＋

自由報料

收藏本版
發帖
返回列表
跳至頁

首頁
4142434445...71

尾頁
   146
rab


大宅

積分: 1388


841#
發表於 08-3-3 16:25 |只看該作者
轉貼

葵涌廣場....撈撈....咪再幫襯(21/1/08)

葵涌廣場, 3樓, 百x食品....咪再幫襯喇, 十幾年前已經做起左撈撈呢一行, 家下再去幫襯, 真係估唔到大鼻得佢地幾緊要.....買o野好似乞佢地咁, 夜晚長髮o個個阿姐真係唔該哂你, 你咁唔鐘意就咪開工啦!! 買左包撈撈之後, 一食落口.....咩味都冇....有心玩o野....!! 我真係唔知而家原來買o野食都要睇面色...!!! 你地唔信的話, 行開去葵涌廣場, 就上去試下啦.....!! 不過我都係覺得, 一蚊都唔好再比佢地賺lor!!! 我發誓, 以後都唔會再食佢呢間o野.....!!!!!!
打擊黑店click
            
私人傳訊

rab


大宅

積分: 1388


842#
發表於 08-3-3 16:25 |只看該作者
轉貼

大家唔好再幫襯界限街,彌敦道嗰間麗X海鮮酒家-態度勁差(23/1/08)

今日同屋企人本想開開心心去食團年飯,去到嗰間仆街酒家叫左一個餐加幾個小菜本來Ｄ小菜唔係咁好食都算喇,嗰餐本身有一條海班仔,點知條海班仔黎到係"梅"架,禁就叫我部長過黎換啦.點知個部長仲話係我地唔識食,跟住我火都黎埋就拍枱啦!佢見勢色唔對就話肯換,點知我一等等左半個鐘都未黎,我又問佢點知佢地一個推一個,最後問完仲話要我等多十分鐘,到最後我就冇等兼叫佢埋單,點知佢連錢都唔肯扣,仲知差差差.....非常差,打死我都唔會再幫襯佢地.
打擊黑店click
            
私人傳訊

rab


大宅

積分: 1388


843#
發表於 08-3-3 16:26 |只看該作者
轉貼

大埔黑店----恩X美容屋(28/1/08)

本人乃身受其害, 被幾個sales同時密集式叫我join$10,000course做body, 送additional50次body, 又可以做facial, 不用加錢. 到頭來, 再叫你加錢做減肥, 背部磨沙, 轉body油....etc. 你問佢當日又話唔玩錢, 佢話salon裝唔包, 我睇唔到, 鬼知邊d係salon, 又話有寫明, 我就唔見lor. 你唔加錢買野, 就成日book唔到. 張d時間留比其他人, 有咩理由要2-3星期先可以book到一間大埔細型美容院. 好都見過有客o係鋪投訴佢o地. 依家打算揾消費者委員會投訴.
打擊黑店click
            
私人傳訊

rab


大宅

積分: 1388


844#
發表於 08-3-3 16:29 |只看該作者
轉貼

旺角「韓食家」食後感(28/1/08)

今晚同舊同學聚會,去左旺角「韓食家」
發現原來呢間野係梨花園搞既
一入去，成棚侍應無一個識講 an nyeong ha sae yo
由五個音節，讀成四個不倫不類既音節.
落單姐姐仔欠笑容，又有少少串咀.
mark 野食寫得慢，竟然叫我「咪住，等我寫埋先」禮貌都唔多句
我地五個人，叫左一個家庭餐,加一個海鮮薄餅同一個石頭飯
家庭餐包左五味前菜，當中醃魚乾係最好食既.
另外有三色粉絲，只有辣味粉絲較為好食.
鐵板上既菜色有燒豬肉同埋牛仔骨，味道都幾好.
無左個半邊雜菜的話，睇落就似係茶餐廳叫既多 D
海鮮薄餅係扣分食物，厚粉到死.
似 pancake 咁，唔夠脆身,仲要睇唔到有幾多海鮮，反而蔥段就好大條.人蔘雞湯基本上只見到隻雞插住兩條 AA 電芯咁大既人蔘
但係無人蔘味.石頭飯係幾好味既，不過大家飽飽地,最後剩左一半
最後五個人夾埋四百蚊，連埋加一架喇,
下次去正式食梨花園好過

