少年成長 今日: 0 | 主題: 16100

積分: 33215

1022^#

發表於 13-6-19 22:58 |只看該作者

mamath 發表於 13-6-19 18:12
Dear Sandra,

Sorry, 你意思是他只是一時沒胃心而已, 故不必做什麼training, 是嗎? 其實他難餵食的情況已 ...

mamath :
可否先告訴我他吃飯的 timetable ? 即什麼時間吃些什麼？他最愛吃的又是什麽？

私人傳訊

Ali_03

積分: 4705

1023^#

發表於 13-6-19 23:57 |只看該作者

回覆：SandraLo 的帖子

多謝你咁快就覆我了，不過我已經做錯了，因為我今日放工返到屋企已經有啲忟，亞囡見到我已經知衰，佢問我做咩個樣唔開心，我話咪因為你扭計唔返學所以媽咪好傷心，亞囡好似好有罪過感的樣，我又忍唔住不停問佢聽日仲扭唔扭計，可唔可以應承我唔扭計返學，但佢點都唔肯應承我。事後我覺得自己好似逼得佢太緊。

其實我同咗老師同主任傾咗幾日，佢哋都話其實返到學校佢無咩特別，姐姐接放學都話佢無事，都係好開心咁，我同佢傾計我直覺覺得係小朋友問題令佢唔返學，因為我問佢係咪老師令佢唔開心，佢諗吓話唔係，我問佢係咪小朋友令佢唔開心，佢好快同好肯定點頭話係，但我再問詳細啲的情況就發覺唔係事實，因為佢話個同學仔係帶眼鏡用眼鏡打佢，但我問咗老師嗰個同學仔係無帶眼鏡的，所以蝦佢的內容我唔太信，但我總覺得係小朋友令佢唔開心。補充一樣，老師都有問過佢係咪唔開心同點解，佢答老師我都唔知點解自己唔開心。

至於你話佢係咪咋嬌，可能都係，因為我問佢點解朝早會扭計唔番學，佢話因為一起身叫我但我唔係度所以咪喊囉。我分唔到係佢隨口講定真係掛住我，但返咗學咁耐不嬲都係佢朝見我唔到架喎，無理由無端端會特然扭計架？同埋我有同佢講如果佢今個星期唔扭計返學，下星期一我會請假湊佢返學的。咁做啱唔啱呢，定係先鼓勵佢陪佢返學先呢，但我又怕更加令佢覺得扭計係可以令我唔返工陪佢喎，所以我堅持要佢唔扭計先，我先會帶佢返學。

其實尋晚我同佢傾計時我無講過胎記，因為我想搞清楚係咪小朋友令佢唔開心先，其實我哋時不時同佢傾計都有解釋每個小朋友都有唔同的地方，佢唔需要介意，我都有教佢如果其他小朋友問佢時，你就話比人知呢個係胎記無咩特別的，但佢係一個貪靚的女仔，要去衝破自己心理關口唔係一件易事，所以我都有擔心。

至於有無 find out 係咪真係有小朋友打佢，我覺得應該唔係，因為佢講到蝦佢的情況好嚴重，例如佢話個同學除咗幅眼鏡打落佢塊面度，但原來個同學係無帶眼鏡既，我問老師都話應該唔係，我都有安慰佢話有時你打到哥哥你係咪特登打哥哥，佢話唔係係佢唔小心啫，所以我話可能小朋友都係唔小心，你可以話比小朋友知佢咁做會整到你叫佢唔好咁做，如果佢仍然係咁就應該話比老師知，然後嗰晚仲祈禱求天父叫個小朋友知道咁做係唔啱要改過，唔知我咁做啱唔啱呢？

Sorry，我好長氣，打咗咁多嘢，希望你唔好嫌我煩幫吓我喇！

私人傳訊

LamAlice

積分: 1941

1024^#

發表於 13-6-20 05:11 |只看該作者

回覆：SandraLo 的帖子

Dear Sandra Lo,
我個女3歲2個月，被我老公鬧我害死個女
亞女講話好叻，但脾氣大，唔肯執玩具，叫佢做野不做，當聽唔到，或對你無反應，
又唔肯瞓，唔肯自己瞓，要我陪，
佢又成日自然自語，話有個朋友同家姐，但根本無，
playgroup同學識得畫圈，但佢仍然亂畫，唔鍾意寫字
我希望可以教我改善，我真係好大壓力
Thanks!

