all july mama:
嘩!做乜今日咁靜局,等我發吓up瘋先.
今日我發現孖b同一時間出五隻牙仔好慘呀,有三隻係大牙潻,d牙肉腫晒呀陰公,頭先餵孖b食野時大孖不停話牙牙痛痛,兩行眼淚喺咁流,真係慘慘,細孖就不停擺隻手入口咬d口水不停咁流,唉!孖b咁遲先出牙,搞到而家一次過出咁多隻,見倒佢地咁真係好辛苦呀. :-(
等我趁得閒都報告下傲凡仔的戒片進度先~~~
佢而家都識得叫all shu shu, 尋晚由於發高燒,訓得唔好,醒左幾次,每次醒都有叫我all shu shu!上個星期試過帶佢去我妹妹屋企度玩,我大膽咁試下唔同佢著片片,去之前同佢去all左一次shu shu,跟住到我妹妹屋企即刻帶佢去all一次,中途又問下佢咁,all左三次,結果都無賴濕,好滿意! :-P :-P :-P
星期日帶佢去教堂,有著學習衭,佢都叫話all shu shu,但係可能叫得太遲,當我除佢衭仔同學習衭時,佢即刻all,弄濕左衭仔,但係我都有讚佢,因為佢都有叫話all shu shu!
而家平日係屋企唔駛著片片(呢兩日著返,因為BB病病比較扭計),前兩日開始午睡都唔幫佢著,咁佢訓左兩粒鐘都無賴,但係一醒左起身要即刻帶佢去all shu shu!試過中途起身話要all shu shu,點知佢all完又訓喎!
夜晚我都會幫佢著片片,我試過臨訓前同佢all一次,佢有兩晚都成晚無賴濕,到第二朝條片片都乾的!但係多數都仲係會濕,所以我暫時都唔會戒佢夜片!
發表於 
返回列表