打擊黑店click
            
私人傳訊

rab


大宅

積分: 1388


845#
發表於 08-3-3 16:31 |只看該作者
轉貼

今日食荃灣板x壽司等到一肚氣!!(29/1/08)

荃灣x前壽司開左一排我食左2次,可能2次都係d冇人時間食
所以唔洗等位,then今日再去食,7點左右等位我排24,o固時叫到6號左右.我諗都唔會等好耐la,點知等a等a,等左40mins都係叫到14,5號左右.但我同我家姐見到好多人好似遲過我地黎但早過我地入
我地心諗可能佢地book左位掛,then叫到19號o固時我地行到櫃台附近等.
之後有3條友過黎同個櫃台8婆笑笑口咁,then佢就比張68號飛佢,仲叫佢地拎實.之後20號冇人,then就叫21,22,23,但佢個燈禁到22號就停左,then叫20號入去.
而20號ge人就係o固3條友,之後我同家姐都即刻小佢,話佢明明68號仲乜變左20號,之後佢唔知係邊搵張20號飛出黎,又話唔識佢地,張紙明明寫住20號4人,但得3條友.個8婆話佢地突然少左條友,之後我話你點x知人地少左條友,佢唔x應then,我家姐話你地唔係有條rule話過左3張台要重新叫,now叫到23,你叫番20做乜?
佢話佢地係22號時佢地番左黎,then我小佢話佢地19號o固時拎張68號,你當我地盲.
之後佢話你唔信都冇法,我話你點x信得過,叫你mgr黎,之後佢入左去一次,叫唔到mgr出黎,又話就算過左3張台如果有客過黎佢地都會叫番,我就再小佢話咁整條rule黎做乜q,佢又唔應,再入去搵mge,今次搵左好耐,我見到佢同mgr講左好耐,then佢地出黎叫番之後o固d no,唔叫20號( o固3條友係我地嘈o固時唔知死左邊),之後我地入去前話你唔叫20號la,佢扮x晒野話跟番條rule lo
食完之後出到去,我就問佢你叫乜名同職員編號係乜,你唔講我問你mgr拎,then佢就比左我
我家姐都係做餐飲,條8婆應該死得
我知比位熟人先係好常見,但等左咁耐仲要差1個就到我地時比我地見到就好嬲
打擊黑店click
            
私人傳訊

rab


大宅

積分: 1388


846#
發表於 08-3-3 16:32 |只看該作者
轉貼

中環x吉居酒屋食野一肚氣(29/1/08)

尋晚同老公2人dinner 時間去中環x吉居酒屋食野, 間野都唔平, 佢而家攪左個$158 buffet, 所以大部份人都食buffet。但我同老公唔算好肚餓, 又想快快趣食完返龜,所以叫了2個定食($148個定食, 只係得個面+個冷小食, 個menu 除左印左面幅圖之外, 其他小食都係圖形), 講真佢定食既價分分鐘仲貴過buffet。
咁佢先來左2碟毛豆wow....我地以為係定食既小食, 因我地都唔好lee 個小食, 於是問waitress 有無其他選擇, 咁佢就轉左另外螺肉比我地。咁食完個面埋單, 張單居然多左2個小食既收費wow..咁我地問佢, 佢話我地order 左2個小食, so 要收貴, 但我地從來都無order 過, 只係佢無情情比兩碟毛豆我地, 我地以為係定食小食, so 食左之wow...個waitress 死都要我地比$, 話我地已食左, 無理由唔比。其實都係幾十蚊, 但原則係佢地做錯野 , 亂上菜比我, 我0係唔知情既情況下食左, 仲要迫我比$, 我覺得好過份, 堅拒唔比果2碟小食既$。
如果係咁, 我無點既野食, 你亂上比我, 我食左又要比$你, 同搶有咩分別ar。於是個waitree 0係屈我地唔成功既情況下, 同好差既語氣話當請我地食, 就走去改單。埋單時一樣態度惡劣 。
我果下真係一肚氣, 講真野又唔好食, 又貴, service 又差, 環境又迫....我真係never 再幫襯。講真, 如果佢本身做得住, 就唔洗攪$158既dinner buffet 啦!
打擊黑店click
            
私人傳訊

rab


大宅

積分: 1388


847#
發表於 08-3-3 16:33 |只看該作者
轉貼

APM 牛陣 一定唔好去>.<(30/1/08)

