AnnaLui88 發表於 17-2-7 07:16
c6其他都好好，就係每次一傾起99（佢唔係c6媽媽，佢係62再娶的，當時c6已經二十幾歲）就最後黑臉話我對佢有偏見，之後我傷心佢唔會即刻理我，我好委屈。我都冇對99做過d咩，過年仲買衫比佢。如果佢係c6媽媽我都冇甘委屈。
嫁比c6差不多3年，但係我因為在男家受委屈時c6總是令我更傷心。
今次件事係甘噶：99個親生阿仔（99同前夫所生）要結婚，62指定派我去，我起初真係唔想去，但係老爺話我同99去最合適，所以我應承左。翻到娘家時，同阿妹傾，阿妹話人地一家人開開心心結婚，你99前夫又會參加，你過去湊咩熱鬧啊，我諗諗下又係，於是同c6講，佢話你唔去就話唔想去啦！唔曬搵朱多借口，之後話我冇企係62同佢立場諗野，話我對99有偏見，我真係好傷心，一㳄次都係這樣對我。
c6仲一直因爲生左BB之後冇再比＄男家而耿耿於懷。未生bb之前一個月比2千男家家用，一個月去男家食飯都唔夠3餐，95%時間係媽媽度食，一個月先比媽媽3千。生左bb後（我係ftm），我地3個都係媽媽度食，我同bb係媽媽度又食又住，一個月比4000阿媽。男家冇比，因唔夠錢駛，我地亦冇再去男家食（除左過年過節），但係c6個心一直想比＄男家做家用。我唔係好贊同。因99冇為我地真心做過d咩而且唔係親生99，幾位姑姐都已經經廿幾三十都揾得比老公多，真係唔缺我地個2千蚊，我同老公講，家用我唔贊成比，但係可以每月比小小＄老爺去飲茶，老公話唔得，唔可以只比老爺無比99，咁樣會增加老爺同99矛盾。99對我又唔好，點解要比佢。
之前我試過葡萄胎，男方一家人除左老爺黎探我，其他親姑姐姑媽冇一個打過電話比我，我個時岩岩嫁去4個月，我好傷心失望，因之前去屋企食飯都有傾計，做為普通朋友都應該會慰問生。個時99都有黎，但係黎度坐嚮度要我妹妹煮食斟茶服侍佢，冇入房探我，話要拜神，唔探得。買左條魚同生果過黎比我，之後翻去同老爺報價話用左$500。
我覺得冇心就不如唔好黎，我妹妹已經夠忙，黎度仲係度要我妹妹服侍。因為今次葡萄胎事件（2014年的事），我覺得男家根本冇當我係屋企人，所以我義氣講左句唔準老公比家用，因我地有冇去男家食飯。老公即刻黑面話我無理取鬧，唔善解人意。我好傷心，有邊個善解我，老公都唔係企在我立場諗野。個時仲搞到大家都想離婚。
依家好幸運生左個仔（但係又覺得對唔住仔仔，因我同c6不是十分相愛），但係我總會有佢唔係愛我的念頭，可能係我感覺唔到佢愛我，我總覺得佢只係想睇阿B，我係唔係唔應該有呢個念頭。定係佢真係冇甘愛我。最起碼我好少覺得有sweet的感覺，老公好少讚我，更冇甜言蜜語，有時化下妝打扮得靚靚，佢都冇贊過或多望幾眼，佢話外貌係膚淺野。但係我好想聽到佢贊我，佢話平時已經成日有贊，但係我冇feel到佢贊我。
其實係唔係我的問題？我愛佢嗎？我自己都唔知。其實點樣為之愛，係咩感覺？
月牙兒♡ 發表於 17-2-7 17:17
睇完，我會話係妳錯，直頭覺得討厭。
第一，妳份人好自私。妳講咩奶奶係續弦，唔係老公親母，妳要好好反醒 ...
發表於 
返回列表