點評

SandraLo 你先看我簽名位兩個主打 topic 的第一個 post ! 發表於 13-6-20 18:13

Hope dream come true! BB I LOVE U!

私人傳訊

mamath

積分: 2459

1025^#

發表於 13-6-20 18:08 |只看該作者

SandraLo 發表於 13-6-19 22:58
mamath :
可否先告訴我他吃飯的 timetable ? 即什麼時間吃些什麼？他最愛吃的又是什麽？
...

他的吃飯時間表如下:

8am milk (240 ml) + bread (約1/3個包)
12:00n rice (通常1.5個小朋友碗左右)
4:00pm milk (240ml), 有時不吃奶就睡了, 約6時醒來後吃少少水果
7:00pm rice (這時最難餵, 通常1碗就不願食)
10:00pm milk (240 ml)

每天我們都會讓他出去放電, 或者上playgroup.

最近我想是否奶吃得太多了, 以至不願吃飯? 放是將早餐和下午茶的奶減半. 只是試行了一天, 好像好d, 但不知是否關事.

他最愛喝湯, 也較愛吃甜味和濃味一點的, 例如南瓜汁通粉. 他沒有吃零食的習慣.

昨晚我們和他吃相同的飯, 但他總是愛吃我碗內的飯! >_<

感謝!!!

私人傳訊

積分: 33215

1026^#

發表於 13-6-20 22:08 |只看該作者

mamath 發表於 13-6-20 18:08
他的吃飯時間表如下:

8am milk (240 ml) + bread (約1/3個包)

mamath :
從這時間表看來, 4點才喝奶, 7點根本未餓！難怪他不願吃晚飯！
建議早餐份量不變, 12:30才 lunch, 早點午睡, 4:30醒來只吃水果, 提早少少 6:30 dinner, 這樣才「夠」餓去吃 dinner ! 而不吃零食也好的, 不用特別加！
他愛吃你碗的, 就在他完成自己的便給他, 當獎勵！

點評

mamath Many thanks, Sandra!! 發表於 13-6-21 17:31

私人傳訊

積分: 33215

1027^#

發表於 13-6-20 22:43 |只看該作者

Ali_03 發表於 13-6-19 23:57
多謝你咁快就覆我了，不過我已經做錯了，因為我今日放工返到屋企已經有啲忟，亞囡見到我已經知衰，佢問我做 ...

Ali_03,
我睇你講咗咁多, 似乎你過份緊張咗..........................
我嚟一個咁嘅假設, 睇你同唔同意...................
你囡囡雖然試過返學有唔開心, 但好快已經冇事, 起先只係咋嬌話唔返學, 但你過度緊張的反應令她無意中講了大話, 之後重一個大話蓋一個大話, 令自己收唔到科！
建議你唔好再「特別處理」佢唔肯返學, 唔須要要求佢要「肯」或者「唔扭」, 簡單講就係唔再响呢樣嘢上同佢糾纒, 直頭唔好講同返唔返學有關嘅任何嘢, 但無論佢點扭, 後果都係要返學！記得唔好擺個嬲樣出嚟, 要同冇嘢發生過一樣！你試三日睇吓點, 好大機會係乜事都冇！

私人傳訊

Ali_03

積分: 4705

1028^#

發表於 13-6-20 23:27 |只看該作者

回覆：SandraLo 的帖子

多謝你的回覆。我會再試試。不過我想知道點解你會覺得係我緊張咗呢？唔好意思，我唔係 challenge 你，我自己都係摸索階段，我只係想知係咪有啲細節嘢我唔為意，或自己做咗啲嘢而令亞囡有咁既反應，我想學習做一個好媽媽。

Btw，我 update 吓亞囡今日的情況，佢起身都有喊，但就無之前咁嚴重，最後都喺屋企換咗校服先返學，有進步，我放工都有讚佢，叫佢聽日都要咁叻，如果聽日返學同返興趣班都唔扭的話，我會星期一帶佢返學，但佢話唔知得唔得喎！

