係 Facebook 看到某醫生寫以下關於實習醫生:
以前個世界簡單，訊息冇咁流通，啲電腦系統亦都冇咁精細，瀏覽記錄好似冇做得咁足，所以十幾二十年前喺政府做醫生，見到匪夷所思嘅事情，比現在更多。那時候，
都有實習醫生打假hep block , 送空樽落去化驗室扮抽咗血，
甚至乎有同事入院，八卦嘅同事知道佢喺邊個病房，就會走去電腦撳佢嘅報告出嚟睇吓咩事等等，各種唔係咁專業嘅情況，當年也聽埋唔少。尤其是嗰啲借調去其他部門嘅人，總會聽到有人講佢哋做啲衰嘢，就例如係返返吓工閃咗人，原來去咗入油，又或者入咗診症室鎖咗門講電話唔睇病人，一坐就兩個小時咁。對於流動人口，即係第二度rotate 嚟做幾個月嗰啲醫生，大家會覺得投訴佢都冇咩用，
所以大家發現同事異常，一般都敢怒不敢言，亦好少搞大件事。
以往其實有唔少嘅實習醫生做得好差，但係好少有人唔合格，
我估計原因係，假如佢嘅評核報告被評為‘不合格’，後果並唔係實習醫生要再將實習期延遲咁更簡單，
而係同一個部門因為‘教導不善’，要再度接收佢，繼續喺自己部門做多三個月實習，即係話同一個部門，要用多好多心血去睇實佢多三個月。
為咗送走瘟神，唔好玩殘自己嘅MO , 聽講，實習醫生嘅報告，係好少差評的。差評咗，就等於懲罰自己部門，冇COS 會咁戇居嘅。（有人留言，政策已經改變，全部fail 的houseman 返大學醫院再做houseman ,但係有機會被houseman 差評部門，將來減少houseman 數目）
今次嘅實習女醫生，還有10多日就可以正式註冊了, 連MO嘅工作都已經有去向，如果唔係佢自己將啲事件放晒上網呢，就算各個部門都知道佢有幾神奇，也唔會肥佢嘅⋯⋯你見佢可以到做到最後一期實習嘅尾聲，才比人爆出以前幾個rotation嘅問題, 然後HA幾日就可以查清事件，就可知一二，即係之前三個rotation ，佢都係pass嘅。所以積埋積埋，佢唔覺得自己有問題嘅，最後戇居到自己將罪證放上網，變成公開申請俾人disqualify 了。
這個世界的確有好多高分低能嘅人，不過是否要令佢永不超生呢？ 訓練佢嘅大學課程有冇責任呢？有冇特定課程將呢啲現實嘅場景，或者以往被裁判為失德嘅醫生案例介紹比各位學生呢？我實在唔係好清楚，但又好老實講，我覺得我廿幾年前，教學課程裏面，係叫我哋有醫德，但又唔係好仔細講，點樣會算係失德的。如果今時今日，喺各種高要求之下，仍然要由實習醫生去自行摸索各種各樣嘅可能失德情況，我又覺得，對佢哋又唔係咁公平嘅。
其實佢之前連續幾個rotation 都搞出大件事，恐怕唔係完全冇人知，但每個部門都pass左佢，嗰度先係問題，係整個制度上嘅問題。
我覺得呢，醫管局要改變實習醫生嘅評核制度。如果邊個工作態度或者表現不合格，實在就唔應該由同一個部門接收佢再培訓，應該設立一啲特別嘅再培訓部門，例如返去大學醫院，由醫學院嘅講師或教授加埋醫管局嘅高級行政人員陪同佢重新特訓，先至係出路。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
