嬰兒醫護 今日: 0 | 主題: 79153

積分: 1431

941^#

發表於 08-8-19 10:13 |只看該作者

原文章由 podi 於 08-8-18 17:09 發表
icemanh,
可唔可以講下你小b依家住係邊間醫院? 其實因什麼事會有傳媒報導呢? 是否因為醫院疏忽?

Podi

小 B 住聯合醫院。
我諗係短期內有三個 NEC case發生左，所以傳媒有報導。
至於是否醫院疏忽，係小 B 發病果時，我都曾經質疑過佢地，但佢地搵晒 d 數據話至前一路正常（係小 B 發病前三日，曾經發過燒；前二日起，肚仔開始有點脹，但佢地話胃內冇奶剩，所以唔係腸炎的病徵）。

呢度係報導，但我想講清楚，就係我同我老婆都係香港人，我老婆由驗出有左開始，每二三個星期都有去睇婦產科醫生，完全做足晒所有檢查。

另外，NEC 發病與否，跟營養或產前檢查足唔足夠，完全沒有任何關係，更跟是否孕內地孕婦無關。

生果日報【記者梁洵瑜報道】繼多名小童發燒後併發心肌炎及敗血病死亡，聯合醫院新生嬰兒深切治療病房，三周內有三名不足月的新生兒患壞死性腸炎，其中兩人死亡。院方強調只在其中一名嬰兒血液中驗出肺炎克氏桿菌，其餘兩人的化驗呈陰性，三人的感染並無關連。但醫學界認為若在短期內有三宗個案，院方應作多方面調查。
三名患上壞死性小腸結腸炎（ Necrotizing Enterocolitis ）的新生嬰兒均因不足月而入住聯合醫院新生嬰兒深切治療部，其中最早的個案在 7 月 25 日病發，翌日即告死亡，院方在其血液及腹腔液培養中驗出肺炎克氏桿菌；至本月 3 日又有一名極低體重的嬰兒呈現壞死性小腸結腸炎，治療後現時情況穩定。
第三名嬰兒同樣是極低體重的新生嬰兒，已有腦室內出血情況，本月 13 日又呈現壞死性小腸結腸炎，翌日不治。院方在這兩名嬰兒的血液中找不到病菌，認為非腸道感染。

聯合醫院內發病聯合發言人認為，三人是在多種因素下致病，病人在深切治療部不同的病區內接受治療，無證據顯示病源有關連，毋須向衞生防護中心呈報。
中文大學兒科學系副

授韓錦倫認為，雖然壞死性腸炎是體重極低的新生嬰兒常見疾病，但若短期內同一個病房有三宗個案，院方應仔細調查是否與感染或食物來源如奶類有關，「雖然呢個病好少大型爆發，但如果同時間有兩宗都應該要調查」。
他解釋，不足月新生嬰兒如情況穩定，會嘗試餵奶，此時較易出現壞死性腸炎，治療方法包括即時停止餵食及處方藥物，「如果個 BB 只有 25 、 26 周咁細就危險

」。有微生物學家指出，在其中一名嬰兒血液中找到的肺炎克氏桿菌，是常見引致肺炎及肝臟膿瘡的致病菌，顯示抗藥情況越來越嚴重。
近年由於內地孕婦越來越多，因營養或產前檢查不理想，誕下患病的嬰兒個案也有上升情況。據悉，聯合醫院這三宗嚴重個案中，也有嬰兒屬內地孕婦所生。

三宗新生嬰兒嚴重腸壞死個案‧ 7 月 25 日　個案詳情：不足月新生嬰兒出現壞死性小腸結腸炎，翌日死亡，血液及腹腔液發現有肺炎克氏桿菌（ Klebsiella Pneumoniae ）
‧ 8 月 3 日　個案詳情：一名極低體重初生嬰兒患上壞死性小腸結腸炎，血液種菌化驗呈陰性，現時情況穩定
‧ 8 月 13 日　個案詳情：一名重量僅 620 克的初生嬰兒患上壞死性小腸結腸炎，翌日死亡，種菌化驗呈陰性
註：三宗個案均入住聯合醫院新生嬰兒深切治療部病房

私人傳訊

積分: 82

942^#

發表於 08-8-20 15:43 |只看該作者

回覆 #937 icemanh 的文章

你個小B進展得應該好好，咁快可以食番奶。多啲同佢說話，同埋播些音樂給他聽。佢食番奶之後你就會見到阿B响條腸头度疴啲便便出嚟。做顯影應該無咁快，唔知你間醫院到時會唔會叫埋你哋入去幫手，如果要的話，最好係爸爸入去，因為做顯影時會响阿B的腸头插條管入去，咁阿B就會叫哂救命，媽媽見到可能會覺得唔忍心的。

