影視娛樂

跳至

首頁

尾頁
   144


男爵府

積分: 8705


1121#
發表於 13-11-20 09:43 |只看該作者
回覆 22May 的帖子

老樹= 除子山 ??


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1122#
發表於 13-11-21 09:22 |只看該作者
關仁隱事:「奀奀」草根扮中產

新鮮出爐嘅姐姐仔「海海」雖然話自己係中產,但後來俾人起底,原來有個身家億億聲嘅有米老竇,但海海有錢得嚟好低調,仲試過搭港鐵俾人發現拉住合照㖭。
有啲有錢人謙虛唔認,但同係姐姐仔出身嘅「奀奀」就啱啱相反,幾年前選姐姐仔時博到盡,好多幕後都好鬼憎佢,最睇唔過眼就係扮中產,有次奀奀同姊妹「明明」做完嘢,大大聲話我哋一齊返南區囉!哈,其實佢只係住嗰區嘅紀律部隊宿舍,同明明住嘅獨立屋差天共地啦!

「海海」= 陳凱琳
「奀奀」= 陳停奀
「明明」= 莊c明



很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1123#
發表於 13-11-22 09:44 |只看該作者
關仁隱事:「思思」錫身壓力大

「思思」年輕貌美,身材又唔錯,可惜入行咁耐成日都俾師姐「波兒」騎住。早前波兒突然冇影,思思諗住有機會發圍,經理人畀咗唔少機會佢,但同時畀咗佢好大壓力。關仁聽講思思有次同朋友落酒吧飲悶酒,兩杯落肚即吐真言,不斷同人呻好辛苦,話經理人雖然幫咗佢好多,但就好鍾意搵佢同波兒比較,仲話波兒肯陪老細有人關照,梗係多戲拍兼身光頸靚,無奈思思太有原則,唔肯出賣肉體,所以撈極撈唔起。

「思思」= ??
「波兒」= ??

點評

girlbear  「思思」= Celia Kwok  發表於 13-11-22 13:33
simple430  「波兒」= dada ???  發表於 13-11-22 10:44
很想知道,追夢的人是如何踏出第一步?


大宅

積分: 1759


1124#
發表於 13-11-22 14:47 |只看該作者

引用:關仁隱事:「思思」錫身壓力大「思思」年輕

原帖由 22May 於 13-11-22 發表
關仁隱事:「思思」錫身壓力大

「思思」年輕貌美,身材又唔錯,可惜入行咁耐成日都俾師姐「波兒」騎住。早 ...
波兒係周x娜?



子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1125#
發表於 13-11-25 09:16 |只看該作者
關仁隱事:「隧道」自私犯眾憎

嗰部好多女仔合作嘅電影,早排爆咗好多是非,難怪啲人成日話多女就零舍多是非,其中出嚟數人不是嘅「隧道」因為冷手執咗個熱煎堆做咗女主角,但鏡頭背後就驕傲又得戚。
有一日拍攝時,班演員遇到落大雨拍街景,隧道咁啱有助手跟場,本來佢哋有把大雨遮可以同其他女仔share,不過隧道為咗顯示自己排場,高人一等,佢竟然同擔遮助手行開企另一邊,睇住其他姊妹變落湯雞,狼狽到死都唔幫吓人。關仁就覺得隧道有遮用唔代表升呢係「姐仔」。

「隧道」= 乳橋

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1126#
發表於 13-11-25 09:17 |只看該作者
關仁隱事:「矮姐」夫妻煙韌難頂

「矮姐」成日同老公孖住出動,唔知佢哋係咪因為閃電結婚,愛得特別癡纏。佢哋加埋都幾十歲,有時似乎甜蜜得過火,始終矮姐係公眾人物,有時都要避忌吓,同班傳媒朋友食飯,佢哋都唔放過煙韌機會,糖黐豆得有啲難頂,起初見一兩次sweet吓都OK,但睇多幾次仲要喺關仁個朋友面前表演,真係有啲over咗,親密舉動應該留番喺屋企二人世界先做好啲。

「矮姐」= 涼泳奇

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1127#
發表於 13-11-25 09:19 |只看該作者
關仁隱事:「高人」唔掂頻頻被炒

「高人」年前同有米阿媽反面,逼於無奈帶埋囡囡喺內地返香港搵食,佢喺公仔箱拍劇,點知一啲進步都冇,約滿就冇得撈。離開公仔箱後,高人有「大師」關照,試做電台主持,又係唔掂,仲搞到有糾紛咁走,之後去咗唔係好多人聽嘅電台做咗一年都冇,又冇得撈,死因一樣,難得有人畀機會,間間公司都搞到不歡而散,以後都未必有人敢用佢。

「高人」= 唔依你
「大師」= 塵至暈
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1128#
發表於 13-11-25 09:20 |只看該作者
關仁隱事:「潛水」好勝博上位

