吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 問題已解決，請關閉帖子

夫婦情感今日: 8|主題: 42736

收藏本版

發帖

返回列表

跳至頁

樓主: z957570

2 3 456

積分: 2402

81^#

發表於 20-8-27 21:14 |只看該作者

z957570 發表於 20-8-26 02:52
我原生家庭是破碎家庭，在類似兒童之家的機構成長，16歲自立，由於長年得不到家庭溫暖，我擇偶必定大我10年 ...

鼻鼾最簡單直接方法...帶耳塞（我覺得3M最好用）

私人傳訊

CMMANDY

珍珠宮

積分: 30790

母親節2025勳章 2025勳章蛇年勳章牛年勳章

82^#

發表於 20-8-27 21:35 |只看該作者

幸福吾係必然，世事無完美，如果遇吾上這個男人，有無諗過今日，妳會生活得如何呢？又係妳撩人，现在又話人鼻寒大，唉! 如果只想解決鼻寒声，吾係咩大件事，妳連男家既人，也视妳咁好，咁錫妳和大囝，妳仲咁吾心足，爱係耍付出和包容，如果老公需求大，唯有帶埋老公產檢時，二人一起聽医生意見，互相協調

私人傳訊

花花b

侯爵府

積分: 21295

83^#

發表於 20-8-27 22:02 |只看該作者

我同你應該係一齊會考的年份

我都有個仔九歲，仲有個細既六歲。不過你叻好多，你捻既我深深了解明白，因為我曾經都係掙扎過生唔生，又係因為對方唔享受教，甚至唔識教，唔想累左下一代。

Anyway，身邊好多朋友都係主要係媽媽敎，我覺得好有planning 去教下一代既男人真係好好，但事實上身邊既朋友亦係好少，所以講到生兒育女角色女人辛苦呀，教真係好有精神上既壓力。

我仲要本身超級中意女，但因為香港咩都講錢，生活艱難，我同老公都無父幹一直靠自己，所以有兩個仔已經覺得要努力努力，完全唔夠膽因為想而去生個女，一直都做好安全措施，真係好怕有意外。

私人傳訊

z957570

別墅

積分: 550

84^#

發表於 20-8-27 22:30 |只看該作者

回覆 CMMANDY 的帖子

我諗你誤會了，我一直寫我清楚老公扯鼻鼾唔係佢想，我亦好清楚佢ga的付出，我無話唔體諒老公。但的確我係受鼻鼾聲引起失眠困擾，表達受困擾，唔代表係嫌棄。所以我先尋求解決方法唔存在嫌不嫌棄問題。
如果我唔係陀仔，我可以食安眠藥瞓，但陀仔唔食得安眠藥，我瞓唔到，事實就係我工作同情緒出了問題，好彩呢排home office, 否則我要狂請假。工作出問題收入就會出問題，所以會有憂慮，會迷茫。

我無嫌棄老公，但事實係我現在晚晚失眠，生活品質下降，我知世事無完美，但總需要尋求解決方法，而唔係認命？

私人傳訊

homelover11

大宅

積分: 3283

85^#

發表於 20-8-27 22:56 |只看該作者

z957570 發表於 20-8-27 22:30
回覆 CMMANDY 的帖子

我諗你誤會了，我一直寫我清楚老公扯鼻鼾唔係佢想，我亦好清楚佢ga的付出，我無話唔 ...

我老公都好大鼻鼾，方法如下:

1. 我自己用耳塞，ok的。
2. 我明白用呼吸機，老公係瞓唔到嘅，但係而家先進好多，有啲呼吸機係可以令到個口冇咁乾。
3. 我老公另外做咗牙套，如果我有時耳塞都睡不到，他就用。
4. 你早過老公一小時睡，入左deep sleep就乜都聽唔到，再加耳塞。

私人傳訊

CMMANDY

珍珠宮

積分: 30790

母親節2025勳章 2025勳章蛇年勳章牛年勳章

86^#

發表於 20-8-27 23:38 |只看該作者

z957570 發表於 20-8-27 22:30
回覆 CMMANDY 的帖子

我諗你誤會了，我一直寫我清楚老公扯鼻鼾唔係佢想，我亦好清楚佢ga的付出，我無話唔 ...