私人傳訊

ChrisAlfred

積分: 4296

1029^#

發表於 13-6-20 23:52 |只看該作者

唔好意思，有野想冒昧請教一下。我做左全職半年了。發覺同阿仔關係差左。因為我比較強硬，有時覺得好似軍訓咁，我都成日提自己要改下語氣

我個仔四歲，我發覺我真係唔識教仔。

1）提左好多次（呢兩個月開始執佢習慣），阿仔除衫依然係唔會反返轉件衫，除襪仲係一舊掉落桶。我特登唔再提佢，由得佢沖完涼時，自已慢慢反轉，有時就會借機提佢，拿，如果之前掉返轉，而家咪唔駛吹風囉～～～但依然未改到佢習慣，點算？？

2）最惡劣係食飯，呢半個月至好左少少。但都係每餐令我發火。奬罰我都用哂，依然唔WORK，罰埋佢如果食得慢，無得睇電視，依然係啋你都傻。呢個星期好左好多就係無成地飯，食飯時間都可以控制係30分鐘（我目標係30分鐘），但最火係每五分鐘我要提佢，提到十五分鐘，我就好火，會鬧佢，見佢仲擰身擰勢周圍望又玩下枱上的野又摸WALL時，我就火到一野打落佢隻手，雙眼噴火，佢至識得記得食飯。呢場漫長鬥爭真係好傷和氣。餓佢我都試過，真係乜計都出埋，請教下仲有乜方法可以用呢（我連老師都出埋，同老師串通，都唔係好WORK）

3）我最傷心，係阿仔呢輪成日講：我唔鐘意媽咪（係望住我黎講）。佢講呢句時，就係我做左唔合佢心意既野時，就會咁講。好似頭先咁，我講故事見佢唔專心，突然問佢某個字係邊呀，要佢揾出黎。佢回過神再揾未揾到，我諗住同佢玩，數十聲仲未揾到，我就唧佢啦。佢就話，我唔鐘意媽咪。唉。郁D就咁講。唔知想點。我都用過唔啋佢呢招，等佢知道要為自己言行負責，但無效。佢話唔鐘意我，我跟住個幾日唔同佢返學放學，得工人接。又係無效。我個仔好似百毒不侵咁。點搞呢？

4）呢樣我呢排都好頭痛。就係，佢係學校，備受老師讚賞係專心學生，好學生好榜樣。但出去學野呢，唔專心到暈。試過用奬勵，頭兩次係WORK，到第三次又回復唔專心。點算呢？佢專心個時，我真係有讚佢架喎。究竟仲可以點做？

真係無助，等待前輩賜教。謝謝

私人傳訊

snoopy333

積分: 4069

1030^#

發表於 13-6-21 16:56 |只看該作者

Dear Sandra Lo,

我有對龍鳳孖b約22個月大. 之前有問過你有關囝囝既脾氣問題而後來亦有改善到. 不過而家又有新問題出現. 希望你可以幫下我.

先講囡囡既問題. 佢以前果人比較容易同人相處亦唔算好怕陌生人. 而且佢學習能力ok, 教佢做野都肯做. 但自2-3個月前開始佢變得脾氣差, 怕陌生人及新環境, 又選擇性做野. 以下有幾個例子:

(1) 怕陌生人及新環境: 見到陌生人叫佢揮手好多時都會做, 同熟人玩冇問題. 但一去到其他陌生方面就勁喊 (就算去到playroom (未去過) 都勁喊唔願意玩, 要warn up成個鐘先願玩但其他小朋友一去到就玩.), 而且在陌生地方見到陌生人都會怕得好緊要同勁喊.

(2) 脾氣差及情緒化: 之前在家叫佢做指令佢好願意做, 而家佢會無啦啦喊哂搖頭唔做. 同佢上左2個月 playgroup, 佢在堂上不時唔聽老師指令, 例如只係俾個公仔佢玩下換衫, 一見就喊但在家就好喜歡個公仔. 一叫佢出去做野不時喊哂唔做一定要痴實公公 (佢有公公就唔要我因為佢知公公”就”佢多d). 有次佢在食茶點前唔肯去洗手而勁喊, 老師叫我同公公唔好理囡囡由佢地處理, 老師由佢訓係度喊, 囡囡喊左半個鐘先願意主動拖老師再交番俾我地帶佢放學走. 有次在playgroup上堂由一間房轉另一間房途中見到其他小朋友在其他房中玩都喊到死

(3) 在playgroup 內有d訓練大肌肉既野玩具及設施唔玩 (如穿山洞, 不倒翁). 一要佢玩就喊. 但公園既野就玩.