28/1/2008 晚上7時 ... 一行三人到達apm 牛陣(店名) ,,,食呢個所為和牛sabu sabu 任食套歺,每位$270 +10%
1. 湯底完全唔掂,,得個(咸)字....
2. 佩料得幾種,,(小)
3. 和牛 完全唔那掂 ( 鞋) 到呀媽都唔認得,,,,>.<
然後的個仕仔過來問仲搞野,,,,,,,問佢点解D和牛會(鞋)成錦,,,佢話呢個問題好多客都有問過,,答案系和牛每個部位都唔同,有D部位系(鞋) D 架 la..... 真系比佢吹bb....
希望大家小心.....乜上當.......
打擊黑店click
            
私人傳訊

rab


大宅

積分: 1388


848#
發表於 08-4-1 18:33 |只看該作者
轉貼

董家菜 - very bad(1/02/08)

呢次唔係推介, 係品評呢間咁差的食店 - 董家菜!
從來都未食個一餐咁勞氣的午餐!! “董家菜”, 簡直不知所謂!! 本來開開心心咁同班同事預早團年, 誰不知令到大家一肚氣!! 我哋一行七人, 叫個六人餐, 等咗幾世耐都只係嚟咗一半食物, 催都催咗幾十次啦, 唔駛番工咩, 咪叫佢埋單, 睇睇條數點計啦, 佢夠膽死遂個餸同我哋計, 個餐只係$625, 佢竟然收我哋$592, 係咪傻ga!! 我哋緊係同佢爭論啦, 結果要$400埋單!! 都比多佢啦. 同場都有好多枱都同我哋同一慘況, 個老闆娘惡得可怕!! 服務差, 食物差, 條糖醋魚又凍又霉, 不知所謂!! 呢間食店簡直一分都唔值!!
打擊黑店click
            
私人傳訊

rab


大宅

積分: 1388


849#
發表於 08-4-1 18:36 |只看該作者
轉貼

荃灣-紅X坊 毛髮酸味三文治 發毛蛋糕 好想嘔(1/02/08)

之 前 在 這 裡 買 了 一 份 "蕃 茄 肉 鬆 碎 蛋 三 文 治 "做 早 餐 ， 樣 子 很 漂 亮 ， 好 像 很 多 餡 料 ， 也 很 健 康 ~
怎 料 返 到 公 司 ， 見 到 餡 料 少 得 可 憐 ， 碎 蛋 只 塗 在 方 包 的 中 心 (一 個 小 圓 圈 )...
我 還 看 見 了 在 碎 蛋 上 有 一 點 點 的 淺 啡 色 所 謂 的 肉 鬆 ， 一 點 也 吃 不 出 來 ...那 片 穀 麥 方 包 的 味 道 也 不 見 得 很 新 鮮 ...
結 果 我 只 吃 了 有 餡 料 的 部 分 (約 半 份 三 文 治 )...
$9 的 三 文 治 的 確 很 便 宜 ， 但 也 不 用 這 樣 物 非 所 值吧 ...
有 點 被 欺 騙 的 感 覺 ...但 見 所 有 三 文 治 用 一 個 大 既 紙 皮 箱 裝 住 ,比 我 直 覺 呢 d產 品 係 唔 知 係 邊 度 工 廠式 生 產 .應 該 唔 係 呢 間 鋪 制 做 其 實 三 文 治 在 出 售 前 的 時 候 都 必 須 放 進 雪 櫃 ,而 店 主 不 但 沒 有 ,還 放 在 桌 上 幾 小 時 售 賣 ,而 店 主 沒 有 注 意 食 物 品 質 安 全 ,如果 天 氣 炎 熱 ,三 文 治 變 壞 的 機 會 大 大 提 高 ,而 本 人 亦 經 常 於 早 上 看 見此店的 運 送 過 程 ,而 那 部 客 貨 車 是 一 般 的 輕 型 貨 車 ,運 送 及 售 賣 過 程 都 存 在 相 當 風 險 ,希 望 顧 及 客 人 的 安 全 及 改 善 ~
鄰 舖 的 "腿 蛋 治 "雖 然 普 通 ， 沒 有 包 裝 ， 舖 面 也 不 是 很 光 鮮 ，但 僅 售 $6 的 三 文 治 餡 料 卻 比 這 個 多 !
你 甚 至 會 懷 疑 那 些 蛋 會 否 "迫 爆 "那 片 方 包 !
而招 呼 我 的 店 員 好 似 發 緊 夢 咁 ..行 去 買 野 好 似 好 唔 高 慶 ,默 哀 咁 ,又 冇 飲 管 俾 我 ,咖 啡 味 時 濃 時 淡 ,有 時 要 等 好 耐 ,上 次 買 三 文 治 +綠 茶 蛋 糕 +豆 漿 回 家 試 ,回 家 一 打 開 三 文 治 盒 就 傳 出 陣 陣 酸 味 ,仲 發 現 裡 面 有 條 毛 髮 !!!見 到 都 倒 胃 口 !!!!!更 激 氣 的 是 綠 茶 蛋 糕 竟 發 左 毛 !!有 黑 色 一 點 點 的 霉 菌 !!!!!!激 氣 地 掉 了 ,只 有 豆 漿 OK....不 過 都 有 渣 !!!!!!!!品 質 有 問 題 !!!!!絕 對 不 會 再 試 這 間 店 了.
打擊黑店click
            