可能妳的表達，和我看妳留言中的感受，大不同，妳說吾係嫌棄，明白

，我轉返用妳角度，妳如果改變吾到現况，會吾會等老公睡了，妳又因為嘈，睡吾到，去出廳睡，妳唯有係，吾同老公同房，才有好睡的機會，另外，我朋友老公，做左一個鼻熄肉手術，解决左鼻寒問題，现在二公婆可以同床，吾冼分房分床

私人傳訊

z957570

別墅

積分: 550

87^#

發表於 20-8-27 23:58 |只看該作者

回覆 homelover11 的帖子

1.我係唔ok，戴完好醒瞓，佢會嚇醒我2&3，我提議過，老公好抗拒，不過可以再傾下
4. 呢個方法配合一粒鼻敏感藥，係work，但現時陀b唔可以食藥。

私人傳訊

alittlebitbit

大宅

積分: 1509

88^#

發表於 20-8-28 01:51 |只看該作者

睇咗幾版，見到唔少人話你唔成熟，但從字裡行間我反而覺得你好成熟，因為你有經歷有過去。
通常有關未婚媽媽嘅post喺呢度都會俾人問點解唔避孕，然後俾人話不負責任
企喺道德高地話人好容易，但其實唔係每個人嘅人生都一帆風順，好多人都做錯過，最重要係積極解決眼前問題。
其他人點睇唔需要咁介懷，我覺得你比呢度大部分人懂得解決問題。
如果諗唔到點解決，不如聽吓自己內心嘅想法，隨心而行啦
我打呢段嘢係廢廢哋無咩實質建議俾到你，哈...同你講聲加油啦，祝福你:)

私人傳訊

SUMSUM_88

子爵府

積分: 10566

89^#

發表於 20-8-28 02:29 |只看該作者

z957570 發表於 20-8-26 18:32
回覆肥肥寶的帖子

五百幾實呎，建築有近700呎，不過房同廳都唔係大。你親人叻d，再供到900萬樓，我哋想 ...

如果你哋最後決定要個B，要你老公俾多啲家用，唔好再一人一半，儲多啲錢，你心會安定啲，三個小朋友負擔重，早D安排學習費用

私人傳訊

homelover11

大宅

積分: 3283

90^#

發表於 20-8-28 08:30 |只看該作者

z957570 發表於 20-8-27 23:58
回覆 homelover11 的帖子

1.我係唔ok，戴完好醒瞓，佢會嚇醒我2&3，我提議過，老公好抗拒，不過可以再傾下 ...

可以試不同牌子的耳塞，一開始會唔習慣，但用用下就會好好，deep sleep 情況更好。
老實說，同老公傾不如靠自己。你無得睡太累，太累就會用耳塞睡到，幾次後就會習慣。
另外，真是太吵就一腳踢過去，他會靜一陣就立即睡。
耳塞方面，我個人推薦3M。有個朋友話有款tailor-made，更好，又舒服，你可以google下。

小朋友方面，我覺得兩公婆可以分工，老公無耐性教就分派他擅長的小孩工作比他。正所謂，用人用長處，依個management格言，相信你好明白。

我明白妳，我以前都好中意plan plan plan，但有時候，人生唔plan得咁多，唔係好似工作咁，諗多十步有plan b c d e。自己骨肉，避左都有，係上帝比的，我會開心欣然接受。

