夫婦情感 今日: 1 | 主題: 42773

積分: 3079

82^#

發表於 25-9-29 10:47 |只看該作者

真係希望樓主可以改變吓自己嘅脾氣，誠心誠意修補，說話唔好去到咁盡，如果仲係呢個態度（個老婆鞭策我不停要工作，仲話自己係木頭人咩都感覺唔到自己，做錯咗啲乜嘢，鍾意唔返嚟瞓就唔返，淨係寫對唔住，講都唔會講），我諗你老婆等啲仔女長大成人後，佢係會離開你，（而家佢只係做唔到，冇收入，唔係走咗好耐）同啲仔女一齊生活，到時你就真係孤獨一人

私人傳訊回覆引用

mowingkee

複式洋房

積分: 218

83^#

發表於 25-9-29 13:33 |只看該作者

積極的人發表於 25-9-29 10:47
真係希望樓主可以改變吓自己嘅脾氣，誠心誠意修補，說話唔好去到咁盡，如果仲係呢個態度（個老婆鞭策我不 ...

我太太好同意你既講法, 不過, 點解我可以甘心情願咁接受仔女長大成人後會離開我既漫漫長路十幾年?
如果我願意, 太太就可以拎住佢的要求去滿足內心對我的不滿, 請問一個男人是憑甚麼去支撐一個家庭呢?

只想講句, 我受的傷害也不少的.

私人傳訊回覆引用

c27cheun

子爵府

積分: 11679

84^#

發表於 25-9-29 13:44 |只看該作者

樓主8萬幾可以養兩架車,租屋28K,讀直資私幼真係大開眼界!
我家庭月入9萬幾,冇車,屋連管理費20K,政府學校,一個工人,係有少少錢剩但唔多!
好好奇點解你可以頂到咁耐? 一直燒儲蓄?
我覺得你呢種生活模式起碼家庭月入15萬先鬆動D。講真錢係你手,你可以CUT車搬細屋,你老婆唔肯咪清楚講明收入唔夠,唔接受就只可以離婚比膳養費,咁個官係睇你月入計,同埋會留足夠錢比你用,所以唔會多過你份人工,叫佢諗清楚。

私人傳訊回覆引用

積極的人

積分: 3079

85^#

發表於 25-9-29 16:46 |只看該作者

mowingkee 發表於 25-9-29 13:33
我太太好同意你既講法, 不過, 點解我可以甘心情願咁接受仔女長大成人後會離開我既漫漫長路十幾年?
如果我 ...

所以我咪話你要改變你嘅諗法，有時好多嘢，女人唔係用錢嚟衡量，但係因為你淨係識得同佢講錢，話佢用得多，咁佢會諗你投資都蝕咗咁多，咁你又唔話你自己？
一個禮拜送一兩支玫瑰俾佢，買少少佢鍾意食嘅零食放喺屋企，可能對你嚟講親口講對唔住係好困難，咁咪睇吓佢d喜好，送少少禮物俾佢（唔駛貴，心意黎）慢慢氹返佢，當你老婆覺得你愛佢，佢就會心疼你，識得幫你慳，唔使你日日提（其實佢都唔係儍，佢係同你鬥氣）

私人傳訊回覆引用

Bb700

複式洋房

積分: 466

86^#

發表於 25-9-30 04:27 |只看該作者

mowingkee 發表於 25-9-28 15:05
真係好多謝大家不同方向既意見，實在係開闊左我地好多思維。

而家傾到尾既方案係:

下面果段野係傾完之後阿太既回應？

咁其實係唔係只係傾好左日後洗費安排，你地打算只盡父母責任咁生活落去。

照我理解阿太都好憎你，而家只要求你養大對仔，夫妻情早已盡，唔洗諗修補關係果隻喎

其實阿太既回應都幾盡，你地鬧交係互插，又唔可以一面倒講你有幾傷害佢。。。因為大家都係咁。。。

咁仲講咩對唔住呢？傾下日後點相處（同屋主關係），避免家嘈屋閉好過啦！

但如果父母關係咁差，真係可以同一屋簷下嗎？小朋友會感受唔到嗎？分開會唔會對大家都好啲

私人傳訊回覆引用

alicewong18

伯爵府

積分: 18891

87^#

發表於 25-9-30 08:35 |只看該作者

你講過啲咁傷害你老婆嘅說話，仲要係句句見血，唔怪得之你老婆咁啦！比你唔好過！有因必有果！

私人傳訊回覆引用

ilovepeace

積分: 3326

88^#

發表於 25-9-30 09:04 |只看該作者

mowingkee 發表於 25-9-25 13:50
是咁的，我同老婆關係越嚟越差，成日都會為好小事又嘈，然後冷戰好多日，然後經常醞釀喺離婚嘅邊緣，佢成日 ...

