回覆 小菜豆 的帖子
閱讀曬你係＃49頁，以上嘅posts。感概，我呢個阿保係會做你老公D嘢嘅。但係與你老公的生活志向唔同，因為我志向係做全職家庭主婦，丈夫的賢內助。而我前夫嘅志向又同我要求當我丈夫要有嘅志向不同；你老公先係我要求當我丈夫要有嘅志向。我唔介意做我丈夫嘅候選人窮。可能因為我自己係阿保，所以我一直要我前夫做到好似你老公咁，我唔明點解佢做唔到，可能係志向唔同吧。結婚頭一年我仲見到佢特然自己打自己頭0係度喊，畀我理解到係我逼得佢太緊要。自那時起，我就決定唔再畀佢覺得我逼佢。總之睇佢無希望，要靠我自己發奮圖強，做個榜樣畀佢睇。若果我自己做唔到嘅，我更無權要求人哋做到。感恩神0係嗰D唔受我自己控制嘅事情上保守我一關一關咁過，我專業上才有現在的成就。妳讚妳老公的有點就係我前夫0係我哋D女面前讚我嘅優點。
我過嘅生活就係好似你形容你老公咁。但係生活上次次做選擇，我嘅選擇都被我前夫拉我後腳。我唸係因為佢係大男人，佢既唔明白我嘅腦點唸又要挑我選擇嘅方案嘅種種不是，講到我理解係在佢睇來係不值得去做嘅。我又冇資源同佢呦，我還是留彈藥 同 pick the battle to fight for。佢一同我呦嘅事，我放手畀佢做。趁佢唔係度睇住，我就拎來做。做好咗，佢仲以為佢嘅方法得。佢做唔好嘅負面結果，我就住來使。係照顧我哋個腦癱女方面先係我長期同前夫爭戰嘅battle。好在次次個女入深切治療部，住院期間，我前夫唔捱得係醫院，都係由我去捱陪院，所有對醫護人員嘅外交都係由我主持大局。阿保係有臨危不亂，在需要做事時可以先不理會情緒上嘅需要而去把握時機把當做的事情處理好。
家父母出入不方便，我個腦攤女肺炎住院，家父母係都要來醫院探病，我就堅決拒絕佢哋來。佢哋話自己搭巴士來到醫院樓下再畀電話我去接佢哋，以為咁做就可以逼我接佢哋上來病房。我好斬釘折鐵咁同佢哋聲明，就算佢哋來到樓下，我都唔會落去接佢哋。佢哋信我真係會做得出。佢哋來係徒勞無功，事倍功半嘅方案。因為我阿保症係唔懂衡量人性情感上嘅價值。
係關係上來講，我雖然用前夫來稱呼，但係我對佢同子女嘅生活照顧，互動根本同以前無分別。不是普通人的離婚情況。但係如果我話我仲未離婚，實好似妳講嘅，會被人大造文章話我。關係講感情，但係阿保衡量唔到感情咁抽象嘅嘢。所以無恨，對任何人都冇長期嘅負面評論，亦冇永遠的正面評論。因為我唔用對人嘅感情，好感或壞感來針對人來評論。好似呢樹，一定會有一群讀者對我長期存有負面感覺，還會記住不喜歡我，群起杯葛我。由於我係阿保，只會佢哋記得我，我唔記得佢哋。到時我見到佢哋嘅post內容0係正面嘅，我一樣會在她們的腳下給予正面回應。
Love is when the other person’s happiness is more important than your own ~ H. Jackson Brown
呢種咪唔知自己有缺陷的人的思想LAW。
發表於 
當佢迫你準時返工時你有咩反應? 
你心水好清！就是有距離欠缺默契和價值觀問題。
返回列表
