影視娛樂

跳至

首頁

尾頁
   144


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1041#
發表於 13-9-30 09:26 |只看該作者
關仁隱事:「靚聲后」鹹魚翻生

內地「靚聲后」雖然有把好聲音,但呢幾年都冇乜hit歌,搞到人氣跌晒watt,偏偏呢行就係跟紅頂白,話之你曾經幾咁紅,冇人氣就連騷價都下跌,好在呢排內地電視台興起唱歌節目,總算有人記起靚聲后,搵佢做評判,由於佢言詞夠晒辛辣,行出嚟一副大家姐風範,觀眾睇得好過癮,佢先至可以鹹魚翻生咋。關仁聽內地製作人講,𠵱家好多客戶搵佢做商演,歌酬仲升到130萬人仔,終於襯番起佢靚聲后嘅身份囉!

「靚聲后」= 拿鷹
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1042#
發表於 13-9-30 09:30 |只看該作者
關仁隱事:「土著」擺架子鬧空姐

上回爆咗「數字大佬」喺飛機上嘅惡行,其實除咗佢之外,呢行都仲有唔少「偽」人。好似對面海嘅「土著」,平時孖住老婆「高瘦平」做善事探病童,但原來惡起上嚟唔嘢少。關仁聽到土著有一次喺飛機上嘅通道放低咗啲行李,大部份人都知帶上飛機嘅行李,只可以放喺座位上面嘅櫃或座位下,但土著就偏偏放喺通道,空姐上前叫佢放好,點知佢仲大聲鬧個空姐,話要放就空姐幫佢放,佢唔會郁手,真係衰到冇人有。

「數字大佬」= 3歌
「土著」= 黑人塵建周
「高瘦平」= 飯瑋奇


很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1043#
發表於 13-10-2 09:27 |只看該作者
關仁隱事:「歌后」賣風騷趕客

「歌后」嫁咗個有米老公,其實可以一心一意做闊太湊女同high tea,但點知佢對唱歌團火越唱越旺,繼續要出碟,仲返咗內地做歌唱比賽評判,保持一定嘅曝光率。
歌后間唔中都會為晚會做嘉賓賺私己錢,有次壓軸出台做嘉賓,點知已為人妻嘅佢一上台就大賣風騷,一味吹噓自己陳年揚威國際舞台嘅威水史,唱咗幾首歌,全場都冇乜熱烈反應,搞到個老闆勁唔like兼冇面,彈佢似足夜總會歌女,一啲星味都冇,話佢收幾十萬完全唔值,表明冇下次!

「歌后」= 你聞 CoCo
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1044#
發表於 13-10-2 09:32 |只看該作者
關仁隱事:「飛腳」獨門秘技冧仔

女星「飛腳」最近因為識咗新歡而火速撇咗舊愛「早唞」,搞到早唞好傷心,四圍搵人吐苦水。其實之前又係俾飛腳撇過嘅「屈機」,一樣勁冧飛腳,點解咁多男人咁冧飛腳,愛到佢死心塌地呢?聽講飛腳有好多獨門冧仔秘技,只要試過同佢一齊,都一定死喺佢手。至於飛腳同𠵱家新歡識咗冇幾耐,就已經打得火熱,咪又係因為飛腳嘅獨門冧仔秘技囉!

「飛腳」= 張輕乳
「早唞」= 你晨
「屈機」= 唔唱機


很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1045#
發表於 13-10-3 09:26 |只看該作者
關仁隱事:「麥提莎」被迫減歌酬退出

呢排接連發生藝人返內地幾乎被綁架同軟禁事件,真係嚇親好多北上頴銀嘅藝人,其實𠵱家通訊咁發達,已經叫做安全好多啦,關仁聽聞以前有位女藝員「麥提莎」,有次去美加登台掘金,佢抵達酒店之後,點知搞手原來係一班有背景人士,竟然即場逼麥提莎減收歌酬,如果唔肯應承,就唔畀佢離開間房,當時麥提莎只有助手相陪,兩個人勢孤力弱,面對一班兇神惡煞嘅男人,想企硬都唔敢出聲,惟有好委屈咁答應,麥提莎返香港後同藝人老公「聖賢」哭訴,決定離開呢行,食番啖安樂茶飯。

「麥提莎」= ??
「聖賢」= ??

