worthy 發表於 16-11-1 16:55 
回覆 nsychristy 的帖子
呢點請恕我愚昧, 如果快樂可以自給自足, 咁點解又要結婚? ...
結婚嘅原因有千百種，因為老公俾到開心自己而嫁佢，sorry，係屬於好低層次嘅婚姻，亦都係好自私又好無知嘅想法，你選擇人，人都選擇你，當初阿伯叫你辛苦就辭工，佢養你，點解？貪你咩好？單純你皮膚靚？咪就係因為愛你，想你開心，想照顧你，佢呢幾十年當然亦開心過，但應該係因為佢想令你開心至同你結婚，而家你居然話「如果快樂可以自給自足, 咁點解又要結婚?」點解快樂要自給自足？因為每個人都係一個個體，你快樂感染到身邊人快樂，呢種又何嘗唔係愛對方嘅表現？本人老爸老媽已經年過八十，快要慶祝金婚，佢地吵吵鬧鬧又一日，爸爸為人內歛唔出聲，媽媽性格急躁堅韌，一快一慢一急一緩，互補不足，爸爸身體唔好，媽媽多年來都照顧佢不離不棄，有時媽媽會發脾氣話爸爸唔好好照顧自己，的確爸爸近年脾性有點反老還童，好似小朋友扭計咁，媽媽話佢如果真係愛佢就應該好好聽話照顧好自己，等佢唔駛咁辛苦，老爸以前曾經話過，有來世的話，佢都要搵番媽媽做老婆，媽媽就話要掉轉身份做男人，爸爸做佢老婆照顧返佢。我唔知你見到我父母嘅故事有冇得著，我本人就有，我老公遷就我，但我都唔會有持無恐，婚姻就如打網球，有時發短球，有時放慢拉後場，只要有來有往，唔好一下抽死就一直可以打落去，否則好快完場。
我都係大家姐，明白家人會對長子長女期望大D，而且有種無形壓力要做好榜樣，不過我好彩，家人冇重男輕女，兄弟姊妹間都好融洽。年輕時我都好耍強好執著，職場上我勇往直前，有一段時間扶搖直上，真係有點氣燄，但隨住年歲增長，人係要學習體諒同感恩，而家你所欠缺嘅就係感恩，你心態係覺得你做到嘅，人地都要做到，你做咗咁多，人地都要做番咁多，對唔住，唔好話感情事上唔可能平等，普通職場上社交上都冇平等呢回事。你接受唔到你付出得多過對方，即係話你唔夠愛對方，愛一個人即使對方唔係好老公，甚至唔係好人，你都會義無反顧咁投入所有，即使知道最後你會一無所有，你都會咁做。
花旗太太生活在花旗國，留意時差，你問我未必即時答到。
發表於 
返回列表
