Tebing 發表於 21-3-12 16:28 
貓其實好嗲的, 佢地自理能力又強
就係貪佢唔駛我理，我女話未有心理準備養貓，兩三年前有一排佢好想養貓或狗，咁我就講解俾佢聽生活上唔係多隻寵物咁簡單，心理上同生理上有咩要知道，例如養狗要帶出去遛，養貓要清貓沙，仲要訓練貓狗。。。跟住我女話佢未ready，佢自己都未搞得掂。
好得意喎，我未養過貓，以前好細個屋企有四五隻狗，但搬屋後就冇養過，有一次我去睇跌打，果個醫生屋企有兩隻狗一隻貓，有病人睇症時，兩隻狗仔放咗入籠，隻貓就因為一向都高竇唔睬人，所以醫生由得佢自己周圍行，點知果次只有我一個病人等緊睇症，佢隻貓就由遠到近繞圈走埋我度，中間幾次好嗲咁向住我喵喵聲叫，最後佢跳上張梳化，望住我，再慢慢將兩隻爪放我大脾上面，之後成個貓頭枕上嚟望住我。。。呢一刻，醫生行出嚟，佢碌大對眼，個口得個窿，佢問我有冇養貓，我話冇呀，都廿幾年冇養過任何貓狗，阿醫生話真係冇可能，佢隻貓連佢自己都唔多睬，居然會主動走埋我度，仲要用尾掃我對腳，好舒服咁攤喺我對大脾度，醫生話貓貓好鍾意我，可能我同佢有緣，不過睇完呢次跌打我冇耐都移民，隻貓係成身雪咁白嘅毛，真係好靚。
花旗太太生活在花旗國，留意時差，你問我未必即時答到。
發表於 
返回列表
