吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由報料› 全港無良黑店&各類投訴&騙案大搜查(請大家來報料) ...

自由報料今日: 1|主題: 297737

收藏本版

發帖

返回列表

跳至頁

樓主: rab

全港無良黑店&各類投訴&騙案大搜查(請大家來報料) [複製鏈接]

51 525354 55...71

146

rab

大宅

積分: 1388

1041^#

發表於 08-11-5 16:19 |只看該作者

轉貼
海濱花園金豐茶餐廳(22/9/08)

這間茶餐廳是我在香港遇到的最差的一間的茶餐廳, 他位於荃灣海濱花園, 這間茶餐廳差的原因, 首先,在於他拒收所有面額的港幤, 包括1角至1000 元, 限死人要用八逹通的付錢, 而且它即時有散錢, 對其他人說没有, 這是其一, 其二, 那裡的職員, 尤其是那個帶大框眼鏡的人, 在用八逹通扣錢時, 放錯位置, 就搶人的錢包來扣錢, 還說在這裡扣錢, 盲,嫁, 你.
其三明明東西以經放在枱上, 可以叫人來拿, 但是那職員好串, 未到你, 等所有人飯做好, 先到你挪.
其四它的飯好貴, 一般都是30 元以上, 很貴, 好似一個雞脾加薯條配可樂要25元.
其五, 這茶餐廳東西的味道真是很差, 那裡的豬扒有一股不新鮮的味, 而且不衛生, 白汁雞皇飯的雞老到好似橡皮一樣. 而且分量很少, 好似粟米斑腩飯的斑腩只有三小塊.
同時食完飯還要自己收, 否則又要被罵.
它那個茶餐廳的服務態度好似它施捨給你食飯一樣, 對顧客隨意呼渴.
所以不要去那間飯店自取其辱.

打擊黑店click

私人傳訊

rab

大宅

積分: 1388

1042^#

發表於 08-11-5 16:21 |只看該作者

轉貼
沙田新城市的hip 壽司~以後一定唔會再幫襯(22/9/08)

寫得有d長~請耐心閱讀
今日一家人高高興興去lunch~
家姐提議食壽司~見到有hip壽司~未試過就去試啦~
去攞位~當時號碼叫到226~我地227~仲有一張桌~咁就企係度等~
我地離開知客位不超過3呎範圍~~~
我姨甥四處走~咁我跟住佢去玩~離遠見到我家姐叫我返去話有位~~
我返到去~激氣事情就發生~~~
個個帶位姐姐~居然同我地講~張桌已經俾左第個人~
話我地冇應佢~~~
事實上我家姐係要望到頭上個顯示器先知到我地~
我兩個家姐即時同佢理論
我家姐同媽咪一直企係原地冇離開過~但真係聽唔到佢有叫我地的號碼
而個個潮童look既帶位妹妹~佢一直不斷話"我真係有叫架喎"更過份的係話~"係唔係你地掛住傾計聽唔到啊"
d語氣不負責任到~好似一個冇交功課既既靚妹~同老師死撐自己有做~
之後我家姐叫佢叫經理來~佢話經理唔係度~叫佢的superviousor來~佢都話冇~~
叫佢叫比佢高級既人來~佢叫左一個同佢一樣潮童look既姐姐仔來~
我地問佢要公司電話~佢居然話佢地公司........冇!電!話!因為佢間店不設訂位服務喎
堂堂一間食店冇電話~你做個商業登記證都要電話丫~冇!?
我就唔信堂堂一間走中產路線既壽司店冇電話~
我check到就打電話去投訴個兩個人
其實成件事只不過可能係一個誤會~佢只要say 個sorry~話補返張桌俾我地就冇事
但係個妹妹仔不斷咁推搪塞責~佢不負責任~不成熟既行為真係令人非常激氣~
不斷地話經理唔係度~自己公司冇電話~
究竟佢地咁驚~驚咩?係唔係驚自己過唔到試用期???
做青年人~成個潮童咁唔緊要~但係做人有返d禮貌~有返d責任心丫
之後我地走左去和民~人地個度d服務好過佢多多聲~~~
呢間死人野~我以後都唔會去~
既然佢話自己冇電話~咁我唯有盡一個消費者既責任~係d度唱衰佢~

