原帖由 Liukut 於 16-02-25 發表
對面媽媽好似要試生bb了。但老公仲未返。有姑娘話快d打俾佢老公啦。果位媽媽叫得好辛苦。好急速。好彩佢老 ...
。又要繼續等。Dr.話雖然穿咗水。bb係由臍帶俾氧氣 n 營養的。所以不用擔心。但如果胎盤開始發炎就要立即催生。否則大細都危險。好長手尾。咁我又推咗落去病房。第一嚟QE
d病房好迫呀。有d舊。我床位近護士站對面。高危人仕
。安定後。我其實想大便呀。差不多成個星期未大過好急。但又要喺病房床上
勁唔想。但今次真係無辦法。都要叫姑娘攞盆。姑娘提醒我唔好咁大力推。去唔到就算。千萬不要用力。其實我瞓住床上就算好急。好想疴。真係用唔到力。可能飲水少。我差不多試疴咗30mins都唔得。姑娘就話唔好疴喇。算啦。休息下先。我只好放棄
。等咗陣Dr.巡房了。幫我檢查完後。同姑娘講可以俾我落床去大小便同屯門醫院做法好唔同。我真係心大心細。bb會唔會我企起身佢就跌出嚟
。Dr.話唔使擔心。bb已調頭。個頭仔細頂住子宮頸位。無事的。
原帖由 Liukut 於 16-02-25 發表
可能真係太攰。好快瞓了。矇矓間都見到有姑娘入嚟睇我。幫我量血壓。已穿咗水超過24hrs..仲未有跡象要生呀 ...
我話我成個星期未落過地行。咁姑娘就扶住我先。我真係腳軟。無力。又驚企直。我行咗幾步有d腳步浮浮 n 頭暈
。我立即話唔得呀。我想暈呀。咁姑娘立即扶我埋床坐。又話休息下先再行。我話~哦…知道。我慢慢試下行。咁我喺櫃樋攞電話打俾老公。叫佢中午嚟買d麵包 n 攞底底俾我。d底底全部用哂。我已回過神。再慢慢起身行去護士站。之後又慢慢行返床上休息。唔敢走嚟走去。中午派飯時。我又立即鯨吞
。老公亦已到。可能食咗飯。郁咗條腸。終於勁急。立即趕去廁所。好𣈱快。之後我用紙巾抺時。有点鮮血呀。立即出去通知姑娘。姑娘話再多咗血通知我地。我係咪可能太用力疴呢。呢日係星期日。好多家屬嚟探病。成個病房勁多人。咁探病完後。病房回復平靜。我亦瞓下。亦去下廁所小便。
原帖由 rachel_tim 於 16-02-25 發表
辛苦晒...
你既文章滿足晒大家...
原帖由 Liukut 於 16-02-25 發表
咁Dr.走咗後。姑娘叫我起身行去磅重度高我話我成個星期未落過地行。咁姑娘就扶住我先。我真係腳軟。 ...
。咁我又緊張起來。Dr.話除咗去廁所。就必需瞓床。唔好周圍走了。我其實一直已經好乖咁瞓床。晚上又睇tv做緊飛虎好Man呀。我係電視迷嚟架。咁樣已經可以分散我嘅注意力了
。又到早上Dr.巡房。要去照埋超聲波先。咁我照完後。Dr.話以我情況要立即催生。唔可以再拖
原帖由 Liukut 於 16-02-25 發表
一有時間我多數瞓。如果唔去廁所我都唔會落床。大約下午5:00又要去廁所。咁我發現條巾巾又有好多稀稀地dd淺 ...
...其實我心裡好矛盾。bb太早產。驚出世後有好多問題。但喺肚入面又唔知佢点。不過以目前情況已無得退縮一定要催生。我愈諗愈驚。驚到想喊。立即打俾老公叫佢立即嚟醫院陪產。QE好好呀。我老公可以全程陪產。跟住打俾我媽。話佢知要立即催生。叫佢煲定炒米茶。明天攞嚟QE..跟住再ws我家人 n 朋友...我話好驚呀。唔使痛唔痛。如果催生唔成功要食全餐~開刀。真係個腦太亂了。我又要執好行李又要走喇。好快。我都未執好嘢。輪椅已趕到。催我快d坐上去快d要上產房。其實我早上10:00照完超聲波。11:00已上到產房除哂d衫褲。瞓咗上床。立即要吊催生針。真係勁趕～勁快呀
發表於 
寫咗一大篇。個apps自己退出咗
。又要再寫過。大家再等等
返回列表
