吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教 Part III

少年成長今日: 0|主題: 16099

收藏本版

發帖

返回列表

跳至頁

樓主: SandraLo

48 495051 52...171

積分: 64100

981^#

發表於 13-6-4 08:31 |只看該作者

回覆：小朋友大脾氣,可以點教 Part III

Hi Sandra,

我想請教一下....

我仔依家兩歲四個月，脾氣好臭又硬頸，由於佢開始大個，同埋佢以為自己好大個，有啲野想自己做但做唔到就會發脾氣大叫／掟野，見佢發脾氣我會立即大聲制止佢，等佢冷靜咗，我會同佢講：「有咩做唔到可以話比媽咪聽，叫媽咪幫你，你發脾氣亂叫亂掟野冇用架，媽咪唔知你想點，大叫又會嘈親其他人，掟野又會整親人，下次記得唔好大叫，冷靜啲同媽咪講，得唔得？」

我仔比我鵝完之後真係好乖，乜都好好好，但下次再遇同樣情況又再大叫同亂掟野

另外，最嚴重嘅一個問題係。。。我同親佢出街，佢見到迎面有小朋友嘅話，十次有九次都想衝埋去，有時衝埋去想錫人攬人，有時唔知發咩神經衝埋去抓人打人，仲要抓人地塊面，唉。。。之前佢衝埋去打人抓人我會立即鬧佢，同佢講咁樣做唔啱，小朋友會痛痛，再係咁就冇小朋友會同佢玩，等等，講完一大輪就叫佢同小朋友say sorry，呵返小朋友，同小朋友握返手做好朋友

我依家次次出街都會拖實佢，見遠處有小朋友我都會叫佢企定定，同佢講：「前面有小朋友呀，唔好咁熱情衝埋去，唔好打人抓人呀，你想同佢玩就細細力摸吓同握握手，如果你再整痛小朋友，咁我地就要即刻返屋企架喇〜」，結果，佢真係冇咁熱情，真係只係細細力握握手，有時見佢表現ok，試吓唔鵝佢，結果佢又再次衝埋去打人抓人

我唔想佢喺我冇鵝佢嘅情況下，沒完沒了地打人抓人，已同佢講過不下數十次，想同小朋友玩要細細力握握手，走埋去打人整痛人，冇小朋友會鍾意同你玩，請問我係咪用錯法方教佢？

私人傳訊

cherrieloy

水晶宮

積分: 64100

982^#

發表於 13-6-4 08:36 |只看該作者

回覆：小朋友大脾氣,可以點教 Part III

Btw，當佢全日冇襲擊小朋友，我會勁讚佢，等老公放工返黎我又會話比老公聽，叫老公又讚吓個仔今日乖乖冇襲擊小朋友

私人傳訊

SandraLo

珍珠宮

積分: 33215

983^#

發表於 13-6-4 22:32 |只看該作者

wupigpig 發表於 13-6-3 23:21
Hi Sandra

又要求救

wupigpig :
佢冇試過因為撞頭而覺得痛？
「可能只係問佢一句野，佢又咩都撞左先」 ~~ 佢會唔會以為撞頭係同你一種最快溝通到嘅模式？
你可以捉佢住木無表情 say no, 等佢感受下呢個唔係玩, 同時教佢發 ma 音叫你, 希望可以取代佢撞頭,同佢發多 d 發聲嘅遊戲, 播d 兒歌同佢一齊 la (唱一個佢發到嘅音), 千祈唔好 no 完或者讚完就長篇大論, 佢不單唔明, 重連你嘅no 同讚都搞亂！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

SandraLo

珍珠宮

積分: 33215

984^#

發表於 13-6-4 23:11 |只看該作者

cherrieloy 發表於 13-6-4 08:31
Hi Sandra,

我想請教一下....

cherrieloy :
你之後個 post 講嘅讚係未足以改正呢個抓人嘅壞行為.............................. 你睇咗點用讚個 topic 未？
如果你提咗佢就冇去抓人, 咁係ok架, 不過, 你的「提」同「鵝」係有分別的？

私人傳訊

wupigpig

大宅

積分: 4522

985^#

發表於 13-6-4 23:26 |只看該作者

引用：Quote:wupigpig+發表於+13-6-3+23:21+Hi+Sa

原帖由 SandraLo 於 13-06-04 發表
wupigpig :
佢冇試過因為撞頭而覺得痛？
「可能只係問佢一句野，佢又咩都撞左先」 ~~ 佢會唔會以為撞頭 ...

Thx Sandra

佢剛開始識叫mama但只係想抱既時候先肯叫！我試過係佢撞頭時木冇表情話no，但佢會大力d撞多兩下先！
除左問佢野佢會發生撞頭外，連同佢玩緊，佢都冇啦啦走去撞頭，我話no，跟住起身，又要大力撞多幾下，痛到喊就停，但呢個時候佢喊我都係冇反應，之後佢又冇事發生咁！
咁我依家情況係咪唔好用讚？只係no同ingore佢，等佢清楚d?

