吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 99 話唔夠$$, 點算好??

婆媳關係今日: 0|主題: 27782

收藏本版

發帖

返回列表

跳至頁

樓主: C9WONG

99 話唔夠$$, 點算好?? [複製鏈接]

1 2 3 45

honeybear0207

子爵府

積分: 11353

好媽媽勳章醒目開學勳章畀面勳章環保接龍勳章大廚勳章

81^#

發表於 08-9-26 09:19 |只看該作者

你話你坐月時因為無經驗唔敢抱囡囡，咁你拕ＢＢ時無去產前檢查咩？如果有，醫院同健康院都有好多堂可以俾你上，去學揍ＢＢ既方法同埋沖涼、照顧個Ｂ、餵人奶等…

唔明你點解連抱自己個女都話唔識囉！

你話你９９喺你生之前，去咗加拿大搵佢細仔，無理你，你娘家又無人照顧你，令你日日食飯盒，跟住你驗到血糖高俾佢話你唔知食過啲乜，你老公唔煮飯俾你食，所以你要食外賣，又唔想大住個肚去街市買餸、煮飯，煮完又要洗，怕煩！

咁無明文訂明做９９一定要喺媳婦大肚時煮嘢俾佢食同埋照顧佢喎！你決定得生ＢＢ，呢啲你預咗啦！如果人哋當初應承咗會照顧你無做到就話怪人啫，如果無，我覺得你唔應該埋怨囉！

你老公唔煮飯都可以買嘢俾你煮，咁係你唔想煮唔想洗啫！

至於你話你９９話你食錯嘢搞到血糖高，咁可能係心痛你啫，唔好諗到咁負面啦，佢唔係鬧你既語氣話你呀？

你話生Ｂ前怕買漏嘢，問你９９佢又唔理你，咁有好多書同埋產前檢查或者吉之島咁既大百貨公司都會有啲LIST係俾孕婦睇，可以跟住張單買嘢既，點解你會唔知呢？你大肚時真係半步都無出過門口？

你俾得個Ｂ人揍就梗係唔可以介意人哋帶咗你囡囡出街啦，唔通日日同個Ｂ留喺間屋度唔出去咩？

咁你咪同你９９講，如果佢需要睇醫生，去醫院就等你揍返個女佢先去，如果佢個人開通，明白係為ＢＢ好，咁我諗佢都唔會反對既！

你個女幾大呀？細Ｂ就唔好俾佢食中藥啦，如果你講你９９唔聽，咪叫你Ｃ６講，都係唔掂既，唯有等個Ｂ出事先可以話得佢聽，如果個Ｂ無事既，你仲係要佢幫你揍Ｂ既，咁你都無SAY啦！

私人傳訊

jj032008

大宅

積分: 2350

82^#

發表於 08-9-26 11:15 |只看該作者

C9WONG ,

我好明白你既心情，個個做人媽媽既都緊係想bb跟係自己身邊，同自己最親，所以我當初都堅拒bb同99訓，不過你亦要係人地既角度諗下，你bb喊佢地去抱，不論方法你鐘意與否，都係關心你bb啫，唔需要唔開心，而且麻麻鍚個孫我想唔需要問過你，之後你返工都係比佢湊架啦，唔通又要日日問你先可以抱。

生bb你要買野，其實好多地方都可以話到比你知需要d乜野，99都生完咁多年，問佢或者真係唔識，用既時候先發現唔夠，咪話冇買囉，唔好諗到佢專登唔話你知。

平時bb係咪99一個人湊，如果係咁佢要睇醫就緊係帶埋bb啦，唔通留低佢一個係屋企，我都知唔係咁好，但係或者佢唔知點做好，你可以閒聊時同佢講其實你可以請假返來湊bb，咁佢下次就知道應該點做。

其實比老人家湊，佢地一定有佢地一套既方法你未必啱，但係你唔鐘意唔代表佢一定錯，又或係專登同你作對，如果真係佢做法有問題，咪慢慢同佢溝通下，甚至借醫生或姑娘把口話佢知問題所在。

繼續努力呀，冇人係天生就識湊bb。

私人傳訊

A.C.C.

大宅

積分: 3786

83^#

發表於 08-9-26 11:59 |只看該作者

原文章由 C9WONG 於 08-9-25 13:30 發表
今次之後, 我會好好反思, 其實係我比太多壓力自己, 無型中令自己與99太計較. 其實99 都好好, 只是我只看到她的不好, 忽略了她的好.
不過$$ 我就真係無能為力. 一頭家我已經好慳, 我知個囡係我, 我有全部責任, 我 ...

因為生計, 要同BB分開, 係媽咪最痛苦嘅事

我都係working mum, 不過好好彩公司容許帶文件番屋企做, 所以有時可以早走湊B, 但係當姨姨同我講:"今日小B第一次會爬/會走/會叫munmun/會拍手啦~", 而我又唔係當場見到, 我都好失落, 而如果小B病咗但我要番工, 個心就直情唔係自己度

其實樓主可唔可以同奶奶攤開來傾, 錢方面你地真係無辦法加好多, 係咪可以加住一半, 或者部份小朋友嘅開支(e.g.奶粉錢)你地俾?

雖然佢唔算對你好好, 你奶奶算好錫你個女, 所以應該可以商量

私人傳訊

bigbigsnake

男爵府

積分: 5569

84^#

發表於 08-9-26 13:39 |只看該作者

樓主, 睇左你個post 好耐, 發覺你都好依賴你身邊既人. 好自我中心...做了人mami, 要為別人想一下..人地唔煮, 你就唔食, 自已買外賣, 有事又覺得身邊人唔關心你.你自己都唔愛你自己, 真係冇人幫倒你.

我諗你年紀都好細. 希望你快d 長大...祝生活愉快~

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

85^#

發表於 08-9-26 14:26 |只看該作者

我諗樓主真係年紀太細, 而且係温室小花, 所以未曾學識自立. 想樣樣都有人安排好晒, 但又要依足你心意行事.
但你已經大個架喇, 不但要自己照顧自己, 仲要照顧埋你個女. 其他人極其量只係幫你架咋, 唔好旨意人地, 因為其他人真係冇責任去照顧你同你個女. 你有嘢唔識唔明應該自己去揾資料, 問朋友又好, 上網又好, 睇書又好, 總之要自己諗掂佢. 下下靠人又覺得人地做得唔好, 咁對其他人好唔公平架.
我都希望你變得成熟d, 努力照顧自己同囡囡.

私人傳訊

C9WONG

大宅

積分: 2022

86^#

發表於 08-9-26 15:01 |只看該作者

我真係唔係好明, 我有甚麼問題無去解決?? 囡囡一切大少事務我都有去理, 只係我講了比99聽, 佢未必會接受我個套!!

我係去私家醫生做產前檢查, 無去政府, 所以只係生個時醫院姑娘教過點樣幫bb沖涼&餵人奶, 點抱bb 都係囡囡出世後, d長輩教我.

我知有張list 我已緊足有多無少, 我係怕99要用的東西, 我買漏左所以問一問佢, 如果佢要用又無得用會唔方便. 你知每個人的習慣不同, 好似我買電煲, 佢不喜歡, 要買明火咁, 我都係想佢湊得開心d!!

我對食無要求, 我見完營養師佢只係教我一日要三杯奶, 走糖, 少澱粉質, 我血糖高已經好唔開心, 好擔心,
點解仲要比人話, 當時我真係想喊.
99問我食d ‘麥’, 咪就係食外賣, 咁簡單!!

私人傳訊

C9WONG

大宅

積分: 2022

87^#

發表於 08-9-26 15:05 |只看該作者

我不是溫暖小花, 14/15 歲開始我已經自己供自己讀書, 到畢業後我唔可以話供養我妹妹, 不過除了比家用, 妹妹另外的開支如:考試費, 上網費, 電話費, 都由我比.
所以至細錢對我真的很重要!!

不過可以坦白說我一生中仍未有甚麼大困難遇過.
我真係想係度可以學多一點, 如果各位認為我有甚麼不對, 請指教, thanks!!

