Re: 阿差老婆kurabu
cc,
Blythe係分3種body：
bl body = Licca 身手腳都屈得，眼大d 同正中位置. 即第一代個d, 而家抄到好貴喇!
ebl body= 係腳屈得手唔屈得，隻眼冇bl body 眼咁大及正中位置. 因頭頂有gap, 所以開腦/換眼手術方便+簡單d.
sbl body= 基本上同ebl一樣不過腳會粗少少，斜眼, 而家出個d全部都係 sbl body (簡唔中會有一兩款會係ebl body). 因頭頂係密封冇gap, 要用鋸鋸開個頭頂先開到腦換眼. 斜眼可以改番正中d, 開后腦2粒screws 再慢慢搞..改完之后轉眼會冇左聲.
wig: 如果b囡有"陰", 帶wig后會變變定型. 要用買返黎個時有個透明膠圈,圈一段時間先會變返原型. 如果冇陰既, 洗下頭吹番靚靚都ok. 如果本身太長頭髮帶wig, 妳要花d時間盤好個髻咁效果先靚.
染髮: 係siu萬對面間中南書局買盒熱染粉(好多色, 睇下妳想要咩色), 用100度熱水拌勻, 同亞囡除晒衫包括under用保鮮紙由頭包到落腳, 額頭要包實d唔好有gap, 因怕染水跌落塊面(如真係咁不幸既話, 即刻用水抺走喇). 之后倒樹沖咁將d頭髮浸落d染水到, 可以用paint brush 幫手油近額頭/邊位..大約5-10分鐘直至效果滿意....跟住可用2合1 shampoo (因染髮后d頭髮會鞋d架, 用2合1洗會柔軟d)同佢洗頭, 洗到d 水唔再有色為至, 用毛巾抺乾跟住倒吊掛係風扇前或當風處自然風乾, 之后再用風筒(要微温)慢慢吹及梳番靚個頭咁就大功告成! 出黎個color, 要睇番本身頭髮係咩色而有所變化...我染個一個, 本身金黃色, 用紅色定早紅色染粉, 出黎係粉紅色, 效果滿意.
植髮: 要起頭皮再連根拔晒d頭髮出黎, 再用人用既假髮每6條一小扎係個頭到打個小結, 再用針穿過每個頭皮個小小小洞直至完成...嘩! 呢個係極度偉大既大工程...快則2個星期慢則無了期....咪搞我..hehe
cc, 妳買大b喇??...hehehe
[quote]
金龜嘜魷魚絲 寫道:
b貼, b愛人:
請教你 ebl 同 sbl 有咩分別呢 
你地有無同佢地直髮, 染髮.... 效果ok嗎 ?-(
戴wig係咪要用net包住原有的,戴耐左原本個髮型會wear嗎
親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。
[quote]
發表於 
露仔同金妹今年要揾定新公司喇,我地仲急呀!CC你有乜心水C+公司好 
返回列表