私人傳訊

wupigpig

大宅

積分: 4522

986^#

發表於 13-6-4 23:31 |只看該作者

回覆：小朋友大脾氣,可以點教 Part III

唔好意思，仲有個問題，就係如果佢玩玩具如果唔成功，會發脾氣掉玩具，（例如入形狀，叠積木（兩粒）係佢依家呢個年齡（16個月）是否正常？

因為原意我係想鼓勵佢試玩，佢成功既時候我會讚佢，唔知係咪呢個原因令佢一做唔到就大發脾氣！

私人傳訊

Ocean419

伯爵府

積分: 19408

987^#

發表於 13-6-5 00:39 |只看該作者

回覆：小朋友大脾氣,可以點教 Part III

我個3歲仔最近講咩都唱返調，叫佢講good morning 佢講goodnight, hello 佢講bye bye , 明明好鍾意老師同daddy 就大大聲講我唔鍾意，叫佢做野永遠第一句答 how about if you don\'t/what if you don\'t....一次又一次令大人embarrassed。呢個情況已經最小3個月啦，我仲要忍多幾耐？

私人傳訊

cherrieloy

水晶宮

積分: 64100

988^#

發表於 13-6-5 06:33 |只看該作者

引用：Quote:cherrieloy+發表於+13-6-4+08:31+Hi+

原帖由 SandraLo 於 13-06-04 發表
cherrieloy :
你之後個 post 講嘅讚係未足以改正呢個抓人嘅壞行為.............................. 你睇咗 ...

你讚的post我睇咗喇〜

但係我仔就返n班喇，佢返學我冇辦法睇實佢提點佢，我好怕日日比老師家長同學投訴

私人傳訊

cherrieloy

水晶宮

積分: 64100

989^#

發表於 13-6-5 06:36 |只看該作者

引用：Quote:cherrieloy+發表於+13-6-4+08:31+Hi+

原帖由 SandraLo 於 13-06-04 發表
cherrieloy :
你之後個 post 講嘅讚係未足以改正呢個抓人嘅壞行為.............................. 你睇咗 ...

我只會喺佢襲擊小朋友後鵝佢，帶點嬲同惡嘅語氣，而平日喺遠處見到有小朋友就提佢，係用溫柔語氣

私人傳訊

mamath

大宅

積分: 2459

990^#

發表於 13-6-5 12:03 |只看該作者

本帖最後由 mamath 於 13-6-5 12:34 編輯

Sandra,

仔仔快18個月, 一向好聽話, 我們亦一直讚他的好行為. 他現在牙牙學語, 只會說單字. 最近他好似attention seeking, 當大人們聊天時, 他會大叫吸引我們注意, 又或者想做某事但又做不到時, 就會向我們大聲尖叫.

我了解他是因為不懂表達而這樣做, 但想糾正這個習慣. 我的做法是: 當他尖叫時，會望著他說要先安靜, 然後做一下"shu"的手勢(通常他會跟著做), 然後我問他"你是不是想....?". 他通常會點頭表達. 若我估不中, 或者不允許他的行為, 就會不理他或者用其他東西引開注意. 這樣做對嗎? 這段尖叫時期通常會維持多久? 或者有沒有更好的辦法?

另外，他開始變得自主. 若勉強他做一些不想做的事, 他會lur地大哭. 如果在街上, 我會立即抱起他(不容許他在地上), 然後用惡的聲音表示媽媽不容許他liur地, 再犯就會回家不去街街. 當我問他知不知道錯時, 他會答知, 然後無事; 但同樣情況亦間中出現.

我這樣處理對嗎?

還有另一件事, 他一直都肯自己"不"飯食, 但最近好難餵, 不肯坐high chair, 不停尖叫, 但又不想開電視給他... 可以怎辦?

對不起問題很多. 請指教, 謝!

私人傳訊

kiubaby

大宅

積分: 3985

991^#

發表於 13-6-5 17:04 |只看該作者

回覆：小朋友大脾氣,可以點教 Part III

Sandra,有啲關於罰則既問題想請教你，有時我個女發脾氣打人，咁我會罰佢番bb床企，佢就多數會大喊，係咪一定要等佢喊完先開始計時（根據naughty chair既原則，兩歲係兩分鐘）？我試過等佢喊完開始計，佢本來已經收咗聲，但見我開始計時又喊過，咁係咪由得佢喊完再罰兩分鐘先抱佢？如果企咗一分鐘走落地，係咪要由頭計過？罰完之後應該點收尾？因為有時罰完佢都唔肯講sorry, 唔好意思好多疑問， thanks!