私人傳訊

rab


大宅

積分: 1388


850#
發表於 08-4-1 18:39 |只看該作者
轉貼

咪去 "泰國人海南雞"呀! (荃灣大壩街) 食到火都嚟埋!!!(1/02/08)

食到一肚氣!!!!

之前係呢到見到有人介紹"泰國人海南雞", 咁岩同事話請我食飯, 於是就去了此店試一試喇。琴日31/1(星期四)，我同另外4位同事去左荃灣分店食lunch, 叫左四個餐, 餐牌內寫明送飲品及例湯 .... 咁我地就叫了四個餐及四杯熱飲。叫完左之後無耐, 就聽到個waiter同隔離desk講無晒熱飲喇, 只係得番氣水, 咁我地就更係再問下個waiter喇, 佢話我地叫左, 唔會無! ok喇, 我地食完晒四個餐, 但都未見我地d hot drinks 同湯, 當然就又再問下個waitor, 佢就叫我地再等等 ... 等左一陣(因為都夠鐘要走了), 再問waiter, 無人so我地, 我個同事都忍無可忍, 大叫 "你地點做野架, 我地叫左3次d野飲都未嚟" 個時突然全場靜晒起嚟! ... 咁因為食lunch既時間已到, 我地都唔可以再等, 唯有去埋單同個收銀講仲有4個hot drinks 同湯都未嚟, 佢竟然一口就話 "無晒hot drinks", 都唔緊要喇, 咁我地就緊係要求佢退番飲品$喇, 不過個收銀一口佢絕, 仲話 "你不要就是你放棄，你要的就要等，就算唔要都要收錢, 無晒hot drinks唔係我既問題, 係水吧問題!”…
我地就當然一口拒絕支付全數，結果，負責人報警，當警員了解事情後作出調定，由於餐牌上寫明有飲品附送是必需理行的承諾，所以必需理行餐牌上的說明．而本人亦得到附送之飲品，所以支付全數．
個收銀d態度真係.... ...作為飲食業都唔識得咩叫服務! ... 一嚟就報警! 都唔緊要, 差人嚟到問佢野, 佢(個收銀)由頭到尾都無望過差人一眼, 一d都唔識尊重其他人!
最後當然都無咩事喇, 個收銀咪又要死死地比番d hot drinks 同 soup我地, 不過我地就遲左半個鐘先返到公司, 好彩老闆無鬧我地咋!
如果你都諗住去試... 我suggest你都係唔好喇, 以免食到一肚氣!

2月4日更新:
我食完之後即日都send左個email去complaint佢地, 想唔想知佢地點reply我呢?

.......... 睇野喇 ....

經過本公司內部瞭解上星期四之事件 , 由於當天午飯時段水吧某部份的電源出現問題所贈送的熱飲未能供應, 店長作出適當的安排轉換其它飲品或甜品給閣下但遭拒絕, 公司政策所有贈送的飲品均不能扣減現金值或退付現金 , 感謝閣下的電郵日後希望我們再能為你服務。
Regards
Pauline Pun
General Manager
Koon Thai Hai Nam Chicken

佢公司真係內外都係一樣...shit! ... 今時今日咁既service真係唔要得! ... 大家睇完上面佢restaurant既reply就知佢個收銀都一樣係樹講緊大話喇! 高層都係一樣 ... 無用!