私人傳訊

z957570

別墅

積分: 550

91^#

發表於 20-8-28 09:13 |只看該作者

回覆 SUMSUM_88 的帖子

尋日同老公再傾一轉，佢話我講果堆問題裡面，只有金錢問題佢係無能為力，只可以順應天命。簡單d講佢真係煮到黎就食ga style，佢份人夠勤力，有工返一定返工，唔揀工做亦唔怕辛苦，佢讀到master，份工又要勞力又要腦力都肯做。但完約後若果無人請佢，咁佢都無計，而呢個情況早幾年都試過。佢表示自己咩都肯做，touch wood做唔到老本行，細路又需要錢，揸Uber做看更幫補下，佢都可以。
講到錢銀亦傾d比較深入的問題，我老公原生家庭中，佢係長子又係男仔，所以佢係被重視果個，三兄妹奶奶只供佢一個讀書，供完佢再無錢供兩個妹，而我老公完全唔覺得對兩個妹唔公平。
講返我家情況，大仔唔係佢親生，結婚以來好多大仔的費用，我全部自己比，而將來大仔要讀書，我一定會優先處理，我唔想到時佢為咗留錢比細仔而令大仔有不公平待遇。所以再生一個，獲分配的資源一定係最少。

講到白d，如果生多個，條件係要老公承諾負責大部分d家用，例如6：4，咁佢一定揀唔生；唔駛承諾，佢有錢時出多d就無問題。

結論係大家再消化下，我就表咗態，照顧多一個小朋友，我願意出多50%力，即係繼續一人負一半責任，但如果佢諗咗幾日覺得自己連50%力都承諾唔到，咁就唔要。

私人傳訊

tansyneko

琥珀宮

積分: 152982

92^#

發表於 20-8-28 09:44 |只看該作者

本帖最後由 tansyneko 於 20-8-28 09:45 編輯

z957570 發表於 20-8-26 15:42
回覆 Rilakkuma312 的帖子

你講得好岩，正常情況我真係無打算離婚再嫁，除非我老公有小三，不過紮咗就返唔 ...

你都三胎了，除非仲想生，否則結紥無問題呀，亦係最好方法，唔係你話食住藥都中，咁唔通一直生咩？

私人傳訊

z957570

別墅

積分: 550

93^#

發表於 20-8-28 09:58 |只看該作者

回覆 homelover11 的帖子

你講得好好呀，用人用長處，呢個格言係公司我可以發揮得好好，但在家就唔work。原因係我同老公算係「重複工種」，長處上我哋係競爭者，短處大家都一樣係短處，咁d workload都係要有人做。
傳統家庭男主外女主內，男人賺錢女人持家，論賺錢能力，佢薪金比我高但我有外快幫補，賺錢能力其實不相伯仲；但講花喺屋企人ga錢，計埋娛樂消閒，就一定我出得多，因為我老公係悶蛋一名，佢唔會主動安排同屋企人有任何娛樂節目，最多就係飲餐茶，而我嫁咗去佢家之後，我會出錢出力安排全家十幾人去郵輪呀，去酒店住加食吓tea，對我自己兩個仔就更加豪爽啦，迪士尼海洋公園Super Park呢d基本嘢，去吓澳門台灣旅行，STEM玩具興趣班果d，基本上我仔只要做到我某d能力範圍內的要求（e.g默書90分），我必定滿足佢。我希望小朋友的童年可以好簡單地，有付出就有收鑊，雖然現實社會唔係咁簡單。

本身今年想帶老爺奶奶去迪士尼，可惜疫情去唔到。佢都覺得婚後自己同屋企人關係好咗

持家就大鑊，我係屋企完全唔做家務，唔煮飯（去老爺奶奶家都會洗吓碗咁，煮飯真係唔得），老公當然唔會煮；清潔執屋能力兩公婆就一般般，工人放假兩星期都維持到間屋整齊（衫會拎出街洗，外判下工序）；湊細路基本嘢會識，餵奶掃風換片沖涼呢d都算識做，但我做得唔叻，仲記得細仔1歲係奶奶家，要餵飯，咁必定係我餵，有次阿b扭計唔肯食，已經忟忟地，大仔仲要挖苦我「姐姐餵到阿b係媽咪餵唔到」，我果刻實在覺得好委屈。我的長處得我知老公知，其他人甚至佢屋企人都會覺得經濟上係老公照顧我，人哋咁諗人之常情，28歲嫁個50歲牌面點睇我都係被照顧果個；然後我的短處就要現於人前