由錯誤中學習, 我老闆經常講!!

[ 本文章最後由 C9WONG 於 08-9-26 15:09 編輯 ]

私人傳訊

yuet

大宅

積分: 1154

88^#

發表於 08-9-26 15:11 |只看該作者

我都係人個女, 我都係人媳婦, 我都係人阿媽...
但我從未妄想過我99會當我係女咁照顧我,
大肚食咩,買咩用咩,呢D自己顧自己啦, 產前班都有教定架!
你係人老婆, 要照顧頭家, 你反而好怪奶奶照顧得你唔夠.
你睇下呢度D媽媽, 佢地既奶奶比起你果個, 你真係執到喇!
我嫁入門已經要學煮飯比99食, 又要打掃, 更唔好其望佢會幫手湊仔, 到我出去做野,仲要比5000搵保母幫手湊BB.

唔好怪我講野直,
你唔好當自己係公主,
唔好覺得個個都對你唔夠好啦!
其實有個咁既奶奶萛係咁喇!

[ 本文章最後由 yuet 於 08-9-26 15:13 編輯 ]

私人傳訊

yuet

大宅

積分: 1154

89^#

發表於 08-9-26 15:18 |只看該作者

原文章由 C9WONG 於 08-9-26 15:01 發表
99問我食d ‘麥’, 咪就係食外賣, 咁簡單!! ...

SORRY,見到呢句真係忍唔住出多個POST.

如果佢唔問你食咩,你會唔會又話佢唔理你??

私人傳訊

C9WONG

大宅

積分: 2022

90^#

發表於 08-9-26 15:35 |只看該作者

真係比各位當頭棒, 嚇了一跳!! 可能自少父母無教我, 父親忙於工作賺錢照顧一家人, 身體不好的母親只能照顧我們的起居飲食, 其他事都無能為力.
其實各位說的話真係令我有點難過, 不過我相信是忠誠的說話, 相信同朋友講, 朋友都無可能這麼講, 始終會就住就住, 不會那麼對point.
今次真係令我成長了好多, 亦發覺自己真的很幸福!! 成了媽媽的我, 真的要努力, 加油!! 現在見到99 我都好唔好意思, 覺得自己好衰.

見到自己父母, 又覺得自己對他們不好. 個囡嫁了出去, 供養到我咁大個囡, 都唔生性.

謝謝各位!!

私人傳訊

bigbigsnake

男爵府

積分: 5569

91^#

發表於 08-9-26 16:03 |只看該作者

你老闆教少你一樣野, 凡事作最好的準備, 作最壞的打算...

你老闆對你都好好..但我以前老師同我地講學野要比錢交學費, 冇邊個老闆出錢請你返嚟目的係比個員工學野.唔係幫佢地搵錢.機會係比有準備既人..

囡囡一切大少事務我都有去理, 只係我講了比99聽, 佢未必會接受我個套!!
===> 理,唔代表會做, 我咪有教屋企個印印煮飯, 但我自己唔多識呀..講, 唔代表真係可以handle 倒件事.行動最實際.

"我係去私家醫生做產前檢查, 無去政府, 所以只係生個時醫院姑娘教過點樣幫bb沖涼&餵人奶, 點抱bb 都係囡囡出世後, d長輩教我."
===> 咪又係被動......

我對食無要求, 我見完營養師佢只係教我一日要三杯奶, 走糖, 少澱粉質, 我血糖高已經好唔開心, 好擔心
===> 你可以主動去找資料嘛..我自己皮膚唔好生粒暗瘡, 我都主動上綱去睇下有咩唔可以食啦,有野食左會好d啦...

補多點: 修身, 齊家, 治國, 平天下... 你唔好再搵藉口話身邊父母照顧少, 99唔理你之類既說話, 由你自己出發啦.. 正面d..唔好你自己既問題都入身邊既人數啦..對佢地都好唔公平...

講咁耐, 都係希望你主動d. 堅強d...呢個世界冇free lunch!!共勉之 ^^

[ 本文章最後由 bigbigsnake 於 08-9-26 16:43 編輯 ]