吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由報料› 全港無良黑店&各類投訴&騙案大搜查(請大家來報料) ...

自由報料今日: 234|主題: 298210

收藏本版

發帖

返回列表

跳至頁

樓主: rab

全港無良黑店&各類投訴&騙案大搜查(請大家來報料) [複製鏈接]

44 454647 48...71

146

rab

大宅

積分: 1388

901^#

發表於 08-5-17 18:09 |只看該作者

轉貼

Eden free coupon 婚攝之恐怖經歷(26/3/08)
事源本人訂左Eden 的註冊會場，佢地送左個價值 $4188 的婚攝套餐比我，話係佢地新婚攝影樓想做下Promo。其實酒樓都有送新天地，不過揀左去Eden，係因為佢話係新的影樓，我諗可能場地同手法都會比較有新鮮感，所以就book 左黎試下啦!
惡夢就開始黎喇..首先book左個時間咁耐都冇人打電話黎confirm, 我見影前一日都未有人打黎，我打去問佢先confirm。
到果日，個影樓係好隔涉的錦田區，四周都係d 廢車場，又冇指示牌，問d 村民先識路去。入到去，真係嚇死，有五六幅假景海佈，前面仲有一支支膠花咁插起地下，我同男友都O 晒咀。仲見到有個男人係度洗地，又有個阿婆係個廚房炒菜。我男友仲講笑，唔通呢個就係攝影師? 入到去，係一間好大陸Feel 的房間，有個電蚊拍擺係台面。接待果個女仔都幾nice，但不出所料帶大陸口音，話比我地聽包d 乜, 不過質素唔好，好快退色要加uv 云云。
然後就揀婚紗，老實講，真係揀唔落手，好娘。可以揀三選一婚紗，我見件件都有粉底漬，其中一件仲有好臭的汗味。男裝D 外套又皺，bow tie 又有粉底漬，個女仔仲話搵唔到件中碼，梗硬著左件大碼。換衫時有隻好大的草蚊飛埋黎，嚇到我。換好衫，個化妝小姐又係大陸口音，一開波就Sell 精華素，落妝油要$130支大概得5ml，仲話女仔一支，男仔一支，我話唔洗，佢仲話..咁個效果差好多，你一陣就知，態度hard sell。我最後買左一支比自己，大陸野，好驚。然後佢又sell 粉樸，$30@, 我又冇準備，then 就要一個啦，佢又話要一個乾一個濕.一個比男仔，total 3 個.又係大陸野...化妝用品all 大陸野..化完..ok.一個字娘..佢幫我set 頭，我問可唔可以整curl，佢話curl 唔襯我，then 就咁直頭髮夾d 起..整個雞冠，插d假花...
然後攝影師，原來真係頭先洗地果個。佢係咁話我面型唔好，唔可以正面，不停重覆，有時又發出d 好煩惡的聲音，令我覺得自己真係好樣衰。影完婚紗揀晚裝，我求其揀左件就影，想快快攪掂走人。我係度化妝，d 人係度圍埋食午飯。個晚裝頭仲娘，加埋d 首飾我覺得自己好似舞女裝。室內的道具同假鋼琴都已經甩晒漆。攝影師比我睇返d play back，我心諗，嘩..呢個乜水? 好似深圳羅湖城果d 沙龍..... 最後都比人屈左幾舊水先走得..
用左5 個鐘頭攪左呢壇野，我好後悔。晚黑仲係咁發惡夢自己big day 果晚都係咁娘，嚇醒左兩次。
我真係想叫各位姊妹，唔好用Eden 果個婚攝....好恐怖..
我連相都唔想拎..唔敢睇...唔想再比人hard sell..

打擊黑店click

私人傳訊

rab

大宅

積分: 1388

902^#

發表於 08-5-17 18:10 |只看該作者

轉貼

西營盤鴻興茶餐廳乞食記(29/3/08)
頭先同GF去西營盤的鴻興茶餐廳食飯(地址: 西營盤薄扶林道22-32號地下), 叫咗兩碟小菜, 但等極催極都未上枱.
星期六晚人多食飯等得耐可以理解, 但係我發覺後面果抬十幾人嚟食飯, 佢地就好好招呼... 佢地遲過我地嚟, D小菜都上哂, 我就火都嚟埋, 出去同條爆炸頭既矮冬瓜老細據理力爭... 催咗幾次, 我GF己經拍抬走人之際, 碟小菜終於到... 點都好, 咁樣做生意法, 真係好有問題. (我既意思係, 我地得兩個係小生意, 人多果D大生意就唔敢得罪人) 我完全無哂心情去食飯, 覺得自己好似去乞食咁.
我唔係尊登唱衰佢, 只不過你地星期六日去幫襯佢就要有受氣既思想準備.總之, 見過鬼仲唔怕黑, 我會BLACKLIST同杯葛呢間垃圾食店直至佢執笠 .我最討厭出去比錢人仲要睇人面色