私人傳訊

積分: 82

943^#

發表於 08-8-20 15:45 |只看該作者

回覆 #937 icemanh 的文章

私人傳訊

積分: 1431

944^#

發表於 08-8-20 16:04 |只看該作者

原文章由 supernew 於 08-8-20 15:45 發表
你個小B進展得應該好好，咁快可以食番奶。多啲同佢說話，同埋播些音樂給他聽。佢食番奶之後你就會見到阿B响條腸头度疴啲便便出嚟。做顯影應該無咁快，唔知你間醫院到時會唔會叫埋你哋入去幫手，如果要的話，最好係爸爸入去，因為做顯影時會响阿B的腸头插條管入去，咁阿B就會叫哂救命，媽媽見到可能會覺得唔忍心的

supernew

請問顯影時使唔使麻醉？有乜危險性？
試左兩日奶，醫生話小 B 吸收唔係太好　

私人傳訊

積分: 82

945^#

發表於 08-8-22 10:22 |只看該作者

回覆 #944 icemanh 的文章

我個女做果時就完全無麻醉，仲做咗兩次，因為第一次睇得唔清楚。另外遲些，即是你小Ｂ差不多可以駁回條腸時，小兒外科醫生還會响你小Ｂ條腸头灌番啲便便入去，等佢條腸增加多些郁動，到時你小Ｂ可能又會叫到折哂天，我自己就親自試過做呢樣嘢，用條管插入佢腸头，然之後用枝針筒泵喲便便入去。不過到時你的心情同現在就完全唔同，因為到時你小Ｂ已經係接近好番的階段了。Anyway,祝佢開開心心，健健康康的早日回家(因為有太多人等住見你，抱你and kiss you)。

私人傳訊

積分: 25365

946^#

發表於 08-8-22 11:57 |只看該作者

icemanh & supernew
我姪女既情形同你地BB一樣, 佢星期六出生, E家情況好危急, 暫時都要睇BB自己!

icemanh
你BB係咪用緊隻藥叫OMEGAVEN?

私人傳訊

積分: 82

947^#

發表於 08-8-22 15:52 |只看該作者

回覆 #946 BBChu 的文章

BBChu

我估你姪女現在是否在PWH 6Ｂ？OMEGAVEN 其實係佢吊緊嘅其中一種營養液，此種營養液無咁傷害個肝。逢係NEC的ＢＢ需要比較長的時間將食奶的份量逐少少的加至正常ＢＢ的份量，起初是逐ml加(一安士等如30ml)，而佢唔夠的份量就會由其他液體頂住先，即係營養液。PWH係全港第一間醫院試用OMEGAVEN嘅，而我的女女係全港第二個BB試用(醫生講的)，當時仲要簽同意書的。

私人傳訊

積分: 25365

948^#

發表於 08-8-22 17:26 |只看該作者

多謝妳回應！醫生話ＢＢ情況暫時ＯＫ！但這幾天都好關鍵，要睇ＢＢ自己！希望天主憐憫佢！

原文章由 supernew 於 08-8-22 15:52 發表
BBChu

我估你姪女現在是否在PWH 6Ｂ？OMEGAVEN 其實係佢吊緊嘅其中一種營養液，此種營養液無咁傷害個肝。逢係NEC的ＢＢ需要比較長的時間將食奶的份量逐少少的加至正常ＢＢ的份量，起初是逐ml加(一安士等如30ml)，而佢唔夠的份量就會由 ...

私人傳訊

積分: 1431

949^#

發表於 08-8-23 08:58 |只看該作者

原文章由 BBChu 於 08-8-22 17:26 發表
多謝妳回應！醫生話ＢＢ情況暫時ＯＫ！但這幾天都好關鍵，要睇ＢＢ自己！希望天主憐憫佢！

正如 supernew 所講，小 B 唔係用 Omegaven 的。
小 B醫院呢邊，應該唔會試新野．．．．．．

希望天主憐憫所有未出院的 BB.....

私人傳訊

積分: 1431

950^#

發表於 08-8-23 09:01 |只看該作者

原文章由 supernew 於 08-8-22 10:22 發表
我個女做果時就完全無麻醉，仲做咗兩次，因為第一次睇得唔清楚。另外遲些，即是你小Ｂ差不多可以駁回條腸時，小兒外科醫生還會响你小Ｂ條腸头灌番啲便便入去，等佢條腸增加多些郁動，到時你小Ｂ可能又會叫到折哂天，我自己就親自試過做呢 ...