[ 本文章最後由 rab 於 08-4-1 18:41 編輯 ]
打擊黑店click
            
私人傳訊

rab


大宅

積分: 1388


851#
發表於 08-4-1 18:42 |只看該作者
轉貼

小心tst 地庫10蚊日本食店(2/2/08)

尖沙咀有一間十蚊日本食店, 好昆水呀, 我個晚9點半後落去食晚飯(個場唔係好爆), 初時叫左10個野食, d野又細碟, 又唔係咁好食,d火鍋之前有個火點下既, 依家就話冇wor!!! 而且個加州卷係垃圾, 手卷塊紫菜係濕既(好似食緊張紙咁), d 蜆有沙....
跟住望下望下幅牆, 見到話9點半之後有7折優惠, 但係就只可以平均每人食過左50蚊以上先有咁既優惠啦,個waiter野黎既時候, 我問佢係唔係真係有7折優惠先, 佢答我有, 咁我就叫多4個, 等我可以有7折優惠, 跟住埋單既時候, 竟然冇7折, 咁緊係搵個人黎問下啦!!! 跟住佢竟然同我講, 你唔係9點半落單wor, 跟住我同佢講, 明明係9點半入黎既, 咩唔係9點半呀?! 落單既時候都成9點8啦, 跟住話你個鐘可以唔同我地個鐘啦, 又話9點半過後係要等位個wor!! 我話邊個有要我地等位呀?! 如果係要等位, 我一定等!!! 佢講唔掂就搵個經理黎 ( 其實係老闆, 而且佢係站係門口做receptionist),佢一開口就話d野食不嬲都10蚊架啦, arm arm 我都同你地講係10蚊架啦, 跟住個老闆就話你係要等位個wor, 我地會俾張單張你, 客人地先可以俾7折個wor, 其他人都有張單個wor~~ 我話你地咁取巧, 你講晒啦, 我就係咁俾左錢佢, 佢收既時候仲要用手好緊咁住 ( 佢有個bill holder架!!! 好似驚死我返同佢搶咁, 小家到死) , cheap 到死!!!!!
打擊黑店click
            
私人傳訊

rab


大宅

積分: 1388


852#
發表於 08-4-1 18:43 |只看該作者
轉貼

Cafe Blancia(4/02/08)

新世紀 開左間 新餐廳 Cafe Blancia = 前 Délifrance 舖
開張第2日同朋友去食 lunch, 價錢少貴 $4x-7x (再+1)
食物 ok la ~~
飲品極差 又要等成 1x 分鐘
我要左杯 熱咖啡 - ok
朋友要左杯 凍 Latte - 極差 同我杯咖啡顏色一樣, 不過 Latte 唔係多奶 咩 !?! 重要唔甜, 糖水要叫先攞黎比你自己加 ~ 朋友飲左少少覺得同其他 cafe ge Latte 唔同 就問有冇比錯 !?! waitress 話 係 Latte ~~
幾分鐘後 另一個 waitress 又 "leg" 住杯話係 Latte ge o野黎 !!!! 不過同我o地飲僅果杯唔同 , 第一杯又話 Latte , 第二杯又話 Latte . . . 原來係隔離枱叫左一杯 凍 cappuccino + 一杯 凍 Mocha 其中一杯. . . . . . 到隔離枱同一杯o野又話係 cappuccino la ~~
由於三杯都係凍飲 用同款透明玻璃杯, 其實除左最上面有唔同外 三杯 都只不過係凍啡. . . . . .
Latte - 凍啡上面有 cream
cappuccino - 凍啡 上面有 少泡 + 朱古力粉
Mocha - 凍啡 上面有 少泡
以後都唔去
打擊黑店click
            
私人傳訊

rab


大宅

積分: 1388


853#
發表於 08-4-1 18:44 |只看該作者
轉貼

大家小心..淘大明星酒家(5/02/08)