有時人真係唔可以貌相㗎,好似選美出身嘅「潛水」,卸任之後不時賣身材同賣性感,成功令人氣急升唔少,仲封埋BB稱號。不過BB背後關仁聽聞潛水其實係一個相當好勝好想出位嘅人,事緣之前佢去咗外地拍旅遊特輯,當中有個危險遊戲其他人都唔敢玩,但係潛水就偏偏死都唔聽人勸係都要玩,為乜?為咗認叻同上鏡囉,希望潛水嘅好勝唔好變本加厲,否則只會越嚟越乞人憎。

「潛水」= 黃心泳
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1129#
發表於 13-11-26 09:26 |只看該作者
關仁隱事:「大眼妹」願分享男友

「大眼妹」本來釣到金龜「闊少」,點知呢段戀情開始咗冇幾耐就見光死,原因係金龜認定係大眼妹放料。
關仁聽聞金龜初時的確係好㷫,講到明同大眼妹一刀兩斷,但最後俾大眼妹成功箍煲,佢兩個仲happy到一齊出埠旅行。至於點解闊少會俾大眼妹冧番掂,原來大眼妹講到明唔介意闊少同時間跟第二個女仔拍拖,唔介意同人分享男友,由於闊少身邊一向多女埋身,平時啲女仔鍾意玩呷醋,𠵱家大眼妹呢招扮大方,闊少相當受落,咪即刻同佢復合囉!

「大眼妹」= 許翼女尼
「闊少」= 盧啟幫

很想知道,追夢的人是如何踏出第一步?


子爵府

積分: 12495

2018復活節勳章


1130#
發表於 13-11-26 11:55 |只看該作者

引用:關仁隱事:「思思」錫身壓力大「思思」年輕

原帖由 22May 於 13-11-22 發表
關仁隱事:「思思」錫身壓力大

「思思」年輕貌美,身材又唔錯,可惜入行咁耐成日都俾師姐「波兒」騎住。早 ...
波兒: DaDa?




子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1131#
發表於 13-11-27 09:37 |只看該作者
關仁隱事:「大頭佛」嬲爆「彈彈波」

好耐冇劇上嘅「大頭佛」好明顯係衝住兩個目標入行,一係搵錢,二係媾女。佢一拍劇就追到出道冇耐嘅「官人我要」,成為上位小生後,隨住知名度增加,所食嘅都越來越高級。雖然大頭佛個人濫,不過佢有個好處就係有過一手嘅佢會認,好似「淫邪」、「露髀」同佢行埋過,所以就算朋友同記者點唱佢,佢都冇聲出。不過一講到「彈彈波」同之前俾人喺內地影到偷食相嘅「法國妹」佢就好㷫,因為呢兩個都係借佢名上位,根本就冇一手。

「大頭佛」= 唔唱K
「官人我要」= 官音娜
「淫邪」= 蛇C慢
「露髀」= TOBY
「彈彈波」= 張馨予
「法國妹」= 傅+利


很想知道,追夢的人是如何踏出第一步?


複式洋房

積分: 277


1132#
發表於 13-11-27 20:42 |只看該作者

引用:關仁隱事:「大頭佛」嬲爆「彈彈波」好耐冇

原帖由 22May 於 13-11-27 發表
關仁隱事:「大頭佛」嬲爆「彈彈波」

好耐冇劇上嘅「大頭佛」好明顯係衝住兩個目標入行,一係搵錢,二係媾 ...
法國妹唔係馬賽咩?

點評

22May  http://www.ihktv.com/ron-ng-bo-dark-propaganda-ridicule-the-woman-homemade-sex-scandal.html  發表於 13-11-28 09:23


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1133#
發表於 13-11-28 09:20 |只看該作者
關仁隱事:「太子」孤寒少萬歲

「太子」演而優則歌,有唔少粉絲好冧佢,而佢近排仲事業愛情兩得意,拍拖拍到有幾多工作、賺多賺少都唔理,冇辦法啦,佢自己搵到錢之餘,仲有個有錢老竇嘛!
雖然太子有錢又搵得多,但唔代表佢闊佬噃,話說喺大婆台嘅一線小生當中,太子係最少萬歲嘅一個,反而其他發展得冇佢咁好,同埋賺得少過佢嘅人,都鬆手過佢囉!

「太子」= 淋瘋

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1134#
發表於 13-11-29 09:31 |只看該作者
關仁隱事:「至仔」𢱑贊助縮皮

大婆台啲節目製作真係大不如前,好似「至仔」擔大旗嘅遊戲節目,咁多年嚟來來去去差唔多,最慘係連啲嘉賓都一樣,有啲仲由少女變師奶、潮男變叔叔㖭,難怪會悶親班街坊。聽講至仔喺最最最最後一集真係想加多少少新元素,除咗出外地拍之外,仲搵班外援「BB」、「賤人」參加,製作單位原本想拉隊去澳洲,班妹妹仔聽到梗係開心到飛起,可惜最終都係因為贊助問題,成班人最後只能去惠州玩兩日,你話唔失望就假啦!