打擊黑店click

私人傳訊

rab

大宅

積分: 1388

1043^#

發表於 08-11-5 16:22 |只看該作者

轉貼
上環永樂街X釗記特餐(23/9/08)

中午經過上環永樂街，走進一間名為新X記﹝或者叫X釗記﹞用膳，我選擇了最平的特餐﹝雪菜肉絲米粉、火腿奄列、牛油方包、奶茶﹞每位30元，雪菜肉絲米粉d雪菜肉絲被一舊舊生粉痴住，分也分不開，好似鼻涕咁，勁核突，火腿奄列勁多油，奶茶勁穌，好明顯用全脂奶粉開成而唔係用花奶。
見隔離位碟類似肉片意粉同樣一舊舊生粉、一舊舊鼻涕，肯定唔會再說去第二次。

打擊黑店click

私人傳訊

rab

大宅

積分: 1388

1044^#

發表於 08-11-5 16:25 |只看該作者

轉貼
屯門..萬寶一間黑店..!!好唔開心(24/9/08)

各位朋友仔..唔知你地有無行過屯門萬寶呢~~!!我好唔開心!!
我係一間..2姐妹開果度睇中佐野..唔知你地知唔知邊間~~距地隔離左右都有開ga~
我次次行過度..距地都好嘈..好似大陸甘..拉客!!甘我係隔離有一間係賣針織~我係果度買完~
跟住.!繼續行啦!!經過2姐妹開果間~~哇..距地真係好嘈..甘我睇中一對鞋幾靚ga~
距地就開始sales我啦!!我話試下~~著上去..個size唔岩我喔~~果個家姐話~~著著下就鬆~
我著37~距拿36卑我~甘真係好紮..甘我咪唔要lor!!
跟住.果個家姐講野串我~.!!話我係度玩野.!!睇岩又唔要果d說話啦~~果對鞋都ok貴ga~300幾ga~
甘唔岩都買咩~..就話我係度玩野!!!我真係好想知道..做生意係唔係甘做ga???
黑店一間!!!!以後都唔去果度睇野~

打擊黑店click

私人傳訊

rab

大宅

積分: 1388

1045^#

發表於 08-11-5 16:26 |只看該作者

轉貼
九龍城輝哥火鍋(25/9/08)

我發誓呢世人唔會再去幫襯!!!
汽水要$15一罐
牛肉都要成$168一碟.6塊
蝦丸成$80碟9粒
$5８８一碟墨魚
魚皮餃$60得7粒
$130　一個湯底
$50蚊既菜只得八條
最平就係白飯! $8一個
二歲要比茶錢
泊車要收加一
有錢多到派都唔會去!!!

打擊黑店click

私人傳訊

rab

大宅

積分: 1388

1046^#

發表於 08-11-5 16:28 |只看該作者

轉貼
未試過咁難食既西餐 - 黃大仙中心維苑餐廳(27/9/08)

今晚同阿媽去左黃大仙中心維苑餐廳食飯, 食左個海鮮抄鳥冬, 難食到呢.......只可以一個字形容, AWFUL! 又唔夠熱, 又唔夠海鮮, 海鮮又唔夠新鮮, 又冇味, 總之, 我拎去餵狗都怕冇人要, 服務態度又差, 叫左幾次先有人過黎, 我以後一定唔會幫襯, 食西餐寧願去藍天使食! 祝佢捱到3個月!

打擊黑店click

私人傳訊

rab

大宅

積分: 1388

1047^#

發表於 08-11-5 16:31 |只看該作者

轉貼
銅鑼灣太平館(27/9/08)

想去試好耐既太平館瑞士雞翼,終於襯住維園之行去豪食一次,
六點半去到已經要等位, 一等就半個鐘,眼見有人訂左枱遲左唔夠五分鐘都要重新排籌,個老伯伯侍應仲聲大大的話, 我地唔留枱架,
老字號果然真係老字號完全唔憂做.
瑞士雞翼 ~ 少少甜甜地, 不過唔夠味,還是阿媽煮的豉油汁雞翼好味好多好多,$125咁既質素, 不會有下次了.