多謝你的資料，真係好有用，亦幫到我地好多。
小 B 而家差不多 32wk 了，過多兩個星期，就要照眼、驗聽覺、照腦等等。
一聽完仲有咁多關，個心又不期然擔憂起黎，仲成晚係度發夢．．．．．．

私人傳訊

MayMaySumSum

複式洋房

積分: 159

951^#

發表於 08-8-23 10:28 |只看該作者

各位papa mama,
我囝囝都係早產兒(31 weeks)...我非常明白大家既感受!!
湊bb難,湊一個早產bb仲更加難!! 要定期覆診,又要檢查,又要做訓練!! 真係心身疲勞!!
身邊人話我太過緊張...唔重磅又擔心,重得少又擔心,未出牙又擔心,未識自己坐又擔心,未識行又擔心! 全因囝囝係早產,咩事我都會特別緊張,怕佢有後遺症ma! 生佢出黎要有責任, 總之bb健健康康,開開心心我就心滿意足,無咩要求!!

私人傳訊

積分: 25365

952^#

發表於 08-8-23 13:10 |只看該作者

祝願所以BB都平安! 雖然過程痛苦, 但都要堅持一關一關闖下去! BB加油!

原文章由 icemanh 於 08-8-23 09:01 發表

多謝你的資料，真係好有用，亦幫到我地好多。
小 B 而家差不多 32wk 了，過多兩個星期，就要照眼、驗聽覺、照腦等等。
一聽完仲有咁多關，個心又不期然擔憂起黎，仲成晚係度發夢．．．．．． ...

私人傳訊

STH

複式洋房

積分: 343

953^#

發表於 08-8-23 22:08 |只看該作者

請問邊度有得買早產bb專用的奶嘴

我個囡囡係早產bb,剛由NICU房轉去特別護理房,護士叫我買奶嘴俾bb學習下..請問邊度有得買早產bb專用的奶嘴?佢個口好細,市面上普通奶嘴吾適合!

私人傳訊

妹妹豬媽媽

男爵府

積分: 7207

虎到金來勳章醒目開學勳章環保接龍勳章畀面勳章

954^#

發表於 08-8-24 03:22 |只看該作者

原文章由 MayMaySumSum 於 08-8-23 10:28 發表
各位papa mama,
我囝囝都係早產兒(31 weeks)...我非常明白大家既感受!!
湊bb難,湊一個早產bb仲更加難!! 要定期覆診,又要檢查,又要做訓練!! 真係心身疲勞!!
身邊人話我太過緊張...唔重磅又擔心,重得少又擔心,未出牙又 ...

Hi~ MayMaySumSum,

我個女都係31weeks,而家出世計八個幾月，我身邊既人都成日話我緊張，我老公都係，佢地唔明BB係我地身體出，我地真係好唔想會早產，又怕佢地發展慢，人地唔理解，仲要埋怨，我都覺得好難受~~ 有時好唔開心~

私人傳訊

妹妹豬媽媽

男爵府

積分: 7207

虎到金來勳章醒目開學勳章環保接龍勳章畀面勳章

955^#

發表於 08-8-24 03:25 |只看該作者

原文章由 STH 於 08-8-23 22:08 發表
我個囡囡係早產bb,剛由NICU房轉去特別護理房,護士叫我買奶嘴俾bb學習下..請問邊度有得買早產bb專用的奶嘴?佢個口好細,市面上普通奶嘴吾適合!

你買了奶咀後仲要煲好多次(唔係steam), 你記住睇火，好易乾水，煲完就焗佢一陣，一日煲幾次, 等佢林D, 因為早產BB無甘大力啜, 護士有無叫你? 我覺得chu chu幾好，又林又係十字咀~

煲奶咀時，期待住BB出院好開心，希望你BB身體健康~

到時你去醫院探BB,一聽姑娘講當日情況，未同姑娘講聲你有帶奶咀，佢開奶時會叫你卑佢，D姑娘真係好細心~

[ 本文章最後由妹妹豬媽媽於 08-8-24 03:31 編輯 ]

私人傳訊

STH

複式洋房

積分: 343

956^#

發表於 08-8-24 14:50 |只看該作者

回覆 #955 妹妹豬媽媽的文章

由佢出生到可以由NICU房轉到特別護理房,真係經歷很多!我地做父母的只有每天都去睇佢同禱告來支持佢..其他都要佢自己努力!
護士叫我買個奶咀俾佢學習下...佢話醫院奶咀太大,吾適合,有無媽媽知道係邊度買度細奶咀?

私人傳訊

jor_mankiu

積分: 1086

957^#

發表於 08-8-24 22:45 |只看該作者

STH

你喺咪指安撫奶咀? 我都搵過但搵唔到, 市面上最細的奶咀應該喺pigeon stage 1, 你可以去萬x或屈人錢買.

原文章由 STH 於 08-8-24 14:50 發表
由佢出生到可以由NICU房轉到特別護理房,真係經歷很多!我地做父母的只有每天都去睇佢同禱告來支持佢..其他都要佢自己努力!
護士叫我買個奶咀俾佢學習下...佢話醫院奶咀太大,吾適合,有無媽媽知道係邊度買度細奶咀? ...

私人傳訊