打擊黑店click

私人傳訊

rab

大宅

積分: 1388

903^#

發表於 08-5-17 18:11 |只看該作者

轉貼

龍珠有黑店. 唔好去幫襯...(31/3/08)
各位千祈唔好幫襯九龍城龍珠商場3樓o個間賣正版game o既舖頭, 我尋日買o左隻lost planet, 全新o既未開封, 返屋企玩唔到今日拎返去換, 卻竟然話唔得, 只一口咬定係我部機o既問題(玩第二隻無事o架), 大佬, 我又唔係要退錢, 不過係換隻新o既o者, 咁都唔俾. 搞到我就咁無o左二百幾蚊真係把幾火...
不吐不快, 唔好意思.

打擊黑店click

私人傳訊

rab

大宅

積分: 1388

904^#

發表於 08-5-17 18:16 |只看該作者

轉貼

天然沖哂（不知所謂，哂相品質差，且不負責任）(31/3/08)
經過一段長時間的籌備，終於完成這個值得令人回憶的婚禮。
當日我聘請了兩位專業既攝影師，一位係ＡＭＡＺＩＮＧ　ＧＲＡＣＥ既ＧＲＡＣＥ，而另一位係（ＥＳＤ好多姊妹都有用既）阿ＫＡＭ。佢地兩位當日的努力以及專業既表現，真係值得令人鼓舞。不但專業而且十分有質素。
不過很可惜，我將上述既婚禮相拿到那間天然沖洒沖印, 點知出黎既效果，簡值令人憤怒。
我當日的相片哂出黎環境變得又黃又暗，我朋友的面孔變得青光面或者令你我朋友變度睇唔到個樣。
相片背景毫毛層次，變成一堆野，乜都分唔清.
這間天然沖洒哂出黎的相實在令我失望，我將所有的相片拿回旺角分店，（總數接近１６００張）要求他們跟進，佢地堅持唔關佢地事，仲堅持佢地哂出黎既相無問題（真係”掙”大眼講大話）
簡直離譜﹗﹗﹗
我地爭持左一段時間，佢地終於”話”會跟進，我地要求將所有相放低，但佢地拒絕我地，話唔好放哂全部，放部份就夠，咁我地就應佢地要求，只放低兩本，其餘三本自己攞返屋企。
過咗幾日之後，佢地啲職員覆我，一輪咀講話，佢地做唔到將啲相全部翻哂出黎比我地，佢話佢地只可以哂翻啲好有問題果Ｄ，或者佢地覺得有問題果Ｄ,咁我同佢講每個人的感覺都唔同，可能你地覺得無問題，但我地會覺得好有問題，因為我地係相片裡面的主角，佢地唔係，佢地又點會好考慮我地的感受呢？？？
佢地仲話只會做我地放低果兩本相簿，其他３本佢地唔會負責。
我問”積係點呢﹖”
最終，佢地就話””幫你地唔到，我地都無辦法”
咁佢地話無辦法，咁我地又有乜辦法呢﹖﹖（只好搵個第二間哂）佢地真係不負責任，就咁就算數。
我經過今次不幸的經歷，所以在此奉勸各位一句，千祈唔好去天然沖洒果度哂相，否則，只會令一個美好的婚禮蒙上污點。

打擊黑店click

私人傳訊

carmenlook

大宅

積分: 4539

905^#

發表於 08-7-9 17:30 |只看該作者

買村屋千祈不要買"基達"樓

買村屋千祈不要買"基達"樓,d料差到不得了,3年樓,水喉漏水,外墻油漆半年已經 luc到一達達,後尾因為遭得緊要,所以基達先肯在外墻"痴"磚,但料錢要業主自付,而且窗有一半都滲水,打去又冇人理,而且態度好差,樓賣了話之你,所以真係要小心,因村屋有乜維修都是自己硬食.

