國家地區媽媽會 今日: 0 | 主題: 20269

積分: 1770

82^#

發表於 20-3-17 22:10 |只看該作者

本帖最後由 wrymoep 於 20-3-17 22:13 編輯

眼訓發表於 20-3-17 15:41
我主要問題係點解佢地會不加思考就將自己認為對嘅任何事，唔單止口罩，套落人地度。

我一向認同有病要戴 ...

有病戴口罩當然贊成！但武肺患者無病徵一樣可以經飛沫傳染，武肺同當年SARS一樣可以經 aerosol 模式傳播，有講野甚至有呼吸就有機會傳播。所以一班人坐埋一齊開會、食飯、karaoke、打麻雀等就好易一個患者一次過傳俾好多個人。而且有時候就算無病徵都可以因鼻敏感、塵埃刺激之類而打噴嚏，咁就梗大鍋。而確實好多例證確診者係一D病徵都無！

你亦講得啱，如果患者無戴口罩，你行近佢係可以經眼睛感染！但如果個患者戴左口罩，起碼佢減少 aerosol 傳播機會。至於返屋企戴唔戴口罩就自己決定，我覺得如果同一個患者居住無可能唔受感染。但感染左唔代表一定發病，亦唔代表個個人都製造唔到抗體。如果你好彩身體製造到抗體就梗係天不怕地不怕，但邊個可以保證呢？由疫情爆發情況睇，可以自行製造抗體既人數一定唔係大多數。

做足所有預防措施都係想病毒傳播機會減到最低，係一個機率遊戲。大家都唔見面梗係最安全。但就算唔洗返工，都無可能唔出街買嘢，總有機會要見人，有預防措施一定好過赤裸裸。

當然，我一家都戴口罩出街，希望最終會無事，就先假定我一家都無患者。但假若我已經中招但無病徵，連我自己都唔知，我都會選擇出街戴口罩，就係希望減低傳染俾其他人既機會。

究竟今次最終有無辦法停止到呢場疫症真係無人知，希望最終可以成功造到疫苗！

私人傳訊

眼訓

子爵府

積分: 14622

環保接龍勳章大廚勳章

83^#

發表於 20-3-17 23:18 |只看該作者

本帖最後由眼訓於 20-3-18 02:40 編輯

wrymoep 發表於 20-3-17 22:10
有病戴口罩當然贊成！但武肺患者無病徵一樣可以經飛沫傳染，武肺同當年SARS一樣可以經 aerosol 模式傳播 ...

所以外國同香港好唔同。我冇叫香港人唔好戴，但唔知頭唔知路叫外國人戴就超反感。有需要嘅話真係可以唔出街。買餸叫送貨員放低喺門口，其他嘢網購，冇乜嘢真係需要親身去買㗎啦。就算唔靠網送，大部份美國人都會囤d物資喺屋企，一兩個禮拜唔出街冇難度。自從叫d人work from home，已經成個死城咁。餐廳初頭有自發暫停營業，而家有強制限capacity. 喺條街度行距離人唔好話6呎，12呎都得。地鐵成個車卡得幾丁友。亦有好多人有私家車。今個weekend我地班朋友會視像gathering。完全唔見人不是夢。

香港都可以上網買餸，但始終生活環境狹窄，日日喺屋企困獸鬥都唔健康。疫情下都「需要」打麻將karaoke。Aerosol傳染都需要長時間空氣唔流通同緊密接觸。咁可唔可以話因為香港做不到social distancing，所以需要口罩？

Another interesting read: The coronavirus likely can remain airborne. It doesn't mean we're doomed.

你今日backup左未？

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

84^#

發表於 20-3-18 03:20 |只看該作者

眼訓發表於 20-3-17 07:18
所以外國同香港好唔同。我冇叫香港人唔好戴，但唔知頭唔知路叫外國人戴就超反感。有需要嘅話真係可以唔出 ...