昨天我同家人食lunch.. 其中叫左一個豬手noodles..
差唔多食到一半野 先到囉個noodles..
點知食食下.. noodles入面有d金銀色既野.. 一睇之下.. 係"剛包魚刷"果d剛線..
咁情形緊係叫服務生泥咖la 點知個服務生見到剛線 佢第一下就問 條野邊到泥咖? 咁緊係野食果到泥咖la.. 唔通我拎出泥咖咩... 之後佢一手就拎走左... 雞咁腳走左去...面都唔拎走.. 只係拎走左條剛線... 佢仲要一走絛回頭... 唔知去左邊
之後只好叫另一個服務生 搞點佢...
真係有無搞錯... 野就識得拎\收埋 唔比人知... 但其他野就完全無曬下新聞
打擊黑店click
            
私人傳訊

rab


大宅

積分: 1388


854#
發表於 08-4-1 18:45 |只看該作者
轉貼

投訴太興食店貪少便宜,搵笨(6/02/08)

之前我係太興訂左盆菜,
今晚我6點幾去左屯門太興食市,囉盆菜,我買既外賣盆菜佢話(供4-6人)
去到佢竟然話內地雪災,運唔到大盆,要用一d細既盆,而多左出來既食物
要用膠盒裝,而佢又唔通知我同唔同意
食材方面供4-6人既盆菜竟然雞鴨加埋8件都唔夠,多數羅白
食材完全唔夠,我4人食都仲要自己加大量食物(無太大食量既人)
唉估唔到今年團年飯要食公仔麵........
打擊黑店click
            
私人傳訊

rab


大宅

積分: 1388


855#
發表於 08-4-1 18:46 |只看該作者
轉貼

小心大埔中心千式餐廳小廚(9/02/08)

今日下午去呢間餐廳食野.... 入去時唔覺有問題, 叫完野食之後就覺得好有問題....
我同我老婆叫了一杯涷啡, 一杯熱柚子蜜, 一件西多士. 跟住亞姐就在卡上寫了$17, 17+3, 12+5
我老婆話應該無咁貴, 咁我就睇下餐牌... 涷啡 $12, 西多士$12, 柚子蜜 $12, 應該都係$36 者... 無理由成 $54 架....
之後同亞姐講, 佢話每件要加$5... 咁我話: 亞姐, 我地入嚟都唔知喎... 跟住佢在其中一個餐牌上俾我地睇.... 話有...
之後我地就話: 我地食$36蚊野, 你加我$15, 有無攪錯呀... 差唔多加4加5喎..... 我覺得加錢OK, 但唔應該太離譜...
佢之後叫個老闆嚟... 個老闆話公司規矩喎.... 如果唔o岩可以叫餐, 可以唔散叫.. 咁會抵D...
當時我地覺得好無耐, 如果我地入餐廳前知道, 我係無問題o既.... 但入到去叫完野先至發現, 就覺得被屈囉....
最後, 因過年唔想同佢嘈, 唔要西多士.... 仲要係, 佢杯凍啡好難飲, 早知去pacific coffee 買咖啡好過....
請大家小心小心!
打擊黑店click
            
私人傳訊

rab


大宅

積分: 1388


856#
發表於 08-4-1 18:47 |只看該作者
轉載 2008

1.一個好差的陪月呀姐
2.天水圍"周X德"<<佢真係好寸
3.屯門錦華美x西餅收工後情況(有d嘔心)
4.一間好衰既褓姆車公司..要小心
5.蝴蝶商場既聯益藥房好過份！
6.街邊檔介紹新產品或煲湯料,有人做媒扮買
7.我女比間補習社玩死
8.不可信的印野公司 - bbmemxxy
9.葵芳又多一間黑店, 各位靚女留意!
10.遇到激衰agent, 唔通要放棄agent fee?
11.[警告]旅行社詐騙
12.海皇粥店好貴呀!
13.德福名髮廊
14.忍不住要投訴粉嶺帝庭軒盧x章醫生
15.KLN city 清x牛肉館
16..六 種 賀 年 食 品 不 合 格
17.千期唔好幫襯日x鋼閘廠直銷中心
18.太古歐化傢俬 服務極差
19.資優兒童評估疑「掠錢」
20.福榮街賣日本玩具舖老闆用粗口鬧人
21.pccw電X盈科真係太過份！
22.新界西網屯x醫院o既不負責任及不專業個案!
23.小心比影樓呃
24.公立醫院d質素/服務態度好差呀!
25.思高牌地拖筒咪買
26.小心禮物黨搵笨
27.千萬不要搵"安定"街市"新x水電"做裝修
28.千其唔好幫佢買嘢呀!
29.千其唔好去旺角花園街買生果, 呃人嫁!
30.港安醫院兒科醫生(王x祥)
31."串串王X祥"醫生
32.一個態度勁差的"的士司機"
33.千祈咪幫襯間酒店
34.本港無良 "飯盒供應商"
35.錦田東x地產
36.天水圍黑店髮型屋
37.投訴- 日本食店五X嵐
38.呃$$呀....奸商...
39.雞尞嗰間寶發乾濕洗衣公司~~黑店
40.大埔無品醫生 - 周X軍
41.小心!! 北角勁衰裝修工程公司 - 聯興

