轉貼
屯門黑店經歷....(7/9/08)
唔知你地有無試過遇到黑店呢?呢個係我近排買Wii的經歷....
我一月時在屯門新都,實惠附近的一間老字號賣機舖買左一部Wii, 果陣有個肥少少的女士賣俾我,聲稱呢部機無改過也無拆過(因為我唔玩老番所以都唔改機), 佢當時話我知有一年保養, 仲有話我知個原裝火牛唔用得,要我加七十蚊買一個三腳插,之後個原裝牛佢話無用,幫我dump左佢,我諗住呢間野在屯門開左咁耐,應該無問題掛,點知背後的問題就在部機無畫面後開始出現.......
有一日突然部機無畫面,咁咪諗住拎去整,點知拎到去有個婆婆在檔,佢話Wii無得保,下??唔係掛,突然話唔保就唔保?跟著我咪同佢嘈,最後佢話老板不在舖話唔到事(咁點解頭先可以同我嘈左咁耐),要我留電話同名(當日係八月四日,我見佢留電話的地方最早的日子的七月三十日.....)佢話會儘快叫老板覆我,咁我唯有俾個電話佢,佢用d 單係舊到張單上面個電話都已經停止服務,我咪問佢拎個電話,佢竟然話無電話的....
過幾日(8月9日)終於打俾我,佢話有得保,但唔包零件(咁我都知),但係我諗住佢賣機時講到又無拆又無改所以咪問下佢如果拎番去日本整得唔得,佢竟然話可以(我當時仲信呢間"老字號"架...) 仲話試過幫兩個人係咁整,之後兩個人自己俾番郵費,咁我咪諗住拎去俾佢整....
8月10日我拎左去,又係個阿婆o係度,我為防有失叫佢在單寫抵晒無改機無拆機的情況,個婆婆起初依舊話自己話唔到事,要佢打俾個話得事ge 黎睇睇又唔得(講真,我自己真係無拆機無改機,佢check左先寫都得),最後有個謎樣男o係附近行黎行去,又拎個手電俾個阿婆聽,仲有最重要:佢竟然無收我張日本保養書.....我開始覺得呢間野有問題......
又等左幾日,我見佢咁耐都未覆我郵費,咁我咪打去佢手提(佢打黎的來電顯示先有,如果唔係唔駛旨意佢會俾你), 佢初時仲扮係隔離舖(但我認得係阿婆把聲),要遲d叫間舖d 人打番俾我,好,我同你玩, 到佢地打番俾我,竟然話我知唔駛郵費,已經幫我send 左去一個水貨總供應商的地方,佢聲稱d壞機可以在果度集中免費送去日本整(點解之前話整到果兩個人又唔係用呢個方法.....?),但係要兩個月,咁我覺得你拎左去第二個隻手之前好應該通知我掛,而且無理由無單掛,咁我咪諗住問佢送左去間野叫咩名,佢又答唔出,又話唔方便講,咁我又覺得你送左去俾人,人地都會俾番張單你做憑證掛,我咪諗住問佢拎張單,點知佢又話o係舖無,又話自己間野開左咁耐唔會無左呀之類的說話,但係果陣我信心已經無乜,但肉隨針板上,機都在人地手無謂嘈,咁我咪話叫佢fax俾我算
到現在(9月5日),佢突然打黎話果間聲稱水貨總供應間野唔收壞機(咁佢自己平時d壞機要硬食?), 所以同我講一係俾佢地整一係就自己寄過去....咁我仲信佢咩,快d拎番部機好過啦,咪拎番部機
拎番部機果陣係最恐怖經歷....試問我都幾愛惜部機,我好肯定我俾部機佢時最多都係得一條花痕,但係當時成個面已經花晒,背面仲有幾個黑色的手指模.....個"唔話得事"的婆婆o係望住d 花痕時話:你拎黎時已經係咁花架喇....下?乜我有出口講過d花痕咩?1)點解佢咁肯定我俾佢時無? 2)唔係心虛點解會先過人地講,預先諗定辯詞,口快快講左先?
但係我都算了,想個惡夢快d 了結,最後我去左一間論壇上口碑不錯的舖頭整,唔駛半個鐘搞掂.....
1)呢個唔係錢問題,其實要錢我都預左,但係佢一開始唔好話俾人知可以拎去日本整,浪費大家時間金錢(我要由做野的地方去屯門廿蚊來回)
2)要在呢間舖買機要有個老板(or所謂老板)常常不在舖,有一個公公同婆婆看檔,但絕對(or聲稱)話唔到事,整機會爛機殼的情況
[ 本文章最後由 rab 於 08-10-18 17:48 編輯 ]
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