所以如果我生於古代，女人要做「賢妻良母」先係好老婆，咁我應該嫁唔出。

雖然話家庭生活唔可以吓吓講plan，但都要有框架，我唔介意付出，但要有共識一齊付出到咩程度，人生得一次，我真係好想enjoy吓生命，唔想因為失預算過d自己唔想過ga日子，營營役役白過一生

私人傳訊

z957570

別墅

積分: 550

94^#

發表於 20-8-28 10:01 |只看該作者

回覆 tansyneko 的帖子

你講得岩，我諗我應該要唔要，都會去紮，唔好比機會再有意外發生。

私人傳訊

z957570

別墅

積分: 550

95^#

發表於 20-8-28 10:39 |只看該作者

回覆 homelover11 的帖子

耳塞方面多謝你的提議，我會叫老公去買比我，其實我唔係唔識解決問題，係想有人會幫自己解決問題。呢兩日我都係到反思自己做咩鬧情緒，其實心底裡係想有人關心下錫下氹自己。
係囉，我點會唔識照顧自己，懷孕失眠咪買個耳塞試下，再唔得咪租酒店瞓，有手有腳有經濟能力，咁大個人自己搞惦啦，邊個得閒氹你，老公返工都忙到死，做人阿媽咪咗幼稚。跟住就愈諗愈灰。

講明先我唔係埋怨我老公，佢絕對係好老公，對家庭有足夠付出，只係同我期望有落差，而個落差唔係佢責任，只可以說好醜命生成，大把朋友懷孕時被寵上天，阿媽又煲湯奶奶又煮補品，一堆屋企人每人付出一點點關心，已積少成多。然後你睇返自己咩都要自己搞惦，搞惦完仲要無人知，即使明知唔關任何人事，自閉鬧吓情緒的權利都有掛？諗到呢d位，就會覺得生多細路對兩個仔應該都係好事，將來多個親人可以互相扶持。

咁網友可能會話換個角度我有無得閒氹吓老公同兩個仔呢，答案當然係有，例如我老公鐘意食鐵板燒，我真係會同佢全港逐間周圍試，岩岩去酒店玩兩晚，兩個仔玩水又玩得開心，老公品酒飲到醉醉，不過睇到佢哋開心，其實自己都開心ga，或者真係好似你哋話齋，老土d講又係知足常樂。

私人傳訊

Macusmama

珍珠宮

積分: 30595

96^#

發表於 20-8-28 13:30 |只看該作者

z957570 發表於 20-8-26 03:38
回覆 z957570 的帖子

迷茫呢一刻就會覺得老公好“自私”，或者唔應該用自私黎形容，但我諗唔到用咩詞語。 ...

扯鼻鼾呢件事-可以上網尋求點醫,或問多D朋友點去改善啦...
最好你打針,唔洗有BB,一下扎左去...

私人傳訊

marybb23

禁止訪問

積分: 1113

97^#

發表於 20-8-28 22:24 |只看該作者

提示: 作者被禁止或刪除內容自動屏蔽

私人傳訊

Yanlau886

禁止訪問

積分: 1564

98^#

發表於 20-8-29 06:58 |只看該作者

提示: 作者被禁止或刪除內容自動屏蔽

私人傳訊

z957570

別墅

積分: 550

99^#

發表於 20-8-29 12:40 |只看該作者

回覆 Yanlau886 的帖子

雖然無個個月拎份固定家用，但日常開支大概係一人負責一半，佢都均真嘅。佢仲有老爺奶奶要養，開支都大，對家庭都負責任ga啦，只係際遇一般，唔係一個好拼搏的人。都係果句啦，我開壞咗個頭，做單親媽要搵另一半，個priority一定係小朋友，要一個男人真心接受非親生小孩唔容易，我都唔係無識過其他男朋友，不過兜兜轉轉，都係現在老公對大仔最好。而家我大仔改埋跟老公姓（係老公同大仔的共同意願），大仔叫做有個完整家庭，都算係完咗我心願。

現在懷孕9周多，尋日同姑仔傾起話我唔想生，姑仔就勸我生，佢幫手湊(佢喺ftm，真係有老公養果隻) ，我都仲1516緊，人生每一個決定都好似賭緊咁，真係好難揀