vivianf 寫道:
姐妹們, 今晚要同老公一齊睇, 唔得閒都要記住錄起佢比老公睇:
What are Dads for? 千禧BB檔案 08:05p.m. (Pearl)
父母離異對小孩子有甚麼影響?一般人都認為母親對子女的成長較為重要，但母兼父職是否可行? 繼父又能否取代生父照顧繼子繼女?今集節目中，教授會探討親生父親在小朋友的成長歷程中所擔當的重要角色，以及缺乏父親照顧對子女的身心影響。
Helena本是家中獨生女，自小萬千寵愛在一身，但面對另一小生命即將誕生，她難免感到不安，爸爸Barry如何陪伴她面對這些轉變? Parys生於一個單親家庭，與天生殘障的媽媽Alison相依為命，這對Parys有甚麼影響? Charlotte Goldsmith、Charlotte Langeveld 和 Rubin的父母同是離婚收場，孩子皆由母親照顧，三個小朋友沒有生父在旁，面對不同的問題和身受不同的影響。
catrickymok 寫道:
身為香港人, 真係覺得可恥....
今日中午同felice去學校附近個遊戲室玩, 果度分兩個room, 咁felice先入去for 大d 細路個room, 只有一個女人帶住幾姐弟, 其中兩個一人玩緊一個fit-ball....
felice 二話不說走埋去細果個(3歲左右)度, 好唔客氣就想搶人個ball, 我當然會話佢好羅人野...另一個(7,8歲左右)即自動讓個ball(大size)出黎"亞尾玩哩個啦(口音好明顯新移民)", 佢地媽媽口up up"咁大個佢玩唔到, 細個至岩玩", 細果個望兩望就讓埋個細fit-ball 比felice...玩左段時間, 都好和諧...felice 走去另一個room...
果度有三幾個細路, 4 - 8歲左右, 將d 玩具, 車仔, 椅...堆哂向個組合裏面, 咁我咪去羅張椅仔坐下...一羅, 最大個4眼仔鬧我
4眼仔:"攪錯呀???!!人地整架!!!"
我:"椅要黎坐架喎, 你無玩緊喎!!!"
佢仲駁咀:"...係我羅先架...(指另一個細路)...你坐向度唔好走開, 唔好再比佢羅!"
我:"d 玩具係你架咩???你唔可以咁樣霸哂d 玩具...一係去問下嬏嬏( 管理員 )丫...(4眼仔即收聲 )"
一路觀察, 佢又會受埋felice玩( 大佬咁指指點點 ), 聽佢講野, 原來佢霸住哂d 玩具仲有一個目的, 係唔比d 印巴細路玩(果個場都經常有)
印巴家庭出現, 都總算玩得規矩, 但佢即拿拿聲點其他細路, 霸住所有玩具, 唔比d 印巴小朋友玩, 其中一個小妹妹, 相信得歲幾, 想玩車仔, 爸爸電話中, 4眼仔佢地好惡死咁對小妹妹, 係要羅番小妹妹架車仔話係佢ke...我唔抵得, 出聲話4眼仔地...我眼見的, 佢地係"奇"視人, 掛向口邊咁"奇"視人, 唔比人玩d 玩具, 又組黨難為人地, 挑釁, [對抗]人地, [打倒]人地....大大聲話自己係香港人...我見到幾個印巴小朋友無奈ke表情...
哇~今日所見, 香港人教出黎ke新一代, 聰明絕頂, 口齒伶俐, 就係霸道, 自大, 蠻不講理, 目中無人, 物質主義, 恃強凌弱, 是非黑白不分....
發表於 
返回列表