你好, 我都好用心睇晒你的文，因為, 情況都同我好相似, 唯一唔似係你有兩份收入, 都叫做頂得住, 我就只有一份收入, 已經頂唔住。我好明白得你一個人頂果個辛苦，而屋企果個又唔明白又唔體諒個一種苦況, 所謂三觀不乎。既然你咁鐘意你D小朋友, 當為左佢地, 死忍多幾年, 到小朋友大左, 先再諗其他出路

私人傳訊回覆引用

ilovepeace

積分: 3326

89^#

發表於 25-9-30 11:17 |只看該作者

ilovepeace 發表於 25-9-30 09:04
你好, 我都好用心睇晒你的文，因為, 情況都同我好相似, 唯一唔似係你有兩份收入, 都叫做頂得住, 我就只有 ...

Sorry, 我只係睇左你第一個 po 就發文, 原來你都好大問題, 而且你老婆都就左你肯唔要求咁多, 為左小朋友, 為左自己, 你都要將就下.

私人傳訊回覆引用

capricornbb

水晶宮

積分: 64782

2025中秋節勳章母親節2025勳章 2024年龍年勳章 2018母親節勳章

90^#

發表於 25-9-30 18:49 |只看該作者

mowingkee 發表於 25-9-29 13:33
我太太好同意你既講法, 不過, 點解我可以甘心情願咁接受仔女長大成人後會離開我既漫漫長路十幾年?
如果我 ...

其實你夫妻都係因為愛而一起，才會生2個小朋友

只係7年間，就惡化

主要期間，大家都講咗傷害對方嘅說話

一個記住，一個無心記住

但內心都係愛對方而願意付出的

否則樓主唔會咁努力工作養家，@$8萬，不是上天自動跌落嚟，而要用腦力勞力的，希望太太理解，慢慢原諒樓主

而樓主太太，我同樣作為女人，我覺得大部份女人（包括自己媽媽/奶奶），生BB、持家育兒，都係辛苦而偉大的（加上開刀，照顧初生BB不夠休息，身體變差），正所謂「眠乾睡濕」，自己唔食，都唔會讓子女捱餓，希望得到丈夫支持、陪伴、鼓勵都好正常，否則樓主唔會有現在的「理想家園」

總結：希望樓主太太，理解樓主每天在外打拚，工作付出為家，也是愛的一種，唔好再嬲佢。樓主快快主動氹返太太，攜手製造溫馨幸福的家俾子女

私人傳訊回覆引用

gruntel

男爵府

積分: 9185

2025勳章蛇年勳章

91^#

發表於 25-9-30 20:39 |只看該作者

本帖最後由 gruntel 於 25-9-30 20:42 編輯

8萬收入就租2萬8的樓加2架車？
仲要養2件讀私校？
樓主瞓醒未？
只可以話冇病冇痛是你們最大的優點。
如果俾我建議，
樓主離婚子女分給老婆，月薪一半（可能）俾贍養費，
阿媽層樓租出去，
同阿媽加工人租萬5蚊樓，
車賣鬼左佢，
仲有2萬生活費，
慳皮d都够使，
最緊要係冇左精神折磨。
純參考。

私人傳訊回覆引用

My-jade

伯爵府

積分: 18276

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章想生BB熱投

92^#

發表於 25-9-30 21:53 |只看該作者

樓主應該要搵婚姻輔導

私人傳訊回覆引用

ARabbit

珍珠宮

積分: 31866

93^#

發表於 25-10-1 18:30 |只看該作者

回覆樓主:

大家都憎大家
2個講嘢都絕

在冇感情之下太太要有保障
攬住D錢可理解
但佢行為係洗晒凸D錢
講到咁冇安全感收入係0
也不去搵工
有2個工人都話冇時間去工作
唔買名牌就叫偉大，犧牲

話只為2個小朋友可以忍受樓主
唔洗自己搵錢有2個工人洗享受慣
等小朋友大佢都冇條件離婚
難明！

私人傳訊回覆引用

capricornbb

水晶宮

積分: 64782

2025中秋節勳章母親節2025勳章 2024年龍年勳章 2018母親節勳章

94^#

發表於 25-10-1 19:43 |只看該作者

ARabbit 發表於 25-10-1 18:30
大家都憎大家
2個講嘢都絕

2個工人，樓主一家用1個，樓主媽媽用1個

私人傳訊回覆引用

ARabbit

珍珠宮

積分: 31866

95^#

發表於 25-10-1 19:57 |只看該作者

capricornbb 發表於 25-10-1 19:43
2個工人，樓主一家用1個，樓主媽媽用1個

我誤會了，不好意思！

私人傳訊回覆引用

積分: 909

96^#

發表於 25-10-2 01:58 |只看該作者

本帖最後由 Forevershine 於 25-10-2 09:07 編輯

mowingkee 發表於 25-9-25 13:50
是咁的，我同老婆關係越嚟越差，成日都會為好小事又嘈，然後冷戰好多日，然後經常醞釀喺離婚嘅邊緣，佢成日 ...