私人傳訊

rab

大宅

積分: 1388

906^#

發表於 08-7-26 16:34 |只看該作者

轉貼

請不要光顧位於旺角道東昇廚櫃(1/4/08)

本人在上星期往該樓上鋪購買磁磚........等建材,發生極不愉快事件
該公司職員蕭小姐待客態度極之差劣,根本沒有把客人放置眼內,
我們落單購買磁磚時,她說可以這星期日或下星期一送貨的, 我今天打電話給她說我想星期日送貨自行驗收,因星期一帥傅不能代我驗收,但她臨時反口,話沒有說過星期日可送,當時帥傅都在場的,可以作證,開單時又講電話,,後來要我簽單又俉見發票,折騰2小時多才完成交易,實在激到我一肚氣.
這算啦,我話咁不用她送貨,我要求退回送貨費用,我們自行到店舖搬運,她即說我們真麻煩,不做我生意,上去公司退回款項,然後cut我電話,你們說她的服務態度是否有問題,分明趕客,那算啦,我本打算取回款項,下午她又打電話說可以試星期日送貨,但是看大陸能否過關,好啦,我星期日早上等到6:00都沒有回覆我,我仲專登叫細佬來幫手搬,可惜她並沒有主動交待是否送貨,做事沒有責任心,浪費我一天時間.她答應星期一約師傅送貨又放飛機,蠻橫無理要師傅3時多上她公司交尾數及驗貨才送到我家, 你們說送貨不是貨到驗貨才收錢嗎?
為何要專登上好公司交交尾數先送, 該司原本約左師傅6:40在我家收貨,臨時又放飛機,蕭小姐強橫要我們去公司交尾數及驗貨才送到我家,否則不送,太過份了,這是什麼服務態度呀???
後來我們走去該公司理論,要求賠訂,她還發惡,作勢取電話要打我,離晒大譜,東昇老闆請這樣的職員點做生意??態度惡劣到要動武打人,她仲問哪位司機答應送貨,連自己派的送貨員工都不清楚反問我師傅,太沒情理,在街頭潑婦罵街,後來兩位職員到來連聲道歉才調停事件,旺角道東昇廚櫃建材有限公司的不合理遭遇,請你們對上述公司提高戒心,以防被該司蕭小姐無理對待,谷到一肚氣,貼錢買難受.

打擊黑店click

私人傳訊

rab

大宅

積分: 1388

907^#

發表於 08-7-26 16:37 |只看該作者

轉貼
勁差的搬屋公司(1/04/08)

我在上星期六有一個很差的經驗,我搵左一間叫鴻圖的搬屋公司
當天真的是很勞氣...
佢地遲左兩個幾鐘, 又唔見野又罵人... 唉.. 受哂氣..
抵讚之處*無 (唯一係班工人幾細心... 但你睇埋個老細, 已經無可能再接受到呢間野)
*不足之處*遲到兩個半鐘, 沒SORRY 一句, 唔見左個客D野, 第一時間不是搵返失物, 而是開口罵個客, 為左果幾十元而話返佢... 最後, 佢話佢做得咁好,個客應該執到, 但我地好似俾足錢...價錢亦唔係平
*平均消費* 一個人的屋企都要二千幾元, 拆燈要加錢.. 咩都要加錢
*詳細內容*呢間野的老細態度勁差... 叫佢拎紙箱, 佢話佢打緊牌, 明明一早約左時間... 都可以無左回事... 跟住搬屋當日... 明明約兩點, 結果, 佢4點幾近5時先到, 仲要事前發我皮四, 話我不是當天第一單, 佢遲到係應該, 間間都係咁架啦.. 問返佢幾點, 佢CUT我線... 黎到搬野, 佢唔見左我SET 燈的燈泡, 就話我過份認真, 我朋友不值, 幫我口話返佢: 不是燈泡問題, 係佢唔見野應該搵返及SAY SORRY... 結果佢走埋個女仔度, 用手指住個女仔黎鬧.. 全程我地不停被罵... 遲大到當無事, 又態度惡劣, 你仲搵呢間野做咩? 佢又唔係特別抵...

