嬰兒醫護 今日: 0 | 主題: 79153

積分: 24086

1063^#

發表於 14-11-10 22:27 |只看該作者

回覆 Bikkle 的帖子

時間表沒有問題, 反而是這兩星期天氣轉涼, 要注意有沒有給過多衣服; 我孩子大冷天出生, 兩個月大時在家中只穿內衣和綿外衣, 加外袍便會哭; BB的體溫較高, 不要以你自己, 剛生完孩子, 但未完全復原的身體來估計孩子冷不冷, 通常問老公會準一點, 老人家的也不準, 因為長者新陳代謝慢, 會較易覺得冷

如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉

私人傳訊

積分: 24086

1064^#

發表於 14-11-10 22:29 |只看該作者

回覆 pandafamily2008 的帖子

那就太好了
她不願意睡在床的原因是甚麼呢?

私人傳訊

Bikkle

洋房

積分: 59

1065^#

發表於 14-11-15 10:57 |只看該作者

回覆 pyjess 的帖子

Hi pyjessPm 了你。謝

私人傳訊

yukyee0620

複式洋房

積分: 493

1066^#

發表於 14-11-17 11:05 |只看該作者

hi pyjessPm, 多謝你咁詳細既分享呀﹗

我bb而家19個月，由佢出細到而家都係自己訓bb床的，工人會係bb訓咗之後先入去打地舖，但最近突變，要我陪，一關門就發顛喊。唔理佢佢會喊1個鐘以上，而且晨早就醒﹗計埋日頭nap time一日只訓到11個鐘到，我怕唔夠訓會影響佢生長。

我唔知關唔關事：
1. 上個月我同老公去旅行4日﹐婆婆過黎訓，bb有喊要爸爸媽鎷，婆婆入房抱
2. 去完旅行返黎bb病咗幾日，為咗佢多d休息有拍佢訓，不過都算好快訓
3. 有朋友話只係因為bb大個咗，識得要媽媽陪

另外，唔知係咪因為訓得唔好，近排佢脾氣好大﹐少少野唔滿意就扔野打人。我一方面想train返佢自己訓，但另一方面又擔心佢情緒心理。

我而家只會半掩房門，放bb床之後坐側邊唱歌傾計say goodnight，但我一走佢就爬起身大叫，我會入去叫佢訓返就走，但晚晚都攪1.5個鐘以上先得... 想請教下你既意見呀﹗

私人傳訊

積分: 24086

1067^#

發表於 14-11-17 22:34 |只看該作者

回覆 yukyee0620 的帖子

你說的原因, 都有一點, 但最大原因是, BB19個月, 大約這段時間, 開始發展長期記憶, 就似9個月至1歲左右, 那段時間一樣, 他一步也不想離開你

多跟他玩pekapoo (Peekaboo (also spelled peek-a-boo) is a game played primarily with babies. In the game, one player hides his or her face, pops back into the view of the other, and says Peekaboo!, sometimes followed by I see you! )

讓他明白, 看不見, 不等於不在; 平時也在離開他視線時, 保持跟他說話, 也是讓他知道看不見, 但媽媽仍在

按我自己的經過, 這一次會比1歲那一次的易過

私人傳訊

yukyee0620

複式洋房

積分: 493

1068^#

發表於 14-11-18 08:59 |只看該作者

回覆：pyjess 的帖子

多謝你回覆呀！有冇多d關於長期記憶發展既資料呀？大約維持幾耐呢？應該點樣幫佢過渡？

尋晚我又試下由佢喊，結果喊咗個半鐘，仲係咁尖叫同企起身搖張bb床，結果心軟抱咗去大人床一齊訓

其實我考慮緊換兒童床，一來佢開始高驚佢跌出黎，另外如果真係要陪訓既話，兒童床會比bb床方便... 但18個月訓兒童床合適嗎？ thanks thanks!

私人傳訊

積分: 24086

1069^#

發表於 14-11-18 13:09 |只看該作者

回覆 yukyee0620 的帖子

資料和幫他的方法如前述的

其實一個月內應該佢回復正常, 當然要看你花多少時間教他"看不見不等於不在"的道理

我是不建議陪睡的, 對大人和小朋友也不好

私人傳訊

積分: 2092

1070^#

發表於 14-11-19 16:35 |只看該作者

回覆：[分享] 自行入睡方法, 不 ...

