轉貼
大埔新街市的伍仔記隔離陳記態度差差差~(20/10/08)
尋晚星期日爸爸生日慶祝飯, 帶左佢去我之前試過的大埔街市2樓熟食中心的伍仔記.
一上到去, 人頭湧湧, 差不多張張台都有人等緊位(因為佢地不設輪籌, 要食要自己等位).
咁好正常揀張就黎食完ge台等位, 剛好面前一張五人台得兩夫婦食緊, 仲要差不多食完加上佢地話唔介意我地坐低等 咁我即刻同媽咪坐低sin, 邊等老豆同男友泊完車上來la.
隔一陣, 我地望到原來我地坐緊呢張台的餐牌不是伍仔記, 是隔離陳記的(有去過熟食中心的朋友會知la, 通常d台好難分邊個打邊個架ma), 於是我地問伍仔記可唔可以照order佢d小菜, 伍仔記話都ok ge. 加上前幾日我來過(不過係閒日)我地都係坐第二間的台, order了伍仔記同後面泰國菜crossover. 咁我自不然覺得係可以照order伍仔記d小菜la.....加上媽咪都話不如照order陳記一兩個菜, 再加伍仔記一兩個菜, 因為話星期日唔好意思坐人張台但一樣野都唔叫.......我都覺得有道理兼合理.
點知正當我們有了決定之時, 有個女店員(廿來三十歲的)走過來執台, 用極度惡惡惡劣之語氣問: 係咪叫野, 係咪食飯?(真的是十級惡劣).
咁我媽咪仲好好聲氣咁問:唔好意思我地可唔可以呢度叫d, 隔離叫d?
點知我媽咪未講完, 果位女店員已經用一d早知的口吻大喝: 唔得!!!!!!(本人真的冇誇張, 真的是大喝出來), 你去隔離食伍仔記啦!!!!她是正眼都冇望過來, 我來不及俾反應佢已經轉頭走.....我果陣真的是...未試過咁嬲, 好想同佢嘈過唔好以為兩母女好好恰, 但我唔想爸爸生日會不高興, 於是趁爸爸未上來就即刻起身過番隔離等位..最後等左約十五鐘便有位可以坐低.
基本上我平心靜氣諗番..
1. 事實上, 果間陳記我係未試過, 唔知d野好唔好食, 但以星期日晚的食客人數來比較起伍仔記, 真的高下立見.
2. 咁我覺得, 開得門做生意, 生意不及人多, 請好好檢討一下食物質素或待客態度.
3. 如果是妒忌人地多客生意做唔切, 亦是希望參閱上述第二點.
4. 做邊門生意都一樣, 要識轉彎, 人地難得坐得落你張台度, 雖然人地話想order其他鋪頭ge小菜姐, 你都可以sell下話不如試下我地果d吖, 都唔差架...etc.因為問心, 其實我初時都有d想轉軑試下呢間陳記. 可能佢sell下我我會試下都唔定, 咁咪做成單生意lor.
5. 如果台客真係堅持想只係幫襯一半, 我做老闆都會歡迎, 唔排除今次試左覺得唔差, 下次再幫襯.
所以我由當初好憤怒..食到一半已經覺得佢好可憐, 一間食肆請左咁唔幫得手ge員工, 真係當初好彩冇同佢嘈, 如果唔係真係教精佢...當然最後, 我地頭先坐錯位果張台依然係無人坐.
講到呢度, 我就真係會bad list呢間陳記, 但anyway真要多謝佢令我又學到人生一課.
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