打擊黑店click

私人傳訊

rab

大宅

積分: 1388

1048^#

發表於 08-11-5 16:34 |只看該作者

轉貼
屯門得X agent縱容印傭惡行(27/9/08)

話說我朋友個家姐經屯門得X agent請咗個印傭返來,
之前問過佢印尼果邊厔企有無電話,同埋識唔識打長途電話,
未請佢之前,就話印尼果邊厔企無電話,同埋唔識打電話。
點不知請咗番嚟之後耐,我朋友個家姐個女嘅充值電話咭,
好快趣就用哂D錢,問過佢個女話同平時一樣咁用電話,
無計之下唯有幫個女嘅充值電話咭再充值,
點不知佢個女嘅充值電話咭又係好快趣就用哂D錢。
谷鬼氣走去查下D電話詳細賬單,點知原來個印傭靜雞雞打長途電話番去印尼。
問番個印傭,又話唔識打電話,點解有咁多打長途電話番去印尼嘅賬單。
個印傭死都唔認有打長途電話番去印尼,谷鬼氣"講大話"又唔認,即炒。
點知屯門得X agent同我朋友個家姐話要補一個月人工畀個印傭。
我朋友個家姐寧願打官私都唔賠錢畀個印傭。

打擊黑店click

私人傳訊

rab

大宅

積分: 1388

1049^#

發表於 08-11-5 16:35 |只看該作者

轉貼
食物好一般, 服務超九流嘅灣仔小X黎越南餐廳 !(28/9/08)

話說昨日女友想食越南嘢, 見到小巴黎諗住一試 !! 入到去, 唔爆, 自己揾卡位坐, 當時已 feel 到唔掂, 全鋪得一個阿姐做嘢 !
坐低, 等阿姐執枱落 order, 阿姐話等等 ; 5 mins later, 再叫, 阿姐再話嚟緊 ; 再 5 mins later, 有多一個戴眼鏡嘅阿姐出嚟幫手, 呢個阿姐又話等等, 當時已經火,我話:"咁等到幾時,等到今晚好冇 ???", 阿姐好寸咁答 : "唔駛做呀 ??? 唔等得咪走 lor !!!" ..... 嘩, 呢D咩態度呀 !!!! 最後等咗 15 mins 先嚟執枱落 order, 其間2位阿姐 service 其他比我哋遲嚟嘅客都冇人嚟執枱 !
食物方面 : 生牛河唔熱, 扎肉撈朦, 三色冰一般.
最嘅事嚟喇, 埋單$47 !! 由於我已經計好, so 擺低响收银就走! 嗰 PK 收银阿姐(估計係老闆娘)好X惡話咪走呀!計清楚先呀!我話 : "欠你呀 !"...跟住佢話 :"你D咁嘅態度,巴Q閉, D阿姐咪咁service你lor !!"... 我話:"你D阿姐咁嘅service,我咪俾咩反應你lor !"
評語:食物好一般,服務超九流!有錢都唔会再嚟!
P.S.如果嗰位收银阿姐(老闆)睇到呢篇食評, 想話你知,我咁嘅態度係因為你D員工,你D員工有咁嘅態度係因為有你D咁嘅收银阿姐(老闆)! ... 仲有, 番 openrice D comment,原來唔係得我一個complaint,especially 戴眼鏡嘅阿姐,咁即是唔係我嘅問題la !