你好pyjess，我宜家訓練緊bb自己訓。講下啲背景先: 呀b宜家5個月，本身我係半在職媽媽，剛剛係上星期成為全職媽咪。由於初初打算係由在職轉做半在職，所以bb出世後就俾工人凑，我只係主力餵人奶。咁問題就黎喇，工人次次都抱住訓，而我呢，係呢五個月之間，也成功地訓練左個囡係食住訓，換言，囡囡由出世至今，她的世界係睡前得兩個模式，一係有人打直咁抱住她搖來搖去咁訓，二係有係乳頭俾她食住咁訓。我承認，最麻煩的兩款睡覺模式都俾我們訓練出來了。然後，係bb兩個月時，我就講左不可抱訓，三個月時學下俾她自己訓，試過一兩次，當然不成功，最後我決定自己做全職媽媽，專心在家照顧她。上星期五開始，使用你的教法去做，以下係我的訓練情況:bb每日飲奶大約五次，每約四小時一次，重量係過去一個月來說我個人認為不太理想，重了0.4kg，但濕片是足夠的。但由於我這次訓練不單是要自己訓，更是要不啜住訓，所以我給奶就主要係她清醒的時候，食的時間明顯少了，由啜著訓的二十分鐘，以往只吃一邊，到現在第一邊大約係五至八分鐘，第二邊就三分鐘。濕片我覺得少左，但都夠六條。好喇，講返訓練內容，晚上大約十一點到俾最後一餐奶她，盡量唔俾食住訓，訓著的話就不停搓面珠仔整醒她，食完奶會堅持抱她或掃風十至十五分鐘。然後就會擺到床仔，同她講兔兔陪睡，起初兩晚都係關燈的，然後出房。她爆哭，等兩分鐘，慢慢入去，抱起她只說，媽媽係到，兩分鐘後擺低，即哭，我離房，四分鐘，六分鐘，八分鐘，如此類推。第一日，哭了大約個半鐘。第二日一個鐘，第三日她太累，係我身上睡了，完全整不醒，第四日哭了大半個鐘，第五日都係大半小時。此為晚上情況，日間午睡我都照訓練，一樣都係哭。
我宜家面對的情況，感覺她食少左，因為我個胸好像少左奶，她濕片雖然都夠，但少左。食的時間好像短了。一次比一次更快哭，基本上一見到兔兔就哭，感覺上係哭到睡。由於哭得好耐，大便比以往多了，以往一日三次，宜家大約五到六次，因為好多屁要放。我自己的情緒越來越差，不停懷疑自己，懷疑自己有無做錯，懷疑bb哭係有其他的需要，懷疑她根本不是眼訓，只係哭到睡著。
我想知我有無做錯咩step，謝謝。

私人傳訊

積分: 2092

1071^#

發表於 14-11-19 17:01 |只看該作者

回覆：[分享] 自行入睡方法, 不 ...

忘記寫milk time
訓練之前的一個月
7:30am
11:30am
3:30pm
7:30pm
11:30pm
久不久可能會有一小時走𦾟位每次只食一邊食十五到三十分鐘，但宜家就轉左每次食兩邊但食的時間短了。
我希望可以訓練到bb自行入睡。但我唔知道應該係我set時間俾她訓還是當她眼訓先擺係床仔自己訓？
以剛剛為例，我餵時她明明訓著了，咁我掃風，抱十分鐘，依照係訓，然後我就擺床仔，同她講兔兔陪訓，然後就當然醒了，我就行開，前前後後哭了大半個鐘，感覺她今次哭醒，最後一次入房竟然見到她的頭轉左去床尾了，算，當她醒了，就俾她起床同她玩下，下一餐係七點到，到時不知情況如何。

私人傳訊

積分: 2092

1072^#

發表於 14-11-19 19:29 |只看該作者

回覆：[分享] 自行入睡方法, 不 ...

我想問多一樣，有關5個月大的bb，如果把作息調較至7am, 11am, 3pm, 7pm和11pm係milk time，睡眠就11:30pm-7am，但nap我不知如何調較，仲有過多二十日到就要俾她食副食品，到時我更加唔知點好

私人傳訊

積分: 24086

1073^#

發表於 14-11-19 22:38 |只看該作者

回覆 alisavolvo 的帖子

首先, 其實BB何時開始訓練, 並不是問題, 有些媽媽讓孩子由第一日開始便固定作息, 有些幾歲才訓練他們自己睡,一樣可以成功令孩子自行入睡的

你剛轉做全職媽媽, 也就是說, 真正的訓練才開始, 因為你管不到工人在你不在家時, 是否接這套方法進行一切照顧BB的事

其實BB吃的情況很不理想, 雖然片濕足夠, 但吃的時間那麼短; 再者, 5個月大的BB, 其實已不用很大力才吃到奶,所以不應該邊啜邊睡; 也就是說, 要讓他啜足30分鐘, 而且是醒著啜, 避免他以為吃奶=睡, 沒有奶就不睡

我覺得你要先處理好吃的問題, 因為吃得少, 所以你不會知道他為何睡不好

另外, 半夜醒也不應抱起, 因為那是很大的刺激,最多拍拍他, 不要望他的眼睛, 少說話, 不開燈, 但要注意他有沒有吐奶,以免造成危險

午睡時間, 仍然可以一天3次, 每次兩小時, 食完, 玩30分鐘便要睡, 晚上睡前有4小時清醒

從你寫的東西, 感到你的心很不平靜, 記住, 冷靜才可以令孩子性情平穩, 也會較少哭, 訓練才容易成功

加油!

私人傳訊

積分: 2092

1074^#

發表於 14-11-19 22:51 |只看該作者

回覆：[分享] 自行入睡方法, 不打不罵教孩子及夫婦關係與孩子

我估我心不平靜其實係因為我同左奶奶講叫她暫時不要來我家，因為有奶奶係到就會抱住訓，所以我總係有個感覺係要盡快成功。
其實bb五個月了，她基本上只要晚上入睡了，就可以睡到六至七小時，可能晚上她就算醒來都有自己的辦法安撫自己入睡，反而係每晚睡覺之前好辛苦，nap time老實說，這幾個月來，bb其實每日睡的時間只有大約12小時，有時更只有10小時，可想而知，她心情是多麼的差。我自己也一樣。我會學習把她的飲食時間表調整好，起碼不可食住訓。但正如有時她不是食住訓的時候也就是她只吃那幾分鐘的時候了。我要想一想該如何是好。其實，頭三個月，她每個月重1kg，到了第四個月只重了0.5kg，第五個月就0.4kg，我也不知原因，但我相信同她睡得少有很大的關聯。

私人傳訊