(4) 以前在家不時俾囝囝搶佢d玩具, 我見到會搶返俾囡囡或者收玩具一齊冇得玩. 而家佢被搶時仲會打囝囝果頭, 有時佢仲會主動去搶.

私人傳訊

snoopy333

積分: 4069

1031^#

發表於 13-6-21 17:16 |只看該作者

囝囝既脾氣已經比以前好左, 叫佢做指令比以前願意做, 不過仍然有d問題.

佢到而家仲未識講野, 只有幾次試過聽到佢講一個單字 (如 duck, 奶, 水等).

見到陌生人叫佢揮手唔多會做, 同熟人玩冇問題. 但一去到其他陌生方面就勁喊 (就算去到playroom (未去過) 都勁喊唔願意玩), 同佢上左3個月 playgroup, 佢聽多左老師指令, 但仍然不時一唔鍾意就掉玩具唔玩. 例如只係俾個公仔佢玩下換衫, 一見就喊但在家就好喜歡個公仔. 老師話佢有時要逼先做. 在playgroup 內有d訓練大肌肉既野只玩佢玩開既, 新既唔玩..

認知方面, 佢只識入形狀箱, 但叫佢指出黎就成日錯, 唔識認顏色, 動物. 但就認得家中家具 (如雪櫃, 地拖…等). 佢唔玩打千秋, 一上個千秋就勁喊.

近呢2-3個月我已經不時帶佢地去公園商場等地方希望佢地冇咁怕生. 但好似冇咩改善. 幾個月後佢地就要去 in k1, 我好怕佢地到時一去到陌生環境已經喊哂咩都唔做. 到時一定唔收佢地.

私人傳訊

積分: 33215

1032^#

發表於 13-6-21 23:15 |只看該作者

Ali_03 發表於 13-6-20 23:27
多謝你的回覆。我會再試試。不過我想知道點解你會覺得係我緊張咗呢？唔好意思，我唔係 challenge 你，我自 ...

Ali_03 :
你同4歲小朋友講, 你扭計唔返學係唔啱, 對於佢嚟講, 其實係有d 抽象, 佢未必明扭計, 只知自己嗰陣唔想返就話唔返.............. 而我感覺佢被你的緊張「感染」才會堅持, 其中一個「玄機」, 係你都响呢樣嘢上面花去不少額外時間, 例如同佢及學校傾等等, 她是知道的, 再看看你寫的, 我也感受到你的担心和憂慮：

傾完計就比咗一個細細個的磁貼佢, 我話我比咗力量個磁貼, 叫佢放落個袋度, 就好似我陪佢返學咁, 希望佢好似有啲慰藉咁, 另外又同佢講如果今個星期都唔扭計返學, 下星期一我會請假送佢返學.........................

....................另一方面又好驚佢心理有問題, 始終小朋友手的外觀對佢呢講係一個缺陷, 我好難控制其他小朋友對佢的反應, 我知道要佢接受自己, 但呢一樣嘢真係好難做, 我又怕對佢太強硬令佢更收埋自己......................

..................但佢係一個貪靚的女仔，要去衝破自己心理關口唔係一件易事，所以我都有擔心。

你絕對可以challenge 我, 因我只是看你的文字然後推測, 媽咪未必能表達得到實況, 有些鍾意報喜不報憂, 有些則報憂不報喜, 差異極大, 我在上個 post 所說的方法, 若你在冇辦法下試了, work的話, 你便會「進一步」, 會更多明多些小朋友的行為, 往後更易處理, 有些根本不會試, 問完便算了, 不打緊的, 總會幫到些媽咪的, 那就已經夠了！

私人傳訊

Ali_03

積分: 4705

1033^#

發表於 13-6-22 09:27 |只看該作者

回覆：SandraLo 的帖子

多謝你的提醒，我會試試你的方法的，有時身在其中睇嘢唔夠清楚，所以我要問多啲人的意見。想問一吓，原本我同個囡講話如果今個星期唔扭計返學，我星期一會帶佢返學的，佢星期四好乖咁返，但星期五朝早就扭咗少少，但都肯換好校服返，下午亦好乖咁返興趣班，雖然有進步，但又唔能夠完全達到我要求，咁我咪唔應該帶佢返學呀？

私人傳訊

積分: 33215

1034^#

發表於 13-6-22 13:00 |只看該作者

ChrisAlfred 發表於 13-6-20 23:52
唔好意思，有野想冒昧請教一下。我做左全職半年了。發覺同阿仔關係差左。因為我比較強硬，有時覺得好似軍 ...

