ALL TWINS MAMA:
多謝大家關心同支持,細孖好返好多喇,入院第二日已經退晒燒,其實我好唔開心同內疚,細孖第一日(星期四晚)發燒時已同我講話肚仔痛,隔左半個鐘倒佢嘔,我以為因為個胃唔舒服所以話肚痛,之後凡即刻同佢睇夜診,醫生話佢感冒菌入腸同喉嚨發炎,開左d退燒止痾嘔藥比佢食,到星期六依然無退過燒持續39度以上,我帶返細孖去平時睇開個醫生樹睇,點知醫生話佢係過濾性病毒,開左d化肚氣同退燒藥佢食,到星期一依然係燒得好勁,最高40.3度,食左退燒藥都唔退,我再次帶佢落去見醫生,醫生比左特效退燒藥同將火酒開水比細孖印身,隔左4個字左右退左燒,醫生見佢個人無乜點就話過濾性病毒係會燒幾日,如果佢燒足兩星期你先驚,之後開左d感冒藥比細孖,我心諗都燒左成五日都無進展,加上返到屋企食左藥後細孖成日訓好無精神,我就打電話問醫生d藥係咪會好眼訓,佢話係,到左星期二,我見細孖好唔對路依然燒得好勁,於是我泱決定入院,去到醫院見細孖咁高燒同燒左咁多日等都唔使等即刻入去睇,照完x-ray後即知佢原來係肺炎,我好傷心,想喊又唔敢,驚細孖見倒我喊又會唔開心同驚,上到病房即刻同細孖抽血,隔左20分鐘報告出左,話細孖白血球過多,要吉黃豆將d抗生素打入身體,咁樣做會快d好,果一刻我好想好想喊,最後我都係忍唔住响廁所喊左出黎,見倒細孖咁辛苦我好內疚,點解唔一早帶佢入院,要佢痛多幾日,到左第二日朝早醫生巡房,話細孖原來仲有肺積水,要佢做肺勞測試同照多次x-ray,嘩!當時我真係陷入低潮,好唔開心,好彩報告返黎話唔算好多,星期四醫生話細孖開始好轉,肺積水已經好返,燒已經退晒,我個心先好返d,之前連食同訓都唔想,星期四胃口大增,不停食,星期五細孖出院喇,醫生話細孖可以唔使打針轉口服藥返屋企食,兩星期後返去覆診,而家細孖精神好好,擒晚一返到屋企就同家姐打交,家姐見倒我地開心到不得了,即刻攬住妹妹,又話好掛住我地,不過呢幾日家姐性情大變,daddy搞佢唔掂,成日無理取鬧發晒脾四,梗係啦突然唔見左我同妹妹一定好唔開心,而家家姐好返好多lu,不過擒晚訓覺成晚發惡夢叫唔好呀唔好呀,聽到我心都痛埋,希望今晚會好d啦.
發表於 
返回列表
