
私人傳訊

rab


大宅

積分: 1388


839#
發表於 08-3-3 16:23 |只看該作者
轉貼

黑店介紹 - 綠怡餐廳 (尖東) ~ 嘗盡一餐驚嚇大餐(18/1/08)

以下是一件親身經歷的真人真事,
日期: 2008年1 月17日
時間: 約晚上十一時
地點: 尖東綠怡餐廳 (新文華隔離,尖東馬會投注站斜對面)
人物: 本人及四位可憐慘被大罵的朋友
經過:
本人和四位朋友會議後, 到達黑店晚膳, 我的一位朋友仔點了一個宵夜餐 - 雞串煎蛋出前一丁加一杯熱利賓納。店員多次端上不同的食物, 但也不是我們點的東西, 呆等了很久, 才正確地送上食物。我的一位女性朋友, 在吃那碗雞串煎蛋出前一丁的時候, 突然驚叫起來, 發現碗內麵中有一舊深色, 呈萎縮狀的物體, 我們一班朋友均議論紛紛, 而店員亦被女性朋友的尖叫驚動了, 走過來"親切地"查問發生什麼事情, 在未能問及那團深色的物體的時候, 店員已經迅速地將該碗藏有不明物體的麵收回廚房。其後, "殷勤地" 安慰受驚的女性朋友, 表示可更換其他食物。我的女性朋友已被那團深色物體嚇怕了, 不敢再吃同款的出前一丁, 店員表示可另點其他食物如三文治作補償, 其後該女性朋友叫一客小食作罷。
其後埋單, 我先行付賬, 其後, 大家發現帳目出現問題, 向店員查詢, 才發現賬單極為嚴重的問題。第一, 問題麵餐及補償小食雙重計算, 大大違背店員早前的承諾, 其後更發現套餐的餐飲額外收回正價, 原本是十多塊錢的宵夜變成五十多元。由於已付款全費, 故要求退回差額。和店員理論其間, 一位自稱主管的人士衝出來, 怒罵我們是否想食霸王餐, 我們已經付了全費, 怎算是食霸王餐呢? 我們只是要求退回應有的款項。其後, 那位兇神惡剎的主管, 更將我們枱上的碎銀, 怒擲店中另外一角。當時, 店內餘下的一枱客人, 也被那位蠻不講理的主管所作出的行為嚇怕, 紛紛結賬離開, 我們也被那位驅趕離開, 表示不稀罕我們理工大學學生的生意, 在我們離開店舖的時候, 該主管大喝: 錢寧願施捨給乞兒, 也不會退回給你們, 吹咩。
我們五人唯有不歡離開這間食店。
其實, 這間食店的食物質素真是一般, 上月光顧的時候, 點了一客炒飯, 第一口吃下, 發現是燶的, 炒燶的食物也端給客人吃, 這是一間食店應有的做法嗎?
總結
這一間舖頭三大罪狀如下:
1. 食物質素差劣
2. 帳目混亂
3. 惡人先告狀, 持惡行兇
現呼籲各活躍尖東區朋友仔及理工大學學生們. 請小心這一間黑店, 小心人財兩失。
打擊黑店click
            
私人傳訊

rab


大宅

積分: 1388


840#
發表於 08-3-3 16:24 |只看該作者
轉貼

小心買到假的3.1焗油(19/1/08)

嘩! 簡直係道德倫忘, 我同班師兄弟話最近係不同地區無良髮品舖頭內買到隻假冒到99.9%似真的流既3.1焗油, 個包裝似到10足10. 如果唔係成日用開, 一定唔知. 有個師弟係九龍灣陶大商場商間髮品舖內買到. 我另外2個師兄就係荃灣同佐敦某間髮品舖到買到, 舖頭名唔記得, 不過係荃灣兆和街. 成百幾銀買架嗎. 隻假3.1用完之後, 一D效果都無, 同真的3.1簡直天同地比. 唔該香港海關關注下啦.
最後我地查出真假的分別. 假的3.1最大的漏洞係入面牙膏裝膏體充滿氣泡, 真貨的膏體好柔滑,一個氣泡都冇. 紙盒背后下面:假貨冇印日本廠商的日本地址及電話. 真的有. 最慘係D無良舖頭將假貨當真貨咁賣, 價錢仲同真貨一樣. 大家買貨留意上面2點, 應該唔會買錯, 因為差既野做出來先有氣泡, 真正日本野好少冇廠址及電話.
打擊黑店click
            
私人傳訊


首頁
4041424344...71

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy