吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 屋企嗰件癲佬又發癲~~~!!!火!!!

夫婦情感今日: 1|主題: 42794

收藏本版

發帖

返回列表

跳至頁

樓主: ~仔仔媽咪~

屋企嗰件癲佬又發癲~~~!!!火!!! [複製鏈接]

1 2 3 45

~仔仔媽咪~

水晶宮

積分: 51912

81^#

發表於 08-12-15 22:56 |只看該作者

原文章由 綠精靈 於 08-12-15 13:33 發表
不如同佢傾清楚點解會咁，唔好嚇親小朋友嘛！

頭先已經專登搵個大家都開心既時間同佢講兩句,佢都唔想傾亦唔想聽,扮聽唔到黑面望埋一邊算...我都無哂計,但真係好火囉!我頭先一見佢咁既衰樣,我即刻哄埋去擺明望實佢同佢講:"係咪扮聽唔到呀?又黎扮哂野呀?吖...睇下你依家係想扮無事發生定係又想發癲先!"佢至走黎好似同我玩咁笑咗幾聲...無聊!

私人傳訊

salina444

民房

積分: 2

82^#

發表於 08-12-16 00:42 |只看該作者

睇完各位既經歷我至知自己唔係alone
但我個case有d唔同，所以決定分開(同埋我冇小朋友)。
仔仔媽咪,我未同先生分開時都覺得自已適合獨身多d，但之後唔多唔小都有掛住隻c6...
但我又好明白你點解咁嬲個 c6咁對個下屬，我都有d咁既經歷
小小經驗：我份工同d自閉同有情緒問題既小朋友有關，佢地真係好受父母既關系影響

p.s. 我都有兩虎

私人傳訊

~仔仔媽咪~

水晶宮

積分: 51912

83^#

發表於 08-12-16 00:58 |只看該作者

頭先我又同我老公傾,隻C佬都係唔肯講亦唔肯同我傾,我即刻問佢,咁當初結婚時大家講好咗D咩架?當初又係大家話有咩開心見誠好好講,唔好收收埋埋,,,跟住佢話見到個仔整到D地方亂哂好炆吖嘛咁,

我同佢講:"始終自己做咗人父母,有D野要搵好方法教個仔囉!你又唔係唔知個仔本身已經有行為同情緒問題(過度活躍+自閉),如果父母自己又係咁,個仔只會更加嚴重,仲點教?...想當年我媽都係頂唔順我老豆成日發埋D怪脾氣至走之嘛!我媽講咗好多年都係講緊呢樣野,我媽到依家一直都話我老豆本身係一個好人黎,有顆善心,好肯幫人為朋友,但就係因為佢嗰D怪脾氣越黎越嚴重,我媽先至唔要佢之嘛!...你以前都成日同我講你老豆點對你衰同粗魯架啦!你老豆嗰時成日用腳踢你頭踢醒你(嗰時我老公細個係瞓地板架),你都好唔鐘意啦,,,既然你唔鐘意你老豆咁樣對你,你係咪更加要自己唔好重蹈你爸爸覆徹,又是用上一代好蠻既方法黎教仔呢?係咁架啦!做得父母既,為咗個仔點都要改咗自己D唔好既野佢,,,好似社工咁講,情緒係控制唔到,但行為係可以控制得到嘛!唔駛掟枱掟凳又爆粗喎!你覺得炆時咪走出門口抖大氣煲陣煙先囉!個仔依家都係响學校俾人激親時,都識得自己行開一陣自己深呼吸,等自己無咁炆同嬲,個仔都識,無理由你唔識囉..."

跟住我隻佬咪又係'得喇得喇'咁既態度算囉...我都費時再講,等佢自己依家瞓覺ZIP高PILLOW消化頭先我講既野佢!

唔好話我唔事先警告佢,我諗佢無咁豬啩,知我講緊乜,如果佢仲係咁唔識死,我真係一捱到我仔十八歲,我就即刻簽紙離婚走人!真係...

私人傳訊

~仔仔媽咪~

水晶宮

積分: 51912

84^#

發表於 08-12-16 01:06 |只看該作者

原文章由 salina444 於 08-12-16 00:42 發表
睇完各位既經歷我至知自己唔係alone
但我個case有d唔同，所以決定分開(同埋我冇小朋友)。
仔仔媽咪,我未同先生分開時都覺得自已適合獨身多d，但之後唔多唔小都有掛住隻c6...
但我又好明白你點解咁嬲個 c6咁對個下屬，我都 ...

我都係因為我仔屬虎,而且我仔又咁鐘意貓,我至養咗五虎咋~~~

如果你做呢行,你都好明我地呢班小朋友真係要好小心去take care佢同搵方法教佢地架啦...又唔打得又唔可以好惡咁鬧,下下都要不斷地正面地同佢地講道理,要身教,做父母既做任何事都要好小心,驚個仔D行為情緒因為我地父母少少疏忽而進一步嚴重落去嘛...

講真,我都有情緒有我既脾氣架...我成日都講,如果唔係生咗囝囝,囝囝有咁既問題,我相信我依家仲係以前嗰個大小姐,自尊心強、臭脾氣、唔俾人話得既人黎,依家我點都忍都係為咗個仔咋!所以我至好嬲點解隻佬唔可以為咗個囝而去作出改善.

查實依家真係覺得有好多野同佢唔同channel囉!大家立場諗野唔一樣,處事待人又唔一樣,教仔方法又唔一樣,仲要係隻佬唔願合作,係都要反面教材咁發脾氣爆粗又無儀態....基本上數得佢唔好嗰D,都多到未數到佢有冇優點....

我都明白你既,始終大家一齊過,無愛情都有感情囉,好坦白講,如果到時我真係同隻佬分開,唔理邊個飛邊個都好,我都會覺得到時我都會好唔捨得架.

私人傳訊

newcook

水晶宮

積分: 51578

2025勳章蛇年勳章 2024年龍年勳章 2023年兔年勳章牛年勳章好媽媽勳章醒目開學勳章畀面勳章

85^#

發表於 08-12-16 10:31 |只看該作者

幾時都覺得女人叻過男人好多, 有左家庭, 自己d咩脾氣都可以話改就改, 你地話係咪~

再講, 樓主你老公點會唔知你所講既野, 只係佢自己既情緒第一之嘛, 有咩唔滿意就第一時間發脾氣先, 唔會理身邊至親既感受, 就係咁簡單, 所以想佢改變唔係咁易, 亦唔係一朝一夕既事, 係長期鬥爭黎架, 我都要努力呀, 大家一齊努力啦~

私人傳訊

~仔仔媽咪~

水晶宮

積分: 51912

86^#

發表於 08-12-16 10:50 |只看該作者

原文章由 newcook 於 08-12-16 10:31 發表
幾時都覺得女人叻過男人好多, 有左家庭, 自己d咩脾氣都可以話改就改, 你地話係咪~

再講, 樓主你老公點會唔知你所講既野, 只係佢自己既情緒第一之嘛, 有咩唔滿意就第一時間發脾氣先, 唔會理身邊至親既感受, ...

講真我一直認為人係不斷改變,會因為所遇到既事情同經驗會作出改善,但對於我隻佬...佢都四十三歲人,四十幾年人生佢都係咁樣自自私私火火爆爆咁過,好難要佢改到囉!再者,我都好信無可能要求另一半去改掉脾氣,呢D真係要求唔到,咁大個人,佢無個心改,都無人叫得郁佢去改....

同埋佢發脾氣已經唔係呢幾年既事,由我同佢結婚無耐開始,佢咩都可以發脾氣,同佢講兩句笑(我只不過係詐佢嬌,一句侮辱既說話都無講),佢都可以當街爆粗掟衫落地發脾氣...到我事後問佢咩事,佢話佢見我咁唔知點應付所以咪發囉!結果同佢咁樣無啦啦嘈幾十次,幾年後佢就開始無呢D野...但咁多年一直都係無啦啦發個仔脾氣...講真,佢發我脾氣我都還好,我仲食得住佢,但佢咁對個仔,個仔仲咁細又有問題,我會好怕會俾佢D脾氣搞禍咗,搞到個仔成段人生無,大個咗仲衰過個老豆(脾氣、行為、情緒、待人處事)...我教仔用正面,佢就用哂反面,真係好唔夾好唔啱'青佬'囉!

我地女人真係苦,點解D男人咁鬼煩...都係想一人少句和和平平簡簡單單開開心心咁過日子啫...明知咁發脾氣會好影响身邊人同全家人既情緒,點解唔去避又唔去用更好既方法去宣洩情緒...自己鐘意點就點...真係好命!女人真係無男人咁好命!

私人傳訊

newcook

水晶宮

積分: 51578

2025勳章蛇年勳章 2024年龍年勳章 2023年兔年勳章牛年勳章好媽媽勳章醒目開學勳章畀面勳章

87^#

發表於 08-12-16 11:22 |只看該作者

佢地發完脾氣仲要話係人地令佢發脾氣係人地唔岩果下先攞命~

我而家唔會同佢嘈架啦, 由得佢發飽佢, 不過你都唔駛驚個仔會比佢影響到, 因為仲有你响佢身邊丫嘛, 一個忠一個奸就得架啦, 我都係咁諗, 個仔知架~

私人傳訊

~仔仔媽咪~

水晶宮

積分: 51912

88^#

發表於 08-12-16 11:57 |只看該作者

原文章由 newcook 於 08-12-16 11:22 發表
佢地發完脾氣仲要話係人地令佢發脾氣係人地唔岩果下先攞命~

我而家唔會同佢嘈架啦, 由得佢發飽佢, 不過你都唔駛驚個仔會比佢影響到, 因為仲有你响佢身邊丫嘛, 一個忠一個奸就得架啦, 我都係咁諗, 個仔知 ...

睇到你呢句真係忍唔住笑咗出黎!估唔到真係天上烏鴉一樣黑,原來個個男人都姓賴既...

基本上我都唔想同佢嘈,但有時見住佢係咁挑戰我底線,我越set越底,佢見我忍到唔發出黎又會再癲D...真係好似我媽話我老豆以前D怪脾氣咁...我媽形容得好貼切架!人地好好心情時硬係要走埋黎激到人發火,人地忍佢時,佢又係咁挑戰黎越黎越無賴落去,係要人地真係忍唔到時BOOM一聲拍枱鬧佢,佢至即刻收聲唔敢野人...估唔到我隻佬都有我老豆呢個特性...好煩!

我仔係知既,但真係驚佢會俾老豆D脾氣同處事方式影响到,學壞好易,學乖好難架!所以心臟弱D都會俾佢兩仔爺激死...

mouth:

私人傳訊

wmpl

大宅

積分: 3000

89^#

發表於 08-12-16 14:28 |只看該作者

乜冇上嚟幾日,,你老公又發作??

你囝囝會唔會主動同你老公講嘢或會有事求教於佢??我睇到你老公嘅童年都唔係咁好,,而家咁嘅脾氣好大可能都係因為童年俾佢阿爸不認同甚或侮辱有關,,如果你囝囝主動黐佢多啲,,等佢自覺喺屋企有多啲地位同得到作為父親嘅認同,,可能你老公會冇咁脾氣臭!!

我唔知你嘅情況是否適合?!但我之前講到嘅女某人嘅老公都係咁,,男某人嘅童年都幾坎坷,,細細個就要做晒所有家務不但止,,仲要父母都唔愛錫佢,,只錫啲細佬妹,,對佢平常生活不聞不問,,但係家務細事或細佬妹如有錯失就打到飛起,,唔係一般嘅打,,係用棍毆,,仲要係阿爸打到冇氣就輪到阿媽,,相反亦然!!

到男某人有咗個仔之後,,雖然佢都成曰話俾個仔搶咗個老婆,,成日都同個仔爭寵咁,,但係我睇得出其實佢都好想個仔黐佢,,只係由於童年經歷關係,,就唔識得正確表達父愛,,又唔好意思直接表現出嚟啫,,而最可能嘅,,就係佢都唔知自己係因何事要妒忌個仔?!

男某人都試過一腳伸落個仔度架,,平時都係自己唔高興就無端白事都會攞個仔嚟出氣,,有時女某人睇唔過眼都會俾面色佢睇,,但係好少會即時出聲,,多數都係過後先再兩公婆自己講,,男某人就梗係死都唔認巢啦,,不過話得多,,個仔又愈大愈主動跟個老豆,,冇細個時咁抗拒,,佢開始有所感動,,慢慢就有改善囉!!

我好明白你老公咁嘅脾氣係好可能會令你囝囝嘅情況變得更壞,,你好難容忍佢咁對你囝囝,,但始終你插唔插手都好,,如果你老公同你囝囝嘅關係始終如是的話,哩個始終都會成為事實!!

有時,,父子關係,,係取決於作為母親同做老婆嘅會唔會適當地放手,,唔好話你做阿媽做老婆嘅難忍,,我作為旁人,,當初睇到男某人咁對佢個仔,,我都非常心痛,,好多時都會俾面色個男人睇,,不過我係點都唔會出聲,,唔係放過個男人,,而係明白問題所在,,所以點都要忍耐及放手,,到如今,,雖然男某人都仲係脾氣差,,但係親子關係已明顯好轉,,父子其實冇隔夜仇,,做仔嘅點樣恨都好,,都只係想同父親嘅關係有所改善,,如能夠在童年時期關係能夠好轉,,以往嘅一切亦都會化作輕烟,,雖然不能抺掉,,卻是很容易彌補!!

私人傳訊

~仔仔媽咪~

水晶宮

積分: 51912

90^#

發表於 08-12-16 14:56 |只看該作者

原文章由 wmpl 於 08-12-16 14:28 發表
乜冇上嚟幾日,,你老公又發作?? 你囝囝會唔會主動同你老公講嘢或會有事求教於佢??我睇到你老公嘅童年都唔係咁好,,而家咁嘅脾氣好大可能都係因為童年俾佢阿爸不認同甚或侮辱有關,,如果你囝囝主動黐佢多啲,,等佢 ...

佢童年不知幾快樂幾咁正常!佢老豆係老粗一名,但未致於係有問題家庭嗰隻囉!我老公係細仔,對上有五個哥鍚住又係亞媽最鍚嗰粒仔黎,所以我老公呢D咪叫做少爺仔囉!我老爺同奶奶好好感情架!雖則我未見過老爺(我未識我老公前,佢老豆已過身),但至少我都覺得老爺唔係D有問題既人黎.

我仔成日都痴佢架啦!我隻佬好好地時,我仔咪一樣做佢老友記,但我隻佬一癲起上黎時,我仔都火起忍唔住把口話爸爸又發癲啦!我仔咁話個老豆係唔啱,但係個老豆其身不正,鑊鑊都係咁,個仔又大個喇,成十歲啦...點頂?!呢D咪係我之前所講嗰隻影响囉!一定有,好似我地大人番工咁,遇着個癲既老細,夾硬留低打工,自己成日久唔久俾個老細無啦啦鬧又打,個員工都會燥底囉.想個仔林D好脾氣D根本無可能.