很想知道,追夢的人是如何踏出第一步?


水晶宮

積分: 58580

馬年勳章 2025中秋節勳章 母親節2025勳章 2025勳章蛇年勳章 2024年龍年勳章 2023年兔年勳章 牛年勳章 2018復活節勳章 hashtag影視迷勳章 畀面勳章 環保接龍勳章 BK Milk勳章


1046#
發表於 13-10-3 12:07 |只看該作者
本帖最後由 connielamyee 於 13-10-3 12:08 編輯
22May 發表於 13-10-3 09:26
關仁隱事:「麥提莎」被迫減歌酬退出

呢排接連發生藝人返內地幾乎被綁架同軟禁事件,真係嚇親好多北上頴銀 ...

「麥提莎」= 勿景婷
「聖賢」= 女
頌賢


點評

22May  唔知佢地結左婚tim.  謝謝!!  發表於 13-10-3 14:40


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1047#
發表於 13-10-4 09:26 |只看該作者
關仁隱事:「多嘢講」犯眾憎被玩

「多嘢講」同「近海」呢對已經係公開嘅一對,近海對多嘢講愛到難捨難離,而多嘢講跟住條佬名成利就多咗好多工作,自然死抓住佢唔放啦!其實近海嘅朋友一直以嚟都好唔鍾意多嘢講,原因係覺得佢唔夠大方得體,又貪小便宜,專釣金龜,一句講晒就係覺得佢貪錢,所以千方百計想令佢哋分開,好似早前有人報料話多嘢講去幫襯按摩單嘢,激到近海喊件事,原來都係近海身邊人放嘅,無非都係想佢死心,聽講近海身邊嘅人已經不斷收集多嘢講嘅黑材料,準備一鑊過整死佢。

「多嘢講」= 唔千乳
「近海」= 淋瘋
很想知道,追夢的人是如何踏出第一步?


子爵府

積分: 12495

2018復活節勳章


1048#
發表於 13-10-6 10:20 |只看該作者

引用:關仁隱事:「小丸子」被闊太抽水娛樂圈唔只

原帖由 22May 於 13-09-24 發表
關仁隱事:「小丸子」被闊太抽水

娛樂圈唔只靚女藝人為上位要去飯局應酬陪老細,關仁聽聞猛男藝人有時候都 ...
郭x安?




子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1049#
發表於 13-10-7 09:16 |只看該作者
關仁隱事:「太子女」飲醉失儀態

正所謂朝中有人好辦事,「太子女」因為老竇係三色台嘅高層,即使佢演技麻麻都唔使愁冇劇拍。太子女早幾年同圈外男友結婚,但婚後好少見佢兩公婆一齊出現,女方仲俾人影到同男藝員玩到癲,搞到老公好似戴綠帽咁,唔怪得聽人講佢哋感情普通。
關仁日前夜深喺街見到太子女同一班女性朋友夜蒲,但只有佢一個飲到貓晒,冇晒儀態喺街度大叫:「我要嘔啦!」有個咁嘅老婆,老公都要有好高EQ!

「太子女」= TOBY
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1050#
發表於 13-10-7 09:17 |只看該作者
關仁隱事:「維他命」旺夫愛劈價

有鋪選美癮嘅「維他命」喺娛圈嘅最大成就,相信就係嫁咗畀「強人」,妻憑夫貴,佢都聲價十倍,帶挈埋個妹都可以入行,仲吊埋個金龜。事實上,維他命又真係有條旺夫命,佢嫁畀強人時,對方頂多係二線尾嘅星,點知嫁咗之後,強人迅速走紅,電影一套接一套,所以強人好錫維他命,買屋買鑽石不在話下,信用卡現金任佢用。雖然維他命係大家閨秀出身,但唔知點解有鋪講價癮,買乜嘢都要同人講價,理你名店大品牌佢都要人哋畀折,同埋買每樣嘢都計過度過,呢啲老婆真係抵娶!