打擊黑店click

私人傳訊

rab

大宅

積分: 1388

908^#

發表於 08-7-26 16:38 |只看該作者

轉貼
大家要小心筲箕灣友X水電冷氣銷類工程公司(2/04/08)

友X水電冷氣銷類工程公司
FaXXh Engineering Co.
筲箕灣愛X街X號, 愛蝶X廣場XXB
藍田匯X廣場X樓XXA鋪
Tel: 229X-410X
我自己住筲箕灣, 我屋企人住將軍澳
於1/4 , 下午6:20經過見到佢寫清洗分體式1匹冷氣機為$550
當時我好清楚問佢會唔會去將軍澳洗3/4匹冷氣機, 亦都講埋地址俾佢聽, 個員工諗左一陳就答會洗, 價錢是$650.
我當時諗地區遠左, 加多$100都係應該, 價錢可以接受 , 咁我就取了佢的電話號碼, 諗住叫屋企人直接打俾佢約時間.
到今日屋企人打去約時間時, 佢竟然開價$800 , 佢話要出架車去將軍澳特別貴d, 我屋企人就同佢講琴晚問都係$650喎, 佢就話因我問得唔清楚, 冇辦法 , 佢最後仲話, 如果你要$650的話, 叫筲箕灣同你做啦.
此公司其實我之前幫襯過佢一次, 當時又係將軍澳冷氣機壞左, 叫佢上去整機, 佢出門收$150, 零件另計, 當佢上到去後, 佢話上去的技師唔識整, 竟然話要再搵個高級技師上去睇先得, 而高級技師上門又要再俾$150, 當時我火都來 , 後尾我就索性唔整買過部新機.
我承認今次我再搵佢係我太天真太傻 , 我希望大家如果要搵佢做家居維修的話, 一定要睇下這篇文章, 考慮清楚先至好搵佢

打擊黑店click

私人傳訊

rab

大宅

積分: 1388

909^#

發表於 08-7-26 16:39 |只看該作者

轉貼
嘉麗冷x水電裝飾工程 - 千其唔好幫襯(4/4/08)

嘉麗冷x水電裝飾工程
姓名: 金 Wilson Kam
電話: 6644299x
地址: 九龍官塘宜安街5號A地下
工程內容: 搣全屋牆紙, 拆一個約5尺x2尺入牆櫃, 翻油油(連三房門一大門), 需要油油的只有一廳兩房及一廁所的天花, 唔計廚房約4百尺左右. 當時報價只需7日, 當時已講明要裝返所有天花燈(只有5盞)及窗簾路軌. 已問會否整水晶地板, 回覆不會.
結果:
1)工程由7日變1個月
2)仲要有一隻門無油到, 正門只油左屋入面, 外面無油. 我問佢點解有一隻無油, 佢竟然答太暗睇唔到未油, 正門佢話出面都唔睇架喇!! 簡直係廢話
3)所有天花燈無裝, 5盞都係我自已裝. 窗簾路軌到最尾都無打算裝, 到最尾前一晚我通宵睇住佢做, 講到明報價時講明要裝返, 係佢自已話包裝返佢先裝.
4)全屋水晶地板無晒!! 佢竟然可以一d野都唔墊住個地板. 我問佢唔係話唔會整花個地板咩. 佢又係講廢話話去超級市場買d蠟水拖返就得!! 無幫我搞返好
5)整斷左廁所浴簾架! 最後仲想借d意唔整返.
6)我前只一晚通宵睇住佢做, 到第日晏晝5點幾佢先搞好, 仲要借d意話無電鑽裝唔到d窗廉路軌. 仲要叫我唔好再吹佢, 最多唔要尾數.
7)次次打親比佢問佢幾時搞掂, 都係答呢一兩日實得! 佢鋪頭有另一個女人, 打去問佢成日貓尾, 佢成日講到自己好似只係打工咁, 但係其實係兩公婆.
呢間野佢根本得自己一個人做野, 手工非常唔掂, 非常唔專業. 可以大眼講大話, 我見只係搣牆紙, 翻油油. 唔係太多野做, 都唔好意思報價單上面寫得清清楚楚, 到頭來可以應承左做既野話無應承過! 希望大家唔好中招.