我明你講咩，好多人同我講D死鬼佬唔衛生，死唔戴口罩，而家疫情加重咪抵死囉，又有FB友貼新聞講點解而家新聞影到D人都戴口罩架，咩唔係一向都話口罩冇用咩？我原本想串佢：有人戴口罩咪好囉，唔戴又鬧，戴又鬧，係咪只想搵嘢鬧？最後都係delete晒D字，費事理佢，自家感覺良好由得佢。當年SARS我都喺香港，我都有戴口罩返工開會，當時香港人都唔係咁合作，死得人多原因係人口稠密，交叉感染機會大，淘大花園因為個廁所，但美國呢邊嘅廁所唔同結構，就算住apartment都唔係同香港嘅抽水馬桶同一原理，我屋企係冇地下果個去水位嘅。

喺口罩呢個點上面已經太多爭拗，無意去貶低任何一方，但歸根究底口罩只係其中一個防護方法，並非全部，日常生活對應疫情，多洗手，唔去多人地方，保持社交距離的話，如果去人多地方加埋口罩的話就安全好多，如果成條街都冇人，戴個口罩做咩？尋日好似打仗咁，個個出去搶糧，成個唐人埠好似世界末日咁，排晒長龍，就算戴咗口罩我都唔去排，直情兜路走。有D唐人去銀行排隊提款，三千五千一萬咁攞，話明銀行唔會關門都唔聽，個個聽人話封城，佢地一諗就諗到武漢，封咗咁耐都未聽見有人餓

死

，美國係糧食出口大國，超市同grocery stores照開，餐館都可以照做外賣，點會冇嘢食？去銀行攞咁多錢果班又係危險，點知有冇人打劫？而家話有人扮政府員工上門話查ID，保証住戶有有效身份証明文件，準備人口普查，其實係入屋打劫，希望冇人上當啦。

唔好話D人只睇微信話封城鎖城，我見FB上面D白痴都左一句封城右一句lockdown，真係頂唔順去回覆叫佢地睇清楚先，呢D字眼唔識就唔好用，製造不必要恐慌，大不了買貴少少，不至於會冇得賣，而家個個去搶糧囤積，自己又其實唔需要咁多，搞到其他人冇得買，唔只無腦，仲非常自私。

花旗太太生活在花旗國，留意時差，你問我未必即時答到。

私人傳訊

積分: 174325

85^#

發表於 20-3-18 03:39 |只看該作者

眼訓發表於 20-3-17 07:18
所以外國同香港好唔同。我冇叫香港人唔好戴，但唔知頭唔知路叫外國人戴就超反感。有需要嘅話真係可以唔出 ...

仲有人去旅行，而家返香港後確診，呢D害人不淺，有個係醫護人員，點解簡單常識都唔明，前世未去過旅行，唔去會死嗎？之前去工幹去旅行唔知道情況下染到都情有可原，停課停工情況下可以因為外遊而染病，除咗抵死之外唔知有咩最貼切回應。美國都仲有D白痴唔識死，好啦，勸喻唔聽，而家限制出門，不過其實都未去到強制，希望咁情況下可以暫且減少感染個案，等醫護有機會透下氣。

花旗太太生活在花旗國，留意時差，你問我未必即時答到。

私人傳訊

TSX

積分: 5929

86^#

發表於 20-3-18 03:53 |只看該作者

rose-mag 發表於 20-3-18 03:20
我明你講咩，好多人同我講D死鬼佬唔衛生，死唔戴口罩，而家疫情加重咪抵死囉，又有FB友貼新聞講點解而家新 ...

妳提醒咗我哋, 今個星期開始Census , 可能有人上門扮普查,大家要小心. 不過今次仍然會有人上門嗎? 因為我知道嘅係會by phone,email or online. Census 點determine要去邊家邊戶會interview?

私人傳訊

積分: 174325

87^#

發表於 20-3-18 04:08 |只看該作者

TSX 發表於 20-3-17 11:53
妳提醒咗我哋, 今個星期開始Census , 可能有人上門扮普查,大家要小心. 不過今次仍然會有人上門嗎? 因為我 ...

冇上門架啦，上網填表，加電話或郵寄填表，部份人會收到信，當中有登入密碼上網填寫，如冇收到都可以上網。除咗以下地方如American Samoa, the Commonwealth of the Northern Mariana Islands, Guam, or the U.S. Virgin Islands需要100％paper form郵寄之外，全部都可以上網或以電話填寫問卷調查。

https://2020census.gov/en/ways-to-respond.html

花旗太太生活在花旗國，留意時差，你問我未必即時答到。

私人傳訊

big007

積分: 2688

88^#

發表於 20-3-18 05:41 |只看該作者

啱啱收到學校email, 會close 多兩個星期。

私人傳訊

wrymoep

積分: 1770

89^#

發表於 20-3-18 08:51 |只看該作者

眼訓發表於 20-3-17 23:18
所以外國同香港好唔同。我冇叫香港人唔好戴，但唔知頭唔知路叫外國人戴就超反感。有需要嘅話真係可以唔出 ...