睇晒所有嘅留言，樓主我想同你講，你嘅故事同我嘅故事好似，但係你同我老公嘅角色好似，而我就係好似你老婆嘅角色，但分別係我哋冇工人，得一架車，租屋，兩個小朋友讀政府學校，我哋都好平民化嘅生活，平時坐地鐵食吓快餐，煮飯等等

但係我老公好誇張咁話我哋一個月嘅支出係10幾萬，我老公一鬧交就好似你咁講嘢一樣咁針鋒相對，所以好多愛已經一早磨滅咗，而家剩返只係同屋主嘅關係

所以我想同樓主你講，千祈唔好睇小做家庭主婦嘅付出，尤其湊兩個或以上嘅小朋友真係唔容易，做家庭主婦係人眼中吃力不討好嘅角色，因為冇經濟收入，但係每日早午晚都係為屋企為小朋友付出，工作量絕對唔會比出去返工少，但係冇糧出，好多人會覺得家庭主婦就係攤大手板靠老公養，睇唔起家庭主婦。

可能樓主你身邊好多人都會附和你，話你老婆冇出去返工唔識體諒你，間接慫恿令到你同你老婆鬧交嘅時候講嘢咁難聽，其實你老婆好傷心，因為佢做家庭主婦為屋企付出，出面嘅人唔明唔緊要，但係你竟然係傷害佢。

私人傳訊回覆引用

積分: 909

97^#

發表於 25-10-2 02:01 |只看該作者

Forevershine 發表於 25-10-2 01:58
睇晒所有嘅留言，樓主我想同你講，你嘅故事同我嘅故事好似，但係你同我老公嘅角色好似，而我就係好似你老 ...

我想話俾你聽出面嘅人講嘅嘢，其實好多都係冇後果，冇責任，離婚好容易簽個紙就得，但係最重要係你問你自己仲愛唔愛你老婆，我可以話俾你聽每個女人結咗婚做家庭主婦湊小朋友個個都係一樣，柴米油鹽同埋湊小朋友都係好容易令兩公婆冇咗愛。經濟壓力方面，我覺得你可以心平氣和同你老婆傾吓，大家冷靜啲去傾，你老婆咁錫小朋友，我相信佢都會好願意為呢個家盡量節省開支

私人傳訊回覆引用

積分: 909

98^#

發表於 25-10-2 02:14 |只看該作者

本帖最後由 Forevershine 於 25-10-2 02:15 編輯

Forevershine 發表於 25-10-2 02:01
我想話俾你聽出面嘅人講嘅嘢，其實好多都係冇後果，冇責任，離婚好容易簽個紙就得，但係最重要係你問你自 ...

我睇上面啲留言有啲話樓主老婆有工人湊小朋友點解唔出去返工，其實我想講呢啲真係做二寶媽先會明，除非好幸運，請到個好幫得手嘅工人，或者有長輩幫手湊，否則生咗兩個，最少起碼10年都冇得出去返工

我相信樓主老婆都好鬱結，有句說話「百年修得同船渡，千年修來共枕眠」兩個人可以做得成夫妻都係一種緣份，而且有兩個小朋友，離婚又談何容易呢？不如再試試修補下關係，感激大家嘅付出。

私人傳訊回覆引用

ilovepeace

積分: 3326

99^#

發表於 25-10-2 08:57 |只看該作者

Forevershine 發表於 25-10-2 02:14
我睇上面啲留言有啲話樓主老婆有工人湊小朋友點解唔出去返工，其實我想講呢啲真係做二寶媽先會明，除非好 ...

雖然我得一個小朋友, 雖然我是男, 但我都好明你感受, 我都好明白其實做FTM都唔係大家, 尢其是男性, 想像中咁容易, 每日D時間好快過, 家務日日都不停有, 公司野你唔做都只係俾老細屌, 第二日做番好就ok, 屋企野係自己及家人生活, 做唔好做唔到就影響生活, 唔通話冇接小朋友放學, 做漏功課容易解決, 其實嚴重過公司做漏野.

私人傳訊回覆引用