打擊黑店click

私人傳訊

rab

大宅

積分: 1388

910^#

發表於 08-7-26 16:40 |只看該作者

轉貼
新華旅遊,貨不對辦,完全不知所謂(9/4/08)

昆明、麗江古城、玉龍雪山，香格里拉(中甸)6天團 [雙程內陸客機]貨不對辦
1)新華職員於茶會上確實肯定全程之行程並不會受當地之局勢所影响,但當本團26/03飛抵昆明，當地導遊說本行程最重要的地方 "香格里拉" 中甸因局勢而不能前住。而當地公安說外來遊客已於08年3月14日開始已不能前住香格里拉。新華應早通知我們，由我們自行决定出團與否而不是作出肉在針板上之舉，欺騙我們出團。在沒有商量余地改去大理。大埋跟本就不是我們的選擇!!!!!;
2)由於改變行程，原來之內陸机安排被迫改為坐巴士。今我們受了超過8小時之辛苦車程，當地安排之巴士司機竟然不認識路而需由本團用GPS帶路，當晚由昆明到達大理已是半夜12時許，令我們感到非常疲憊不堪及浪費寶貴的時間;
3)有部分行程並未有前住；
4)當地安排之旅遊巴士唔乾淨；
種種安排失當令我們感到此行被糟蹋，浪費時間,金錢(團費共5千多元) 。
投訴之後得到的新華答覆是~
我們不會道歉,只會給你們HK$180了事。"你們不接受都無辦法，你哋去揾第三者幫你啦! "
心想你當我們成團人係乞丐呀?我當時回應是$180我唔要la,我要嘅喺封道歉信,答覆係"我們不會道歉喎!" 這是什麼服務態度呀?
我們只是要討回公道, 這不法的賣豬仔手段、生意手法欺騙我們, 這也危及旅遊業, 令旅遊業矇羞。

打擊黑店click

私人傳訊

rab

大宅

積分: 1388

911^#

發表於 08-7-26 16:42 |只看該作者

轉貼
翡翠籐器做生意手法有問題(10/4/08)

我在翡翠籐器買雙層床, 買之前問清楚下層是否是木板, sales話是, 結果送來變魚骨。打去客戶服務熱線問, 她竟然叫我自己去同sales講。後來打了好幾次電話後, 才答應免費送換一塊板給我(之前一直要我加錢才肯換貨)。
誰知在送貨當天, 家中老人家由早上八點等到晚上, 都沒有人送貨來, 也沒有人打電話來通知件貨會幾時到。打上去客戶服務熱線, 她竟然話件貨來到才會打電話。這不是玩人麼? 我從來未聽過送傢俱會要人24小時等候的。翡翠第一次送貨時，送貨的人都有事先打電話約定大概會在幾時到。
因為怕翡翠籐器會再進一步玩人(例如：送塊發過霉的木板)，我決定不要求換貨了，日後都唔會再在這店買傢俱。
翡翠這種做法實在是不要得,之前我看到一個blog，話去年翡翠送錯貨，也是逼人加幾佰元才肯幫人換貨。

打擊黑店click

私人傳訊

rab

大宅

積分: 1388

912^#

發表於 08-7-26 16:43 |只看該作者

轉貼
做左水魚晤開心(11/4/08)

早兩週在“永遠SUCCESS”買左個NATIONAL GROGRAPHIC 1151肩袋@HK$580，昨天到“SKY LONG”八，才賣@HK$231，“永遠SUCCESS”實在太過分了，超級憤怒與晤開心！
補充1點：之前在“永遠SUCCESS”買過個NATIONAL GROGRAPHIC 2345大肩袋，價格與其他铺頭相近，所以才沒有懷疑這細袋價格而被砍1刀，才特別不開心。我承認沒做功課，但有先例比較，此次價格也較低，所以也才沒有特別下工夫，我不是投訴，只是申訴心中的不開心。

打擊黑店click

私人傳訊

rab

大宅

積分: 1388

913^#

發表於 08-7-26 16:44 |只看該作者

轉貼
iPod Radio Remote 黑店(21/4/08)

黑店購物經驗要同各位brother分享一下.
上星期到[旺電]一間商舖 (2樓, 上樓梯左面第一間名叫[宏x科技有x公x])買了一個公價的iPod radio remote, 付款時巳問店員是行貨還是水貨, 店員答我是行貨. 付款后馬上折包裝試用, 但完全沒有反應, 店員反映iPod software 要為 v1.1以上版本才可對應此remote.
回家後馬上檢查iPod software, 巳是v1.1.1版本, 但remote仍沒有反應, 過2天便到apple維修部修理及証實remote壞了, 維修部因沒有現貨, 需5天才有貨返; 另一個做法是維修部出一張証明書, 証明remote壞了, 好讓我返回買機的店舖換貨, 不需苦等5天.
於是我在維修部致電那店舖要求憑apple維修部的証明書換貨, 希望先試為快, 但得到的答覆是:
1. 店員說要先咨詢老闆意見才能回覆能否換貨 (個人覺得好廢話), 最後店員答覆當然說老闆不接受換貨.
2. 店舖沒有現貨remote (更加廢話, 真係搵鬼信).
3. 店員說換貨是apple維修部的責任, 該店不負責換貨 (好明顯我所買的remote不一定是行貨).
最後, 唯有等5天再到apple維修部取貨.
雖說維修部職員沒有明示我所買的remote是否水貨, 但他們建議我下次買apple產品最好到apple指定經銷商買, 有7天換貨服務及更有保障, 各位apple迷選購apple產品時要特別小心.

