吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› (11月29日update)繼續寫下我家癲佬Bruce同我之間的趣事 ...

夫婦情感今日: 2|主題: 42773

收藏本版

發帖

返回列表

跳至頁

樓主: oguh

(11月29日update)繼續寫下我家癲佬Bruce同我之間的趣事

3 456 7...42

積分: 20

81^#

發表於 12-9-3 13:17 |只看該作者

私人傳訊

AllisonFu

大宅

積分: 1570

82^#

發表於 12-9-3 13:40 |只看該作者

回覆 oguh 的帖子

阿bruce 應該即場將隻錶送俾x太隻狗, 實激死x

私人傳訊

me920

珍珠宮

積分: 47181

馬年勳章 2024年龍年勳章

83^#

發表於 12-9-3 15:04 |只看該作者

最近roadshow有個節目講有位女士領養左隻3腳唐狗，我覺得佢同selina一樣咁有愛心，專揀最冇可能被人領養的狗來領養

私人傳訊

oguh

子爵府

積分: 11575

84^#

發表於 12-9-3 15:45 |只看該作者

me920 發表於 12-9-3 15:04
最近roadshow有個節目講有位女士領養左隻3腳唐狗，我覺得佢同selina一樣咁有愛心，專揀最冇可能被人領養的 ...

唐狗其實好好養，聰明忠心易教易打理，識看門口但又唔太惡死，仲無咩遺傳性健康問題。我非常支持領養唐狗。

私人傳訊

oguh

子爵府

積分: 11575

85^#

發表於 12-9-3 15:45 |只看該作者

本帖最後由 oguh 於 12-9-3 15:46 編輯

新婚

當年願意嫁比Bruce，其中一個原因係，雖然佢有好多不良紀錄，但佢改變到自己，變得更好，由一個唔可靠既爛玩臭脾氣既人，變成一個穩陣包容、永遠係我身邊支持我既人。

只有佢，令我感到，係出面既世界幾辛苦、人生當中有幾痛苦都好，佢永遠都係企係度，好似一棵大樹，默默為我遮風檔雨，堅穩可靠，又好似太陽咁，令我感到溫暖。

但呢一切既美好，之前經歷過無數次吵架、爭論、心碎。婚前的事之前寫過，我們新婚後的生活，簡直只能用「災難性」來形容。

當別人新婚後都有honey moon，我們忙到翻天，因為要搬回香港，Bruce仲要煩佢公司既事，我又要搞所有搬家既事再加公事，兩個人煩到爆燈，我地無honey moon，每日都係嗌交。去到一個地步，新婚無耐我已經諗，死啦，係咪要離婚。

佢人在香港之後，因為好多事都要由頭來過，佢壓力好大，所以成日發脾氣，一發就幾日都黑面唔出聲，一出聲就鬧呢樣果樣，鬧食物、鬧天氣、鬧人多、鬧無車用、鬧屋太細、鬧太嘈、鬧D客麻煩、鬧請人難；同佢出去行下減下壓，又話自己變左遊客，又話我唔體諒佢咁攰都要佢出去；特登同佢去行下山，佢都鍾意，但返到屋企又開始黑面，我都盡量體諒佢，但佢果排好難捉摸，日日都M到咁款，唔知佢想點。

我悔氣問佢，係咪好唔慣？不如算喇，你返去英國喇。佢就死話唔係，只係覺得好多野煩。緊係，唔好話公事，佢連運車、運傢俱都要煩一餐，根本自己拿來煩。我叫左佢好多次，無必要唔好運來運去啦，反正都會返英國，佢又死都唔肯。

有晚佢自己發脾氣，走左出去飲酒。我自己一個，對住間空空洞洞既屋，完全無「家」既感覺，真係好後悔結婚，覺得自己做錯決定。見到朋友們新婚都係開開心心、甜甜蜜蜜，自己就日夜都同人嘈咬好似住係精神病院咁，忍受唔到之下，自己一個喊左成晚。

有時放工我都唔返去，走左去我父母屋企食飯，食完飯仲瀨死唔走睇電視，睇到十二點幾我先走。Bruce有幾次打電話比我，結果佢走埋上來，兩個人黑口黑面係度睇電視，我父母都無我地辦法。

過左幾個月，我地既honey moon就咁過左。Bruce漸漸適應，生活大至上無咩問題，佢先好轉。我清清楚楚咁寫左個list，過去幾個月有咩問題，佢有幾難頂，佢有幾乞人憎，詳詳盡盡寫晒落黎，然後比佢睇。

「係咪向我索償？」佢問。我話：「你要彌補過去有幾討厭，唔好令我後悔嫁比你。」佢皺眉睇住個list好耐，可能佢唔知自己有幾討厭。

過左一排，我都唔記得之前個list，正正常常咁生活其實已經好感恩喇。有日，Bruce無啦啦叫我請假，我地補去honey moon。我好開心啦，問佢我地去邊？係咪去馬爾代夫，定係去nappa valley？佢話，去北京。下，北京？原來條友要去工幹，叫埋我去當honey moon。感覺真係好唔浪漫，我真係有D失望，但當時我有多年無去過北京，抱住「好過無」既心態，應承左同佢去，請左10日假期。

去到北京三日，佢日頭做野，我自己戇居居周圍行，當時都未話搞奧運，北京仍然有種好純樸既感覺，但周圍已經好多大型基建，沙塵滾滾，救命，一D honey moon感覺都無。第三晚我地係三里屯會合，我還記得當年三里屯都未有「港式商場」、未有IT、未有Apple Store，只係幾條小街，有好多唔同小酒吧，好多live bands。第三晚我已經覺得悶想返香港，Bruce鬼鬼崇崇帶我去左一間小酒吧（多年後重遊舊地，已經搵唔返喇！）我地兩個人呆呆濟濟咁飲下酒食下野，佢同我講：「我開完會架喇，聽日我地走得。」
我：「下？臨時改機票？」
佢：「我改左喇。」然後鬼鬼崇崇，係口袋拿出機票來，叫我對下個名，但張機票係由香港去大阪既。妖！同我玩驚喜？佢賤賤格格咁笑話：「你話要彌補下我D罪狀，仲寫晒出黎，我地都無honey moon過，當補數啦，唔好嬲我。」建議大家可以試下呢個方法，寫晒D衰野出來比個老公知佢有幾衰、對你有幾hurt，D男人可能真係要白紙黑字先明白！

最後，因為佢要秘書一日之內book好晒機票同酒店，太情急無法子之下，我地好戇居咁，由北京飛返香港，之後即日晚間再飛大阪。然後係日本關西過左一個非常sweet既honey moon，成程佢無鬧過食物、無鬧過天氣、無黑過面，睇得出佢為左我，真係用力去忍住唔發脾氣，真係開心死我，佢本來死都唔肯食壽司同浸溫泉（潔癖怪佢覺得好污糟），都係因為果次關西之旅獻出左佢既「第一次」。

從此，我地一有幾日假期，就好鍾意飛去關西，特別係京都，每次都有honey moon既感覺。以後既日子，都係大家互相繼續包容、忍讓、體諒，佢買左花氹我，下次我煮個英式早餐氹返佢，大家氹下又磨合下，花了多少年月，先有今時今日既和諧。