如果全部嘢可以唔見面做當然無問題，不過無可能一直維持咁既狀態落去，好多公司都會頂唔住執笠，做 retail 尤其嚴重！全部chain reaction 影響所有行業。香港 social distancing 無可能保持到好遠，無戴口罩的話搭升降機都可以中招架！香港上網買送亦做唔到，就算好似百佳咁大型既超市都頂唔順，因為人口密度太高，送貨都招呼唔到咁大量。一個屋苑閒閒地都過千戶人，係行唔通。而且香港送貨上門一定要出門見面簽收，唔會好似美國咁掉低門口就得，因為真係會有人偷。

至於今次個世界會唔會因為武肺而doom，我個人覺得好視乎有無藥可以研發到出黎，如果一直咁落去，唔病死都餓死，因為工廠要停、商業活動水瓜打狗無左一大截！返學又唔得，亦無可能永久online learning，好多嘢都做唔到，做 lab 又唔得，PE 又無左。

私人傳訊

muffinmama

積分: 4411

90^#

發表於 20-3-19 00:33 |只看該作者

TSX 發表於 20-3-17 13:53
妳提醒咗我哋, 今個星期開始Census , 可能有人上門扮普查,大家要小心. 不過今次仍然會有人上門嗎? 因為我 ...

我上星期已收到信，內有密碼。叫我四月一號前上網填，話如果我唔可以上網就遲d會寄正式問卷我填。

問題很簡單，問我地址有幾多人住，填每人姓名，出生日期和種族就完。

私人傳訊

muffinmama

積分: 4411

91^#

發表於 20-3-19 01:05 |只看該作者

我父母在香港，我媽成日話擔心我們冇口罩，又話我們就算有口罩戴了上街也會被人罵，唉佢睇香港那些加鹽加醋的海外新聞，我們就來死得咁。但佢兩老隔幾日又奈不住要出街飲茶，好似有了口罩就天下無敵咁。

我這裡也有人囤貨，上個weekend去Target也見廁紙嗰行清晒，freezer罐頭都掃了七七八八。但我們平時都有買開extra在家，所以只要買這星期的鮮貨，例如麵包，蛋和生果就得。我這一兩個月也見有人戴口罩，唐人超市更多，未見過有人不滿。這個星期我們公司和學校也要我們留在家，我們星期一起已冇去過舖頭，自星期一起全國疫情更差，超市等可能更混亂了。

私人傳訊

muffinmama

積分: 4411

92^#

發表於 20-3-19 01:07 |只看該作者

不過我在新聞看到Florida啲海灘坐滿人真係好嬲，無知的一群害死好多人。

私人傳訊

眼訓

子爵府

積分: 14622

環保接龍勳章大廚勳章

93^#

發表於 20-3-19 05:43 |只看該作者

本帖最後由眼訓於 20-3-19 07:48 編輯

我唔係想低估口罩嘅成效。不同生活環境就需要不同策略。Manhattan可能應該真係個個戴口罩。我好慶幸能夠提供alternatives俾家人，唔需要周圍撲物資日用品。自己盡量少出街，希望提供social distance俾d堅係要出街嘅人。我星期六到而家未出過門口。來緊星期六會去一去farmers market就返來。

香港人一句“外國”講得多輕巧。但係香港人令我最噁心嘅係，當全球資源都唔夠嘅時候，唔計為糊口嗰d啦，原來有一大部分係用咗落人地去行街睇戲食飯BBQ嘆茶。就算唔為其他，呢堆口罩都係一場環境生態災難。之後仲要調返轉被人冷嘲熱諷。“人地唔用係因為冇得用呀！” “抵死！” 本來我係明白香港經歷過SARS嘅恐懼。之前d人狂搶口罩嗰陣都有唸過不如買定一盒俾自己旁身，結果冇，希望俾多d貨等佢地大步攬過。唔會了。

我想話：上網訂貨好似唔收現金㗎喎。

攞咁多出來真係唸住同人逼買餸？

我地呢度超市開始有早晨老友記時間。7點前只準60歲以上人士入場。好事，冇後生去逼，又啱啱restock同消毒完。反正佢地都早醒。

我都聽過有朋友嘅朋友唔知喺邊度聽返來，話就呢幾日有人開個coronavirus party。呢d人絕對恐怖過冇口罩。

你今日backup左未？

私人傳訊

wrymoep

積分: 1770

94^#

發表於 20-3-19 09:11 |只看該作者

本帖最後由 wrymoep 於 20-3-19 09:21 編輯

早期開始有爆發跡象既時候，的確大部分香港人都去搶購口罩同sanitiser，因為要返工。而好多公司係一、二月份亦願意home office，上班既人極少，完全無traffic！但過左一個月左右D公司都頂唔住，首當其衝一定係零售，尤其食肆執笠執左唔少！