打擊黑店click

私人傳訊

rab

大宅

積分: 1388

914^#

發表於 08-7-26 16:45 |只看該作者

轉貼
整鋁窗千其唔好搵......(21/4/08)

千其唔好搵"羊光", 灣仔同旺角都有分店
料差, 手工差....整窗整爆左我屋企最大個塊雲石!!! 又話有兩年保養, 前兩天落雨滲水, 好似疴尿咁, 成個窗台變左水塘!!
打電話同佢地講, 個小姐話係正常喎, 正pk!
收錢就會call你笑騎騎, 有事搵佢就十世都唔會覆.....差到爆燈!!!

打擊黑店click

私人傳訊

rab

大宅

積分: 1388

915^#

發表於 08-7-26 16:46 |只看該作者

轉載 2008

1.一個好差的陪月呀姐
2.天水圍"周X德"<<佢真係好寸
3.屯門錦華美x西餅收工後情況(有d嘔心)
4.一間好衰既褓姆車公司..要小心
5.蝴蝶商場既聯益藥房好過份！
6.街邊檔介紹新產品或煲湯料,有人做媒扮買
7.我女比間補習社玩死
8.不可信的印野公司 - bbmemxxy
9.葵芳又多一間黑店, 各位靚女留意!
10.遇到激衰agent, 唔通要放棄agent fee?
11.[警告]旅行社詐騙
12.海皇粥店好貴呀!
13.德福名髮廊
14.忍不住要投訴粉嶺帝庭軒盧x章醫生
15.KLN city 清x牛肉館
16..六種賀年食品不合格
17.千期唔好幫襯日x鋼閘廠直銷中心
18.太古歐化傢俬服務極差
19.資優兒童評估疑「掠錢」
20.福榮街賣日本玩具舖老闆用粗口鬧人
21.pccw電X盈科真係太過份！
22.新界西網屯x醫院o既不負責任及不專業個案!
23.小心比影樓呃
24.公立醫院d質素/服務態度好差呀!
25.思高牌地拖筒咪買
26.小心禮物黨搵笨
27.千萬不要搵"安定"街市"新x水電"做裝修
28.千其唔好幫佢買嘢呀!
29.千其唔好去旺角花園街買生果, 呃人嫁!
30.港安醫院兒科醫生(王x祥)
31."串串王X祥"醫生
32.一個態度勁差的"的士司機"
33.千祈咪幫襯間酒店
34.本港無良 "飯盒供應商"
35.錦田東x地產
36.天水圍黑店髮型屋
37.投訴- 日本食店五X嵐
38.呃$$呀....奸商...
39.雞尞嗰間寶發乾濕洗衣公司~~黑店
40.大埔無品醫生 - 周X軍
41.小心!! 北角勁衰裝修工程公司 - 聯興
42.不要去上水彩園恩X琴行
43.一定吳好在淘大(王氏直銷中心)買電器
44.呃人既電器舗
45.這麼做生意都得？大圍火車站時裝店
46.消費陷阱 - Rainbow 吸塵機
47.收到一封以"YAHOO AWARD"名出既欺騙信,大家小心
48.欺騙人的沙田ruby Tuesday
49.病毒通知！(善意轉貼)
50.周街都係迷魂黨, 好驚! 各位小心
51.小心新的電話推銷手法!
52.對二德惠失望
53.Chicco BB沐浴露, 竟然會咁??
54.三星電器LCD Mon維修需時六星期離譜
55.PCCX呃錢!
56.大埔、荃灣、牛頭角家俬黑店！
57.去了荃灣荃新天地和樂日式意粉屋....一肚氣
58.不知所謂的食店
59.我要投訴和記.....有咩方法最怏
60.小心這賣家
61.千其咪去豉油街板前
62.超衰婦科旺角中心"蘇幹 x"
63.葵涌廣X Greex Housx Shop 10X1態度惡劣Sales
64.小心粗口怪－葵涌廣場Grexn Hoxse

