吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 信定唔信?

夫婦情感今日: 0|主題: 42745

收藏本版

發帖

返回列表

跳至頁

樓主: aaron626

信定唔信? [複製鏈接]

1 2 3 45

aaron626

子爵府

積分: 11292

81^#

發表於 15-8-20 10:59 |只看該作者

好想狠狠地向C6發洩, 罵又好, 講D好絕既說話都好.... 輔導員要見我先...了解左我先再約C6, 由我發現佢再搵個女人個日開始, 我地分開訓....已一個星期了!!星期六日我地陪小朋友玩....過得很開心...無壓力! 夜晚收到C6係廳發出既WHATSAPP, 話佢只係想放假同朋友打下波, 星期六日有我同小朋友一齊周圍去,就係想要呢D簡單生活! 其實我好想走出去同佢講返野...但我只覆佢...如果係咁...點解你要咁做....自己問心, 唔洗答我!

我知道我應該交俾輔導員處理我地問題, 因我唔知點做, 我迫佢...佢一定會認錯! 佢根本唔係打算離開呢個家! 我當冇事, 佢又會唔正視呢個問題!

但我越等待, 我越開始忟, 越想講一D說話迫佢表態!! 見佢好似搵到自己生存空間, 較好時間起身, 我出廳...佢入房...我有D按捺不住!! 星期六日難道又一齊開心陪小朋友, 星期一至五就自己各自各, 好辛苦! 我知佢等我表態...........但我開始憎佢!

私人傳訊

violetian

複式洋房

積分: 371

82^#

發表於 15-8-20 11:23 |只看該作者

回覆：信定唔信

樓主你好明顯對段感情未死心，
我殘忍啲同你講，性格好難改，改左又會故態復萌，如果我話你c6既性格唔只由細從父母學習返黎，仲係遺傳返黎你信唔信?
我諗當日你揀佢，除左覺得佢善良，仲可能因為你性格有正義感，所以想保護佢，同佢一齊面對往後既人生。若果你c6改變唔到佢性格既缺陷，將來唔開心既事只會重復發生。我覺得機會可以俾，但如果俾完日後都係咁樣，樓主你就應該理智啲為自己同小朋友著想了

私人傳訊

aaron626

子爵府

積分: 11292

83^#

發表於 15-8-20 12:25 |只看該作者

回覆 violetian 的帖子

如果人可以咁缺絕咁決定所有野..咁基本上唔洗係呢度傾.... 我嫁佢...其實係知佢性格有缺憾的....我唔可以話我完全唔知感受唔到佢既問題! 性格佢係有缺憾, 我一直有同佢FOLLOW呢個問題....但我失望係有第三者! 即使佢未必會做D咩...但我係好心痛呢件事!

係...我知我係對呢個人做多左....愛一個人就係咁...你係好想照顧佢...對佢好....
如果佢真係過火....我係會走的...我未之於完全冇哂底線....
我知佢係愛我的....佢係對我好.....但佢自制力同逃避問題...
宜家佢係等我點處理....因佢未去治療....根本冇能力去反省
佢只係喊同等待!

私人傳訊

circle119

珍珠宮

積分: 32783

好媽媽勳章

84^#

發表於 15-8-20 12:39 |只看該作者

回覆：信定唔信?

為了小朋友
一係洗牌再來、
舊事不提、再重新去調整生活。

再看看他的表演

私人傳訊

aaron626

子爵府

積分: 11292

85^#

發表於 15-8-24 15:08 |只看該作者

UPDATE下先...見左輔導員, 個過程都好舒服, 唔會俾好多意見我, 但佢會問D問題, 你自己會反思下....而且最重要係想知你自己心底想點做...

傾左差唔多兩個鐘....輔導員建議約我老公見面....睇下佢本身有D咩問題....如真係需要藥物治療, 會安排的....最緊要睇下佢係心理定身理!!! 但好肯定既係...父母係會好影響佢既心智成長同處理問題既方式!

可能見左...傾訴左....我自己係會放開左D件事......一切等上天安排!