我上網追到29集，個人好鍾意4爺
，由開始到而家都唔鍾意8爺，我個人覺得8爺太多計算，講到幾愛都係利字當頭，而且我接受唔到佢成日色迷迷咁昅住自己個十幾歲小姨，佢愛若曦多少源於佢個樣似若蘭，一個佢深愛但人家不愛佢嘅女人，得到人得不到心，擁有若曦就好似一個補償咁。
反而4爺果種係成熟男人嘅愛，佢好多身不由己，一方面佢在宮中都步步驚心，貴為皇子但每一步每一言不比常人自由，他愛若曦或許源自誤會，但他經過多年觀察，他嘅愛就如冬天太陽，若曦喺佢身邊佢好安心，亦都處處為她著想，殺李公公唔係佢所想，若果唔係額娘成日想推翻佢而李公公又似乎要幫手的話，佢唔會要殺佢，見佢賜毒酒果幕其實心中都不忍，一個殘酷不仁嘅皇帝會為一個小太監而淚盈於睫嗎？殺玉檀又係要保護若絲，處罰8福晉同8爺都係因為佢地傷害若曦，但若曦反而要跟4爺對著幹，4爺忍讓佢係因為愛佢，一國之君為一個女人寧願要天下人誤會都保護佢，個女人又做過D咩去為佢？
8爺做錯嘢要被罰, 若曦為8爺求情令到4爺好嬲，我一D都唔同情佢，4爺可以愛佢到底，反而若曦成日掛住8爺，明明已分手又唔乾脆，樣樣事情上都唔為4爺設想，有好多事就算做皇帝都身不由己，以前佢都見到康熙帝嘅生活，點解唔可以套入而家4爺嘅處境上面？如果我係若曦，我一定會堅守我嘅愛人到底，即使不能為佢分憂都唔會為佢多添麻煩，4爺已經好忙好辛苦，而大家都知道可以共渡嘅時日無多，若曦仲要耍任性脾氣，根本係將4爺推入更深地獄。如若曦喺身邊，4爺或者會念在若曦同其他各人交情，佢一走4爺更無後顧之憂，講到自己咁念舊情咁為人設想都係假，到頭來只係任性，耍性子將自己同4爺嘅緣份一手斷送。
幾多個阿哥對自己好都係假，只要堅守自己愛嘅人就夠，若曦熟知歷史，到後來佢都知道冇人可以改變歷史，做咁多嘢幫唔到之餘更將自己所愛嘅人推向萬劫不復之地，我覺得成套劇最唔討好果個就係若曦，係佢嘅不乾不脆拖泥帶水搞到幾個人嘅命運都冇好結局。
我自己想：4爺雖然想要皇位，但蓄成佢去處心積累謀奪皇位係源於佢多情重義，佢知道要同若曦一齊同解救13爺只有佢成為皇帝至可以做到，佢其實未登機之前都冇做D咩嘢係真係害其他皇子，反而8爺極衰，當時9、10、14都唔見得係好人，4同13好多場口都唔同佢地正面衝突，事事忍讓，反而8爺果幫就算14都冇大冇細，始終都係自己哥哥，多少要有尊重啩。
我唔當呢套係歷史劇去睇，究竟歷史上胤槙是否改遺紹唔需要去深究，因為個劇係咁寫，個故事就係咁發展，以上係我睇到29集TV版嘅感想，大家分享下，唔知有幾多JM有同感？Sorry，寫得太長太多。
花旗太太生活在花旗國，留意時差，你問我未必即時答到。
發表於 
雖然好愛四爺，但都係好難接受㗎！
返回列表