「至仔」= 憎至矮
「BB」= 雨橋
「賤人」= 賤娜
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1135#
發表於 13-12-2 09:19 |只看該作者
關仁隱事:「BB」寸爆 唔肯幫人

做咗幾十年細路節目嘅「BB」,形象深入人心,一直俾人覺得佢好親切、好易相處同好錫小朋友,但現實生活中完全相反,原來佢真人係又cool又寸又唔肯幫人。
話說關仁個朋友去洗手間,見到個靚女搵嚟搵去都搵唔到洗手盆個水掣,當時個靚女用求助嘅眼神望住身邊洗完手照緊鏡嘅BB,點知BB寸到爆,眼尾都唔望吓人之餘,仲即刻擰轉身走人,關仁個朋友睇唔過眼,咪大大聲教個靚女點開水掣囉!咁小事都唔肯幫人,邊有資格做細路節目教小朋友呀!

「BB」= 譚玉嬰

點評

lamimama  Bb好耐之前已經講過佢唔鍾意小朋友  發表於 13-12-2 18:02
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1136#
發表於 13-12-2 09:21 |只看該作者
關仁隱事:「馬尾妹」同愛人Sweet

𠵱家好多同志藝人挺身爭取權益,但社會始終未係咁接受,「馬尾妹」原本前途一片光明,但俾人影到佢同「超富婆」煙韌後就被失蹤。好多人話馬尾妹係為咗錢,但關仁聽馬尾妹身邊朋友講,其實馬尾妹都唔係冇投入真愛,之前佢出活動,不時匿埋一角玩電話,有人仲望到佢個WhatsApp,超富婆叫馬尾妹做「老婆」,馬尾妹回覆寫住「老公」,當正自己結埋婚咁,同一般情侶無異,sweet到爆。

「馬尾妹」= 馬棻
「超富婆」= 汪子奇
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1137#
發表於 13-12-2 09:23 |只看該作者
關仁隱事:「撻生魚」抄韓星扮潮

近呢幾年韓風吹得好勁,好多香港年輕人都已經放棄香港藝人,轉軚支持韓星。唔少香港藝人見啲韓星咁受歡迎,好似「豬龍」仲成為潮流icon,所以啲地頭蟲就即刻跟風有樣學樣,好似近來「撻生魚」就抄足豬龍,除咗一身打扮之外,連啲髮型同一頭唔同顏色都抄到足,fans可能受落,但係唔少行內人都喺背後取笑撻生魚,話佢唔知醜學人扮韓星,不過難得佢自我沉醉繼續發夢就算啦。

「豬龍」= JUNO
「撻生魚」= 易滴撻

點評

agneskk  豬龍=志龍=G. Dragon  發表於 13-12-30 11:06
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1138#
發表於 13-12-2 09:32 |只看該作者
關仁隱事:「妙藥」大牌激嬲導演

有位喺美國返嚟嘅導演「老黃」想開拍五蛇,其中一蛇想搵紅星「妙藥」做,點知妙藥話可以演,但佢覺得拍五蛇唔好,太分散,叫老黃改拍一蛇,老黃聽完成肚氣,明明係五蛇,點都冇可能變得一蛇,結果佢放棄搵妙藥,但呢部戲成本太貴,結果到𠵱家都未齊資金拍。影壇都有個笑話,就係如果妙藥同「牛蛙」合作拍部戲就一定好精采,因為兩個人對戲份、排名、海報大細、剪接權都鍾意爭,到時唔知邊個會爭贏!

「老黃」= ??
「五蛇」= ??
「妙藥」= 因子單
「牛蛙」= 牛華
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1139#
發表於 13-12-3 09:27 |只看該作者
關仁隱事:「巨鵰」遲到累人等

「巨鵰」喺娛樂圈地位高人一等,加上輩份高,人人都要畀番兩分薄面佢,尤其巨鵰最近難得出山接工作,公關梗係安排多啲工作畀佢老人家,等佢多啲機會亮相啦!
點知巨鵰果然有大牌風範,有次遲到遲咗粒幾鐘,仲要嚟到先慢慢化妝整頭,搞到排喺後面嘅工作冇時間完成,公關叫苦連天,不過冇人敢同佢詐型,事關巨鵰雖然衰遲到,但對人好禮貌,就算對住工作人員都唔擺款,唯一就係咁多年都戒唔到遲到囉。

「巨鵰」= 爐海彭
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1140#
發表於 13-12-4 15:43 |只看該作者
關仁隱事:「老爺」冇獎發爛渣

今屆台灣嘅論劍又曲終人散,賽果令人喜出望外,一班諗住有機會嘅港星好似「皇帝」、「老爺」同「皇氣」,最後都唔夠地頭蟲「沉默的羔羊」鬥,唔只佢哋接受唔到賽果,當時佢哋對住鏡頭自然交足戲,不過鏡頭後佢哋塊面黑過非洲黑人,特別係諗住好大機會坐正嘅老爺。會後唔知係咪成班港星夾埋,定係真係太㷫全部都冇去到大會嘅慶功。事後唔只一位港星話,有「裂股」一日揸旗論劍,一日都唔會再出席喎。

「皇帝」、「老爺」同「皇氣」= 梁朝偉 張家輝 梁家輝
「沉默的羔羊」= 你康生
「裂股」= ??
很想知道,追夢的人是如何踏出第一步?

首頁

尾頁

跳至
Presslogic Logo
Baby Kingdom Logo