「維他命」= 汪CC
「強人」= 因子單

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1051#
發表於 13-10-7 09:22 |只看該作者
關仁隱事:「企喺度」分豬肉嬲爆

內地靚仔「唔知道」捱咗10幾年,卒之喺分豬肉派對分到個姿整獎,但個獎係同另一資深演員「企喺度」分。企喺度知道要同人share已經唔高興,仲要同低自己一班嘅後生演員一齊攞,佢完全唔掩飾不滿,由宣佈到上台佢都全程黑面,致謝辭亦單打話估唔到對方咁快準備到講稿,擺明寸佢一早知自己有獎攞啦。其實企喺度喺內地影圈咁耐都知道晒啲潛規則啦,有邊個頒獎禮嘅獎唔係「傾」出嚟㗎,只係唔順氣啫。

「企喺度」= 將角立
「唔知道」= 黃海綿
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1052#
發表於 13-10-7 09:27 |只看該作者
關仁隱事:「花園」虛榮釣金龜

選美出身嘅「花園」屋企冇乜錢,為咗孭起頭家,無論事業同感情,佢都好進取,成日出姣招冧幕後博出鏡,鏡頭後又頻頻爭取機會釣金龜。花園去到咁盡,因為佢阿媽成日同佢洗腦,關仁聽佢啲街坊講,花園阿媽好扮嘢,成日晒個女係明星,又話自己個女將來一定享盡榮華富貴,兩母女滿腦虛榮,成日充大頭鬼,把口又唔收,得罪人多稱呼人少,人見人怕。不過花園根本就唔紅,所以一有機會就黐住身邊嘅有錢朋友,名副其實係菠蘿雞。

「花園」= ??

很想知道,追夢的人是如何踏出第一步?


伯爵府

積分: 15343


1053#
發表於 13-10-7 10:35 |只看該作者

引用:關仁隱事:「花園」虛榮釣金龜選美出身嘅「

原帖由 22May 於 13-10-07 發表
關仁隱事:「花園」虛榮釣金龜

選美出身嘅「花園」屋企冇乜錢,為咗孭起頭家,無論事業同感情,佢都好進取 ...
係咪葉船?



點評

22May  通常 葉船=花艇  發表於 13-10-7 10:37


大宅

積分: 4407


1054#
發表於 13-10-8 06:45 |只看該作者

引用:關仁隱事:「花園」虛榮釣金龜選美出身嘅「

原帖由 22May 於 13-10-07 發表
關仁隱事:「花園」虛榮釣金龜

選美出身嘅「花園」屋企冇乜錢,為咗孭起頭家,無論事業同感情,佢都好進取 ...
我估係塵停因。花園=庭



點評

22May  都似喎!!  發表於 13-10-8 10:17


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1055#
發表於 13-10-8 09:46 |只看該作者
關仁隱事:「球拍」妒忌唱衰「友友」

有錢女「飄飄」嘅身邊有好多觀音兵,好似有錢仔「球拍」同潮人「友友」都係飄飄嘅老死,成班人經常去蒲,friend過打band。不過,最近球拍竟然周圍同人講,話友友陷害佢、唱衰佢。關仁聽聞其實係球拍自己有妄想症,雖然球拍對飄飄冇追求之意,但就唔抵得友友近期人氣高過自己,又同飄飄越嚟越friend,喺球拍強勁嘅妒忌心之下,咪周圍唱友友囉。其實飄飄都收到風知道球拍唔妥友友,但兩個都係老友,佢都唔知點搞囉!