ChrisAlfred :
冇錯, 你响要求、獎同罸上都有改善地方....................... 但問題不大 !

1) 佢反轉咗件衫, 對佢嚟講冇特別意思, 亦可算係唔關係事, 除非, 有日係佢負責掠衫, 佢先會明！依家你要求佢冲完涼做, 只要佢肯做, 係冇問題, 因佢只係方式唔同, 最終目的係達到的 ! 太多規範, 小朋友會冇創意, 又或者你可以教佢点除衫件衫唔會反轉, 咁會有趣味性 d !

(待續)

私人傳訊

MARCUSCHOW22

積分: 2290

1035^#

發表於 13-6-22 17:00 |只看該作者

回覆：SandraLo 的帖子

Hi Sandralo,

我B係男仔，e+2歲半，呢排有時話親佢唔啱或叫佢唔好做某樣嘢佢就舉起手警告話打我，我同佢講唔打得，佢跟住就一手打落嚟，但就唔會咁對其他人，請問怎辦?
P.S. 1.我係FTM
2.半年前同佢睇過本書其中一頁係教
“No hitting mummy",但跟住佢就間
唔中作狀打我，但都冇真打嘅(睇書
時我示範過打自已一下，等佢知乜野
叫做打)
3.佢最近打我時，我已警告佢如打我我
會唔理佢，佢打完後我真係唔理佢，
跟住婆婆話佢唔啱叫say sorry佢都有
做(件喊晒囗)，但之後又係咁打

私人傳訊

ChrisAlfred

積分: 4296

1036^#

發表於 13-6-22 23:05 |只看該作者

SandraLo 發表於 13-6-22 13:00
ChrisAlfred :
冇錯, 你响要求、獎同罸上都有改善地方....................... 但問題不大 !

你咁講又好岩聽喎，哈，做野方式唔同但最後都去到目的。岩既。只係我見佢咁泥FEI，除左衫褲襪都係一舊或反轉PEI 係地，好似泥FEI男人咁，教都唔聽。所以至嘆氣。
不過第 2 ﹣ 4 點又可以點改善呢？

仲有呀，第5 點係我好嘔血。
佢4 歲，識睇鐘。但好無時間觀念。
每朝早返學，我已經講左，晏過八點半至出門口，要罰佢無得搭車，要行或跑返學校（因為MISS左班車要等好耐，行快兩步自己都返到學校了）
都講左同做左成幾個月了。
但EVEN佢明明好多時間剩（可能有十分鐘），叫佢著襪，佢就坐係度玩手玩下野擰身擰勢唔記得自己係要出門口返學咁。著校服又係咁

OVERALL，應該話，佢成日都好似忘記左自己係做緊某件事（食飯／出門口返學）。可以點改善呢？

私人傳訊

積分: 33215

1037^#

發表於 13-6-22 23:09 |只看該作者

ChrisAlfred 發表於 13-6-20 23:52
唔好意思，有野想冒昧請教一下。我做左全職半年了。發覺同阿仔關係差左。因為我比較強硬，有時覺得好似軍 ...

ChrisAlfred :
2) 食飯問題是否只是慢？一般佢幾耐先完成？你睇埋我答 mamath 個 post, 會唔會佢未夠餓所以食得慢呢？

查實你又唔駛火, 火就係令雙方關係變差嘅原因！
我覺得你唔係强硬, 只係要求高咗同火爆, 囝囝做唔到你要求你就唔開心, 你呢種性格, 好快會俾囝囝學咗, 小心為上！
你先睇我簽點位點用讚個 post 學識用讚先, 希望你試吓用, 會有意想不到嘅效果！
响行為上, 任何人包括小朋友都唔會鍾意挫敗同俾人鬧, 俾人認同/讚得多, 先有自信, 依家囝囝唔鍾意你, 係因為你一開聲就係鬧佢、話佢或者表示唔滿意佢, 佢事實係咪咁差呢？你俾佢嘅感覺就係：响你面前, 佢就係一事無成的！掉轉你老公見親你都彈你呢樣唔得個樣唔得, 你都唔開心啦！
你試試幫囝囝製做一次成功食飯唔慢, 然後勁讚佢, 之後一定有進步！點可以一定成功唔慢？好簡單, 給他那餐的時間比平日遲一至兩小時才吃, 份量就只給平日的四份三甚至一半, 那就一定快了！

