jilly 發表於 12-3-21 08:47 
如果我真係必要報警，我就一早去報啦，都唔會嚮度post出黎，又差唔多全部都覆晒啦。我只係撐唔到落去，想睇 ...
樓主，
我好明白您，您都係愛護您媽媽O者！
1. 報警問題︰我覺得，如果您想報定警，無問題，
只係呢度既朋友話個經驗您知，警方未必受理，
或者，當係備左案先，都未嘗不可。
2. 搬屋問題︰看看能否區內調遷，就算無出事，
您媽對住間屋，諗起您老豆，佢已經精神恍惚，食唔安瞓唔樂，
同房屋或屋邨經理講呢幾個問題︰
A) 被D人騷擾，唔只第一次，叫D保安做下野，
B) 您媽「觸景傷情」，精神有D問題，搞到而家排緊睇心理輔導和精神科
C) XXXXX(唔知您仲有無D理由，例如間屋您媽做左戶主，加埋您名、您老公名、個孫名，唔知得唔得，多左人數，調間大D屋，去第2區……)
D) 搵區內社工幫手，希望您遇到好既社工
E) 睇下有無D二手居屋平平地，第二區都唔緊要，用間公屋換居屋，首期只係半成，2公婆工作，應該出得到，再唔係去銀行借10萬8萬做半成首期，您兩個份工，應該借到。
F).............
3. 輔導或看醫生問題︰
A) 可以搵區內社工，唔係叫您媽自己搵，您搵左先，
您開case，社工輔導您，探下您屋企，佢都會幫埋您媽媽既。
因為叫您媽去自己搵社工一定唔肯。
B) 佢食得安眠藥，係咪醫生開？
係醫生開既，就同佢一齊再睇果個醫生，
叫醫生寫紙去排政府精神科，排住先，張約期紙好有用，
用呢同房署爭取調遷，如果房署無反應，
就搵社工幫手，有社工跟開您地case，
寫封信去房署做轉介，要求調遷，對社工黎講唔係高難道既。
C) 見輔導的話，有錢就睇私人，無錢就搵非牟利機構，您要主動幫您媽搵下，
有需要既話，我可以搵您上網搵下既，
呢D機構做輔導唔係好貴，可能都係幾十蚊或免費。
不過，最好就係搵社署社工啦！
免費既，而且佢地有乜事可以幫您寫信俾房署同報警。
My child, you hold the whole of my heart in your small hands
我要努力搵錢
我是一隻喵
發表於 
返回列表
