今晚大概五點左右喺平台公園發生一件既激氣, 又唔愉快嘅事情
Jasper 放咗學喺平台中間嘅公園到玩,初初玩都無問題, 但玩玩下有五六個男男女女小朋友,大概5-9歲喺戲樂塲到跑上跑落追逐, 當時亦有五六個同jasper差不多大的小朋友喺果度玩緊, 有幾次Jasper由滑梯滑下, 但呢D小朋友就唔理其他人安全由滑梯由下”跑”上,因我一直根住jasper,所以仲可以捉住想跑上嘅小朋友, 我亦有同佢哋講唔可以喺呢度跑, 對小朋友好危險
點知當Jasper 企喺第二級樓梯想上去時, 有個小朋友猛跑唔理其他人安全, 就係咁佢撞跌咗Jasper, Jasper向後跌, 後腦落地, 好在地下係軟墊, 尚算慶幸無事, 當時我好嬲, 因撞跌jasper嘅小朋友我之前同佢講過兩三叫佢唔好咁跑, 會撞到D細嘅, 最後佢當然係俾我鬧走咗, 連埋果幾個追逐嘅小朋友一齊走晒.
俾我鬧嘅小朋友一路喊一路行出遊樂塲對出的椅, 有個女人就問乜事, 其他小朋友話佢俾人鬧, 我亦好坦白話係我鬧佢, 亦有講出原因,
點知呢個女人話 : “你之前可以話我知佢跑黎跑去,唔洗咁鬧啫”
我話 : “我點知原來佢有父母係就近喎,我以為佢無人理添, 你問下小朋友我之前有無同佢講過呢度唔可以咁跑, 滑梯係只可由上而下, 唔係由下跑上, 好彩我個係向後跌地下有軟墊,如果當時地下有玻璃,有釘…個後腦又跌咗落去咪死硬”
個女人話 :”我唔係佢亞媽, 但你都唔可以咁鬧佢………………….”佢一直用佢唔純正嘅廣東話鬧返我
最後為咗令佢收聲, 我用英文同佢講 : Idon’t want to talk with you, don’t say anything
就係咁佢唔知我講乜終於收聲
後黎小朋友嘅媽咪放工返黎, 個女人當時話俾佢知我鬧佢個仔, 佢雖然一直望住我講, 又離我十步之近, 但又唔近行過黎, 到我走時我亦大方行過佢哋身邊, 我唔驚佢可以對我點, 我亦想知佢係乜人, 但最終佢都唔敢, 但個女人自己同自己講 “咁巴閉唔好落黎玩囉!” 我當聽唔到, 因唔係正面同我講
相信呢班大陸女人大家都見過, 佢哋好多時坐喺遊樂塲對出中間嘅椅到”吹水”, 從來都唔理佢哋D小朋友, 尤得佢哋自己玩
當然大陸女人亦有好多係好嘅, 我喺呢度都見過, 所以大家睇完不要對號入座
但想同大家講, 如果真係愛錫自己嘅仔女, 唔好放咗佢哋落平台就唔理佢哋, 仲衰過放狗, 狗都有主人用狗帶拖住
小朋友玩時一定要睇住佢, 蝦人固然唔啱, 要睇實跟住要教, 俾人蝦就要保護自己嘅仔女
如果自己唔睇住, 仔女又頑皮, 令到其他小朋友受傷, 咁就唔好話人鬧自己嘅仔女, 仲有公園係公眾地方, 唔係你哋”呢班只顧吹水唔理小朋友嘅大陸女人”只可以喺到坐喺度玩喺度吹水
大家點睇 ????
好想知你哋有無同樣問題, 因我己經有幾個月無同jasper落下面玩lu, 點知一去就咁唔開心
bik1229 發表於 11-5-26 14:36
唔好下去玩啦, 宿舍已經發生大大小小好多唔開心報警事件, 費事多是非。
我兩個女都大, 好少響下面玩。細 ...
發表於 
返回列表