[ 本文章最後由 rab 於 08-7-26 16:48 編輯 ]

打擊黑店click

私人傳訊

rab

大宅

積分: 1388

916^#

發表於 08-7-26 16:55 |只看該作者

65.小心喺銅鑼灣俾人影裙底
66.請大家不要到這位無良醫生
67.無良得x僱傭中心/降頭印傭MAYA ZULYANA
68.大圍車站斜對面東x城單車超揾笨!
69.now tv(請大家小心)
70.已刪除，詳情請看這裡
71.買洗衣機買到一肚氣
72.join pure yoga要非常小心
73.屯門良景大快活..有衰人
74.勁唔掂既傢私公司
75.大家捐善款請小心!!!
76.唔好幫親" 康X家居服務" 或"1st Priority"
77.元朗垃圾髲型屋
78.modern beauty 令人一肚氣
79.大貓銀行正奸商
80.陽光洗衣店 ~騙人事件
81.黑店醫網中心...大家來批評下
82.小心ecsxxy傳銷的seller
83.好嬲.去翡翠籐器買衣櫃. 換來激氣
84.荃灣 - 丼日本咖喱專門店 - 恐怖
85.天水圍天澤商場紅蘋果餐廳
86.請各位媽咪小心依間鋪頭
87.比 PCCX 激到我想投訴 ......
88.小心波鞋街陷阱
89.千祈咪幫襯既黑店 - 富x東方酒店
90.激死我啦 - 入左黑店
91.無良和記電話服務
92.側魚涌洗衣黑店
93.離哂譜- 千祈不要看骨科龍醫生!
94.百x洗頭水好離譜
95.小心暑期班陷阱！
96.不要買媽媽世界的壓力絲襪
97.沙田荷花--太過份
98.小心呢間營養中心
99.吳彥祖間Monster Sushi 真係令我有d失望
100.皇室堡13樓一間傳銷公司
101.瑞和街惡菜婆
102.屯門虹橋金Ming潮州麵正黑店
103.買冷氣記得唔好買(珍X)牌子冷氣…
104.黑店勿去
105.葵涌廣場三樓一間眼鏡公司~嚇人的做生意手法
106.Marriott Vacation Club 超級差
107.有無見過呢d咁既醫生......?
108.銅鑼灣信和郎田-千萬不要幫襯
109.包點先生
110.以後都唔幫襯坑口馬泰
111.沙田BODY SHOP 佢地營商手法有問題,大家要小心！
112.去馬鞍山x色店買野小心d
113.旺角漢陽苑
114.mega box 德興火鍋．海景軒
115.香港快運----我真係好興!!!

[ 本文章最後由 rab 於 08-7-26 17:05 編輯 ]

打擊黑店click

私人傳訊

rab

大宅

積分: 1388

917^#

發表於 08-7-26 17:06 |只看該作者

轉貼
不快經歷@SofaMxxk(28/4/08)

