少年成長 今日: 3 | 主題: 16100

積分: 33215

1042^#

發表於 13-6-23 21:01 |只看該作者

snoopy333 發表於 13-6-21 17:16
囝囝既脾氣已經比以前好左, 叫佢做指令比以前願意做, 不過仍然有d問題.

佢到而家仲未識講野, 只有幾次試 ...

snoopy333 :
囝囝同人講嘢眼神接觸如何？鍾意玩乜？

私人傳訊

積分: 33215

1043^#

發表於 13-6-23 22:21 |只看該作者

Ali_03 發表於 13-6-22 09:27
多謝你的提醒，我會試試你的方法的，有時身在其中睇嘢唔夠清楚，所以我要問多啲人的意見。想問一吓，原本我 ...

Ali_03 :
每次罸同獎, 都必須俾小朋友清楚知道點樣就會被罸, 點樣會有獎, 否則會有反效果,
舉個例：老師話如果上堂乖就獎糖, 但一堂30分鐘咁長, 小朋友如果有一半時間乖, 一半時間唔乖, 咁有冇獎呢？小朋友又知唔知點先算乖呢？佢唔會識得計一半一半喎！咁就分分鐘獎變罸！ (攞唔到獎 = 罸冇得食 ! ), 呢d 情況要獎就要好 specific 咁講定點獎, 例如冇走出位算乖, 有獎, 有出一次都冇獎！
另一個例子：媽咪針對小朋友食飯太慢, 話食飯乖就獎糖, 小朋友最後在媽咪的限時內完成, 但就打爛了碗, 媽咪一怒之下話佢唔乖冇得獎, 但其實講好乜嘢情況下有獎就唔可以因其他原因而將他的獎取走, 否則便是言出不行, 言而無信 !
你依家已經開咗口, 唯有當佢一日得一日唔得, 今晚再話聽日返學乖就陪佢！下次切記要執行得到先好講！

私人傳訊

積分: 33215

1044^#

發表於 13-6-23 22:44 |只看該作者

MARCUSCHOW22 發表於 13-6-22 17:00
Hi Sandralo,

我B係男仔，e+2歲半，呢排有時話親佢唔啱或叫佢唔好做某樣嘢佢就舉起手警告話打我，我同佢講 ...

MARCUSCHOW22 :
佢打你只係玩....................
你只須睇咗點用讚個 post, 然後跟住做就 ok, 佢打你時你不做反應, 好似佢冇做過一樣便可以了！
備註：不要講 d 你唔會做得到, 只係要嚟嚇佢嘅說話, 佢好快會知唔係真嘅 (你唔會唔理佢), 唔好搞到佢唔再信你, 更加學埋講大話！

私人傳訊

積分: 33215

1045^#

發表於 13-6-23 23:14 |只看該作者

ChrisAlfred 發表於 13-6-22 23:05
你咁講又好岩聽喎，哈，做野方式唔同但最後都去到目的。岩既。只係我見佢咁泥FEI，除左衫褲襪都係一舊或 ...

ChrisAlfred :
男仔有時真係可以好遲熟, 烏 sir sir 的, 專注又不大好, 你先將要求放低些, 同之前一樣, 不好給他製造挫敗, 要給他嘗多些成功的滋味, 讓他經歷多些「暢順」地準時返學 ! 首先, 可提早少少叫他起牀, 給他較容易吃的早餐, 也可在他的弱項幫幫他, 例如將襪子摺到一反便可穿好, 能準時出門便讚他, 取代遲了便罸他, 數次後應該會好些.................

私人傳訊

MARCUSCHOW22

積分: 2290

1046^#

發表於 13-6-24 00:35 |只看該作者

引用：Quote:MARCUSCHOW22+發表於+13-6-22+17:00+

原帖由 SandraLo 於 13-06-23 發表
MARCUSCHOW22 :
佢打你只係玩....................
你只須睇咗點用讚個 post, 然後跟住做就 ok, 佢打你時 ...

唔該晒呀Sandralo!

私人傳訊

Ali_03

積分: 4705

1047^#

發表於 13-6-24 13:21 |只看該作者

回覆 SandraLo 的帖子

多謝你的回覆, 結果我今天都沒有陪他返學, 而佢亦沒有問我, 我估佢知道自己未達到我的要求。

有一件事想同你分享, 就係你估計正確, 佢應該只是想扭我計而並非真正有同學蝦佢。我有照你教的去做, 無刻意緊張的問佢返學情況, 佢每日都有一至兩次自己無端端同我講話唔想返學, 跟住我就話唔可以唔返, 學一定要返, 跟住就無同佢講嘢喇, 佢自己亦好快收聲。尋晚瞓覺時佢話想同我傾計講吓學校的事, 我話好呀, 佢就話依家越來越多同學蝦佢同打佢, 所以佢唔想返學, 跟住又話呢個係我同的秘密, 叫我唔好話比老師知, 跟住我話唔得, 如果有同學唔乖一定要話比老師知, 等老師教佢哋嘛, 跟住佢話唔好就無再講落去了, 我估計可能我之前真係太過緊張, 令佢錯覺咁樣先會得到我注意。

好多謝你的提醒, 我會再留意吓, 希望到時再得你指點。

私人傳訊

snoopy333

積分: 4069

1048^#

發表於 13-6-24 15:46 |只看該作者

SandraLo 發表於 13-6-23 13:28
snoopy333,
小朋友細個未識怕陌生人, 大少少會怕係正常的, 人亦有唔同性格, 睇你講佢似乎只係慢熱咗d, 要長 ...

Dear Sandra,

多謝你既回覆!

因為而家只有我一個人湊, 基本上bb出街一定有我陪同, 而佢地每次去唔熟既地方扭計時我都陪伴在他們身邊, 唔會嚇佢亦唔會迫佢地, 但亦唔會即時離開, 只會等佢地喊夠慢慢適應. 我唔知會唔會真係有D細節冇留意到. 其實我地一家四口4月底先去過澳門玩左二日, 佢地在整個TRIP都冇咩扭計, 反而返港之後慢慢變差.

有關 attention seeking 我有d問題. 事關孖b每次去 playgroup 都由我及公公帶去. 因為公公惜囡囡所以每次囡囡都會要公公唔要我. 但就算係一對一, 佢地去陌生地方都係痴實大人. 而且playgroup 老師話佢地好似係"懶做野"及"選舉性"做野果種bb.

請問有咩方面可改善慢熱晤問題?

私人傳訊

moon_rabbit

複式洋房

積分: 473

1049^#

發表於 13-6-24 21:50 |只看該作者

回覆：snoopy333 的帖子

Sandra 你好，我個囡都係好慢熱，一見陌生人就會痴埋我度，係直頭唔望人，但當人唔望佢，佢就會在旁觀察，其實咁會唔有問題？
此外，佢就2歲，但只係講單字，同埋唔知點解，迫佢講「謝謝」「please」等字眼，佢點都唔肯講，但其他好多字佢都肯講，點解咁怪？（呢啲音佢係發到嘅）
唔該曬呀！

私人傳訊

積分: 33215

1050^#

發表於 13-6-24 22:47 |只看該作者

ChrisAlfred 發表於 13-6-23 00:37
多謝你耐心既回覆，我覺得你真係好勁，好有耐性去覆每一個POST。
我之前睇左你另一條POST就係讚賞多D等小 ...

ChrisAlfred :
查貫你有冇研究過佢点解跌飯跌得咁勁？係手眼協調唔好？匙太大不能完全放入口？碗太大？坐時離枱太遠？有冇硬件可以先改善？如果每餐只係跌幾粒, 自己執番冇整汚糟地方, 佢又識叫自己做好ｄ, 已經好好, 絕對可以收貨啦, 佢始終係細路, 唔好要求佢要完全冇跌, 每樣嘢都要 perfect 係好痛苦, 他朝佢真係咁對自己, 事事追求完美, 你同佢都惨！

你話試過餓佢, 係午餐定晚餐？skip 一餐係幾時再有得食？佢本身食量如何？最鍾意食嘅係乜？係咪經常有得食？
與其你响佢食飯嗰陣不停哦同鬧, 你不如佢食一啖你就讚, 咁一定會好好多！

我覺得當前急務, 係處理佢嗰句「唔鍾意媽咪」, 你知唔知佢點解咁講？因為你話佢、改正佢嘅嘢太多, 佢唔開心, 就用呢句說話嚟反擊你！你試吓放低d 你對佢要求, 亦即係俾佢容易d 成功做到你要求, 你讚多d 佢, 應該好快可以改善到！

私人傳訊

積分: 33215

1051^#

發表於 13-6-24 23:06 |只看該作者

本帖最後由 SandraLo 於 13-6-24 23:14 編輯

wupigpig 發表於 13-6-23 00:58
我已經係佢出門口果下開始讚佢，bb好叻仔自己行，嘩大個仔啦等，係咪讚得唔夠令佢飄飄然？
因為佢唔肯行而扭再訓地，所以我原意直接讚佢行，如果佢做到就唔會有訓地呢樣野，但我應該錯左，仲俾佢知道訓地我實有反應，事冇大小都訓左先，係屋企我會當睇唔到，係街訓就反屋企，但好似冇咩用咁，請指點下！...

wupigpig :
俾佢知你怕佢瞓地, 佢咪一面享受你讚佢, 一面用瞓地嚟要脅你抱佢囉！如佢根本唔特別 enjoy 去街, 返屋企佢可能重開心！除非佢好痴你, 而你「的」咗佢返屋企之後你會出街, 咁先係罸！
歸根究底係你唔怕佢瞓地先有用！今日就算佢唔介意行, 他朝依然可以用瞓地嚟扭買玩具或者做其他嘢, 所以, 你想佢唔再瞓地, 就要唔怕佢瞓地, 亦即係由得佢瞓, 等到佢自己起身, 如是者數次, 佢知瞓地影響唔到你, 佢先唔會再瞓！

私人傳訊

wupigpig

積分: 4522

1052^#

發表於 13-6-24 23:24 |只看該作者

引用：Quote:wupigpig+發表於+13-6-23+00:58+我已

原帖由 SandraLo 於 13-06-24 發表
本帖最後由 SandraLo 於 13-6-24 23:14 編輯

Thx Sandra

想問下平時係屋企如果佢扭計訓地，我會唔出聲行左去，咁佢就會自己起身走黎搵我，咁係街如果訓地，我可唔可以企佢身邊但唔出聲，等佢自己起身？定要照反屋企做法一至d?

私人傳訊

積分: 33215

1053^#

發表於 13-6-25 19:03 |只看該作者

Ali_03 發表於 13-6-24 13:21
回覆 SandraLo 的帖子

多謝你的回覆, 結果我今天都沒有陪他返學, 而佢亦沒有問我, 我估佢知道自己未達到我 ...

Ali_03 :
你明就好啦！

私人傳訊

積分: 33215

1054^#

發表於 13-6-25 23:20 |只看該作者

snoopy333 發表於 13-6-24 15:46
Dear Sandra,

多謝你既回覆! 請問有咩方面可改善慢熱晤問題

snoopy333 :
呢個問題都好難答, 因如果係性格, 都唔係咁易改, 好多小朋友返咗學就好唔同, 始終佢地都未夠兩歲, 唔可以要求太高, 只能見步行步, 同佢地去多d 唔同地方, 同埋等, 冇得迫！

私人傳訊

積分: 33215

1055^#

發表於 13-6-25 23:24 |只看該作者

moon_rabbit 發表於 13-6-24 21:50
Sandra 你好，我個囡都係好慢熱，一見陌生人就會痴埋我度，係直頭唔望人，但當人唔望佢，佢就會在旁觀察， ...

moon_rabbit :
有d 怕羞小朋友係咁, 你捉佢要佢講, 你愈係睇住佢, 佢就愈「怕」唔肯講, 唔駛担心, 只要你 demo, 即係你都會同其他人(包括佢) 講 thank you and please, 佢好快就會講！

私人傳訊

Laivy

積分: 2024

1056^#

發表於 13-6-26 10:43 |只看該作者

Hi Sandra

我用左好多時間一路爬緊前面既post。但我都想問下我個case可以點做。Thank you.
我仔仔現在20個月，之前一直都好好湊and佢情緒都叫穩定。但由2/3個月前開始，講野多左，想要既野多左，就成日容易發皮氣同喊喊。我同C6每星期都要大陸出trip，有2晚唔在家，平日工人、62、99湊。基本上62、99奶就佢，工人為左唔比佢喊，我有時cam到見到成日抱住佢，放佢落地就喊。加上早幾日佢病病，全家人好就佢，病好之後，基本上佢要咩都第一時間喊左先。
昨晚，佢應該飲奶就上床瞓覺，但佢果時想繼續玩，於是唔肯飲奶，我C6同佢糾纏左一陣，就話唔飲奶奶直接瞓，當然佢成晚都瞓得唔好，今朝一起身又扭過...
我地真係唔知點做好，你可否比D建議我地

私人傳訊

積分: 33215

1057^#

發表於 13-6-26 22:25 |只看該作者

wupigpig 發表於 13-6-24 23:24
Thx Sandra

想問下平時係屋企如果佢扭計訓地，我會唔出聲行左去，咁佢就會自己起身走黎搵我，咁係街如果訓 ...

wupigpig :
在這情況下, 一致得嚟, 無須照足在屋企做法....................
建議：出街前先提佢佢已大個, 媽咪唔夠力抱佢咁耐, 如果佢唔行就唔好去, 剩番佢同工人(?) 响屋企. 到佢答應, 反口瞓地時, 就叫佢起身, 唔起就 call 工人 (or 屋企人) 嚟, 等佢起身, 帶佢返家, 你就自己去街 ! 你第一次咁做時一定要部署好人响屋企等, 同去嘅地方要吸引佢, 例如公園, 加埋用讚, 實行一兩次應該ok ！

私人傳訊