後來疫情好似緩和左，無再大爆發，戒心亦慢慢解除，慢慢越來越多人返工。街上既人亦慢慢越來越多。但至於睇戲、唱K呢D依然係高危活動，一定有人夠膽做，不過我相信唔多。商業活動多左，出街食飯既人係多左。但去酒樓飲茶既大部份都係上左年紀既人，一係佢哋根本唔覺得需要驚，一係教育程度相對低。你叫果班人唔好做佢哋都唔會聽。

不過E家第二波係外國爆發確實開始左，E家掉返轉頭開始見到有香港人排隊去寄口罩去外國親朋戚友，最常聽到既係美、加一個口罩都買唔到！我亦有份寄口罩俾美國朋友，環保係重要，但非常時期就唔考慮得咁多，起碼應付左呢段時間先。

但係會上網冷嘲熱諷外國人無口罩果一班，究竟係咩人，我就唔知。 internet 無疆界，果D係咪所有都係香港人我都懷疑。佢哋上網開戰為乜嘢我唔知，亦唔想知。但歸根究底係邊個製造今次災難令全球陷入恐慌？佢地既出發點係為乜？呢個更值得全球人類去認真思考！

我最希望美、加、澳、紐、歐今次可以更團結去解決今次災難！唔好只為賺錢，一盤散沙！咁樣好容易俾機會其他人用錢去輸出革命續一瓦解！

私人傳訊

積分: 174325

95^#

發表於 20-3-19 12:23 |只看該作者

wrymoep 發表於 20-3-19 09:11
早期開始有爆發跡象既時候，的確大部分香港人都去搶購口罩同sanitiser，因為要返工。而好多公司係一、二 ...

網上開戰咩人？你出去自由廣場睇下啦，d人把口實在非常之"友善", 唔好入時政擂台，果邊仲得人驚，我已經放棄唔會再同一班住香港以為知道其他國家發生緊所有事嘅人嘈，唔入嚟呢度講都費事討論，我都經歷過SARS,見証時代廣場層層樓都冇人。。而家陰謀論加互相指責又如何？個病毒又唔會即時消失，世界人口流動性唔似十幾年前，當以為自己捱過，隔岸觀火嘅時候，需要居安思危，COVID-19呢場仗係全球人去打，唔係任何一個國家可以獨善其身。正如當美股跌到停板，有人好開心話呢次美國抵死啦，唔記得咗有聯繫滙率，港元同美元仲係掛勾，而且中美貿易戰對彼此都冇好處。

花旗太太生活在花旗國，留意時差，你問我未必即時答到。

私人傳訊

積分: 174325

96^#

發表於 20-3-19 12:33 |只看該作者

回覆樓主:

FB見到呢段

"新冠肺炎，中國打上半場，
世界打下半場，海外華人打全場!"

有人覺得好笑，我笑唔出，實在而家我地呢班海外華人就係由頭到尾帶足全場，由幫香港國內親友撲口罩洗手液，到而家自己撲口罩洗手液，仲要面對中西習慣差異，日後排華亦非不可能。

花旗太太生活在花旗國，留意時差，你問我未必即時答到。

私人傳訊

TSX

積分: 5929

97^#

發表於 20-3-19 13:25 |只看該作者

rose-mag 發表於 20-3-19 12:33
FB見到呢段

"新冠肺炎，中國打上半場，

我前幾日都見到呢段, 真係一語中的!

私人傳訊

TSX

積分: 5929

98^#

發表於 20-3-19 13:30 |只看該作者

眼訓發表於 20-3-19 05:43
我唔係想低估口罩嘅成效。不同生活環境就需要不同策略。Manhattan可能應該真係個個戴口罩。我好慶幸能夠提 ...

我見到你講嘅早晨老友記真係好貼切! 我呢邊亦有好多商鋪開門頭一個鐘都只係for六十歲以上嘅長者. 不過可能呢邊香港人唔多, 無聽過亦無想過會有咁嘅稱號!

私人傳訊

TSX