本人星期日打算去SofaMxxk 訂梳化, 點之某sale 無故黑面, 態度惡劣!!
background: 本人其實曾四次到sofamxxk 參觀, 亦曾跟某sale討論過有關訂造梳化事宜, 連sale 都認得我地.
案發經過 (或嫌太多字可跳去戲肉) :
當日一入到去, 看了一會兒餐枱, 然後找一向跟開我地的sale, 表明想訂某型號的梳化. 佢都認得我地, 就手指指, 叫我地去揀掛係牆的布款. 自己行去揀布款. (全程自己攪掂, 無人理過我地)
好啦, 揀完布, 見sale 唔得閒, 咁我地咪又周圍睇下野囉. 睇睇下, sale 走埋黎, 問我地揀好布款未, 揀好的話, 就拎俾佢喎. 我同佢講, D 布掛得好高, 拎唔到喎. 於是乎佢就自己走去拎啦. 我以為佢有工具拎, 點知原來佢係好辛苦咁伸隻手上去拎.... 早知我叫我男友(身高6尺3) 去拎啦. 唔知係因為咁, 激親sale.
戲肉:
好啦, 拎完布, 佢就叫我地坐埋枱, 幫我地開單. 我俾左上次張報價紙佢, 上面有個好簡單的構圖. 點知佢問都無問我地, 就開始開單啦.
我中途有問佢, 洗唔洗畫左個圖先. 因為我驚我地之間misunderstanding. 點之佢話" 我實會畫俾你睇", 跟住就繼續開單.
我見佢默默係咁寫, 一D都無問我地D 尺寸, 淨係問我地布款. 到最後, 我見佢開始係張單上面畫圖啦.
佢一路畫, 先一路問我地尺寸.
好明顯, 佢根本唔明我地想要D 咩, 唔明又唔問. 到我地話唔岩的時候佢就話, "即係你地唔跟個display 咁造啦!!"
大佬, 我由頭到尾都無話過跟display 咁造, 你地公司的優點就係可以根據客人的要求更改嘛!!! 況且, 係你自己唔問清楚就開單之嘛!!
最好笑係, 當我地話佢尺寸唔岩的時候, 佢居然話"張報價單無寫嘛". 大佬呀!! 無寫你就可以斷估架啦????!!!!
之後, 我地再傾左陣尺寸的問題. 但我地表達得唔好, 跟住sale 叫我地去返張display 度再傾. 但全程態度極差!!!
由於佢態度問題, 我地決定唔落單即閃.
自我反省:
罪狀一) 可能我地曾四次到訪均運吉. 所以已被佢black list 左.
罪狀二) 可能我地無自己拎布過去, 攪到佢好辛苦咁拎俾我地.
罪狀三) 可能嫌我地太煩, 又唔知我地講乜, 攪到佢忍唔住發火.
又或者係佢之前有D 唔開心的事發生左, 先攪到佢咁唔好老皮.
點都好啦, 我地最後決定去另一間分店落order.
究竟問題發生係我地身上, 定係佢地服務態度有問題呢??

打擊黑店click

私人傳訊

rab

大宅

積分: 1388

918^#

發表於 08-7-26 17:07 |只看該作者

轉貼
買傢俬千祺唔好去鍵榮(3/5/08)

有朋友們想買傢俬既話千祺記住咪幫襯鍵榮,呢間垃圾絕對係俾 $ 落 Order 前後兩個樣.
今次中左招都只怪自己千揀萬揀都揀到咁,其實係俾佢門面呃鬼晒.老實講間野大得黎而且都算多款選擇,
可惜送黎 d 貨唔係爛既就係 d staff 同師傳既死人態度極之敷衍同求其,聽親你電話都急住收線好似趕住要去死咁.
俾 $ 前勁好態度好客氣,哇!一俾完錢落完 order,送貨出左咩問題打返去追問佢地就開始黎料啦!
本身內部溝通有問題搞到個客 d 貨出左問題都可以聲大夾惡鬧返個客,仲可以一次又一次個客打親去佢地公司無論係送貨部寫字樓都好d staff 係會聽完你講既野之後就發晒悔氣咁 cut 你電話,Customer Service 絕對係好到我自己就真係從未遇見過 !
真係冇諗過佢門面咁大又有好幾間分店以為佢應該唔會差得去邊可以試下啦!
原來呃晒
總之今次真係貼錢買難受 !

打擊黑店click

私人傳訊

rab

大宅

積分: 1388

919^#

發表於 08-7-26 17:08 |只看該作者

轉貼
手工不好及漏水(6/5/08)

元朗美X玻璃屋也是手工極差 , 收了錢不見人 !!
call美X 玻璃屋設計 - 他不聽電話 !! 當找到他時, 約定會到來維修, 到約定時間不出現和不聽電話; 已連續三次 !! 假期就白等待, 在之前未收到尾數時, 還說保養二年!!

打擊黑店click

私人傳訊

rab

大宅

積分: 1388

920^#

發表於 08-7-26 17:08 |只看該作者

轉貼
黑心黑店---- 荃灣城X獸醫(大霸街)(10/5/08)

唔該大家係愛貓狗同寵物唔好再去e間野,,佢地d 醫生同助護講既野唔同,,我隻狗冇以前咩活潑咪帶佢body check lor!! 打佢問佢地,,佢地1時話冇病唔洗睇,,1時又話叫我即刻帶佢黎!!
到我隻狗睇左1個月,都唔知病因,,1時話糖尿,1時話可能心藏有事,,又叫我照x-ray 留院食過d 咩葯,等1個鐘先有人答到我!!
d員工,入面同出面都冇禮貌,,又惡又大聲,,肯定係老屎怱...唔休做
之後帶佢睇屯門另1個vet 食半個月濕糧好返,,亦唔洗成萬蚊咁貴,,連埋濕糧亦只係幾百蚊

打擊黑店click

私人傳訊