3) 很少小朋友會連媽媽講故事也不專心的, 你會不會要求過高？4歲小朋友視覺追踪能力仍有限, 耳朵聽得你講, 眼晴未必追得切, 又或者題材不合幼童, 趣味性不高, 程度太高, 太難都會令小朋友不專心, 你可以先選些較淺白和文字較少的, 合上書講一次故事, 再打開指著字讀一次, 讀完傾下內容, 然後再讀一次, 第二晚再讀, 然後可叫他嘗試讀................... 這樣會比較好

4) 出去上興趣班不專心, 會不會是和程度/趣味性有關？

私人傳訊

ChrisAlfred

積分: 4296

1038^#

發表於 13-6-23 00:37 |只看該作者

SandraLo 發表於 13-6-22 23:09
ChrisAlfred :
2) 食飯問題是否只是慢？一般佢幾耐先完成？你睇埋我答 mamath 個 post, 會唔會佢未夠餓所以 ...

多謝你耐心既回覆，我覺得你真係好勁，好有耐性去覆每一個POST。
我之前睇左你另一條POST就係讚賞多D等小朋友做好D，至黎呢邊再POST我的煩惱的。

其實咁，食飯呢，佢真係最近試過係30分鐘內食哂仲要無跌飯，我真係好誇張咁好開心奬佢（其實每次佢都有機會拎奬，但佢都無乜意欲KEEP住拎）
佢四歲可以食到成地都係飯，成枱都係飯。係我老公不停話我，要我迫阿仔唔可以再跌飯。我上個月開始話奬佢無跌就儲粒粒比佢去玩。佢有儲左兩日，之後就無左了。不過佢跌左一粒，都好唔開心話，唉，跌左三粒呀，下次我會加油架～～～所以我無話佢。我仲好誇張咁話，係囉，今次唔記得左加油姐，下次記得加油呀，跌兩粒唔好跌三粒啦，再下次跌一粒，再下次就無跌～～～咁講其實係咪唔好？？

至於食飯速度，真係可以KILL 人。唔迫佢，佢坐係度一個鐘仲食緊飯。就算未夠鐘開飯佢係咁催肚餓要食飯，都唔會食得快，佢扒左兩啖落口就變返慢速了。而家迫佢鬧佢哦佢（食飯個30分鐘內不停咁哦），卒之可以30分鐘食完，但佢其實呢30分鐘係不停郁身郁勢，罰佢入廚房食(因係飯枱成日擰黎擰去望妹妹），佢坐廚房都仲可以伸手摸WALL 摸雪櫃玩手指停哂手去嘥時間。即係唔專心去食。
如果唔催佢（食飯個30分鐘內），佢夠胆死可以食足一個鐘仲係個碗飯，好激氣的。
我有試過餓佢一餐乜都唔比佢食，又試過整埋飯糰氹佢食。佢都係咁。明明之前有奬過佢，佢亦好清楚佢可以有乜野奬，不過就係食飯途中，唔識專心去望住碗飯食。唉

3）八成時間，佢係好專心聽我講故仔的。只係個次，佢又擰去望妹妹擰黎擰去，我見佢周圍望，我咪突擊問佢。點知佢又一句：我唔鐘意媽咪。成日都咁講。請教下，可以點樣令到阿仔唔好日日夜夜掛係咀邊：我唔鐘意媽咪

4）都可能係。其實我都唔知。因為我唔係樣樣興趣班都可以望住佢。不過OVERALL黎講，就算佢有興趣的班，導師都會COMMENT返佢唔專心，隔離一有同學仔撩佢或者搞動作，我個仔就會跟左去。好嘔血。又係好似食飯返學咁囉。完全忘記左自已做緊乜。真係要請教下你專業意見。

萬分感激你耐心既指導呀，謝謝

私人傳訊

wupigpig