[ 本文章最後由 rab 於 08-4-1 18:51 編輯 ]
打擊黑店click
            
私人傳訊

rab


大宅

積分: 1388


857#
發表於 08-4-1 18:52 |只看該作者
轉貼

五X 嵐日本餐廳<=====垃圾!!(9/02/08)

他的日式自助火煱, 很垃圾... 6-8 個人才有一個煱...張枱又大....放到食物, 隻手又不能方便, 舒服地打边爐 .....如果加爐, 要加$30...
食物又上得慢....份量又少..........食極都唔飽 . 湯底, 食物又不夠美味...... 食完還ロ渴到暈,,,,,,,,,,,,,,
d waiter 不男不女....粗聲粗氣, 冇礼貌.....連大牌檔都比不上.....似入了一間黑店!!!
一大班人...干萬不要幫襯......
打擊黑店click
            
私人傳訊

rab


大宅

積分: 1388


858#
發表於 08-4-1 18:55 |只看該作者
轉貼

西貢酒吧旁的蘇珊娜餐廳好難食(10/2/08)

星 期 5入 左 西 貢 ,見 到 間 間 都 好 多 人 ,反 而 d間 冇 乜 客 ,咁 可 能 仲 早 啦 ,就 入 左 去 食 喇 ..
一 睇 餐 牌 全 部 都 係 d $128既 扒 餐 ,咁 我 再 問 有 冇 晚 餐 ,個 侍 應 先 好 不 滿 咁 拎 個 晚 餐 牌 比 我.
我 諗 住 $128既 扒 餐 應 該 唔 會 太 難 食,就 叫 左 一 個 西 冷 5成 .我 男 友 就 叫 左 牛 柳 9成 ,仲 叫 左 個 海 鮮 炒 飯 ,個 時 都 驚 食 唔 哂 .
自 問 我 都 係 食 好 小 野 ,等 左 好 耐 ,個 湯 終 於 黎 左 ,
我 轉 左 一 個 牛 尾 湯 ,要 加 成 14蚊 ,
不 過 我 諗 住 好 味 就 冇 所 謂 啦 !
點 知 d湯 黎 到 ,我 個 牛 尾 湯 同 我 男 友 個 半 碗 羅 宋 湯 係 一 樣 味 既 ,只 係 比 起 我 男 友 個 半 碗 羅 宋 湯 多 左 小 小 ,面 頭 多 左 d香 草 ,咁 就 叫 牛 尾 湯 ,收 多 我 14蚊 囉 !
仲 要 d多 士 係 我 地 飲 完 湯 先 黎 ...真 係 唔 知 佢 想 點
飲 完 湯 ,竟 然 係 個 海 鮮 炒 飯 黎 先 ,唔 係 應 該 扒 黎 先 既 咩 ?
不 過 都 冇 所 謂 喇 ,點 知 d飯 好 濕 ,好 似 食 緊 一 pat野 咁 ,都 唔 係 一 粒 粒 完 整 既 飯 ,仲 話 炒 飯 好 出 名 ...
等 到 d扒 黎 左 既 時 候 ,都 已 經 係 30分 鐘 之 後 既 事
我 男 友 個 牛 柳 又 細 舊 又 薄 ,個 面 燶哂 ,以 為 一 定 熟 哂 啦 ,
點 知 一 切 開 ,入 面 係 鮮 紅 色 既 ,一 定 5成 都 未 夠 ...
反 而 我 個 西 冷 變 左 全 熟 ,十 分 之 鞋 口 ,真 係 唔 知 廚 房 點 做 野 ...
我 地 食 到 一 半 都 冇 ,就 決 定 放 棄 唔 再 食 喇 ,因 為 真 係 好 難 哽 ,連 一 個 大 快 活 既 $48蚊 扒 餐 都 不 如 ...
總 括 黎 講 :佢 地 係 一 間 將 食 物 變 做 垃 圾 既 餐 廳 ,
仲 話 係 開 左 幾 十 年 既 老 字 號 ,d裝 修 ,餐 牌 真 係 夠 老 喇 ,枱布 仲 發 霉 tim...
以 後 都 唔 會 再 去 d間 食 ,貼 錢 比 我 都 唔 去 ~
打擊黑店click
            
