今日入來又講故啦.
吊頸繩
大家係呢道都睇過無數咁多鬼故呀,真係咩題目都睇過,但今日講呢個我都係第一次聽到,而仲係親眼見到呢個實物,講真有怨魂的古代實物我就見過4件,真係好大感應.
講返今日主角係一條紅色的繩,本來我有影左架,但返到來呢張相個焦係只影到地下,咁你地冇得睇啦.
件實物係台灣,上個月我去左台中玩,咁開車個台灣朋友佢老婆外家就係清景山下架,咁司機見路經外家就帶我地去探下老婆外家人啦,因為佢地都係種水果架,咁一車10人就入左村一直咁入到一個果園.
佢老婆外家都係d原住民,後來佢太太講,佢媽媽先係原住民,而佢爸爸..竟然係韓國人.
呢樣就真係好奇怪,台灣人由其老一代因為日本關係都唔係咁鍾意同異國人通婚,原住民女人仲嫁韓國人就真係好小聽到啦.
果園都幾大下,屋都唔細,雖然係農舍咁但好舒服,佢外家人又好熱情比係都要煮中午餐比我地食左上山.
其實我一入屋就已經比佢地d祖先神位吸引,總之望住個神位就有斜的感覺,我女見我眼定定佢就好驚架啦,亞媽:唔係有野呀?
我話有呀,真係有d力量,不過人地d家神同原住民d土神好在力量都好大,唔係都幾恐怖.
司機識小小廣東話知我講緊d野,佢就拎住d桃同茶叫哂我地出花園坐,佢問:媽媽你會感應呀?是那條繩索嗎?
我說是有點感覺不過最大感應是他們的家神,司機就說:那條紅繩是外父的祖先的,那繩未來台灣前一直有出事的.
那繩應該超過了兩百年,是什麼皇帝我一下都唔記得左,司機話:外父的上幾代已經係宮廷檜子手,殺人無數,好似話做檜子手係唔可以結婚生仔架,仲要係孤兒來,聽到呢道我又好多問題....咁佢地個祖又點解有後代呢?
司機話其實唔係好多人肯做呢d野架,真係唔係窮到就死都唔想去殺人啦,雖然話係份工者,都係殺生啦....
不過唔知點解外父個上祖天生好凶殘架,細細個都鍾意整死d動物呀,打人打到人重傷就好開心笑得好過穩咁,因為佢個人品格係咁,父母家人都好怕佢,個個都當佢鬼咁得人驚,係15歲時佢就姦左個女仔,就係佢外父個太太太婆,而呢個太祖幾多歲入左宮做檜子手,司機都話唔知.
有次佢又比招入宮殺人,之後佢做完野返屋企時手上就拎住呢條繩,呢條繩就係犯人被摲頭之後解出來架,但到而家都冇人知點解佢地拎呢條繩返來.
好奇怪佢做完呢次工作之後個人性格開始改變,佢係姦女之後一走了知離開左鄉下入宮當殺手後已經冇同家人來往架啦,一走幾十年,係佢入宮後兩年佢都介紹個同鄉個仔入去做什工,抬屍果d工作啦.
佢果次工作之後就開始豪飲,成日醉醺醺,又唔多想接工作做,推左兩三次工作之後宮人都冇再叫佢做野,後來有傳佢傻左咁成日呆呆咁坐係道好似點穴咁....
男仔話成兩年佢冇同人講過野,冇去工作,有日男仔去搵佢,一推門就見佢用條紅繩吊左頸,已經死左一段日子,因為條屍唔止發脹係已經開始甩皮甩肉,男仔仲睇到遺書,話叫佢送返去鄉下,仲要叫家人要供奉條繩,唔可以掉,唔可以燒,要供奉,唔係就會出事.
男仔將佢連屍帶繩送返鄉下,咁先知個女仔幫佢生左對孖仔已經廿幾30歲,咁男仔交代哂佢d身後事就走左,聽講呢個男仔冇幾耐就死左.
而呢家人接左條屍同繩就一齊安葬左係後山,但一星期後孖細仔就同家人講見到有個男人拎住條繩來吊佢上屋頂,好驚呀...
家人就以為孖細聽左男仔講野影響左者,就安慰佢發夢者,點知唔出兩日孖細真係吊左頸,仲有遺書話係要起返紅繩出來供奉,如果唔係就要有人上吊而死.
之後家人快快手掘返條繩出來請法師睇下應該點做,咁法師話條繩付左怨靈,做左幾次法事怨靈都唔肯平息,司機話經過幾代人其中有個唔信鬼神架,好似係日本仔打到韓國時果代人冇供奉,收埋一邊就算,果家人真係又有幾個吊頸死喎,到佢外父因為得一個仔家人就交比佢接手.
果時韓國又亂日本人打完又到南北韓分家,佢外父有日對住條繩上香話:如果你帶我離開韓國我子子孫孫就永久都要奉你做最高先祖,你保佑我開支散葉啦...
真係唔夠一個月佢外父上錯船攬住條繩就去左台灣比人救起左啦...
<br>
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
![](http://lb3f.lilypie.com/Hhmmp8.png" width="400" height="80" border="0" alt="Lilypie Third Birthday tickers)
(而家我夜晚唔敢睇)
返回列表