打擊黑店click

私人傳訊

rab

大宅

積分: 1388

1050^#

發表於 08-11-5 16:36 |只看該作者

轉貼
無良傢俬店-恒昌傢俬(29/9/08)
本人七月於鑽石山荷里活廣場恒昌傢俬訂做鞋櫃,8月尾送貨.
SALES有上來我家度呎吋,之後有給我看圖, 因為我相信SALES有相當經驗,所以冇認真考究呎吋是否準確.
結果造出來的鞋櫃真不能接受:
- 設計圖寫鞋櫃深度為14吋,背板厚度3/4吋,個SALES話係標準,所以冇質疑.
點知做出黎深度真係14吋,不過係外圍,而內籠就只得11吋,因為有兩隻熨門,
每隻佔1吋左右.男裝7號半鞋巳經吾算大,都擺吾倒,女裝波鞋都只係僅僅擺倒.
- 頂層櫃桶只可熨出4吋左右,連手都幾乎伸吾倒入去;而且一不小心拉出了一點,就整個櫃桶脫軋而出,幾乎親腳趾.
恒昌只係肯FIX個櫃桶, 而深度佢話冇得搞.
雖然我地都有責任研究清楚個設計圖,但絕對估吾倒專業話標準呎吋竟然放不下普通SIZE鞋, 而佢地又話巳經依足圖去做, 所以吾肯負責, 對此我深感氣結和失望.
******************************************
事隔一個月,恒昌一直無跟我聯絡,後來我寫信去消委會投訴.
該店該店負責人才主動打電話給我,但只係提供一個貼膠布的方案:
即將兩邊側板往後移,兩側和鞋櫃頂會因此出現一吋左右隙縫.
他們竟建議用木條填補隙縫,我們建議他們將鞋櫃收回重整,
他說這樣要補錢.
我們認為好好的訂造出來的鞋櫃,要左補右補才能使用, 實在說不過去.
專業傢俬店訂造的鞋櫃竟放不下鞋,還要客人補錢重整,更是一大笑話.
而對方卻說為我們落單的SALES巳離職,今次只是捱義氣跟進.
而且堅持巳依足圖則做;因圖則慣例沒有寫明內籠呎吋,
對於該店出品的鞋櫃放不放得下鞋並不負責;
更謊謬的是該店負責人竟說鞋櫃不一定用來放鞋.
結果雙方達不到共識,我們說需要時間考慮他的方案,
但他卻說若當天不接納他的方案,此事就此作罷,不得上訴.
野蠻至極.
奉勸各位切勿光顧此店.

打擊黑店click

私人傳訊

rab

大宅

積分: 1388

1051^#

發表於 08-11-5 16:37 |只看該作者

轉貼
坑口潮Ｘ冷(28/9/08)

上兩星期去呢間餐廳食早餐,我同我太太及兒子每人叫咗一份早餐,可能太忙闋係，我份早餐己經食完.太太及兒子尚有通粉及义燒公仔麴未到，等咗差不多20分鍾.(係我食完碗麵計),敢當然想追吓佢地,問吓佢地有無漏單啦,有个女侍應,很大声回應,啲禮貌非常差,好似乞食敢,唔知有無人,試過安寧花园个間潮州Ｘ呢?貼錢都唔去啦!

打擊黑店click

私人傳訊

rab

大宅

積分: 1388

1052^#

發表於 08-11-5 16:41 |只看該作者

轉貼
食到發火的Tripel-o's漢堡包店

無意中見到d網友討論呢間漢堡包店，講到好鬼正又話d肉好juicy，所以今晚懷著極大的期望去試試，我們幫襯尖沙咀海港城的分店，我自己就點了個原味漢堡包套餐加朱古力奶昔，老婆就點了蘑菇漢堡包套餐飲藍草莓奶昔，當我打開個包裝紙後見到個賣相好一般，但都對它充滿幻想，第一口咬落去了幾下就發覺無咩味道，再試第二口、第三口越食越把鬼，個漢堡扒冇肉味、冇肉汁、d肉鞋鞋地，如果硬要講話juicy的話，我諗你們食錯了，那些衹不過係個包滴出來的醬汁而不是肉汁，食完個包都唔知自已到底食緊d乜？老婆那個蘑菇漢堡包起碼那些醬汁比較濃都過得去，奶昔好飲，但如果用56蚊食埋些咁既垃圾的話，我情願食老麥好過啦，埋單一百六八蚊.

打擊黑店click

私人傳訊

rab

大宅

積分: 1388

1053^#

發表於 08-11-5 16:42 |只看該作者

轉貼
金shxng錯漏百出, 態度惡劣((29/9/08)

各位準新人請勿幫襯!!!
本人今年於婚紗展join 了金shxng印喜帖送利是封及貼紙的套餐, 其後到他們灣仔的門市選喜帖樣式, 上到她們店舖時, 已經留意到經營的都是一班不懂英文的師奶, 咬字不正, 服務態度麻麻, 溝通比難較困難, 到客人選定樣式及字型後, 落單程序也很混亂, 但既然我們已經落了訂, 也沒有辦法...到再去看稿時, 發現她們連我們揀選的字型也搞錯了(他們並沒有統一的字型清單), 唯有即時要她們更改!
之後印好帖, 拿回家後, 也許係掛萬漏一的關係, 發現中英文日子竟然是不同的, 她們印錯了!!! 我們即刻拿回幾百多張的帖回去與她們理論, 她們以我們已見看過稿為由, 責任不在她們, 所以不會替我們重印, 重印的話, 會收回正價!!!
我們十分失望, 唯有想辦法自行補救, 誰知當我們逐張帖打開時, 發現不少內頁是上下調轉, 有些還竟然沒有內頁!!! 我們還未要求她們更正, 但相信分分鐘她們又以"貨物出門, 永不退換"為由, 拒絕替我們補印, 我們實在太討厭這間公司了, 現極力勸諭各位準新人, 請勿光顧金成這間黑店, 以免招致金錢損失之餘, 又要在搞喜事時激心動氣!!!
總結：
1.沒有統一的字型清單, 員工A告訴某種字型之後, 初稿印出來的字並不是我們心目中的字；
2.左英文，右中文的喜帖，竟然可以把日子弄錯，可見其員工辦事的專心程度；
3.原本告訴我們會有約10個額外帖封，最終一個也沒有；
4.在會展時說可免費選擇任何回禮利是封，最終只得一式兩顏色選擇；
5.大約2%的帖子有問題，不是沒有內頁便是內頁上下倒轉貼
6.最終不能補救的帖子不會補印，只以現金賠償（試問需要帖子給客人的時候，退錢有何用)

打擊黑店click

私人傳訊

rab

大宅

積分: 1388

1054^#

發表於 08-11-5 16:43 |只看該作者

轉貼
勁差!佐敦糖水佬(30/9/08)

星期日本來去佐敦松記, 原來逢星期日休息.
之後去左"糖X佬"叫式碗合桃露, 點之食左2羹發現有隻"小蠅" , 後來換了一碗食了DD 就誤食.其實"糖水佬"的糖水可以用勁差來形容, 合桃粗粒, 點樣入口, 無味得個甜字加上"小蠅",我一世都不會再幫襯.

打擊黑店click

私人傳訊

rab

大宅

積分: 1388

1055^#

發表於 08-11-5 16:45 |只看該作者

轉貼
請大家小心以下黑店- 柏x婚禮攝影(30/9/08)

柏x婚禮攝影(金都一樓)
不好join 佢地的service, 真係好差, d影相技術唔得,服務又差,
結婚當然想比我好好的回憶比自己, 起初比了訂金都無咩野架, 又話包成長片段,又比d其他人相辦比我地睇.我地見價錢都算合理,咪join左佢地的攝影+VIDEO服務.
但係差唔多近我地結婚日子,一個佢地公司的同我地跟進電話都無,
又無人叫問攞我地細路仔d相做成長片段,就連結婚前兩天,都無人約我地結婚當日幾點要集合,所有野都係我地每一次自己打電話去先有人去follow up,哎!我都算啦!
我都係想結婚當日所有野arrange 得好好地.
到了結婚果日,個攝影師影D相真係離晒譜, 我睇d相又黃又暗"黑??",
我都好懷疑絛友識唔識影相, 佢地重話d相執過,就連我拿相去晒時,個間晒相公司都話d相好唔得, 都唔似執過啦咁.
咁我地咪叫佢再執過囉, 就連我地攞番去比佢地間公司的人睇,
佢地都話有問題, 都話會叫個攝影師再執, 可惜d相影當日得唔好,又差.
執完攞番都係咁,真係好失望!! 咩都無啦!

打擊黑店click

私人傳訊

rab

大宅

積分: 1388

1056^#

發表於 08-11-5 16:46 |只看該作者

轉貼
元朗一番~D服務態度差到你估唔到~ (1/10/08)

我今日同家人一齊去元朗一番食壽司,我姐姐其實之前都食過一次,我地叫左個蒜片炒雞腎,過左無幾耐,有個侍應拿左一碟野放到我地桌上,佢仲一路放,一路講:雞軟骨!
之後我同家人就覺得好奇怪,我地明明叫蒜片炒雞腎,於是我地就好客氣咁問其中一個女侍應,問:我地叫左碟雞腎,但LEE碟係咩呀!
佢睇都無睇過碟野,就話係雞腎,但我姐姐因為之前黎過叫過,佢好肯定個碟一定唔係雞腎,於是我地又問令外2個男侍應生,點知佢地又係咩都唔睇就答:雞腎!
再問多一個女侍應都係咁答,最後我地忍唔住叫人黎,佢地D侍應其實已經一早響度討論緊,有其中一個走過黎咩都無講就攞起碟野,只話你地叫雞腎呀,只攞左碟野走左。
之後就換左碟真真正正架雞腎,碟野同頭先個碟完全係唔不架,所以佢地一定唔係唔知,而係佢地自己放錯又唔肯認,我地諗住佢黎之碟野都算啦,咪諗住開始食啦!點知突然有個細眼勁MK架男侍應(PS:其實個度D侍應全部都好MK,仲要以為自己好型,每放一碟野都要搞一搞頭髮~真係頂佢地唔順)好氣衝衝咁走過黎,質問我地。
男侍應問:你地頭先唔係叫左個雞腎架咩?(勁惡地問)
我答:係呀~
男侍應:咁咪黎左囉~咪啱囉~(勁惡地)
我答:頭先你地俾錯我,係剛剛我地問左好多次先換番俾我地咋~
男侍應,立刻返去廚房問,問完立刻唔出聲~
我覺得成件事最嬲架係,佢應該要搞清楚先黎問個客而唔係質問左個客先搞清楚,對唔住都無句,野食又唔係好食,仲要俾起個度D壽司店黎講細D同貴D~我要求唔係好高姐,但佢地D服務真係好差,D食物而難食又俾起我之前去元朗食個D仲貴又要少又唔好食,所以我覺得LEE間野絕對唔值得一試~
所以我勸大家,去元朗千祈唔好去一番食~

打擊黑店click

私人傳訊

rab

大宅

積分: 1388

1057^#

發表於 08-11-5 16:47 |只看該作者

轉貼
觀塘食糖水(1/10/08)

在觀唐輔仁街佰佳旁宥一間有一間唐人鋪唔知有冇人去過呢?
門口好多人, 食煙, 吹水呀, 有冇人試過佢有好多圖片放出來呀!!!
好好睇, 但當送來時差好多.......芒果黑糯米,唔甜, 蘚雜果旦菜糕........旦菜有怪味.
如大家有試過比我這間奇得多請發表一下等我下一次唔好去呀, 比左$$$ 冇人預左好好食, 但易冇人想太難食, 食甜品的人是希望是開心, 填補晚餐差的一點點, 情女可以傾下, 大伙人可以多一個
吹水點, 那間店, 一句到尾, 唔去唔會可惜, 去左只有嘆惜, 有胆唔怕可似試下.........$$$$多一試無防

打擊黑店click

私人傳訊

rab

大宅

積分: 1388

1058^#

發表於 08-11-5 16:49 |只看該作者

轉貼
恆香越做越衰 (1/10/08)