私人傳訊

rab


大宅

積分: 1388


859#
發表於 08-4-29 18:18 |只看該作者
轉貼

電器舖黑店!(25/1/08)

留意.有一間叫(加車)電器舖.最早的時候叫(席宵).跟住又叫(麗精).佢有兩間鋪.
一間在荔枝角道另間一在欽洲街.佢會昆你先落訂.
跟住又話你想要的牌子唔好.介紹一D冇人識牌子俾你.仲要好貴果隻.
到你唔肯又凶你.總之冇得退錢LA.佢轉呃老人家同新移民.有佢講冇你講嗎.我亞媽就中左招喇.表面扮晒做街坊生意.好平.其實係黑店一間.請提醒各親友.
打擊黑店click
            
私人傳訊

rab


大宅

積分: 1388


860#
發表於 08-4-29 18:20 |只看該作者
轉貼

黑店, 元洲街展誠創x室內設計工程(顧問)公司(5/02/08)

大家有裝修都唔好搵呢間 "展誠創x室內設計工程(顧問)公司" , 位於長沙灣元洲街271號地下, 電話: 2728 3908, 係黑店黎架, 又喜用威脅及恐嚇招數迫客人就範! 小心小心!!!
經朋友介紹下搵左呢間咁既公司裝修公司...呢間野一開始要收大訂, 收左大訂後, 第一星期都唔多開工, 之後發現有做錯
地方同個師傅講點知發晒脾氣...之後經常停工, 開工又特登整錯野....黃生既主腦人物, 協助佢既人係jessica cheung.
1) 全屋新造牆身好多隙縫冇補到,又一躂躂(好似溶岩流緊落黎咁),冇磨平就油漆, 仲要油到一躂躂深淺色
2) 裝門裝到牆身爆裂 (全屋既門),封口線見到好多釘位冇補色, 裝修師傅本身預既門位同訂門既size唔岩, 所以出現好多隙縫, 裝修師傅就咁用玻璃膠封邊, 但封到好多洞位又一躂躂, 同埋玻璃膠既色唔同我牆身既色, 所以好阻眼, 好肉酸
3) 制面裝d唔裝d, 電話線制面仲有其他2個lan線制面冇蓋到制面 (話呢d野佢地唔包),之前contract又話包
4) 廳既地台舖到凹凸不平, 好容易kick腳
5) 黃生3次既恐嚇及威脅下迫住俾錢, 否則拆爛全屋
6) 工程經常出錯, 叫黃生執返錯漏既野, 佢唔會做不特止, 仲聲大夾惡 (問候你祖宗18代, xyzzxx$@!###) 嘈口橫飛
7) 廁所牆身舖磚, 但牆對角位既磚冇舖, 出現條1吋濶既隙縫,見到晒灰底,黃生話唔整, 整唔到
8) 廁所&廚房牆身有好多泥頭, 係專登整到咁dirty
9) 大門門鎖、門鐘及防盜眼唔到最後一刻黃生都唔講唔安裝
10) 2個房門 & 廁所門門鎖開洞開大左,門鎖裝到凹左入去
11) 廁所抽氣扇電制位整錯, 重新再整, 牆身多左個洞
12) 廚房牆磚有好多爆裂情況, 補磚補到凹凸不平
13) 廚房地磚有好多泥頭, 黑色地磚變左灰色...
14) 約好左黎執漏以上咁多項目, 約好唔到, 仲唔聽電話....
15) 間房櫃冇封邊...房櫃門又關唔埋....
打擊黑店click
            
私人傳訊


首頁
4142434445...71

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy