影視娛樂 今日: 0 | 主題: 16127

積分: 28097

1062^#

發表於 15-11-1 11:50 |只看該作者

doll100 發表於 15-10-31 22:36
Weibo: 过程已让我收获了太多那是多少奖杯都换不来的[作揖]谢谢大家[微笑] //@青雨张静:我总是很幸运的遇 ...

胡歌自己都對獵場好有期待同信心噶。

私人傳訊

oran04

侯爵府

積分: 20485

親子王國15週年勳章

1063^#

發表於 15-11-1 11:54 |只看該作者

引用：Quote:rainbowworld 發表於 15-10-31 09:17

原帖由 rose-mag 於 15-11-01 發表
本帖最後由 rose-mag 於 15-10-31 10:44 編輯

金庸小說都是我第一套睇的小說，後來睇小說發覺好多作者都受到查先生影響，字裏行間都看到其影子

其實網絡小說，是速食，說得上文筆真正好的唔多，唔能夠同大作家比。我覺得網文的長處是佢的想像力同創意，或是青春氣息，是年輕的特點，能創造出全新的世界，絢麗多彩，但卻深度不足，不耐細看，能看完就不錯了，基本不會看第二遍。

你介紹的無心法師我開左了，睇到第二集，見到鬼新娘，我好驚驚唔敢睇了

，之後恐怖嗎？
我仲睇左戰長沙，覺得霍建華做得一般，返而做太爺爺的那位導演，即是做夏江那位

，我開始時都認唔出是同一人

私人傳訊

積分: 28097

1064^#

發表於 15-11-1 11:57 |只看該作者

rose-mag 發表於 15-11-1 00:18
係呀，個件泡泡袖好靚，我鍾意宗主著淺色果幾套衫，毛毛披風就件件都咁好睇，仲有郡主D衫都好靚，佢件毛毛 ...

仲有啊，宗主同郡主一齊出現既時候，經常都是情侶裝顏色噶。

泡泡袖好得意，不過都算一個BUG。泡泡袖明顯是冬天衫（厚度，袖口防風），但拍的是夏天戲。

反而好多冬天戲，我都覺得宗主穿得好單薄，果D衫寬袍大袖，又咁飄逸，應該唔多保暖

我個人最中意佢藍色立領果套。

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

1065^#

發表於 15-11-1 12:05 |只看該作者

miaohappy 發表於 15-10-31 18:44
就算是演員自己配音但效果都麻麻地感情好生硬有時仲唔啱口刑，唔知以後有無機會睇現場收音語氣自然一些

...

你覺得邊個唔夾呀？總觀其實呢套已經算唔錯，步步驚心入面四爺把聲係沈磊，感覺太老，話吳奇隆係台灣口音，而且佢本身把聲較弱，根本好難自己原聲配。花千骨入面霍建華都係由配音員沈磊配，有人批評係劇組省錢省時做法，因為現場太嘈，要現場原音較難，仲有外景的話，要搞多樣收音的確會大大增加成本，睇資料應該冇幾多套做到現場收音。

花旗太太生活在花旗國，留意時差，你問我未必即時答到。

私人傳訊

積分: 28097

1066^#

發表於 15-11-1 12:14 |只看該作者

rose-mag 發表於 15-11-1 01:23
其實去到出示玉蟬，郡主都有八九成會想到宗主就係林殊，加上咁耐相處嘅感覺，但對完字迹佢又有D猶豫啦。至 ...

其實對字跡果度，真是睇唔出咩，因為2種字體完全唔同，一種楷書，一種隸書，就算叫當年既林殊寫，都唔可以比較啦。

睇屋可以繼續保留原有順序，好似你上面設計既對話甘樣，引起郡主進一步懷疑先。不過林宅可以拆開放喺另一場，例如郡主穩其他理由又引宗主出黎，引佢路過林宅。本身宗主就唔想認郡主，第七集郡主就去到咁盡，搞到後面賞花我覺得2個人都好唔正常……

另外，我覺得佢突兀仲有一個原因，第七集林宅試探之後，第8、9、10集郡主都無出場。如果我地唔喺開左上帝視覺，會唔會覺得郡主已經放棄，已經死心？其實呢幾集可以交代下佢已經查出衛崢身份之類。好啦，我承認，我想幫郡主加戲，哈哈

私人傳訊

積分: 28097

1067^#

發表於 15-11-1 12:27 |只看該作者

rose-mag 發表於 15-10-31 13:01
第3集看點
（7）宴席比試
譽王提議宴飲上各個入圍者再次比試切磋，正中梁帝心中所想。

就算喺配角，呢套戲對佢地既刻畫都好細緻，可以講，唔浪費任何一個鏡頭，當然演員都相當交到功課

例如呢段宗主入場戲，2個鏡頭帶一帶過譽王同太子，2個角色既性格就出曬黎，太子既傲慢，譽王既虛偽。仲有之前第二集，太奶奶召見佢地幾個後生，豫津臨入暖閣，都打賞一下個太監，呢個細節就表現到佢既圓滑世故。

開頭睇宗主阻止太子同譽王爭，以為喺唔想佢地2兄弟喺外國使臣面前爭到出面，失禮人。後來發覺，只有景睿都傷唔到百里奇，先可以引出三稚子。

私人傳訊

積分: 28097

1068^#

發表於 15-11-1 12:31 |只看該作者

本帖最後由 hugoma2015 於 15-11-1 12:33 編輯

多利是發表於 15-10-31 23:04
大家覺得嗎？？

呢套戲借古喻今就真係有。不過我就真無聯想到64，可能已經太久遠了……

而家大陸官方媒體都好認同呢套戲既價值觀噶。

私人傳訊

積分: 174325

1069^#

發表於 15-11-1 12:39 |只看該作者

oran04 發表於 15-10-31 19:54
金庸小說都是我第一套睇的小說，後來睇小說發覺好多作者都受到查先生影響，字裏行間都看到其影子
其 ...

我中學係睇三毛、琦君、林海音，之後就鍾曉陽，去到大學至睇金庸，主要以前冇錢買書，全部學校圖書館借，父母又覺得武俠小說同漫畫都非正統書，不過好彩係咁，否則可能太沉迷，影響讀正書添。我有睇倪匡架，但佢D故事千篇一律，加上文筆真係唔及金庸，我鍾意詩詞歌賦帶點古風嘅，翻譯小說都睇一大堆，後來就狂睇李碧華，未移民前所有睇得搵到散文至小說都睇晒，張小嫻睇過最初果D，但後來佢無以為繼，愛情小說我要求高，李碧華嘅生死橋算係我較為鍾意嘅，其他如亦舒、沈海倫、瓊瑤我一概唔迷，每個睇咗一本起兩本止，反而三毛系列睇到荷西死我喊晒。

我同意網絡小說的確係想像力最可取，深度好老實，暫時真係少之又少，琅琊榜而家睇完諗下，氣度有但技巧不足，桐華就有D為虐而虐。

岳綺羅的確係幾得人驚，佢係童顏娃娃臉，但個心真係好壞，要唔要劇透？有個秘密劇入面冇講架，但講出嚟真係有D得人驚又有D嘔心添。呢套嘅特技做得超好，比花千骨好幾十倍，網上D人話花千骨係5毛特技，無心法師有50蚊，但無心係網劇嚟，冇衛視播，所以noise唔夠多，但韓東君紅咗，拍緊仙劍5啦，金晨同佢原來係情侶，所以無心同月牙做得咁自然咁sweet。後面幾好睇架，慢慢無心同月牙由估估下到相愛，中間旁枝故事都好好睇，其中男版白蛇傳睇到好感動。後面顧大帥好萌好可愛，不過結尾係傷感嘅。

王永泉當然正，琅琊榜入面佢係執行導演，好多配角主角嘅戲都係佢教點演，連皇帝甄平黎綱都聽佢教點做，佢自己本身根本就係好好戲。

花旗太太生活在花旗國，留意時差，你問我未必即時答到。

私人傳訊

積分: 174325

1070^#

發表於 15-11-1 14:33 |只看該作者

hugoma2015 發表於 15-10-31 20:14
其實對字跡果度，真是睇唔出咩，因為2種字體完全唔同，一種楷書，一種隸書，就算叫當年既林殊寫，都唔可以 ...

宗主唔想認郡主，一來怕自己有牽掛，二來郡主對佢一定會好緊張，所以後面私炮坊果次，郡主就忍唔住省咗靖王一餐，搞到後來宗主要同郡主蒙統領訓話，叫佢地要放低佢係林殊呢一點，否則靖王會起疑，亦都舖路宗主要郡主離開，否則佢會分心。

睇屋果段其實又真係好難拆開，要宗主去林府有難度，唯有真係穆青果次連夾帶拐至夾到佢去睇屋，最好都係之前俾多D戲郡主，或者有戲交代郡主查宗主身份，去到睇屋果段後，如果賞梅果陣交代下，宗主推咗郡主嘅約，去到推無可推，加上宗主要拜託穆青去請周老先生，咁我可以接受到宗主見到郡主咁生疏，因為驚再打草驚蛇，但又情不自禁幫郡主撥走花瓣，搞到自己同郡主又覺得曖昧兼尷尬，不竟呢段太短，感覺就真係淡咗一D，不過呢一幕其實幾好睇。

花旗太太生活在花旗國，留意時差，你問我未必即時答到。

私人傳訊

積分: 174325

1071^#

發表於 15-11-1 14:45 |只看該作者

hugoma2015 發表於 15-10-31 20:27
就算喺配角，呢套戲對佢地既刻畫都好細緻，可以講，唔浪費任何一個鏡頭，當然演員都相當交到功課

例如呢段 ...

其實宗主提示太子的確係唔想佢喺外使面前出洋相，你知太子做得出，有幾樣衰都唔覺，我係覺得宗主知道呢次比試根本係皇帝想要嘅，譽王睇得出，太子就死都打對台，明明之前皇帝都同佢地加埋蒙統領都討論過，太子都收唔到料，俾譽王領咗功先，如果再打埋對台，搞到件事做唔成至出事。

宗主一早知景睿唔係百里奇對手，不過又未必會傷到景睿（應該話宗主實一早通水叫百里奇留手就真），何不輕輕鬆鬆做台戲出嚟，咁要逼真就要連霓凰都呃埋。原定計劃係百里奇會輸俾郡主，咁郡主就嫁唔成，但臨時要加入救庭生，於是就唯有出此下策，其實明眼人應該睇到三個細路係點都冇可能打蠃，蒙統領係自己友唔會出聲，景睿、豫津根本係幫郡主就更加唔會多事，穆青就唔駛講啦，唔會倒自己姐姐米，譽王唔出聲，因為自己國家有著數，而且自己父皇都想賽果係咁，自己出聲即係捉蟲，太子呢，未必精明到睇得出，其他人恨不得見到百里奇輸，自己多D勝算。所以話，宗主其實係讀心理學嘅，捉人心理最叻，加埋讀下政治讀下經濟，佢有條件做皇帝添。

點評