買咗咪你老婆餅一打。
一盒豆沙酥。
一盒蜂巢雞蛋卷﹐
迷你老婆餅﹐唔知點解就係餅皮無以前甘香﹐咬落去..........D糕粉"削"咗小小﹐唔知係咪轉咗師父﹐總之無以前咁好﹐不過都仲好食過奇華榮華。
豆沙酥﹐餅皮好D﹐不過豆沙無豆沙味﹐似係用埋D放到好舊既豆沙。
個所謂蜂巢蛋卷﹐已經唔係以前我食既蜂巢蛋卷﹐完全都唔鬆脆﹐食落去好似D超市cheap貨﹐實既﹐好失望。仲有個罐轉咗個款﹐樣衰過舊個款﹐仲要用簡體字寫住﹐用簡體字寫香港既出品﹐你話個老細係咪燒壞腦?人人一睇到D簡體就覺得係大陸貨啦!
呢間野唔再做好QC﹐都係聽執。

打擊黑店click

私人傳訊

rab

大宅

積分: 1388

1059^#

發表於 08-11-5 16:50 |只看該作者

轉貼
服務一路都差, 竟然仲可以比以前更差既米線(1/10/08)

如果你係深水步食開米線既朋友, 應該會識一間叫雲南風味過x米線 (下稱A店) 係一間歷史比譚仔長得多既米線
其實一直以來呢間野d 招呼出晒名差, 真係比x州牛奶公司 (下稱x州) 更差. 總之都係見你食完就趕客個類.
講真佢d米線係唔錯既, 同四川既麻辣米線唔同, 係正宗些少既低價雲南米線.
但係我真係好唔鍾意幫襯佢. x州都話趕得有道理, 佢既炒蛋話晒都差不多天下無雙, 但係A店既米線又未到個個級數.
好啦, 講返正題. 幾日前有個fd話有間米線介紹我食, 咁好啦去試下, 點知又去返呢間, 唔緊要啦見唔駛等就食下啦.
一坐底, 「快快快! 食咩?」咩事呀老友...你間野又唔似x州得一個餐, 都要諗下咩配料架.
「叫得未呀? 好多人等位呀! 」痴線....咁我地不如即走叫佢地入黎丫
有個fd 食得慢, 其他3個人食完佢都仲有半碗. 「你地食完啦可?」我地話係佢就執晒d野, 都冇咩問題, x州都係差唔多.
跟住我講下笑者, 話「呢間野好趕, 我地3個食咁快會俾人趕」, 點知個伙計真係話「係呀! 不如你地3個係出面等啦, 你地都食完, 留返佢係度食咪得囉, d 位要俾其他人坐架」
以前都唔覺佢真係咁老實不客氣, 而家直頭講到出口趕人喎! 係出聲趕我地走. 真係把幾火
咁我地梗係唔睬佢啦, 咪等個fd 繼續食囉!
「唉也, 食完未呀, 好多人等位呀」又聽到d伙計係度講....
「張單呢? 埋得啦可? 係出面等啦!」愈聽愈o嘴....
跟住有個好聲氣少少「唔好意思, 今日好多人等位, 可唔可以快少少」都係俾人吹架啦, 不過總算聽到句唔好意思, 叫個fd 食快些少啦!
個fd人放低筷子, 連收銀都走堆過黎「唔好意思, 你地係咪食完架啦? 可唔可以埋單?」都受盡屈辱啦....俾埋錢走人囉!
臨走仲要整多句「死仔! 食咁耐架, 呢度好多人架!」
頂唔順了!!!「我以後唔幫襯!」
深水埗天悅廣場附近, 隔離係松記分店, 間舖係綠色既.

打擊黑店click

私人傳訊

天賜晶瑩

伯爵府

積分: 16486

醒目開學勳章畀面勳章環保接龍勳章

1060^#

發表於 08-11-5 16:51 |只看該作者

原文章由 rab 於 08-11-5 16:47 發表
轉貼
觀塘食糖水(1/10/08)

在觀唐輔仁街佰佳旁宥一間有一間唐人鋪唔知有冇人去過呢?
門口好多人, 食煙, 吹水呀, 有冇人試過佢有好多圖片放出來呀!!!
好好睇, 但當送來時差好多.......芒果黑糯米,唔甜, 蘚雜果旦 ...