「飄飄」= 河超型
「球拍」= 塵拍熹
「友友」= 王友娘
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1056#
發表於 13-10-9 09:14 |只看該作者
關仁隱事:「八卦會」衰逐出八卦會

圈中班大姐大組成嘅「八卦會」,成員除咗藝人仲有傳媒人,大家都記得,之前做電台八到出面嘅「小八」就係因為衰口疏,俾其他會員踢出局,話晒佢係傳媒人,有時同藝人身份對立,難免有利益衝突而保持距離。不過除咗小八外,唔知大家有冇留意已退隱嘅藝人「員工」都冇再喺個會嘅活動出現呢?照計成班會員上咗年紀又同係藝人,冇乜衝突,點解員工會被退出呢?聽聞員工個形象好似好祥和仁善,但實則人品超差,唔係一般人睇嘅咁好人,會員覺得佢人品唔好,唔想同佢玩,一致通過員工冇得留低。

「八卦會」= 至八會
「小八」= 揸小因
「員工」= 顧老闆 顧幾筠
很想知道,追夢的人是如何踏出第一步?


子爵府

積分: 13243


1057#
發表於 13-10-9 14:22 |只看該作者

回覆:"Apple關仁隱事"一齊諗

花園=高海寧??好似話佢媽媽係花園街做野!

點評

simple430  呢個似d  發表於 13-10-10 10:48


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1058#
發表於 13-10-10 15:00 |只看該作者
關仁隱事:「小師妹」被封NG王

公仔箱啲姐仔競爭都好大,「小師妹」初出道嘅時候表現都算醒醒目目,話頭醒尾,畀人精精靈靈嘅感覺,不過自從佢受過情傷之後,雖然已經收拾心情開番工拍嘢,但由於升呢做咗人母,仲要孭起成頭家,小師妹嘅壓力大咗好多,不過好彩公司對佢照顧有加,仍然係咁安排工作畀佢,等佢收入穩定啲。不過關仁聽番嚟話小師妹嘅表現大不如前,成日拍嘢都心不在焉,試過讀幾句對白都係咁NG,搞到台前幕後都封佢做「NG王」,拍檔都怕咗佢㖭

「小師妹」= 羊c奇

點評

simple430  佢個樣真係無咩福氣 , 標準 妹仔樣  發表於 13-10-11 18:17
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1059#
發表於 13-10-11 09:56 |只看該作者
關仁隱事:「小雨點」扮喊博同情

𠵱家啲𡃁模為出位真係奇招盡出,除咗騷事業線呢個基本動作外,有時仲要加啲感情戲搶鏡。好似「小雨點」初出道就用過呢招,佢自製同「圓形」緋聞後,因為俾太多人抨擊佢博出位,於是想用眼淚攻勢博同情,可惜佢唔夠戲,明知自己激動位喊唔出,於是喺做訪問前返後台做手腳,搵風筒吹自己對眼,仲食埋wasabi,可惜雙管齊下都只能令雙眼出現少許紅筋,為求逼真,最後要經理人出街幫佢買眼藥水,等佢一出場未開口已爆喊。

「小雨點」= Rainbow 胡心落
「圓形」= 万刀甲

點評

newcook  万刀甲 <---- 你好搞笑~   發表於 13-10-11 18:01
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1060#
發表於 13-10-15 09:25 |只看該作者
關仁隱事:拜金「基基」叫男人送禮

內地女星為咗上位都好識耍手段,好似最近俾男友飛嘅「基基」咁,之前成日放料,搞到男友都怕咗佢,最後搞到分手收場。
關仁知道基基可能因為出身好窮,係咁捱出嚟,所以佢對物質好緊張,基基揀對象首選要有米,否則一定踢人走。基基又好鬼拜金,一定要男方奉送名牌衣物、手袋或飾物,佢仲成日貼上社交網站晒料,等佢哋追求者自己都比拼吓,追佢嘅富二代有時為咗面子都會不停加碼送大禮,最終喺鷸蚌相爭之下,基基就印印腳坐收漁人之利。

「基基」= 葉稀奇
很想知道,追夢的人是如何踏出第一步?

首頁

尾頁

跳至
Presslogic Logo
Baby Kingdom Logo